sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ubah raato.n me.n bikhar jaatii hai
shaam baaho.n me.n utar jaatii hai

din sulag uThataa hai chandan kii tarah
raat naagan sii lipaT jaatii hai

kisii gumbad kii sadaa kii maanind
fikr ko fikr hii doharaatii hai

qaafile se mujhe rahane do alag
bhii.D me.n ruuh bikhar jaatii hai


laajavantii hai kisii shoKh kii yaad
dil bhii dha.Dake to simaT jaatii hai

Dolii aa.Nkhon kii hai suunii "Hurmat"
niind mahabuub (se/sii?) sharmaatii hai

[sarfraz_qamar]

Re: sarfraz chouhdary,s most wanted

subah-dam yuu.N hii fasurdaa ho gayaa
ai dil-e-naazuk tujhe kyaa ho gayaa



siinaa-e-baranat se sholaa saa uThaa
Gam-zado.n ke dil kaa naGmaa ho gayaa

shukriyaa ai gardish-e-jaam-e-sharaab
mai.n bharii mahafil me.n tanhaa ho gayaa
raat dil ko thaa sahar kaa i.ntazaar
ab ye Gam hai kyo.n saveraa ho gayaa

bujh ga_ii kuchh is tarah shama-e-"Salaam"
jaise ik biimaar achchhaa ho gayaa

[sarfraz_qamar]

Re: sarfraz chouhdary,s most wanted

sun lii jo Khudaa ne vo duaa tum to nahii.n ho
daravaaze pe dastak kii saaa tum to nahii.n ho

simaTii hu_ii sharmaa_ii hu_ii raat kii raanii
so_ii hu_ii kaliyo.n kii hayaa tum to nahii.n ho

mahasuus kiyaa tum ko to giilii hu_ii palke.n
bhiige huye mausam kii adaa tum to nahii.n ho

in ajanabii raaho.n me.n nahii.n ko_ii bhii meraa
kis ne mujhe yuu.N apanaa kahaa tum to nahii.n ho

[sarfraz_qamar]

Re: sarfraz chouhdary,s most wanted

sunaa karo merii jaa.N in se un se afsaane
sab ajanabii hai.n yahaa.N kaun kis ko pahachaane

yahaa.N se jald guzar jaa_o qaafile vaalo
hai.n merii pyaas ke phuu.Nke huye ye viiraane

merii junuun-e-parastish se tang aa gaye log
sunaa hai band kiye jaa rahe hai.n but_Khaane ]

jahaa.N se pichhale pahar ko_ii tashnaakaam uThaa
vahii.n pe to.De hai.n yaaro.n ne aaj paimaane

bahaar aaye to meraa salaam kah denaa
mujhe to aaj talab kar liyaa hai seharaa ne

[sarfraz_qamar]

Re: sarfraz chouhdary,s most wanted

sunane ko bhii.D hai sar-e-mahashar lagii hu_ii
tohamat tumhaare ishq kii ham par lagii hu_ii

rindo.n ke dam se aatish-e-mai ke baGair bhii
hai maikade me.n aag baraabar lagii hu_ii

aabaad kar ke shahar-e-Khamoshaa.N har ek suu
kis khoj me.n hai teG-e-sitam_gar lagii hu_ii


jiite the yuu.N to pahale bhii ham jaa.N pe khel kar
baazii hai ab ye jaan se ba.Dh kar lagii hu_ii

laao to qatl_naamaa meraa mai.n bhii dekh luu.N
kis kis kii muhar hai sar-e-mahazar lagii hu_ii

[sarfraz_qamar]

Re: sarfraz chouhdary,s most wanted

sunate hai.n ki mil jaatii hai har chiiz duaa se
ek roz tumhe.n maa.Ng ke dekhe.nge Khudaa se

tum saamane baiThe ho to hai kaif kii baarish
vo din the jab aag barasatii thii ghaTaa se

ai dil tuu u.nhe.n dekh ke kuchh aise ta.Dapanaa
aa jaaye ha.Nsii un ko jo baiThe hai.n Khafaa se

duniyaa bhii milii hai Gam-e-duniyaa bhii milaa hai
vo kyuu.N nahii.n milataa jise maa.Ngaa thaa Khudaa se

jab kuchh na milaa haath duaao.n ko uThaakar
phir haath uThaane hii pa.De ham ko duaa se

aa_iine me.n vo apanii adaa dekh rahe hai.n
mar jaaye ki jii jaaye koii unakii balaa se

[sarfraz_qamar]

Re: sarfraz chouhdary,s most wanted

suu-e-maikadaa na jaate to kuchh aur baat hotii
vo nigaah se pilaate to kuchh aur baat hotii

go havaa-e-gulasitaa.N ne mere dil kii laaj rakh lii
vo naqaab Khud uThaate to kuchh aur baat hotii

ye bajaa kalii ne khil kar kiyaa gulasitaa.N muattar
magar aap muskuraate to kuchh aur baat hotii

ye khule khule se gesuu, i.nhe.n laakh tuu sa.Nvaare
mere haath se sa.Nvarate, to kuchh aur baat hotii

[sarfraz_qamar]

Re: sarfraz chouhdary,s most wanted

suuraj kii har kiran terii suurat pe vaar duu.N
dozaKh ko chaahataa huu.N ki jannat pe vaar duu.N

itanii sii hai tasallii ki hogaa muqaabalaa
dil kyaa hai jaa.N bhii apanii qayaamat pe vaar duu.N

ik Khvaab thaa jo dekh liyaa niind me.n kabhii
ik niind hai jo terii muhabbat pe vaar duu.N

'Adam' hasiin niind milegii kahaa.N mujhe
phir kyuu.N na zindagaanii ko turbat pe vaar duu.N

[sarfraz_qamar]

Re: sarfraz chouhdary,s most wanted

sundar komal sapano.n kii baaraat guzar ga_ii jaanaa.N
dhuup aa.Nkho.n tak aa pahu.Nchii hai raat guzar ga_ii jaanaa.N

bhor samay tak jis ne hame.n baaham ulajhaaye rakkhaa
vo albelii resham jaisii baat guzar ga_ii jaanaa.N

sadaa kii dekhii raat hame.n is baar milii to chup ke se
Khaalii haath pe rakh ke kyaa sauGaat guzar ga_ii jaanaa.N

kis ko.npal kii aas me.n ab tak vaise hii sar-sabz ho tum
ab to dhuup kaa mausam hai barasaat guzar ga_ii jaanaa.N

log na jaane kin raato.n kii muuraade.n maa.Ngaa karate hai.n
apanii raat to vo jo tere saath guzar ga_ii jaanaa.N

[sarfraz_qamar]

Re: sarfraz chouhdary,s most wanted

cheharaa meraa thaa nigaahe.n us kii
Khaamushii me.n bhii vo baate.n us kii

mere chehare pe Gazal likhatii ga_ii.n
sher kahatii hu_ii aa.Nkhe.n us kii

shoKh lamho.n kaa pataa dene lagii.n
tez hotii hu_ii saa.Nse.n us kii

aise mausam bhii guzaare ham ne
subahe.n jab apanii thii.n shaame.n us kii

dhyaan me.n us ke ye aalam thaa kabhii
aa.Nkh mahataab kii yaade.n us kii

faisalaa mauj-e-havaa ne likkhaa
aa.Ndhiyaa.N merii bahaare.n us kii

nii.nd is soch se TuuTii aksar
kis tarah kaTatii hai.n raate.n us kii

duur rah kar bhii sadaa rahatii hai
mujh ko thaame huye baahe.n us kii

[sarfraz_qamar]

Re: sarfraz chouhdary,s most wanted

Khushbuu hai vo to chhuu ke badan ko guzar na jaaye
jab tak mere vajuud ke andar utar na jaaye


Khud phuul ne bhii ho.nTh kiye apane niim-vaa
chorii tamaam rang kii titalii ke sar na jaay

is Khauf se vo saath nibhaane ke haq me.n hai
khokar mujhe ye la.Dakii kahii.n dukh se mar na jaaye


palko.n ko us kii apane dupaTTe se po.Nch duu.N
kal ke safar me.n aaj kii gard-e-safar na jaaye

mai.n kis ke haath bhejuu.N use aaj kii duaa
qaasid, havaa, sitaaraa ko_ii us ke ghar na jaaye

[sarfraz_qamar]

Re: sarfraz chouhdary,s most wanted

jab vo masaruur nazar aataa hai
har taraf nuur nazar aataa hai


mai.n to maiKhvaar huu.N tuu kyo.n saaqii
nashe me.n chuur nazar aataa hai



qurb se haath uThaayaa mai.n ne
tuu ba.Dii duur nazar aataa hai


mai.n hii tanhaa nahii.n dil ke haatho.n
tuu bhii majabuur nazar aataa hai

[sarfraz_qamar]

Re: sarfraz chouhdary,s most wanted

tujh se mil ke dil me.n rah jaatii hai aramaano.n kii baat
yaad rahatii hai kise saahil pe tuufaano.n kii baat


vo to kahiye aaj bhii zanjiir me.n jhankaar hai
varnaa kis ko yaad rah jaatii hai diivaano.n kii baat


kyaa kabhii hogii kisii kii tuu magar ai zindagii
jaan de kar ham ne rakh lii tere diivaano.n kii baat


bazm-e-anjum ho ke bazm-e-Khaak-taa-bazm-e-Khayaal
jis jagah jaao sunaa_ii degii insaano.n kii baat


phuul se bhii narm-tar 'Wamiq' kabhii apanaa kalaam
aur kabhii talavaar ham aashuftaa_saamaano.n kii baat

[sarfraz_qamar]

Re: sarfraz chouhdary,s most wanted

achchhe isaa ho mariizo.n kaa Khayaal achchhaa hai
ham mare jaate hai.n tum kahate ho haal achchhaa hai

tujh se maa.Nguu.N mai.n tujhii ko ki sab kuchh mil jaaye
sau savaalo.n se yahii ek savaal achchhaa hai

dekh le bul_bul-o-paravaanaa kii betaabii ko
hijr achchhaa na hasiino.n kaa visaal achchhaa hai

aa gayaa us kaa tasavvur to pukaaraa ye shauq
dil me.n jam jaaye ilaahii ye Khayaal achchhaa hai

[sarfraz_qamar]

Re: sarfraz chouhdary,s most wanted

dil meraa jis se bahalataa ko_ii aisaa na milaa
but ke bande to mile allaah kaa bandaa na milaa


bazm-e-yaaraa.N se phirii baad-e-bahaarii maayuus
ek sar bhii use aamaadaa-e-saudaa na milaa


gul ke Khvaahaa.N to nazar aaye bahut itr_farosh
taalib-e-zam_zam-e-bul_bul-e-shaidaa na milaa

vaah kyaa raah dikhaa_ii hame.n murshad ne
kar diyaa kaabe ko gum aur kalisaa na milaa

sayyad uTThe jo gazaT le ke to laakho.n laaye
shaiKh quraan dikhaataa phiraa paisaa na milaa