sarfraz chouhdary,s most wanted

[sarfraz_qamar]

Re: sarfraz chouhdary,s most wanted

un se hame.n kuchh kaam nahii.n hai
dil ko magar aaraam nahii.n hai

merii tabaahii meraa muqaddar
aap pe kuchh ilzaam nahii.n hai

ishq hai aisaa aalam jis me.n
subah nahii.n hai shaam nahii.n hai

husn ke jalve maa.Ngane vaalo
ishq kii daulat aam nahii.n hai


ham ko na apanaa kah ke pukaaro
ye to hamaaraa naam nahii.n hai

itanaa bhii kyaa "Sheri" se takalluf
aisaa to vo badanaam nahii.n hai

[sarfraz_qamar]

Re: sarfraz chouhdary,s most wanted

unake ek jaa.N-nisaar ham bhii hai.n
hai.n jahaa.N sau-hazaar ham bhii hai.n

tum bhii bechain ham bhii hai.n bechain
tum bhii ho beqaraar ham bhii hai.n

ai falaq kah to kyaa iraadaa hai
aish ke Khvaastagaar ham bhii hai.n

shahar khaalii kiye dukaa.N kaisii
ek hii vaadaa-Khvaar ham bhii hai.n

sharm samajhe tere TaGaaful ko
vaah! kyaa hoshiyaar ham bhii hai.n

tum agar apanii Khuu ke ho maashuuq
apane matalab ke yaar ham bhii hai.n

jis ne chaahaa pha.Nsaa liyaa hamako
dil-baro.n ke shikaar ham bhii hai.n

[sarfraz_qamar]

Re: sarfraz chouhdary,s most wanted

us bevafaa kaa shahar hai aur ham hai.n dosto
ashk-e-ravaa.N kii nahar hai aur ham hai.n dosto

shaam-e-aalam Dhalii to chalii dard kii havaa
raato.n kaa pichhalaa pahar hai aur ham hai.n dosto


aa.Nkho.n me.n u.D rahii hai luTii mahafilo.n kii dhuul
ibrat baar-e-dahar hai aur ham hai.n dosto


ye ajanabii sii manzile.n aur raftagaa.N kii yaad
tanhaa_iyo.n kaa zahar hai aur ham hai.n dosto

[sarfraz_qamar]

Re: sarfraz chouhdary,s most wanted

us ne kahaa sun ahad nibhaane kii Khaatir mat aanaa
ahad nibhaanevaale aksar majabuurii yaa
mahajuurii kii thakan se lauTaa karate hai.n
tum jaao aur dariyaa dariyaa pyaas bujhaao
jin aa.Nkho.n me.n Duubo jis dil me.n bhii utaro
merii talab aavaaz na degii
lekin jab merii chaahat aur merii Khvaahish kii lau
itanii tez aur itanii uu.Nchii ho jaa_e
jab dil ro de tab lauT aanaa

[sarfraz_qamar]

Re: sarfraz chouhdary,s most wanted

us ne ruKh se haTaa ke baalo.n ko
raastaa de diyaa ujaalo.n ko


jaate jaate jo mu.D ke dekh liyaa
aur uljhaa diyaa Khayaalo.n ko

ek halkii sii muskuraahaT se
us ne hal kar diyaa savaalo.n ko

mar gaye ham to dekh lenaa "Shafaq"
yaad aaye.nge husn vaalo.n ko

[sarfraz_qamar]

Re: sarfraz chouhdary,s most wanted

usuulo.n pe jahaa.N aa.Nch aaye Thakaraanaa zaruurii hai
jo zindaa ho.n to phir zindaa nazar aanaa zaruurii hai

na_ii umro.n kii Khud_muKhtaariyo.n ko kaun samajhaaye
kahaa.N se bach ke chalanaa hai kahaa.N jaanaa zaruurii hai

thake haare parinde jab basere ke liye lauTe
saliiqaamand shaaKho.n kaa lachak jaanaa zaruurii hai

bahut bebaak aa.Nkho.n me.n ta'alluq Tik nahii.n paataa
muhabbat me.n kashish rakhane ko sharmaanaa zaruurii hai

[sarfraz_qamar]

Re: sarfraz chouhdary,s most wanted

utarii.n ajiib roshaniyaa.N raat Khvaab me.n
kyaa kyaa na aks tair rahe the saraab me.n


kab se hai.n ek harf pe nazare.n jamii.n hu_ii.n
vo pa.Dh rahaa huu.N jo nahii.n likkhaa kitaab me.n


phir tiragii ke Khvaab se chau.Nkaa hai raastaa
phir raushanii-sii dau.D ga_ii hai sahaab me.n


paanii nahii.n ki apane hii chehare ko dekh luu.N
manzar zamii.n ke Dhuu.NDhataa huu.N maahataab me.n

[sarfraz_qamar]

Re: sarfraz chouhdary,s most wanted

haath meraa ai merii parachhaa_ii.n tuu hii thaam le
ek muddat se mujhe to suujhataa kuchh bhii nahii.n

shahar-e-shab me.n kaun-saa ghar thaa na dii jis par sadaa
niind ke andhe musaafir ko milaa kuchh bhii nahii.n

umr bhar umr-e-gurezaa.N se na merii ban sakii
jo kare karatii rahe mai.n puchhataa kuchh bhii nahii.n


vo bhii shaayad ro pa.De viiraan kaaGaz dekh kar
mai.n ne us ko aaKhirii Khat me.n likhaa kuchh bhii nahii.n

[sarfraz_qamar]

Re: sarfraz chouhdary,s most wanted

dekh lo Khvaab magar Khvaab kaa charchaa na karo
log jal jaayenge suuraj kii tamannaa na karo


vaqt kaa kyaa hai kisii pal bhii badal sakataa hai
ho sake tum se to tum mujh pe bharosaa na karo


kirchiyaa.N TuuTe hue aks kii chubh jaayengii
aur kuchh roz abhii aa_iinaa dekhaa na karo


ajanabii lagane lage Khud tumhe.n apanaa hii vajuud
apane din raat ko itanaa bhii akelaa na karo


Khvaab bachcho.n ke khilauno.n kii tarah hote hai.n
Khvaab dekhaa na karo Khvaab dikhaayaa na karo


be-Khayaalii me.n kabhii u.Ngaliyaa.N jal jaayengii
raakh guzare hue lamho.n kii kuredaa na karo

[sarfraz_qamar]

Re: sarfraz chouhdary,s most wanted

zulmat-e-shab me.n ujaalo.n kii tamannaa na karo
Khvaab dekhaa hai to ab Khvaab ko rusvaa na karo


bojh suuraj kaa pa.Degaa to lachak jaaye.ngii
raat kii surma_ii shaaKho.n pe baseraa na karo

Khvaab ummiid nashaa saa.Ns tabasuum aa.Nsuu
TuuTane vaalii kisii shay pe bharosaa na karo


ham ne aa.Nkho.n ko jalaayaa thaa ki kuchh dhundh chhaTe
tum na_ii nasl ke suuraj ho tum aisaa na karo

[sarfraz_qamar]

Re: sarfraz chouhdary,s most wanted

yuu.N na mil mujh se Khafaa ho jaise
saath chal mauj-e-sabaa ho jaise


log yuu.N dekh ke ha.Ns dete hai.n
tuu mujhe bhuul gayaa ho jaise

maut bhii aa_ii to is naaz ke saath
mujh pe ehasaan kiyaa ho jaise

aise anjaan bane baiThe ho
tum ko kuchh bhii na pataa ho jaise

hichkiyaa.N raat ko aatii hii rahii.n
tuu ne phir yaad kiyaa ho jaise

zindagii yuu.N biit rahii hai "Danish"
ek be-jurm sazaa ho jaise

[sarfraz_qamar]

Re: sarfraz chouhdary,s most wanted

dil kaa kyaa hai vo to chaahegaa musalsal milanaa
vo sitamgar bhii magar soche kisii pal milanaa

vahaa.N nahii.n vaqt to ham bhii hai.n adiim-ul-fursat
us se kyaa kahiye jo har roz kahe kal milana


ishq ke raah ke musaafir kaa muqaddar maaluum
dasht-e-ummiid me.n andeshe kaa baadal milanaa


daaman-e-shab ko agar chaak bhii kar le.n to kahaa.N
nuur me.n Duubaa huaa subah kaa aa.Nchal milanaa

[sarfraz_qamar]

Re: sarfraz chouhdary,s most wanted

ham to jaise yahaa.N ke the hii nahii.n
dhuup the saayabaa.N ke the hii nahii.n


raaste kaaravaa.N ke saath rahe
marhale kaaravaa.N ke the hii nahii.n

ab hamaaraa makaan kis kaa hai
ham to apane makaa.N ke the hii nahii.n


in ko aa.Ndhi me.n hii bikharanaa thaa
baal-o-par yahaa.N ke the hii nahii.n


us galii ne ye sun ke sabr kiyaa
jaane vaale yahaa.N ke the hii nahii.n

[sarfraz_qamar]

Re: sarfraz chouhdary,s most wanted

dasht-e-tanhaa_ii me.n ai jaan-e-jahaa.N larzaa.N hai
terii aavaaz ke saaye tere ho.nTho.n ke saraab
dasht-e-tanhaa_ii me.n ai jaan-e-jahaa.N duurii ke Khas-o-Khaak tale
khil rahe hai.n tere pahaluu ke saman aur gulaab

uTh rahii hai kahii.n qurbat se terii saa.Ns kii aa.Nch
apanii Khushbuu me.n sulagatii hu_ii madham madham
duur ufaq par chamakatii hu_ii qatraa qatraa
gir rahii hai terii dildaar nazar kii shabanam

is qadar pyaar se ai jaan-e-jahaa.N rakkhaa hai
dil ke ruKhsaar pe is vaqt terii yaad ne haath
yuu.N gumaa.N hotaa hai garche hai abhii subah-e-firaaq
Dhal gayaa hijr kaa din aa bhii ga_ii vasl kii raat

[sarfraz_qamar]

Re: sarfraz chouhdary,s most wanted

chhoTii sii Galat-fahmii kar degii judaa ham ko
haalaat na badale.nge maaluum naa thaa ham ko



rishto.n kii hame.n itanii pahachaan na thii pahale
kahane ko maraasim to apane the bahut gehare
ashko.n ke sivaa lekin kuchh bhii na milaa ham ko

uThate hue qadamo.n me.n zanjiir sii pa.D jaatii
ehasaas-e-nidaamat se dahaliiz par ga.D jaatii
ik baar muhabbat se dete jo sadaa ham ko