sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ab jo ik hasrat-e-javaanii hai
umr-e-raftaa kii ye nishaanii hai

(This yearning for youth that I now have
is but a relic/sign of my past life/bygone time)

Khaak thii maujazan jahaa.N me.n, aur
ham ko dhokaa ye thaa ke paanii hai

(The world raised waves of dust/ashes
and I took it to be a ocean)

giriyaa har vaqt kaa nahii.n behech
dil me.n ko_ii Gam-e-nihaanii hai

(My weeping is not without reason
there must be some grief hidden in my heart)

ham qafas zaad qaidii hai.n varanaa
taa chaman parafashaanii hai

(We are prisoners who are fond of our cages
For the garden is but a wing's beat away)

yaa.N huye 'Meer' ham baraabar-e-Khaak
vaa.N vahii naaz-o-sargiraanii hai

[sarfraz_qamar]

Re: sarfraz chouhdary,s most wanted

sher ke parde me.n mai.n ne Gam sunaayaa hai bahut
marsiye ne dil ko mere bhii rulaayaa hai bahut

[marsiyaa = elegy/song of mourning]

vaadii-o-kohasar me.n rotaa huu.N dhaa.De maar-maar
dilbaraan-e-shahar ne mujh ko sataayaa hai bahut

[vaadii = valley; kohasar = mountain; dhaa.De maar-maar ke ronaa = to cry very loudly]

vaa nahii.n hotaa kisii se dil giriftaa ishq kaa
zaahiraa Gam-gii.n use rahanaa Khush aayaa hai bahut

[vaa = open; zaahiraa = in reality/in fact; Gam-gii.n = sad/drowned in sorrow]


A qataah:

phuul, gul, shams-o-qamar saare hii the
par hame.n un me.n tumhii.n bhaaye bahut

'Meer' se puuchhaa jo mai.n aashiq ho tum
ho ke kuchh chupake se sharmaaye bahut

[sarfraz_qamar]

Re: sarfraz chouhdary,s most wanted

mere sarakash taraane sun ke duniyaa ye samajhatii hai
ki shaayad mere dil ko ishq ke naGmo.n se nafarat hai

[sarakash = filled with revolutionary fire]

mai.n shaayar huu.N mujh fitarat ke nazzaaro.n se ulfat hai
meraa dil dushman-e-naGmaa-saraa_ii ho nahii.n sakataa

[dushman-e-naGmaa-saraa_ii = enemy of/against singing]

Sahir's poetry is replete with love, often unrequited . However, the melancholy
of Meer is nowhere to be seen. There are numerous allusions to his beloved's
beauty but without the blatant sensuousness of Firaq.

It will be our attempt to provide all the facets of Sahir's poetry through his nazms.
We hope we succeed in our endeavour.


Mataa-e-Gair (Belonging to someone else)

mere Khvaabo.n ke jharoko.n ko sajaane vaalii
tere Khvaabo.n me.n kahii.n meraa guzar hai ki nahii.n
puuchhakar apanii nigaaho.n se bataade mujhako
merii raato.n kii muqaddar me.n sahar hai kii nahii.N

[muqaddar = fate; sahar = dawn]

chaar din kii ye rafaaqat jo rafaaqat bhii nahii.n
umr bhar ke liye aazaar huii jaatii hai
zi.ndagii yuu.n to hameshaa se pareshaan-sii thii
ab to har saa.Ns giraa.N_baar huii jaatii hai

[rafaaqat = company/closeness; aazaar = illness; giraa.N_baar = unbearable]

merii uja.Dii huii nii.ndo.n ke shabistaano.n me.n
tuu kisii Khvaab ke paikar kii tarah aaii hai
kabhii apanii sii kabhii Gair nazar aatii hai
kabhii iKhalaas kii muurat kabhii harajaaii hai

[shabistaan = a place to pass the night/a place of dreams;]
[paikar = body/form]

pyaar par bas to nahii.n hai meraa lekin phir bhii
tuu bataa de ki tujhe pyaar karuu.N yaa na karuu.N
tuune Khud apane tabassum se jagaayaa hai ji.nhe.n
un tamannaao.n ka izahaar karuu.N yaa na karuu.N

[tabassum = smile;]

tuu kisii aur ke daaman kii kalii hai lekin
merii raate.n terii Khushbuu se basii rahatii hai.n
tuu kahii.n bhii ho tere phuul se aariz kii qasam
terii palake.n merii aa.Nkho.n pe jhukii rahatii hai.n

[aariz = cheeks]

tere haatho.n kii haraarat tere saa.Nso.n kii mahak
tairatii rahatii hai ehasaas kii pahanaa_ii me.n
Dhuu.NDhatii rahatii hai.n taKha_iil kii baa.Nhe.n tujhako
sard raato.n kii sulagatii hu_ii tanahaa_ii me.n

[haraarat = warmth; pahanaa_ii = expanse; taKha_iil = imagination]

teraa altaaf-o-karam ek haqiiqat hai magar
ye haqiiqat bhii haqiiqat me.n fasaanaa hii na ho
terii maanuus nigaaho.n kaa ye mohataat payaam
dil ke Khuu.N karane kaa ek aur bahaanaa hii na ho

[altaaf-o-karam = kindness, benevolence; maanuus = loving]

kaun jaane merii imroz kaa fardaa kyaa hai
qurbate.n baD ke pashemaan bhii ho jaatii hai
dil ke daaman se lipaTatii hu_ii ra.ngii.n nazare.n
dekhate dekhate a.njaan bhii ho jaatii hai

[imroz = today; fardaa = future; qurbat = closeness; pashemaan = ashamed]

merii daramaa.Ndaa javaanii kii tamannaao.n ke
muzmahil Khvaab kii taabiir bataa de mujhako
tere daaman me.n gulistaa.N bhii hai, viiraane bhii
meraa haasil merii taqdiir bataa de mujhako

[daramaa.Ndaa = helpless; muzmahil = hopeless/disappointed]
[taabiir = result (of); haasil = due/reward]

[sarfraz_qamar]

Re: sarfraz chouhdary,s most wanted

yuu.N sajaa chaa.Nd ki jhalakaa tere a.ndaaz kaa ra.ng
yuu.N fazaa mahakii ki badalaa mere hamaraaz kaa ra.ng

saayaa-e-chashm me.n hairaa.N ruKh-e-raushan kaa jamaal
surKhii-e-lab pe pareshaa.N terii aavaaz kaa ra.ng

bepiye ho.n ki agar lutf karo aaKhir-e-shab
shiishaa-e-may me.n Dhale subah ke aaGaaz kaa ra.ng

cha.ngo-nay ra.ng pe the apane lahuu ke dam se
dil ne lay badalii to madham huaa har saaz kaa ra.ng

[cha.ng= a type of musical instrument; nat = flute]

ik suKhan aur ki phir ra.ng-e-takallum teraa
harf-e-saadaa ko inaayat kare ejaaz kaa ra.ng

[takallum = conversation; ejaaz = miracle]


This ghazal is from Faiz's compilation "Sar-e-Vaadi-e-Seenaa".

[sarfraz_qamar]

[sarfraz_qamar]

Re: sarfraz chouhdary,s most wanted

terii ummiid teraa i.ntazaar jab se hai
na shab ko din se shikaayat na din ko shab se hai

kisii kaa dard ho karate hai.n tere naam raqam
gilaa hai jo bhii kisii se terii sabab se hai

huaa hai jab se dil-e-naasabuur beqaabuu
kalaam tujhase nazar ko ba.Dii adab se hai

[naasabuur = impatient]

agar sharar hai to bha.Dake, jo phuul hai to khile
tarah tarah kii talab tere ra.ng-e-lab se hai

kahaa.N gaye shab-e-furqat ke jaaganevaale
sitaaraa-e-sahar ham-kalaam kab se hai

[sarfraz_qamar]

Re: sarfraz chouhdary,s most wanted

kuchh pahale in aa.Nkho.n aage kyaa kyaa na nazaaraa guzare thaa
kyaa raushan ho jaatii thii galii jab yaar hamaaraa guzare thaa

the kitane achchhe log ki jinako apane Gam se fursat thii
sab puuchhe.n the ahavaal jo ko_ii dard kaa maaraa guzare thaa

[ahavaal = condition]

ab ke to Khizaa.N aisii Thaharii vo saare zamaane bhuul gaye
jab mausam-e-gul har phere me.n aa aa ke dubaaraa guzare thaa

thii yaaro.n kii bahutaat to ham aGayaar se bhii bezaar na the
jab mil baiThe to dushman kaa bhii saath gavaaraa guzare thaa

[aGayaar = strangers]

ab to haath sujhaa_ii na deve lekin ab se pahale to
aa.nkh uThate hii ek nazar me.n aalam saaraa guzare thaa

[sarfraz_qamar]

Re: sarfraz chouhdary,s most wanted

bahut milaa na milaa zi.ndagii se Gam kyaa hai
mataa-e-dard baham hai to besh-o-kam kyaa hai

ham ek umr se vaaqif hai.n ab na samajhaao
ke lutf kyaa hai mere meharabaa.N sitam kyaa hai

kare na jag me.n alaav to sher kis maqasad
kare na shahar me.n jal-thal to chashm-e-nam kyaa hai

ajal ke haath ko_ii aa rahaa hai paravaanaa
na jaane aaj kii feharist me.n raqam kyaa hai

sajaao bazm Gazal gaao jaam taazaa karo
bahut sahii Gam-e-getii sharaab kam kyaa hai

[sarfraz_qamar]

Re: sarfraz chouhdary,s most wanted

vafaa ke shiish mahal me.n sajaa liyaa mai.n ne
vo ek dil jise patthar banaa liyaa mai.n ne

ye soch kar ki na ho taak me.n Khushii ko_ii
Gamo.n ki oT me.n Khud ko chhupaa liyaa mai.n ne

kabhii na Khatm kiyaa mai.n ne roshanii kaa muhaaz
agar chiraaG bujhaa, dil jalaa liyaa mai.n ne

[muhaaz = procession]

kamaal ye hai ki jo dushman pe chalaanaa thaa
vo tiir apane kaleje pe khaa liyaa mai.n ne

'Qateel' jisakii adaavat me.n ek pyaar bhii thaa
us aadamii ko gale se lagaa liyaa mai.n ne

[sarfraz_qamar]

Re: sarfraz chouhdary,s most wanted

tum puchho aur mai.n na bataauu.N aise to haalaat nahii.n
ek zaraa saa dil TuuTaa hai aur to ko_ii baat nahii.n

kis ko Khabar thii sa.Nvale baadal bin barase u.D jaate hai.n
saavan aayaa lekin apanii qismat me.n barasaat nahii.n

maanaa jiivan me.n aurat ek baar mohabbat karatii hai
lekin mujhako ye to bataa de kyaa tuu aurat zaat nahii.n

Khatm huaa meraa afasaanaa ab ye aa.Nsuu po.Nchh bhii lo
jis me.n ko_ii taaraa chamake aaj kii raat vo raat nahii.n

mere Gam-gii.n hone par ahabaab hai.n yo.n hairaan "Qateel"
jaise mai.n patthar huu.N mere siine me.n jazbaat nahii.n

[sarfraz_qamar]

Re: sarfraz chouhdary,s most wanted

vo dil hii kyaa tere milane kii jo duaa na kare
mai.n tujh ko bhuul ke zi.ndaa rahuu.N Khudaa na kare

rahegaa saath teraa pyaar zi.ndagii ban kar
ye aur baat merii zi.ndagii vafaa na kare

ye Thiik hai nahii.n marataa ko_ii judaa_ii me.n
Khudaa kisii se kisii ko judaa na kare

sunaa hai us ko mohabbat duaae_N detii hai
jo dil pe choT to khaaye magar gilaa na kare

zamaanaa dekh chukaa hai parakh chukaa hai use
"Qateel" jaan se jaaye par iltijaa na kare

[sarfraz_qamar]

Re: sarfraz chouhdary,s most wanted

kiyaa hai pyaar jise hamane zi.ndagii kii tarah
vo aashanaa bhii milaa hamase ajanabii kii tarah

ba.Daa ke pyaas merii us ne haath chho.D diyaa
vo kar rahaa thaa muravvat bhii dillagii kii tarah

kise Khabar thii ba.Degii kuchh aur taariikii
chhupegaa vo kisii badalii me.n chaa.Ndanii kii tarah

kabhii na sochaa thaa hamane "Qateel" us ke liye
karegaa ham pe sitam vo bhii har kisii kii tarah

[sarfraz_qamar]

Re: sarfraz chouhdary,s most wanted

yo.n lage dost teraa mujhase Khafaa ho jaanaa
jis tarah phuul se Khushbuu kaa judaa ho jaanaa

ahal-e-dil se ye teraa tark-e-ta'alluq
vaqt se pahale asiiro.n kaa rihaa ho jaanaa

[tark-e-ta'alluq = breaking off the acquaintanceship/relationship]
[asiir = prisoner]

yo.n agar ho to jahaa.N me.n ko_ii kaafir na rahe
mo'ajuzaa tere vaade kaa vafaa ho jaanaa

[mo'ajuzaa = miracle]

Note: This word is often pronounced as "mojezaa" as in the famous
Qateel Shifai ghazal "ye mojezaa bhii muhabbat kabhii dikhaaye mujhe"


zi.ndagii mai.n bhii chaluu.Ngaa tere piichhe-piichhe
tuu mere dost kaa naqsh-e-kaf-e-paa ho jaanaa

[naqsh-e-kaf-e-paa = footprints]

jaane vo kaun sii kaifiyat-e-Gam_Khvaarii hai
mere piite hii "Qateel" us ko nashaa ho jaanaa

[sarfraz_qamar]

Re: sarfraz chouhdary,s most wanted

jo bhii gu.nchaa tere hoTho.n par khilaa karataa hai
vo merii ta.ngii-e-daamaa.N kaa gilaa karataa hai

[gu.nchaa = flower bud; ta.ng = shortness/lack of breadth]

der se aaj meraa sar hai tere zaano.n par
ye vo rutbaa hai jo shaaho.n ko milaa karataa hai

mai.n to baiThaa huu.N dabaaye huye tuufaano.n ko
tuu mere dil ke dha.Dakane kaa gilaa karataa hai

raat yo.n chaa.Nd ko dekhaa hai nadii me.n raksaa.N
jaise jhuumar tere maathe pe hilaa karataa hai

[raksaa.N = dancing]

kaun kaafir tujhe ilzaam-e-taGaaful degaa
jo bhii karataa hai muhabbat kaa gilaa karataa hai

[ilzaam = accusation; taGaaful = neglect]

[sarfraz_qamar]

Re: sarfraz chouhdary,s most wanted

phir is a.ndaaz se bahaar aa_ii
ke huye mehar-o-maah tamaashaa_ii

[mehar-o-maah = sun and moon]

dekho ai sakinaan-e-khittaa-e-Khaak
is ko kahate hai.n aalam-aaraa_ii

[sakinaan-e-khittaa-e-Khaak = dwellers of this earth]
[aalaam = world; aaraa_ii = ornament]

ke zamii.n ho ga_ii hai sar taa sar
ruukash-e-satahe charKhe minaa_ii

[sar taa sar = infinite]
[ruukash-e-satah-e-charKh-e-minaa_ii = a sky full of stars]

sabze ko jab kahii.n jagah na milii
ban gayaa ruu-e-aab par kaa_ii