sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ye kis Khalish ne phir is dil me.n aashiyaanaa kiyaa
phir aaj kis ne suKhan ham se Gaayebaanaa kiyaa

Gam-e-jahaa.N ho, ruKh-e-yaar ho ke dast-e-uduu
salook jis se kiyaa hamane aashiqaanaa kiyaa

the Khaak-e-raah bhii ham log qahar-e-tuufaa.N bhii
sahaa to kyaa na sahaa aur kiyaa to kyaa na kiyaa

Khushaa ke aaj har ik mudda_ii ke lab par hai
vo raaz jis ne hame.n raa.Nd-e-zamaanaa kiyaa

vo hiilaagar jo vafaajuu bhii hai jafaaKhuu bhii
kiyaa bhii "Faiz" to kis but se dostaanaa kiyaa

[sarfraz_qamar]

Re: sarfraz chouhdary,s most wanted

ye maanaa zindagii hai chaar din kii
bahut hote hai.n yaaro chaar din bhii

Khudaa ko paa gayaa vaa_iz magar hai
zaruurat aadamii ko aadamii kii

milaa huu.N muskuraa ke us se har baar
magar aa.Nkho.n me.n bhii thii kuchh namii sii

** Can someone verify the above sher? **

muhabbat me.n kahe.n kyaa haal dil kaa
Khushii hii kaam aatii hai na Gam hii

bharii mahafil me.n har ek se bachaakar
terii aa.Nkho.n ne mujh se baat kar lii

la.Dakapan kii adaa hai jaan_levaa
Gazab kii chhokarii hai haath_bhar kii

raqiib-e-Gam_zadaa ab sabr kar le
kabhii us se merii bhii dostii thii

[sarfraz_qamar]

Re: sarfraz chouhdary,s most wanted

ye mujhase puuchhiye kyaa justajuu me.n lazzat hai
fazaa-e-dahar me.n tahaliil ho gayaa huu.N mai.n

haTaake shiishaa-o-saagar hujuum-e-mastii me.n
tamaam arsaa-e-aalam pe chhaa gayaa huu.N mai.n

u.Daa huu.N jab to falak pe liyaa hai dam jaa kar
zamii.n ko to.D gayaa huu.N jo rah gayaa huu.N mai.n

rahii hai Khaak ke zarro.n me.n bhii chamak merii
kabhii kabhii to sitaaro.n me.n mil gayaa huu.N mai.n

samaa gaye merii nazaro.n me.n chhaa gaye dil par
Khayaal karataa huu.N un ko ki dekhataa huu.N mai.n

[sarfraz_qamar]

Re: sarfraz chouhdary,s most wanted

ye raat ye tanhaa_ii
ye dil ke dha.Dakane kii aavaaz
ye sannaaTaa

ye Duubate taaro.n kii
Khaamosh Gazal_Khvaanii
ye vaqt kii palko.n par
sotii hu_ii viiraanii
jazbaat-e-muhabbat kii
ye aaKhirii anga.Daa_ii
bajatii hu_ii har jaanib
ye maut kii shahanaa_ii

sab tum ko bulaate hai.n
pal bhar ko tum aa jaao
band hotii merii aa.Nkho.n me.n
muhabbat kaa
ik Khvaab sajaa jaao

[sarfraz_qamar]

Re: sarfraz chouhdary,s most wanted

ye raaz hai merii zi.ndagii kaa
pahane huye huu.N kafan Khudii kaa

phir nashtar-e-Gam se chhe.Date hai.n
ik tarz hai ye bhii dil dahii kaa

o lafz-o-bayaa.N me.n chhupane vaale
ab qasd hai aur Khaamoshii kaa

maranaa to hai ibtadaa kii ik baat
jiinaa hai kamaal mu.ntahii kaa

haa.N siinaa gulo.n kii tarah kar chaak
de mar ke sabuut zi.ndagii kaa

[sarfraz_qamar]

Re: sarfraz chouhdary,s most wanted

ye saaraa jism jhuk kar bojh se duharaa huaa hogaa
mai.n sajde me.n nahii.n thaa aap ko dhokaa huaa hogaa

yahaa.N tak aate aate suukh jaatii hai.n sabhii nadiyaa.N
mujhe maaluum hai paanii kahaa.N Thaharaa huaa hogaa

Gazab ye hai ki apanii maut kii aahaT nahii.n sunate
vo sab ke sab pareshaa.N hai.n vahaa.N par kyaa huaa hogaa

ka_ii faake bitaakar mar gayaa jo us ke baare me.n
vo sab kahate hai.n ab aisaa nahii.n aisaa huaa hogaa

[sarfraz_qamar]

Re: sarfraz chouhdary,s most wanted

ye shab-e-firaq ye bebasii hai.n qadam qadam pe udaasiyaa.N
meraa saath ko_ii na de sakaa merii hasarate.n hai.n dhuaa.N dhuaa.N

mai.n ta.Dap ta.Dap ke jiyaa to kyaa mere Khvaab mujh se bichha.D gaye
mai.n udaas ghar kii sadaa sahii mujhe de na ko_ii tasalliyaa.N

chalii aisii dard kii aa.Ndhiyaa.N mere dil kii bastii uja.D ga_ii
ye jo raakh-sii hai bujhii bujhii hai.n isii me.n merii nishaaniyaa.N

ye fizaa jo gard-o-Gubaar hai merii bekasii kaa mazaar hai
mai.n vo phuul huu.N jo na khil sakaa merii zi.ndagii me.n vafaa kahaa.N

[sarfraz_qamar]

Re: sarfraz chouhdary,s most wanted

ye shiishe ye sapane ye rishte ye dhaage
kise kyaa Khabar hai kahaa.N TuuT jaaye.N
muhabbat ke dariyaa me.n tinake vafaa ke
na jaane ye kis mo.D par Duub jaaye.N

ajab dil kii bastii ajab dil kii vaadii
har ek mo.D mausam na_ii Khvaahisho.n kaa
lagaaye hai.n ham ne bhii sapano.n ke paudhe
magar kyaa bharosaa yahaa.N baarisho.n kaa

muraado.n kii manzil ke sapano.n me.n khoye
muhabbat kii raaho.n pe ham chal pa.De the
zaraa duur chal ke jab aa.Nkhe.n khulii to
ka.Dii dhuup me.n ham akele kha.De the

jinhe.n dil se chaahaa jinhe.n dil se puujaa
nazar aa rahe hai.n vahii ajanabii se
ravaayat hai shaayad ye sadiyo.n puraanii
shikaayat nahii.n hai ko_ii zindagii se

[sarfraz_qamar]

Re: sarfraz chouhdary,s most wanted

ye soch kar ki terii jabii.n par na bal pa.De
bas duur hii se dekh liyaa aur chal pa.De

dil me.n phir ik kasak-sii uThii muddato.n ke baad
ik umr ke ruke hue aa.Nsuu nikal pa.De

siine me.n beqaraar hai.n murdaa muhabbate.n
mumkin hai ye charaaG kabhii Khud hii jal pa.De

ai dil tujhe badalatii hu_ii rut se kyaa milaa
paudho.n me.n phuul aur daraKhto.n me.n phal pa.D

[sarfraz_qamar]

Re: sarfraz chouhdary,s most wanted

ye tajarubaa bhii karuu.N ye bhii kar dikhalaauu.N mai.n
ki Khud ko yaad rakhuu.N us ko bhuul jaauu.N mai.n


fareb-e-kaar me.n kuchh to hai ko_ii baat to hai
ki jaan buujh ke itane fareb khaauu.N mai.n


vo pal kahaa.N hai.n jo duniyaa se jo.Dataa thaa mujhe
jo paauu.N tujh ko to sab ke qariib aauu.N mai.n

kabhii to ho mere ehasaas-kam-tarii me.n kamii
kabhii to ho ki use khul ke aauu.N mai.n

vo shaKhs hai ki nasiim-e-sahar kaa jho.Nkaa hai
bikhar hii jaauu.N jo us ko gale lagaauu.N mai.n

[sarfraz_qamar]

Re: sarfraz chouhdary,s most wanted

ye tasallii hai ki hai.n naashaad sab
mai.n akelaa hii nahii.n barabaad sab


sab kii Khatir hai yahaa.N sab ajanabii
aur kahane ko hai.n ghar aabaad sab

bhuul ke sab ra.njishe.n sab ek hai.n
mai.n bataauu.N sab ko hogaa yaad sab

sab ko daavaa-e-vafaa sab ko yaqii.n
is adakaarii me.n hai.n ustaad sab

shahar ke haakim kaa ye faramaan hai
qaid me.n kahalaaye.nge aazaad sab

chaar lafzo.n me.n kaho jo bhii kaho
us ko kab furasat sune fariyaad sab

talKhiyaa.N kaise na ho ashaar me.n
ham pe jo guzarii hai ham ko yaad sab

[sarfraz_qamar]

Re: sarfraz chouhdary,s most wanted

ye zi.ndagii
aaj jo tumhaare
badan kii chhoTii-ba.Dii naso.n me.n
machal rahii hai
tumhaare pairo.n se
chal rahii hai
tumhaarii aavaaz me.n gale se
nikal rahii hai
tumhaare lafzo.n me.n
Dhal rahii hai

ye zi.ndagii
jaane kitane sadiyo.n se
yuu.N hii shakle.n
badal rahii hai

badalatii shaklo.n
badalatii jismo.n me.n
chalataa-phirataa ye ik sharaaraa
jo is gha.Dii naam hai tumhaaraa

isii se saarii chahal-pahal hai
isii se
raushan hai har nazaaraa

sitaare to.Do
yaa ghar basaao
alam uThaao
yaa sar jhukaao

[sarfraz_qamar]

Re: sarfraz chouhdary,s most wanted

yo.n lage dost teraa mujhase Khafaa ho jaanaa
jis tarah phuul se Khushbuu kaa judaa ho jaanaa

ahal-e-dil se ye teraa tark-e-ta'alluq
vaqt se pahale asiiro.n kaa rihaa ho jaanaa

yo.n agar ho to jahaa.N me.n ko_ii kaafir na rahe
mo'ajuzaa tere vaade kaa vafaa ho jaanaa


zi.ndagii mai.n bhii chaluu.Ngaa tere piichhe-piichhe
tuu mere dost kaa naqsh-e-kaf-e-paa ho jaanaa

[sarfraz_qamar]

Re: sarfraz chouhdary,s most wanted

yuu.N bhii nahii.n ki dil me.n ko_ii Gam nahii.n rahaa
ye sil_silaa kuchh itanaa muntazam nahii.n rahaa

dil se to Khair dho ga_ii baarish tamaam naqsh
diivaar-e-shahar kaa bhii vo aalam nahii.n rahaa

zid par vo apanii aaj bhii qaayam to hai magar
agalaa-saa vo bayaan me.n dam_Kham nahii.n rahaa

maayuus ho chukaa hai ki hai mutama_in ye dil
vo zaKhm bhar gaye hai.n ki marham nahii.n rahaa
]
kashtii-e-dil to ek thape.De kii maar thii
tuufaan-e-naaz kis liye ab tham nahii.n rahaa

[sarfraz_qamar]

Re: sarfraz chouhdary,s most wanted

yuu.N chup rahanaa Thiik nahii.n ko_ii miiThii baat karo
mor chakor papihaa koyal sab ko maat karo

saavan to man bagiyaa se bin barase biit gayaa
ras me.n Duube naGme kii ab tum barasaat karo

hijr kii ik lambii ma.nzil ko jaanevaalaa huu.N
apanii yaado.n ke kuchh saaye mere saath karo

mai.n kirano.n kii kaliyaa.N chunakar sej banaa luu.Ngaa
tum mukha.De kaa chaa.Nd jalaao raushan raat karo

pyaar burii shay nahii.n hai lekin phir bhii yaar "Qateel"
galii-galii taqasiim na tum apane jazabaat karo