sarfraz chouhdary,s most wanted

[sarfraz_qamar]

Re: sarfraz chouhdary,s most wanted

husn-e-beparavaah ko Khud_bib-o-Khudaaraa kar diyaa
kyaa kiyaa mai.n ne ki izahaar-e-tamannaa kar diyaa

ba.D gayii.n tumase to milakar aur bhii betaabiyaa.N
ham ye samajhe the ki ab dil ko shakebaa kar diyaa

pa.Dake teraa Khat mere dil kii ajab haalat huii
iztaraab-e-shauq ne ek hashr barpaa kar diyaa

ham rahe yaa.N tak terii khidmat me.n sargarm-e-nayaaz
tujhako aaKhir aashanaa-e-naz-e-bejaa kar diyaa

ab nahii.n dil ko kisii suurat kisii pahaluu qaraar
is nighat-e-naaz ne kyaa sahir aisaa kar diyaa

ishq se tere ba.De kyaa kyaa dilo.n ke martabe
mahr zarro.n ko diyaa qatro.n ko dariyaa kar diyaa

terii mahafil se uThaataa Gair mujhako kyaa majaal
dekhataa thaa mai.n ki tuune bhii ishaaraa kar diyaa

sab Galat kahate the lutf-e-yaar ko wajah-e-sukuun
dard-e-dil is ne to 'Hasrat' aur duunaa kar diyaa

[sarfraz_qamar]

Re: sarfraz chouhdary,s most wanted

arde parde me.n aataab achchhe nahii.n
aise a.ndaaz-e-hijaab achchhe nahii.n

mayakade me.n ho gaye chup-chaap kyo.n
aaj kuchh mast-e-sharaab achchhe nahii.n

ai falak kyaa hai zamaane kii bisaat
dam-ba-dam ke i.nqalaab achchhe nahii.n

bazm-e-vaa_iz be-sharaan achchhe nahii.n
aise jalase be-sharaab achchhe nahii.n

taubaa kar le.n ham may-o-maashuuq se
be-mazaa hai.n ye savaab achchhe nahii.n

ik najuumii "Daag" se kahataa thaa aaj
aap ke din ai janaab achchhe nahii.n

[sarfraz_qamar]

Re: sarfraz chouhdary,s most wanted

jazb-e-kaamil ko asar apanaa dikhaa denaa thaa
mere pahaluu me.n u.nhe.n laa ke biThaa denaa thaa

kuchh to denaa thaa tere taGaaful kaa javaab
yaa Khudaa ban ke tujhe dil se bhulaa denaa thaa

tair-e-jaa.N ke sivaa kisako banaate qaasid
us sitamgar ko paiGaam-e-qazaa denaa thaa

dard mohataaj-e-davaa ho ye sitam hai yaa rab
jab diyaa thaa to kuchh is se bhii savaa denaa thaa

vo jo biga.De to Khafaa tum bhii hue kyo.n "Hasrat"
paa-e-nakhuvat pe sar-e-shauq jhukaa denaa thaa

[sarfraz_qamar]

Re: sarfraz chouhdary,s most wanted

phir shab-e-Gam ne mujhe shakl dikhaa_ii kyo.nkar
ye balaa ghar se nikaalii hu_ii aa_ii kyo.nkar

tuu ne kii Gair se merii buraa_ii kyo.nkar
gar na thii dil me.n to lab par tere aa_ii kyo.nkar

tum dilaazaar-o-sitam_gar nahii.n mai.n ne maanaa
maan jaayegii ise saarii Khudaa_ii kyo.nkar

aa_iinaa dekh ke vo kahane lage aap hii aap
aise achchho.n kii kare ko_ii buraa_ii kyo.nkar

kasarat-e-ranj-o-alam sun ke ye ilzaam milaa
itane se dil me.n hai itano.n kii samaa_ii kyo.nkar

daaG kal tak to du_aa aap kii maqabuul na thii
aaj muu.Nh maa.Ngii muraad aap ne paa_ii kyo.nkar

[sarfraz_qamar]

Re: sarfraz chouhdary,s most wanted

kaise chhupaauu.N raaz-e-Gam diidaa-e-tar ko kyaa karuu.N
dil kii tapish ko kyaa karuu.N soz-e-jigar ko kyaa karuu.N

shorish-e-aashiqii kahaa.N aur merii saadagii kahaa.N
husn ko tere kyaa kahuu.N apanii nazar ko kyaa kahuu.N

Gam kaa na dil me.n ho guzar vasl kii shab ho yuu.N basar
sab ye qubuul hai magar Khauf-e-sahar ko kyaa karuu.N

haal meraa thaa jab butar tab na hu_ii tumhe.n Khabar
baad mere huaa asar ab mai.n asar ko kyaa karuu.N

[sarfraz_qamar]

Re: sarfraz chouhdary,s most wanted

hire raah se vo yahaa.N aate aate
ajal merii rahii tuu kahaa.N aate aate


[ajal=death]


mujhe yaad karane se ye muddaa thaa
nikal jaaye dam hichakiyaa.N aate aate


kalejaa mere muu.Nh ko aayegaa ik din
yuu.N hii lab pe aah-o-fuuGaN aate aate


[kalejaa=heart; aah-o-fuuGaN=cry of distress]


natiijaa na nikalaa thake sab payaamii
vahaa.N jaate jaate yahaa.N aate aate


[payaamii=messenger]


nahii.n khel ai "Daag" yaaro.n se kah do
ke aatii hai urduu zubaa.N aate aate

[sarfraz_qamar]

Re: sarfraz chouhdary,s most wanted

phir bhii hai tumako masihaa_ii kaa daavaa dekho
mujhako dekho, mere marane kii tamannaa dekho

jurm-e-nazzaaraa pe kaun itanii Khushaamad karataa
ab vo ruuThe hai.n lo aur tamaashaa dekho

do hii din me.n vo baat hai na vo chaah na pyaar
ham ne pahale hi ye tum se na kahaa thaa dekho

ham na kahate the banaavaT se hai saaraa Gussaa
ha.Ns ke lo phir vo u.nho.n ne hame.n dekhaa dekho

mastii-e-husn se apanii bhii nahii.n tum ko Khabar
kyaa suno araz merii, haal meraa kyaa dekho

ghar se har vaqy nikal aate ho khole hue baal
shaam dekho na merii jaan saveraa dekho

Khaanaa-e-jaa.N me.n namudaar hai ek paikar-e-nuur
hasarato aao ruKh-e-yaar kaa jalvaa dekho

saamane sab ke munaasin nahii.n ham par ye itaab
sar se Dhal jaaye na Gusse me.n dupaTTaa dekho

mar miTe ham to kabhii yaad bhii tum ne na kiyaa
ab muhabbat kaa na karanaa kabhii daavaa dekho

dosto tark-e-muhabbat kii nasiihat hai fazuul
aur na maano to dil-e-zaar ko samajhaa dekho

sar kahii.n baal kahii.n haath kahii.n paa.No kahii.n
us kaa sonaa bhii hai kis shaan kaa sonaa dekho

ab vo shoKhii se ye kahate hai.n sitamagar jo hai.n ham
dil kisii aur se kuchh roz bahalaa dekho

havas-e-diid miTii hai na miTegii "Hasrat"
dekhane ke liye chaaho u.nhe.n jitanaa dekh

[sarfraz_qamar]

Re: sarfraz chouhdary,s most wanted

ukaaratii hai Khaamoshii merii fugaa.N kii tarah
nigaahe.n kahataii hai.n sab raaz-e-dil zubaa.N kii tarah


jalaa ke daaG-e-muhabbat ne dil ko Khaak kiyaa
bahaar aa_ii mere baaG me.n Khizaa.N kii tarah


talaash-e-yaar me.n chho.Dii na sar-zamii.n ko_ii
hamaare paa.Nv me.n chakkar hai.n aasmaa.N kii tarah


adaa-e-matlab-e-dil hamase siikh jaaye ko_ii
u.nhe.n sunaa hii diyaa haal daastaa.n kii tarah

[sarfraz_qamar]

Re: sarfraz chouhdary,s most wanted

kabhii mujh ko saath lekar, kabhii mere saath chal kar
vo badal gaye achaanak merii zindagii badal kar

huye jis pe meharabaa.N tum ko_ii Khush_nasiib hogaa
merii hasarate.n to nikalii.n mere aa.Nsuuo.n me.n Dhal ke

terii zulf-o-ruKh ke qurbaa.N dil-e-zaar Dhuu.NDhataa hai
vahii champa_ii ujaale vahii surama_ii dhu.ndalake

ko_ii phuul ban gayaa hai ko_ii chaa.Nd ko_ii taaraa
jo chiraaG bujh gaye hai.n terii a.njuman me.n jal ke

mere dosto Khudaaraa mere saath tum bhii Dhuu.NDo
vo yahii.n kahii.n chhupe hai.n mere Gam kaa ruKh badal ke

terii bejhijhak ha.Nsii se na kisii kaa dil ho mailaa
ye nagar hai aa_iino.n kaa yahaa.N saa.Ns le sambhal ke

[sarfraz_qamar]

Re: sarfraz chouhdary,s most wanted

ranj kii jab guftaguu hone lagii
aap se tum tum se tuu hone lagii


chaahiye paiGaamabar dono taraf
lutf kyaa jab duu-ba-duu hone lagii


[paiGaamabar=messenger; duu-ba-duu=ruu-ba-ruu]


merii rusawaaii kii naubat aa gaii
unakii shoharat quu-ba-quu hone lagii


[rusawaaii=badanaamii; quu-ba-quu=galii-galii]


naazir ba.D gaii hai is qadar
aarazuu kii aarazuu hone lagii


[naazir=seeing observant]


ab to mil kar dekhiye kyaa rang ho
phir hamaarii justajuu hone lagii


'DaaG' itaraaye hue phirate hai.n aap
shaayad unakii aabaruu hone lagii

[sarfraz_qamar]

Re: sarfraz chouhdary,s most wanted

nazar fareb-e-kazaa khaa ga_ii to kyaa hogaa
hayaat maut se Takaraa ga_ii to kyaa hogaa


[fareb-e-kazaa=illusion of death]


na_ii sahar ke bahut log mu.ntazir hai.n magar
na-ii sahar bhii kajalaa ga_ii to kyaa hogaa


na rahanumaao.n kii majalis me.n le chalo mujhako
mai.n be-adab huu.N ha.Nsii aa ga_ii to kyaa hogaa


Gam-e-hayaat se beshaq hai Khudakushii aasaa.N
magar jo maut bhii sharmaa ga_ii to kyaa hogaa


shabaab-e-laalaa-o-gul ko pukaaranevaalo.n
Khizaa.N-sirisht bahaar aa ga+ii to kya hogaa


[shabaab-e-laalaa-o-gul=beauty of flowers]
[Khizaa.N-e-sirisht=in the form of fall/winter]


ye fikr kar ki is aasuudagii ke dhoke me.n
terii Khudii ko bhii maut aa ga_ii to kyaa hogaa


[aasuudagii=contentment

Khushii chinii hai to Gam kaa bhii aitamaad na kar
jo ruuh Gam se bhii ukataa ga_ii to kyaa hogaa

[sarfraz_qamar]

Re: sarfraz chouhdary,s most wanted

purasish-e-Gam kaa shukriyaa, kyaa tujhe aagahii nahii.n
tere baGair zindagii dard hai, zindagii nahii.n


[aagahii=knowledge]


daur thaa ek guzar gayaa, nashaa thaa ek utar gayaa
ab vo muqaam hai jahaa.N shikvaa-e-beruKhii nahii.n


tere sivaa karuu.N pasa.nd kyaa terii qaayanaat me.n
dono.n jahaa.N kii ne_amate.n, qiimat-e-ba.ndagii nahii.n


laakh zamaanaa zulm Dhaaye, vaqt na vo Khudaa dikhaaye
jab mujhe ho yaqii.n ki tuu haasil-e-zindagii nahii.n


dil kii shaguftagii ke saath raahat-e-mayakadaa ga_ii
fursat-e-mayakashi to hai, hasarat-e-mayakashii ga_ii


[shaguftagii=to bloom]


zaKhm pe zaKhm khaake jii, apane lahuu ke ghuu.NT pii
aah na kar, labo.n ko sii, ishq hai dillagii nahii.n


dekh ke Khushk-o-zard phuul, dil hai kuchh is tarah maluul
jaise terii Khizaa.N ke baad, daur-e-bahaar hii nahii.n

[sarfraz_qamar]

Re: sarfraz chouhdary,s most wanted

sirf ashk-o-tabassum me.n ulajhe rahe
hamane dekhaa nahii.n zindagii kii taraf


raat Dhalate jab unakaa Khayaal aa gayaa
Tik-Tikii ba.Ndh ga_ii chaa.Ndanii kii taraf


kaun saa jurm hai,kyaa sitam ho gayaa
aa.Nkh agar uTh ga_ii, aap hii kii taraf


jaane vo multafit ho.n kidhar bazm me.n
aa.Nsuuo.n kii taraf yaa ha.Nsii kii taraf

[sarfraz_qamar]

Re: sarfraz chouhdary,s most wanted

yuu.N na mil mujh se Khafaa ho jaise
saath chal mauj-e-sabaa ho jaise


log yuu.N dekh kar ha.Ns dete hai.n
tuu mujhe bhuul gayaa ho jaise


ishq ko shirk kii had tak na ba.Daa
yuu.N na mil hamase Khudaa ho jaise


maut bhii aa_ii to is naaz ke saath
mujhape ehasaan kiyaa ho jaise


aise a.njaan bane baiThe ho
tum ko kuchh bhii na pataa ho jaise


hichakiyaa.N raat ko aatii hii rahii.n
tuu ne phir yaad kiyaa ho jaise


zindagii biit rahii hai "daanish"
ek bejurm sazaa ho jaise

[sarfraz_qamar]

Re: sarfraz chouhdary,s most wanted

asm-e-ulfat sikhaa gayaa ko_ii
dil kii duniyaa pe chhaa gayaa ko_ii


taa qayaamat kisii tarah na bujhe
aag aisii lagaa gayaa ko_ii


dil kii duniyaa ujaa.D sii kyuu.N hai
kyaa yahaa.N se chalaa gayaa ko_ii


vaqt-e-ruKhsat gale lagaa kar "Daag"
ha.Nsate ha.Nsate rulaa gayaa ko_ii