sarfraz chouhdary,s most wanted

[sarfraz_qamar]

Re: sarfraz chouhdary,s most wanted

raat kii besukuu.N Khamoshii me.n
ro rahaa huu.N ki so nahii.n sakataa
raahato.n ke mahal banaataa hai
dil jo aabaad ho nahii.n sakataa
]

duur shama-e-Khayaal ke maanind
shama vaadii kii jhil_milaatii hai
yaas ke beqaraa.N andhere me.n
ek umiid muskuraatii hai

]

duur parabat ke paas char_vaahaa
kho gayaa Gam_fazaa taraano.n me.n
bain karatii hai ruuh-e-zaKhm_aaluud
baa.Nsurii kii nahiif taano.n me.n

[sarfraz_qamar]

Re: sarfraz chouhdary,s most wanted

ishq me.n jii ko sabr-o-taab kahaa.N
us se aa.Nkhe.n lagii.n to Khvaab kahaa.N

bekalii dil hii kii tamaashaa hai
barq me.n aise izteraab kahaa.N

hastii apanii hai biichh me.n pardaa
ham na hove.n to phir hijaab kahaa.N

giriyaa-e-shab se surKh hai.n aa.Nkhe.n
mujh balaa nosh ko sharaab kahaa.N

ishq hai aashiqo.n ko jalane ko
ye jahannum me.n hai azaab kahaa.N

mahv hai.n is kitaabii chehare ke
aashiqo.n ko sar-e-kitaab kahaa.N

ishq kaa ghar hai 'Meer' se aabaad
aise phir Khaanaamaa.N_Kharaab kahaa.N

[sarfraz_qamar]

Re: sarfraz chouhdary,s most wanted

yaa to miT jaaiiye yaa miTaa diijiye
kiijiye jab bhii saudaa kharaa kiijiye

ab jafaa kiijiye yaa vafaa kiijiye
aaKharii vaqt hai bas duaa kiijiye

apane chehare se zulfe.n haTaa diijiye
aur phir chaa.Nd kaa saamanaa kiijiye

har taraf phuul hii phuul khil jaaye.nge
aap aise hii ha.Nsate rahaa kiijiye

aap kii ye ha.Nsii jaise ghuu.Ngaruu baje
aur qayaamat hai kyaa ye bataa diijiye

[sarfraz_qamar]

Re: sarfraz chouhdary,s most wanted

ye maanaa zindagii hai chaar din kii
bahut hote hai.n yaaro chaar din bhii

Khudaa ko paa gayaa vaa_iz magar hai
zaruurat aadamii ko aadamii kii

milaa huu.N muskuraa ke us se har baar
magar aa.Nkho.n me.n bhii thii kuchh namii sii

** Can someone verify the above sher? **

muhabbat me.n kahe.n kyaa haal dil kaa
Khushii hii kaam aatii hai na Gam hii

bharii mahafil me.n har ek se bachaakar
terii aa.Nkho.n ne mujh se baat kar lii

la.Dakapan kii adaa hai jaan_levaa
Gazab kii chhokarii hai haath_bhar kii

raqiib-e-Gam_zadaa ab sabr kar le
kabhii us se merii bhii dostii thii

[Nisa*]

Re: sarfraz chouhdary,s most wanted

bahut achi sharing hay
wasalaam..

[sarfraz_qamar]

Re: sarfraz chouhdary,s most wanted

vaaqa_ii tere is andaaz ko kyaa kahate hai.n
na vafaa kahate hai.n jis ko na jafaa kahate hai.n


ho jinhe.n shaq vo kare.n aur Khudaao.n kii talaash
ham to insaan ko duniyaa kaa Khudaa kahate hai.n

terii suurat nazar aa_ii terii suurat se alag
husn ko ahal-e-nazar husn_numaa kahate hai.n

shikavaa-e-hijr kare.n kis dil se
ham Khud apane ko bhii apane se judaa kahate hai.n

terii ruudaad-e-sitam kaa hai bayaa.N naamumkin
faayadaa kyaa hai magar yuu.N zaraa kahate hai.n

[sarfraz_qamar]

Re: sarfraz chouhdary,s most wanted

bahut pahale se un qadamo.n kii aahaaT jaan lete hai.n
tujhe ai zindagii ham duur se pahachaan lete hai.n

merii nazare.n bhii aise qaatilo.n kaa jaan-o-imaa.N hai
nigaahe.n milate hii jo jaan aur imaan lete hai.n

tabiyat apanii ghabaraatii hai jab sun_saan raato.n me.n
ham aise me.n terii yaado.n kii chaadar taan lete hai.n

Khud apanaa faisalaa bhii ishq me.n kafii nahii.n hotaa
use bhii kaise kar guzare.n jo dil me.n Thaan lete hai.n

jise suurat bataate hai.n pataa detii hai siirat kaa
ibaarat dekh kar jis tarahaa maanii jaan lete hai.n

tujhe ghaaTaa na hone de.nge kaarobaar-e-ulfat me.n
ham apane sar teraa ai dost har ehasaan lete hai.n

[sarfraz_qamar]

Re: sarfraz chouhdary,s most wanted

thar_tharii sii hai aasamaano.n me.n
zor kuchh to hai naatavaano.n me.n

kitanaa Khaamosh hai jahaa.N lekin
ik sadaa aa rahii hai kaano.n me.n

ko_ii soche to farq kitanaa hai
husn aur ishq ke fasaano.n me.n

maut ke bhii u.De hai.n aksar hosh
zindagii ke sharaab_Khaano.n me.n

jin kii taamiir ishq karataa hai
kaun rahataa hai un makaano.n me.n


inhii.n tinako.n me.n dekh ai bul_bul
bijaliyaa.N bhii hai.n aashiyaano.n me.n

[sarfraz_qamar]

Re: sarfraz chouhdary,s most wanted

gaa.Nv miT jaayegaa shahar jal jaayegaa
zindagii tera cheharaa badal jaayegaa

kuchh likho marsiyaa masanavii yaa Gazal
ko_ii kaaGaz ho paanii me.n gal jaayegaa

ab usii din likhuu.Ngaa dukho.n kii Gazal
jab meraa haath lohe me.n Dhal jaayegaa

mai.n agar muskuraa kar unhe.n dekh luu.N
qaatilo.n kaa iraadaa badal jaayegaa

aaj suuraj kaa ruKh hamaarii taraf
ye badan mom kaa hai pighal jaayegaa

[sarfraz_qamar]

Re: sarfraz chouhdary,s most wanted

kahaa.N vo tay thaa charaaGaa.N har ek ghar ke liye
kahaa.N charaaG mayassar nahii.n shahar ke liye


yahaa.N daraKhto.n ke saaye me.n dhuup lagatii hai
chalo yahaa.N se chale aur umr bhar ke liye

na ho qamiiz to ghuTano.n se peT Dhak le.nge
ye log kitane munaasib hai.n is safar ke liye

Khudaa nahii.n na sahii aadamii kaa Khvaab sahii
ko_ii hasiin nazaaraa to hai nazar ke liye

vo mutama_in hai.n ki patthar pighal nahii.n sakataa
mai.n beqaraar huu.N aavaaz me.n asar ke liye

[sarfraz_qamar]

Re: sarfraz chouhdary,s most wanted

laayegaa rang zabt-e-fuGaa.N dekhate raho
phuTegii har kalii me.n zubaa.N dekhate raho


barpaa sar-e-hayaat hai ik hashr-e-daar-o-giir
detaa hai kaun kis ko amaa.N dekhate raho


dam bhar ko aastaan-e-tamannaa pe hai hujuum
jaaye bichha.D ke kaun kahaa.N dekhate rah

milane ko hai Khaamoshii-e-ahal-e-junuu.N kii daad
uThane ko hai zamii.n se dhuaa.N dekhate raho

[sarfraz_qamar]

Re: sarfraz chouhdary,s most wanted

terii talaash me.n ham jab kabhii nikalate hai.n
ik ajanabii kii tarah raaste badalate hai.n

daraaz ho Gam-e-hijraa.N ki haasil-e-hijraa.N
vo hausale.n hai.n jo aaGosh-e-Gam me.n palate hai.n

ravaa nahii.n hai Gam-e-ishq is qadar bhii Garuur
tere baGair bhii duniyaa ke kaam chalate hai.n

kabhii jo had se ba.Dhii un kii yaad to samajhe
ki un ke dil me.n bhii kuchh val_vale machalate hai.n

shab-e-firaaq kuchh aisii bhii tiiragii to nahii.n
kabhii kabhii sar-e-mizgaa.N charaaG jalate hai.n

[sarfraz_qamar]

Re: sarfraz chouhdary,s most wanted

mujarim huu.N teraa aa mujhe jo chaahe sazaa de
is dil me.n muhabbat kii sanam aag lagaa de

jazbaat kaa dil me.n ko_ii tuufaan uThaa ke
kahate hai.n jise pyaar zamaane ko dikhaa de

duniyaa se kabhii pyaar kaa shikavaa na karuu.Ngaa
le haath me.n Khanjar merii gardan ko u.Daa de

in mast nigaaho.n se sar-e-shaam pilaakar
diivaane ko kuchh aur hii diivaanaa banaa de

ab pyaar kii is raah se kaa.NTo.n ko haTaakar
dushman ko jalaane ke liye phuul bichhaa de

ab husn-e-tajallii se jale 'Baaz' hai teraa
ruKhsaar pe apane zaraa parde ko giraa de

[sarfraz_qamar]

Re: sarfraz chouhdary,s most wanted

chhalak ke kam na ho aisii ko_ii sharaab nahii.n
nigaah-e-nargis-e-r'anaa teraa javaab nahii.n

zamiin jaag rahii hai ki inqalaab hai kal
vo raat hai ko_ii zarraa bhii mahv-e-Khvaab nahii.n

zamii.n us kii falak us kaa qaayanaat us kii
kuchh aisaa ishq teraa Khaanamaa_Kharaab nahii.n

jo tere dard se maharuum hai yahaa.N un ko
Gam-e-jahaa.N bhii sunaa hai ki dastayaab nahii.n

abhii kuchh aur ho insaan kaa lahuu paanii
abhii hayaat ke chehare pe aab-o-taab nahii.n

dikhaa to detii hai behatar hayaat ke sapane
Kharaab ho ke bhii ye zindagii Kharaab nahii.n

[sarfraz_qamar]

Re: sarfraz chouhdary,s most wanted

lab pe paabandii nahii.n ehasaas pe paharaa to hai
phir bhii ahal-e-dil ko ahavaal-e-bashar kahanaa to hai

apanii Gairat bech Daale.n apanaa masalaq chho.D de.n
rah_numaao.n me.n bhii kuchh logo.n ko ye manshaa to hai

hai jinhe.n sab se zyaadaa daavaa-e-hubb-e-vatan
aaj un kii vajah se hubb-e-vatan rusavaa to hai


bujh rahe hai.n ek ek kar ke aqiido.n ke diye
is andhere kaa bhii lekin saamanaa karanaa to hai