sarfraz chouhdary,s most wanted

[sarfraz_qamar]

Re: sarfraz chouhdary,s most wanted

tum mere paas raho
mere qaatil, mere dildaar, mere paas raho
jis gha.Dii raat chale
aasamaano.n kaa lahuu pii kar siyah raat chale
marham-e-mushk liye nashtar-e-almaas chale
bain karatii hu_ii, ha.Nsatii hu_ii, gaatii nikale
dard kii kaasanii paazeb bajaatii nikale
jis gha.Dii siino.n me.n Duubate huye dil
aastiino.nme.n nihaa.N haatho.n kii rah takane nikale
aas liye
aur bachcho.n ke bilakhane kii tarah qul-qul-e-may
bahr-e-naasuudagii machale to manaaye na mane
jab ko_ii baat banaaye na bane
jab na ko_ii baat chale
jis gha.Dii raat chale
jis gha.Dii maatamii, sun-saan, siyah raat chale
paas raho
mere qaatil, mere dildaar, mere paas raho

[sarfraz_qamar]

Re: sarfraz chouhdary,s most wanted

Khud dil me.n rah ke aa.Nkh se pardaa kare ko_ii
haa.N! lutf jab hai, paa ke bhii Dhuu.nDaa kare ko_ii

tum ne to hukm-e-tark-e-tamannaa sunaa diyaa
kis dil se aah! tark-e-tamannaa kare ko_ii

[hukm-e-tark-e-tamannaa = order to give up one's desire]

duniyaa laraz ga_ii dil-e-hasarat-nasiib kii
is tarah saaz-e-aish na chhe.Daa kare ko_ii

[laraz jaanaa = to shake; dil-e-hasarat-nasiib = heart filled with desire; saaz
= music/tune]

mujhako ye aarazuu vo uThaaye.n naqaab Khud
un ko ye i.ntazaar, taqaazaa kare ko_ii

[sarfraz_qamar]

Re: sarfraz chouhdary,s most wanted

zamaanaa yaad teraa, ai dil-e-naakaam aataa hai
Tapak pa.Date hai.n aa.Nsuu, jab vafaa kaa naam aataa hai

[naakaam = failed/unsuccessful]

vafaa tum se kare.nge, dukh sahe.nge, naaz uThaaye.nge
jise aataa hai dil denaa, use har kaam aataa hai

akele karavaTe.n hai.n raat bhar , bistar pe aur ham hai.n
kahaa.N pahaluu ko Khaalii dekh kar aaraam aataa hai

hasiino.n me.n basar kar dii javaanii 'Arzoo' hamane
lagaanaa dil kaa siikhe hai.n, yahii ik kaam aataa hai

[sarfraz_qamar]

Re: sarfraz chouhdary,s most wanted

ham dahar ke is viiraane me.n jo kuchh bhii nazaaraa karate hai.n
ashko.n kii zabaa.Nme.n kahate hai.n aaho.n se ishaaraa karate hai.n

[dahar = world]

ai mauj-e-balaa, unako bhii zaraa do-chaar thape.De halke se
kuchh log abhii tak saahil se tuufaa.N kaa nazaaraa karate hai.n

[mauj = wave; balaa = calamity; saahil = river-side]

** Perhaps one of the rare instances a lover explicitly asks
for something bad to happen to his 'mehboob', even though
the poet has tried o soften it by qualifying the 'thape.De' with
'halke se'**

kyaa jaaniye kab ye paap kaTe kyaa jaaniye vo din kab aaye
jis din ke liye is duniyaa me.n kyaa kuchh na gavaaraa karate hai.n

[gavaaraa = to bear/tolerate]

[sarfraz_qamar]

Re: sarfraz chouhdary,s most wanted

ye dil kabhii na muhabbat me.n kaamayaab huaa
mujhe Kharaab kiyaa, aap bhii Kharaab huaa

ajal me.n, ziist me.n turabat me.n, hashr me.n zaalim
tere sitam ke liye mai.n hii intaKhaab huaa

[ajal = death; ziist = life; turabat = grave; hashr = day of judgement; intaKhaab = selected]

nigaah-e-mast ko saaqii kii kaun de ilzaam
meraa nasiib ki rusavaa meraa shabaab huaa

[shabaab = youth (this is one of those words for which no word in English seems adequate)]

hamaare ishq kii das-biis ne bhii daad na dii
kisii kaa husn zamaane me.n intaKhaab huaa

fanaa kaa daavaa hazaaro.n ko thaa zamaane me.n
habaab ne mujhe dekhaa to aab-aab huaa

[habaab(hubaab) = bubble; aab = water]

[sarfraz_qamar]

Re: sarfraz chouhdary,s most wanted

aaj kisii ne baato.n baato.n me.n, jab un kaa naam liyaa
dil ne jaise Thokar khaa_ii, dard ne ba.Dakar thaam liyaa

ghar se daaman jha.D ke nikale, vahashat kaa saamaan na puuchh
yaanii gard-e-raah se hamane, raKht-e-safar kaa kaam liyaa

[vahashat = fear/anxiety; gard-e-raah = dirt of the street; raKht-e-safar = things needed on a journey]

diivaaro.n ke saaye-saaye, umr bitaa_ii diivaane
muft me.n tanaasaani-e-Gam kaa apane par ilzaam liyaa

[tanaasaani-e-Gam = to carry the burden of sorrow]

raah-e-talab me.n chalate chalate, thank ke jab ham chuur huye
zulf kii Tha.nDii chaa.Nv me.n baiThe, pal do pal aaraam liyaa

[raah-e-talab = path of desire/want]

ho.nTh jale.n yaa siinaa sulage, ko_ii taras kab khaataa hai
jaam usii kaa jisane 'TabaaN', jur'at se kuchh kaam liyaa

[jur'at = boldness]

[sarfraz_qamar]

Re: sarfraz chouhdary,s most wanted

mumkin nahii.n ki bazm-e-tarab phir sajaa sakuu.N
ab ye bhii hai bahut ki tumhe.n yaad aa sakuu.N

[bazm-e-tarab = gathering of happiness]

ye kyaa tilism hai ki terii jalvaagaah se
nazadiik aa sakuu.N na kahii.n duur jaa sakuu.N

[tilism = magic; jalvaa = to appear; gaah = place]

zauq-e-nigaah aur bahaaro.n ke darmiyaa.N
parde gire hai.n vo, ki na jinako uThaa sakuu.N

[zauq = tasteful]



[mutamu_in = satisfied; ahal-e-chaman = residents of the garden]

terii hasii.n fizaa me.n mere ai naye vatan
aisaa bhii hai koii, jise apanaa banaa sakuu.N

[fizaa = environment]

[sarfraz_qamar]

Re: sarfraz chouhdary,s most wanted

aisaa lagataa hai zi.ndagii tum ho
ajanabii jaise ajanabii tum ho

ab ko_ii aarazuu nahii.n baakii
justajuu merii aaKhirii tum ho

mai.n zamii.n par ghanaa a.Ndheraa huu.N
aasamaano.n kii chaa.Ndanii tum ho

dosto.n se vafaa kii ummiide.n
kis zamaane ke aadamii tum ho

[sarfraz_qamar]

Re: sarfraz chouhdary,s most wanted

vo nahii.n milataa mujhe isakaa gilaa apanii jagah
usake mere daramiyaa.N kaa faasalaa apanii jagah

[gilaa = complaint; daramiyaa.N = between; faasalaa = distance]

zi.ndagii ke is safar me.n saika.Do.n chehare mile
dil-kashii unakii alag, paikar teraa apanii jagah

[paikar = form/body]

tujhase milakar aane vaale kal se nafarat mol lii
ab kabhii tujhase na bichha.Duu.N ye duaa apanii jagah

is musalsal dau.D me.n hai ma.nzile.n aur faasale
paa.Nv to apanii jagah hai.n raastaa apanii jagah

[musalsal = continuous]

[sarfraz_qamar]

Re: sarfraz chouhdary,s most wanted

tere ishq kii intahaa chaahataa huu.N
merii saadagii dekh kyaa chaahataa huu.N

[intahaa = limit; saadagii = simplicity]

sitam ho ki ho vaadaa-e-behijaabii
ko_ii baat sabr-aazamaa chaahataa huu.N

[vaadaa-e-behijaabii = promise to be unveiled]
[sabr-aazamaa = testing the patience]

ye jannat mubaarak rahe zaahido.n ko
ki mai.n aap kaa saamanaa chaahataa huu.N

[jannat = heaven; zaahid = a person belonging to a higher plane of existence]

ko_ii dam kaa mehamaa.N huu.N ai ahal-e-mahafil
chiraaG-e-sahar huu.N, bujhaa chaahataa huu.N

[sarfraz_qamar]

Re: sarfraz chouhdary,s most wanted

aise hijr ke mausam pag pag aate hai.n
tere alaavaa yaad hame.n sab aate hai.n

[hijr = separation; alaavaa = apart from/except]

jaagatii aa.Nkho.n se bhii dekho duniyaa ko
Khvaabo.n kaa kyaa hai vo har sab aate hai.n

ab ke safar kii baat nahin baaqii varanaa
ham ko bulaaYen dasht se vo jab aate hai.n

kaaGaz kii kashtii me.n dariyaa paar kiyaa
dekho ham ko kyaa-kyaa karatab aate hai.n

[sarfraz_qamar]

Re: sarfraz chouhdary,s most wanted

us kii hasarat hai jise dil se miTaa bhii na sakuu.N
Dhuu.NDhane us ko chalaa huu.N jise paa bhii na sakuu.N

meharbaa.N hoke bulaa lo mujhe chaaho jis vaqt
mai.v gayaa vaqt nahii.n huu.N ke phir aa bhii na sakuu.N

Daal kar Khaak mere Khuu.N pe qaatil ne kahaa
kuchh ye me.nha.ndii nahii.n merii ke chhupaa bhii na sakuu.N

zauf me.n taa naye aGiyaar kaa shikvaa kyaa hai
baat kuchh sar to nahii.n hai ke uThaa bhii na sakuu.N

zabt kambaKht ne aur aake galaa gho.NTaa hai
ke use haal sunaauu.N to sunaa bhii na sakuu.N

zahar milataa hii nahii.n mujhako sitamagar varanaa
kyaa qasam hai tere milane kii ke khaa bhii na sakuu.N

us ke pahaluu me.n jo le jaake sulaa duu.N dil ko
nii.nd aisii use aaye ke jagaa bhii na sakuu.N

[sarfraz_qamar]

Re: sarfraz chouhdary,s most wanted

ye inaayate.n Gazab kii, ye balaa kii meharabaanii
merii Khairiyat bhii puuchhii kisii aur kii zubaanii

meraa Gam rulaa chukaa hai tujhe bikharii zulf vaale
ye ghaTaa bataa rahii hai ki baras chukaa hai paanii

**the imagery created by such simple words is very nice**

teraa husn so rahaa thaa merii chhe.D ne jagaayaa
vo nigaah mai.n ne Daalii ki sa.Nvar ga_ii javaanii

merii bezubaan aa.Nkho.n se gire hai.n cha.nd katare
vo samajh sake to aa.Nsuu na samajh sake to paanii

[sarfraz_qamar]

Re: sarfraz chouhdary,s most wanted

jab bhii aatii hai terii yaad kabhii shaam ke baad
aur ba.D jaatii hai afsuurdaa-dilii shaam ke baad

[afsurdaadilii = disappointment of the heart]

ab iraado.n pe bharosaa hai na taubaa pe yakii.n
mujh ko le jaaye kahaa.N tashnaa_labii shaam ke baad

[tashnaalabii = thirst]

yuu.N to har lamhaa terii yaad kaa bojhal guzaraa
dil ko mahasuus hu_ii terii kamii shaam ke baad


yuu.N to kuchh shaam se pahale bhii udaasii thii 'Adeeb'
ab to kuchh aur ba.Dii dil kii lagii shaam ke baad

[sarfraz_qamar]

Re: sarfraz chouhdary,s most wanted

kaun kahataa hai mohabbat kii zubaa.N hotii hai
ye haqiiqat to nigaaho.n se bayaa.N hotii hai

vo na aaye to sataatii hai Khalish sii dil ko
vo jo aaye to Khalish aur javaa.N hotii hai

ruuh ko shaad kare dil ko jo puranuur kare
har nazaare me.n ye ta.nviir kahaa.N hotii hai

[shaad = happy; puranuur = illuminate; ta.nviir = light/radiance]

zabt-e-sailaab-e-mohabbat ko kahaa.N tak roke
dil me.n jo baat ho aa.Nkho.n se ayaa.N hotii hai

[zabt = tolerance/forebearance; sailaab = flood; ayaa.N = apparent/clear]

zi.ndagii ek sulagatii sii chitaa hai "Sahir"
sholaa ba.ntii hai na ye bujh ke dhuaa.N hotii hai