sarfraz chouhdary,s most wanted

[sarfraz_qamar]

Re: sarfraz chouhdary,s most wanted

baraso.n ke baad dekhaa ik shaKhs dil_rubaa saa
ab zahan me.n nahii.n hai par naam thaa bhalaa saa

abaruu khi.nche khi.nche se aa.Nkhe.n jhukii jhukii sii
baate.n rukii rukii sii lahajaa thakaa thakaa saa

alfaaz the ke jugnuu aavaaz ke safar me.n
ban jaaye jangalo.n me.n jis tarah raastaa saa

Khvaabo.n me.n Khvaab us ke yaado.n me.n yaad us kii
niindo.n me.n ghul gayaa ho jaise ke rat_jagaa saa

pahale bhii log aaye kitane hii zindagii me.n
vo har tarah se lekin auro.n se thaa judaa saa

agalii muhabbato.n ne vo naa_muraadiyaa.N dii.n
taazaa rafaaqato.n se dil thaa Daraa Daraa saa

kuchh ye ke muddato.n se ham bhii nahii.n the roye
kuchh zahar me.n bujhaa thaa ahabaab kaa dilaasaa

phir yuu.N huaa ke saavan aa.Nkho.n me.n aa base the
phir yuu.N huaa ke jaise dil bhii thaa aabalaa saa

ab sach kahe.n to yaaro ham ko Khabar nahii.n thii
ban jaayegaa qayaamat ik vaaqi_aa zaraa saa

tevar the beruKhii ke andaaz dostii ke
vo ajanabii thaa lekin lagataa thaa aashnaa saa

ham dasht the ke dariyaa ham zahar the ke amrit
naahaq thaa zo.Num ham ko jab vo nahii.n thaa pyaasaa

ham ne bhii us ko dekhaa kal shaam ittefaaqan
apanaa bhii haal hai ab logo 'Faraz' kaa saa

[sarfraz_qamar]

Re: sarfraz chouhdary,s most wanted

badan me.n aag sii cheharaa gulaab jaisaaa hai
ke zahar-e-Gam kaa nashaa bhii sharaab jaisaa hai

kahaa.N vo kurb ke ab to ye haal hai jaise
tere firaaq kaa aalam bhii Khvaab jaisaa hai

magar kabhii ko_ii dekhe ko_ii pa.Dhe to sahii
dil aa_iinaa hai to cheharaa kitaab jaisaa hai

vo saamane hai magar tishnagii nahii.n jaatii
ye kyaa sitam hai ke dariyaa saraab jaisaa hai

'Faraz' sang-e-malaamat se zaKhm zaKhm sahii
hame.n aziiz hai Khaanaa_Kharaab jaisaa hai

[sarfraz_qamar]

Re: sarfraz chouhdary,s most wanted

hotii hai tere naam se vahashat kabhii kabhii
bar_ham hu_ii hai yuu.N bhii tabiiyat kabhii kabhii

dil ko kahaa.N nasiib ye taufiiq-e-iztiraab
milatii hai zindagii me.n ye raahat kabhii kabhii

josh-e-junuu.N me.n dard kii tuGayaaniyo.n ke saath
ashko.n me.n Dhal ga_ii terii suurat kabhii kabhii


tere qariib rah ke bhii dil mutama_iin na thaa
guzarii hai mujh pe bhii ye qayaamat kabhii kabhii

kuchh apanaa hosh thaa na tumhaaraa Khayal thaa
yuu.N bhii guzar ga_ii shab-e-furqat kabhii kabhii

[sarfraz_qamar]

Re: sarfraz chouhdary,s most wanted

miTTii kii imaarat saayaa dekar miTTii me.n ham_vaar hu_ii
viiraanii se ab kaam hai aur viiraanii kis kii yaar hu_ii

Dar-Dar ke qadam yuu.N rakhataa huu.N Khvaabo.n ke saharaa me.n
ye reg abhii zanjiir banii ye chaa.Nv abhii diivaar hu_ii

har pattii bojhil ho ke girii sab shaaKhe.n jhuk kar TuuT ga_ii.n
us baarish hii se fasal uja.Dii jis baarish se taiyaar hu_ii

ab ye bhii nahii.n hai bas me.n ke ham phuulo.n kii Dagar par lauT chale.n
jis raah_guzar par chalanaa hai vo raah_guzar talavaar hu_ii

chhuutii hai zaraa jab tan ko havaa chubhate hai.n rago.n me.n kaa.NTe.n se
sau baar Khizaa.N aa_ii hogii mahasuus magar is baar hu_ii

vo naale hai.n betaabii ke chiiKh uThataa hai sannaaTaa bhii
ye dard kii shab maaluum nahii.n kab tak ke liye bedaar hu_ii

[sarfraz_qamar]

Re: sarfraz chouhdary,s most wanted

phirate hai.n kab se dar_ba_dar ab is nagar ab us nagar
ek duusare ke ham_safar mai.n aur merii aavaaragii
naa aashanaa har rah_guzar naa mehar_baa.N hai ek nazar
jaaye.n to ab jaaye.n kidhar mai.n aur merii aavaaragii

ham bhii kabhii aabaad the aise kahaa.N bar_baad the
bifikr the aazaad the masaruur the dil_shaad the
vo chaal aisi chal gayaa ham bujh gaye dil jal gayaa
nikale jalaa ke apanaa ghar mai.n aur merii aavaaragii

vo maah-e-vash vo maah-e-ruuh vo maah-e-kaamil huu_ba_huu
thii.n jis kii baate.n kuu_ba_kuu us se ajab thii guftaguu
phir yuu.N huaa vo kho ga_ii aur mujh ko zid sii ho ga_ii
laaye.nge us ko Dhuu.ND kar mai.n aur merii aavaaragii

ye dil hii thaa jo sah gayaa vo baat aisii kah gayaa
kahane ko phir kyaa rah gayaa ashko.n kaa dariyaa bah gayaa
jab kah kar vo dil_bar gayaa tee liye mai.n mar gayaa
rote hai.n us ko raat bhar mai.n aur merii aavaaragii

[sarfraz_qamar]

Re: sarfraz chouhdary,s most wanted

duniyaa kisii ke pyaar me.n jannat se kam nahii.n
ik dil_rubaa hai dil me.n jo huuro.n se kam nahii.n

tum baad_shaah-e-husn ho husn-e-jahaan ho
jaan-e-vafaa ho aur muhabbat kii shaan ho
jalve tumhaare husn ke taaro.n se kam nahii.n

bhuule se muskuraao to motii baras pa.De
palke uThaa ke dekho to kaliyaa.N bhii ha.Ns pa.De
Khushbuu tumhaarii zulf kii phuulo.n se kam nahii.n

[sarfraz_qamar]

Re: sarfraz chouhdary,s most wanted

aadamii aadamii se milataa hai
dil magar kam kisii se milataa hai

bhuul jaataa huu.N mai.n sitam us ke
vo kuchh is saadagii se milataa hai

aaj kyaa baat hai ke phuulo.n kaa
rang terii ha.Nsii se milataa hai

mil ke bhii jo kabhii nahii.n milataa
TuuT kar dil usii se milataa hai

kaar-o-baar-e-jahaa.N sa.Nvarate hai.n
hosh jab beKhudii se milataa hai

[sarfraz_qamar]

Re: sarfraz chouhdary,s most wanted

ajanabii apane qadamo.n ko roko zaraa
jaanatii huu.N tumhaare liye Gair huu.N
phir bhii Thaharo zaraa
sunate jaao ye ashko.n bharii daastaa.N
saath lete chalo ye mujassim fuGaa.N

aaj duniyaa me.n meraa ko_ii bhii nahii.n
merii ammii nahii.n
mere abbaa nahii.n
merii aapaa nahii.n
mere nanhe se maasuum bhaiyaa nahii.n
merii ismat kii maGruur kirane.n nahii.n
vo gharondaa nahii.n jis ke saaye tale
loriyo.n ke tarannum ko sunatii rahii
phuul chunatii rahii
giit gaatii rahii
msukuraatii rahii
aaj kuchh bhii nahii.n

[sarfraz_qamar]

Re: sarfraz chouhdary,s most wanted

jab aadamii ke peT me.n aatii hai.n roTiyaa.N
phuulii nahii.n badan me.n samaaatii hai.n roTiyaa.N
aa.Nkhe.n parii_ruKho.n se la.Daatii hai.n roTiyaa.N
siine uupar bhii haath chalaatii hai.n roTiyaa.N

jitane maze hai.n sab ye dikhaatii hai.n roTiyaa.N

roTii se jis kaa naak talak peT hai bharaa
karataa phire hai kyaa vo uchhal kuud jaa ba jaa
diivaar phaa.Nd kar ko_ii koThaa uchhal gayaa
ThaaThTha ha.Nsii sharaab sanam saaqii is sivaa

sau sau tarah kii dhuum machaatii hai.n roTiyaa.N

jis jaa pe haa.NDii chuulhaa tavaa aur tanuur hai
Khaaliq ke qudarato.n kaa usii jaa zahuur hai
chuulhe ke aage aa.Nch jo jalatii hazuur hai
jitane hai.n nuur sab me.n yahii Khaas nuur hai

[sarfraz_qamar]

Re: sarfraz chouhdary,s most wanted

ret se but na banaa ai mere achchhe fan_kaar

ek lamhe ko Thahar mai.n tujhe patthar laa duu.N
mai.n tere saamane ambaar lagaa duu.N lekin
kaun se rang kaa patthar tere kaam aayegaa
surKh patthar jise dil kahatii hai bedil duniyaa
yaa vo pattharaa_ii hu_ii aa.Nkh kaa niilaa patthar
jis me.n sadiyo.n ke tahayyur ke pa.De ho.n Dore

kyaa tujhe ruuh ke patthar kii zaruurat hogii
jis pe haq baat bhii patthar kii tarah giratii hai
ik vo patthar hai jise kahate hai.n tahaziib-e-safed
us ke mar_mar me.n siyah Khuun jhalak jaataa hai
ik insaaf kaa patthar bhii to hotaa hai magar
haath me.n teshaa-e-zar ho to vo haath aataa hai

jitane mayaar hai.n is daur ke sab patthar hai.n
sher bhii raqs bhii tasviir-o-ginaa bhii patthar
mere ilhaam teraa zahan-e-rasaa bhii patthar
is zamaane me.n har fan kaa nishaa.N patthar hai
haath patthar hai.n tere merii zubaa.N patthar hai
ret se but na banaa ai mere achchhe fan_kaar

[sarfraz_qamar]

Re: sarfraz chouhdary,s most wanted

ret par likh ke meraa naam miTaayaa na karo
aa.Nkhe.n sach bolatii hai.n pyaar chupaayaa na karo

log har baat kaa afsaana banaa lete hai.n
sab ko haalaat kii rudaad sunaayaa na karo

ye zaruurii nahii.n har shaKhs masiihaa hii ho
pyaar ke zaKhm amaanat hai.n dikhaayaa na karo

shahar-e-ehasaas me.n pattharaav bahut hai.n 'Mohsin'
dil ko shiishe ke jharo.nkho.n me.n sajaayaa na karo

[sarfraz_qamar]

Re: sarfraz chouhdary,s most wanted

kisii kalii ne bhii dekhaa na aa.Nkh bhar ke mujhe
guzar ga_ii jaras-e-gul udaas kar ke mujhe

mai.n so rahaa thaa kisii yaad ke shabistaa.N me.n
jagaa ke chho.D gaye qaafile sahar ke mujhe

mai.n ro rahaa thaa muqaddar kii saKht raaho.n me.n
u.Daa ke le gayaa jaaduu terii nazar kaa mujhe

mai.n terii dard kii tuGiyaaniyo.n me.n Duub gayaa
pukaarate rahe taare ubhar ubhar ke mujhe

[sarfraz_qamar]

Re: sarfraz chouhdary,s most wanted

hijr kii shab naalaa-e-dil vo sadaa dene lage
sunane vaale raat kaTane kii duaa dene lage

kis nazar se aap ne dekhaa dil-e-majaruuh ko
zaKhm jo kuchh bhar chale the phir havaa dene lage

juz zamiin-e-kuu-e-jaanaa.N kuchh nahii.n pesh-e-nigaah
jis kaa daravaazaa nazar aayaa sadaa dene lagaa

baaG_baa.N ne aag dii jab ashiyaane ko mere
jin pe takiyaa thaa vahii patte havaa dene lage

muTThiyo.n me.n Khaak lekar dost aaye vaqt-e-dafn
zindagii bhar kii muhabbat kaa silaa dene lage

aa_iinaa ho jaaye meraa ishq un ke husn kaa
kyaa mazaa ho dard agar Khud hii davaa dene lage

[sarfraz_qamar]

Re: sarfraz chouhdary,s most wanted

kuchh is adaa se milate ho jaanaa.N kabhii kabhii
kaa.NTe bhii lagane lagate hai.n kaliyaa.N kabhii kabhii

shaayad ke naaKhudaa ko bhii logo Khabar na thii
ruKh apanaa mo.D detaa hai tuufaa.N kabhii kabhii

kuchh yuu.N lagaa ki husn sitaaro.n me.n ghir gayaa
dekhii jo un kii maa.Ng me.n afshaa.N kabhii kabhii

dil par lagii jo choT to jii bhar ke ro liye
yuu.N bhii kiyaa hai dard kaa daramaa.N kabhii kabhii

naadaa.N ho is qadar tumhe.n ye bhii Khabar nahii.n
chalataa hai masalahat se bhii insaa.N kabhii kabhii

tum un ko kyaa kahoge jo jhuuThii anaa ke saath
dekhe gaye libaas me.n uriyaa.N kabhii kabhii

[sarfraz_qamar]

Re: sarfraz chouhdary,s most wanted

zindagii kii raunaq ko yuu.N sajaanaa pa.Dataa hai
dard sahanaa pa.Dataa hai Gam chhupaanaa pa.Dataa hai

dil kii har tamannaa ko umr bhar ke armaa.N ko
masalahat ke chauKhaT par bhuul jaanaa pa.Dataa hai

jo havaa se bikhare.nge us gulo.n ko dekho to
har sabaa ke jho.nke pe jhuul jaanaa pa.Dataa hai

kis liye tumhe.n 'Khursheed' justajuu-e-tuufaa.N hai
ishq me.n to saahil pe Duub jaanaa pa.Dataa hai