sarfraz chouhdary,s most wanted

[sarfraz_qamar]

Re: sarfraz chouhdary,s most wanted

sataa sataa ke hame.n ashk-baar karatii hai
tumhaarii yaad bahut beqaraar karatii hai


vo din jo saath guzaare the pyaar ke hamane
talaash un ko nazar baar baar karatii hai

gilaa nahii.n jo nasiibo.n ne kar diyaa hai judaa
terii judaa_ii bhii ab ham ko pyaar karatii hai


kinaare baiTh ke jis ke kiye the qaul-o-qaraar
nadii vo ab bhii teraa i.ntazaar karatii hai

[sarfraz_qamar]

Re: sarfraz chouhdary,s most wanted

sau baar chaman mahakaa sau baar bahaar aa_ii
duniyaa kii vahii raunaq dil kii vahii tanhaa_ii

har dard-e-muhabbat se ulajhaa hai Gam-e-hastii
kyaa kyaa hame.n yaad aayaa jab yaad terii aa_ii

dekhe hai.n bahut ham ne hangaame muhabbat ke
aaGaaz bhii rusvaa_ii a.njaam bhii rusvaa_ii


ye bazm-e-muhabbat hai is bazm-e-muhabbat me.n
diivaane bhii saudaa_ii farzaane bhii saudaa_ii

[sarfraz_qamar]

Re: sarfraz chouhdary,s most wanted

sau chaa.Nd bhii chamake.nge to kyaa baat banegii
tum aaye to is raat kii auqaat banegii

un se yahii kah aaye ki ham ab na mile.nge
aaKhir ko_ii taqariib-e-mulaaqaat banegii

ye ham se na hogaa ki kisii ek ko chaahe.n
ai ishq! hamaarii na tere saath banegii

hairat kadaa-e-husn kahaa.N hai abhii duniyaa
kuchh aur nikhar le to tilismaat banegii

ye kyaa ke ba.Date chalo ba.Date chalo aage
jab baiTh ke soche.nge to kuchh baat banegii

[sarfraz_qamar]

Re: sarfraz chouhdary,s most wanted

sazaa kaa haal sunaaye jazaa kii baat kare.n
Khudaa milaa ho jinhe.n vo Khudaa kii baat kare.n


unhe.n pataa bhii chale.n aur vo Khafaa bhii na ho
is ehatiyaat se kyaa mudd'aa kii baat kare.n

hamaare ahad kii tahaziib me.n qabaa hii nahii.n
agar qabaa ho to band-e-qabaa kii baat kare.n
]

har ek daur kaa mazhab nayaa Khudaa laayaa
kare.n to ham bhii magar kis Khudaa kii baat kare.n

vafaa_shiyaar ka_ii hai.n ko_ii hasii.n bhii to ho
chalo phir aaj usii bevafaa kii baat kare.n

[sarfraz_qamar]

Re: sarfraz chouhdary,s most wanted

shaam-e-Gam kii qasam
aaj Gam-gii.n hai.n ham
aa bhii jaa aa bhii jaa aaj mere sanam
dil pareshaan hai, raat viiraan hai
dekh jaa kis tarah, aaj tanahaa hai.n ham
shaam-e-Gam kii qasam...


chain kaisaa jo pahaluu me.n tuu hii nahii.n
maar Daale na dard-e-judaa_ii kahii.n
rut hasii.n hai.n to kyaa, chaa.Ndanii hai to kyaa
chaa.Ndanii zulm hai aur judaa_ii sitam
shaam-e-Gam kii qasam...

ab to aajaa ke ab raat bhii so ga_ii
zindagii Gam ke seharaa_o.n me.n kho ga_ii
Dhuu.NDhatii hai nazar, tuu kahaa.N hai.n magar
dekhate dekhate aayaa aa.Nkho.n me.n nam
shaam-e-Gam kii qasam...

[sarfraz_qamar]

Re: sarfraz chouhdary,s most wanted

shaam-e-Gam kuchh us nigaah-e-naaz kii baate.n karo
beKhudii ba.Dhatii chalii hai raaz kii baate.n karo

nakhat-e-zulf-e-pareshaa.N, daastaan-e-shaam-e-Gam
subah hone tak isii a.ndaaz kii baate.n karo


ye sukuut-e-yaas ye dil kii rago.n kaa TuuTanaa
Khaamoshii me.n kuchh shikast-e-saaz kii baate.n karo


har rag-e-dil vazd me.n aatii rahe dukhatii rahe
yuu.N hii us ke jaa-o-bejaa naaz kii baate.b karo

kuchh qafas kii tiiliyo.n se chhan rahaa hai nuur saa
kuchh fazaa kuchh hasarat-e-paravaaz ki baate.n karo

[sarfraz_qamar]

Re: sarfraz chouhdary,s most wanted

shaam se aa.Nkho.n me.n namii sii hai
aaj phir aap kii kamii sii hai

dafn kar do ke hame.n saa.Ns mile
nabz kuchh der se thamii sii hai

[dafn karanaa = to bury; nabz = pulse]

vaqt rahataa nahii.n kahii.n chhup kar
us ki aadat bhii aadamii sii hai

ko_ii rishtaa nahii.n rahaa phir bhii
ek tasliim laazamii sii hai

[sarfraz_qamar]

Re: sarfraz chouhdary,s most wanted

shaayad aaGaaz huaa phir kisii afasaane kaa
hukm aadam ko hai jannat se nikal jaane kaa


un se kuchh kah to rahaa huu.N magar allaah na kare
vo bhii mafahuum na samajhe mere afasaane kaa
[
dekhanaa dekhanaa ye hazarat-e-vaa_iz hii na ho.n
raastaa puuchh rahaa hai ko_ii maiKhaane kaa

beta'alluq tere aage se guzar jaataa huu.N
ye bhii ek husn-e-talab hai tere diivaane kaa

hashr tak garmii-e-ha.ngaamaa-e-hastii hai "Shakeel"
sil-silaa Khatm na hogaa mere afasaane kaa

[sarfraz_qamar]

Re: sarfraz chouhdary,s most wanted

shabaab aayaa kisii but par fidaa hone kaa vaqt aayaa
merii duniyaa me.n ba.nde ke Khudaa hone kaa vaqt aayaa

u.nhe.n dekhaa to zaahid ne kahaa iimaan kii ye hai
ki ab i.nsaan ko sajadaa-ravaa hone kaa vaqt aayaa

takallum kii Khaamoshii kah rahii hai harf-e-matalab se
ki ashk-aamez nazaro.n se adaa hone kaa vaqt aayaa


Khudaa jaane ye hai auj-e-yaqii.n yaa pastii-e-himmat
Khudaa se kah rahaa huu.N naaKhudaa hone kaa vaqt aayaa

hame.n bhii aa pa.Daa hai dosto.n se kaam kuchh yaanii
hamaare dosto.n ke bevafaa hone kaa vaqt aayaa

[sarfraz_qamar]

Re: sarfraz chouhdary,s most wanted

shabanam ke aa.Nsuu phuul par ye to vahii qissaa huaa
aa.Nkhe.n merii bhiigii hu_ii.n cheharaa teraa utaraa huaa

ab in dino.n merii Gazal Khushbuu kii ik tasviir hai
har lafz gu.nche kii tarah khil kar teraa cheharaa huaa

ma.ndir gaye masjid gaye piiro.n fakiiro.n se mile
ik us ko paane ke liye kya kyaa kiyaa kyaa kyaa huaa

[sarfraz_qamar]

Re: sarfraz chouhdary,s most wanted

shamiim-e-zulf-e-yaar aaye na aaye
mere dil ko qaraar aaye na aaye

abhii aayaa hai hosh yaad-e-jaanaa.N
na ta.Dapaa, baar-baar aaye na aaye

chiraaG-e-zindagaanii bujh rahaa hai
vo jaan-e-intazaar aaye na aaye

kiyaa jo tum ne apane dil se puuchho
hamaaraa aitabaar aaye na aaye

nigaah-e-ahal-e-gul_shan kah rahii hai
Khizaa.N jaaye bahaar aaye na aaye

ba.Dhegaa kaaravaa.N manzil-ba-manzil
Gubaar-e-raah_guzar aaye na aaye

[sarfraz_qamar]

Re: sarfraz chouhdary,s most wanted

sher ke parde me.n mai.n ne Gam sunaayaa hai bahut
marsiye ne dil ko mere bhii rulaayaa hai bahut



vaadii-o-kohasar me.n rotaa huu.N dhaa.De maar-maar
dilbaraan-e-shahar ne mujh ko sataayaa hai bahut

vaa nahii.n hotaa kisii se dil giriftaa ishq kaa
zaahiraa Gam-gii.n use rahanaa Khush aayaa hai bahut

[sarfraz_qamar]

Re: sarfraz chouhdary,s most wanted

apane siine se lagaa_e hu_e ummiid kii laash
muddato.n ziist ko naashaad kiyaa hai mai.n ne
tuu ne to ek hii sadame se kiyaa thaa do chaar
dil ko har tarah se barbaad kiyaa hai mai.n ne
jab bhii raaho.n me.n nazar aa_e hariirii malabuus
sard aaho.n se tujhe yaad kiyaa hai mai.n ne


aur ab jab ki merii ruuh kii pahanaa_ii me.n
ek sunasaan sii maGmuum ghaTaa chhaa_ii hai
tuu damakate hu_e aariz kii shuaa_e.N lekar
gul_shudaa shamm_e.N jalaane ko chalii aa_ii hai

[sarfraz_qamar]

Re: sarfraz chouhdary,s most wanted

shikavaa karuu.N mai.n kab tak us apane meharabaa.N kaa
al-qissaa raftaa raftaa dushman huaa hai jaa.N kaa

dii aag ra.ng-e-gul ne vaa.N ai sabaa chaman ko
yaa.N ham jale qafas me.n sun haal aashiyaa.N kaa

har subah mere sar par ik haadisaa nayaa hai
paiva.nd ho zamii.n kaa, shevaa is aasamaa.N kaa

[sarfraz_qamar]

Re: sarfraz chouhdary,s most wanted

shikavaa-e-izataraab kaun kare
apanii duniyaa Kharaab kaun kare

gin to lete hai.n u.ngaliyo.n pe gunaah
rahamato.n kaa hisaab kaun kare

ishq kii talKh kaamiyo.n ke nisaar
zi.ndagii kaamayaab kaun kare


daavat-e-mayakashii un aa.Nkho.n me.n
jurrat-e-izataraab kaun kare