sarfraz chouhdary,s most wanted

[sarfraz_qamar]

Re: sarfraz chouhdary,s most wanted

kuchh duur hamaare saath chalo ham dil kii kahaanii kah de.nge
samajhe na jise tum aa.Nkho.n se vo baat zubaanii kah de.nge

phuulo.n kii tarah jab ho.nTho.n pe ik shoKh tabassum bikharegaa
dhiire se tumhaare kaano.n me.n ik baat puraanii kah de.nge

izhaar-e-vafaa tum kyaa jaano iqraar-e-vafaa tum kyaa jaano
ham zikr kare.nge Gairo.n kaa aur apanii kahaanii kah de.nge


mausam to ba.Daa hii zaalim hai tuufaan uThaataa rahataa hai
kuchh log magar is hal-chal ko bad_mast javaanii kah de.nge

[sarfraz_qamar]

Re: sarfraz chouhdary,s most wanted

duniyaa jise kahate hai.n jaaduu kaa khilonaa hai
mil jaaye to miTTii hai kho jaaye to sonaa hai

achchhaa-saa ko_ii mausam tanhaa-saa ko_ii aalam
har vaqt kaa ronaa to bekaar kaa ronaa hai

barasaat kaa baadal to diivaanaa hai kyaa jaane
kis raah se bachanaa hai kis chhat ko bhigonaa hai

Gam ho ki Khushii dono.n kuchh der ke saathii hai.n
phir rastaa hii rastaa hai ha.Nsanaa hai na ronaa hai

[sarfraz_qamar]

Re: sarfraz chouhdary,s most wanted

har ek aisa jaam ho ke jis pe teraa naam ho
tuu apane naam kii pilaa sharaab laa sharaab de

na dil me.n ko_ii Gam rahe na merii aa.Nkh nam rahe
har ek dard ko miTaa sharaab laa sharaab de

bahut hasiin raat hai teraa hasiin saath hai
nashe me.n kuchh nashaa milaa sharaab laa sharaab de

suruur hai Khumaar hai bahaar hii bahaar hai
magar zara ai dil_ruba sharaab laa sharaab de

[sarfraz_qamar]

Re: sarfraz chouhdary,s most wanted

kyaa Khabar thii ke mai.n is darjaa badal jaa_uu.Ngaa
tujh ko kho duu.Ngaa tere Gam se sambhal jaa_uu.Ngaa

ajanabii ban ke miluu.Ngaa mai.n tujhe mahafil me.n
tuu ne chhe.Dii bhii to mai.n baat badal jaa_uu.Ngaa

Dhuu.NDh paaye na jahaa.N yaad bhii terii mujh ko
aise jangal me.n kisii roz nikal jaa_uu.Ngaa

zid me.n aaye hue maasuum se bachche kii tarah
Khud hii kashtii ko Dubone pe machal jaa_uu.Ngaa

[sarfraz_qamar]

Re: sarfraz chouhdary,s most wanted

aag puurii kahaa.N bujhii hai abhii
diidaa-e-tar me.n tishnagii hai abhii]

dosto.n se chukaa rahaa huu.N hisaab
dushmano.n se kahaa.N Thanii hai abhii

dost kah kar mujhe na de gaalii
dil pe ik zaKhm-e-dostii hai abhii

kaaT de ye bhii Khud_parastii me.n
aur tho.Dii sii zindagii hai abhii

jaane kyo.n kund ho gayaa nashtar
zaKhm kii dhaar to vahii hai abhii

[sarfraz_qamar]

Re: sarfraz chouhdary,s most wanted

ab hai Khushii Khushii me.n na Gam hai malaal me.n
duniyaa se kho gayaa huu.N tumhaare Khayaal me.n

mujh ko na apanaa hosh na duniyaa kaa hosh hai
mast hoke baiThaa huu.N tumhaare Khayaal me.n


taaro.n se puuchh lo merii rudaad-e-zindagii
raato.n ko jaagataa huu.N tumhaare Khayaal me.n


duniyaa ko ilm kyaa hai zamaane ko kyaa Khabar
duniyaa bhulaa chukaa huu.N tumhaare Khayaal me.n

[sarfraz_qamar]

Re: sarfraz chouhdary,s most wanted

un kii ulfat kaa yaqii.n ho un ke aane kii ummiid
ho.n ye dono.n suurate.n tab hai bahaar-e-intazaar

merii aahe.n naa_rasaa merii duaae.n naa_qubuul
yaa ilaahii kyaa karuu.N mai.n sharm_saar-e-intazaar

un ke Khat kii aarazuu hai un ke aamad kaa Khayaal
kis qadar phailaa huaa hai kaarobaar-e-intazaar

[sarfraz_qamar]

Re: sarfraz chouhdary,s most wanted

daalaano.n me.n kamaro.n me.n ulajhaaye huye rakhanaa
kuchh kaam me.n apane ko bahalaaye huye rakhanaa

duniyaa ke masaa_il me.n ulajhaa huaa jab aa_uu.N
tum ghar ke masaa_il ko sulajhaaye huye rakhanaa

sanduuk ke kapa.Do.n ko kuchh dhuup dikhaa denaa
tum sahan me.n jaa.De ko phailaaye huye rakhanaa

mai.n dhuup ke saharaa se jhulasaa huaa aa_uu.Ngaa
shaano.n pe ghaTaao.n ko Thaharaaye huye rakhanaa

ho jaaye.n kabhii shab me.n bachcho.n se bhii do baate.n
pariyo.n kii kahaanii ko doharaaye huye rakhanaa

dhundhalaa na kahii.n kar de kuchh ghar kii pareshaanii
aa_iinaa-e-ruKh apanaa chamakaaye huye rakhanaa

ik umr pe bhii us kaa andaaz vahii 'Anjum'
kamare me.n qadam rakhanaa sharmaaye huye rakhanaa

[sarfraz_qamar]

Re: sarfraz chouhdary,s most wanted

aashiyaa.N jal gayaa gulsitaa.N luT gayaa
ham qafas se nikal kar kidhar jaaye.nge
itane maanuus sayyaad se ho gaye
ab rihaa_ii milegii to mar jaaye.nge

aur kuchh din ye dastuur-e-maiKhaanaa hai
tashnaakaamii ke ye din guzar jaaye.nge
mere saaqii ko nazare.n uThaane to do
jitane Khaalii hai.n sab jaam bhar jaaye.nge

ai nasiim-e-sahar tujh ko un kii qasam
un se jaakar na kahanaa meraa haal-e-Gam
apane miTane kaa Gam to nahii.n hai magar
Dar ye hai un ke gesuu bikhar jaaye.nge

ashk-e-Gam leke aaKhir kahaa.N jaaye.n ham
aa.Nsuo.n kii yahaa.N ko_ii qiimat nahii.n
aap hii apanaa daaman ba.Daa diijiye
varanaa motii zamii.n par bikhar jaaye.nge

[sarfraz_qamar]

Re: sarfraz chouhdary,s most wanted

purkho.n kii rivaayat hai ise tum bhii nibhaao
pyaaso.n ko samandar se bahut duur basaao


yuu.N fikr me.n har shaKhs kii Khud ko na ghulaao
jiinaa hai to phir dil ko bhii patthar kaa banaao


ye yaad rahe zulm kii had hotii hai yaaro
tum ham ko sataao magar itanaa na sataao

har Khvaab-e-kohan tishnaa-e-tasviir hai jab tak
tum ko_ii nayaa Khvaab na logo.n ko dikhaao

[sarfraz_qamar]

Re: sarfraz chouhdary,s most wanted

na kisii kii aa.Nkh kaa nuur huu.N
na kisii ke dil kaa qaraar huu.N
jo kisii ke kaam na aa sake
mai.n vo ek musht-e-Gubaar huu.N ]

meraa rang-ruup biga.D gayaa
meraa yaar mujh se bichha.D gayaa
jo chaman Khizaa.N se uja.D gayaa
mai.n usii kii fasl-e-bahaar huu.N


na to mai.n kisii kaa habiib huu.N
na to mai.n kisii kaa raqiib huu.N
jo biga.D gayaa vo nasiib huu.N
jo uja.D gayaa vo dayaar huu.N

[sarfraz_qamar]

Re: sarfraz chouhdary,s most wanted

shaam se aa.Nkho.n me.n namii sii hai
aaj phir aap kii kamii sii hai

dafn kar do ke hame.n saa.Ns mile
nabz kuchh der se thamii sii hai

vaqt rahataa nahii.n kahii.n chhup kar
us ki aadat bhii aadamii sii hai

ko_ii rishtaa nahii.n rahaa phir bhii
ek tasliim laazamii sii hai

[sarfraz_qamar]

Re: sarfraz chouhdary,s most wanted

musaafir ke raste badalate rahe
muqaddar me.n chalanaa thaa chalate rahe

ko_ii phuul saa haath kaa.Ndhe pe thaa
mere paa.Nv sholo.n pe chalate rahe

mere raaste me.n ujaalaa rahaa
diye us kii aa.Nkho.n ke jalate rahe

vo kyaa thaa jise ham ne Thukaraa diyaa
magar umr bhar haath malate rahe

muhabbat adaavat vafaa beruKhii
kiraaye ke ghar the badalate rahe

sunaa hai unhe.n bhii havaa lag ga_ii
havaao.n ke jo ruKh badalate rahe

lipaT ke charaaGo.n se vo so gaye
jo phuulo.n pe karavaT badalate rahe

[sarfraz_qamar]

Re: sarfraz chouhdary,s most wanted

ye aur baat terii galii me.n na aaye.n ham
lekin ye kyaa ki shahar teraa chho.D jaaye.n ham

muddat hu_ii hai kuu-e-butaa.N kii taraf gaye
aavaaragii se dil ko kahaa.N tak bachaaye.n ham


shaayad ba_qaid-e-ziist ye saa_at na aa sake
tum daastaan-e-shauq suno aur sunaaye.n ham


be_nuur ho chukii hai bahut shahar kii fazaa
taariik raasto.n me.n kahii.n kho na jaaye.n ham

[sarfraz_qamar]

Re: sarfraz chouhdary,s most wanted

saa.Ns lenaa bhii kaisii aadat hai
jiiye jaanaa bhii kyaa ravaayat hai
ko_ii aahaT nahii.n badan me.n kahii.n
ko_ii saayaa nahii.n hai aa.Nkho.n me.n
paa.Nv behis hai.n, chalate jaate hai.n
ik safar hai jo bahataa rahataa hai
kitane baraso.n se, kitanii sadiyo.n se
jiye jaate hai.n, jiye jaate hai.n