sarfraz chouhdary,s most wanted

[sarfraz_qamar]

Re: sarfraz chouhdary,s most wanted

vo saahilo.n pe gaane vaale kyaa hue
vo kashtiyaa.N jalaane vaale kyaa hue

[saahil = shore; kashtii = boat]

vo subah aate aate rah ga_ii kahaa.N
jo qaafile the aane vaale kyaa hue

mai.n jin kii raah dekhataa huu.N raat bhar
vo raushanii dikhaane vaale kyaa hue

ye kaun log hai.n mere idhar udhar
vo dostii nibhaane vaale kyaa hue

imaarate.n to jal ke raakh ho ga_ii.n
imaarate.n banaane vaale kyaa hue

ye aap ham to bojh hai.n zamiin kaa
zamii.n kaa bojh uThaane vaale kyaa hue

[sarfraz_qamar]

Re: sarfraz chouhdary,s most wanted

vo sab me.n ham ko baar-e-diigar dekhate rahe
ham un kaa i.ntaKhaab-e-nazar dekhate rahe

daaman bachaake ashko.n se vo to nikal gaye
ham der tak zamii.n par guhar dekhate rahe

ham beniyaaz baiThe huye un kii bazm me.n
auro.n kii ba.ndagii kaa asar dekhate rahe

aa_ii sahar to aur ba.Daa bijaliyo.n kaa zor
shab bhar ham i.ntezaar-e-sahar dekhate rahe

[sarfraz_qamar]

Re: sarfraz chouhdary,s most wanted

vo savaa yaad aaye bhulaane ke baad
zi.ndagii ba.Dh ga_ii zahar khaane ke baad

dil sulagataa rahaa aashiyaane ke baad
aag Tha.nDii hu_ii ik zamaane ke baad

raushanii ke liye ghar jalaanaa pa.Daa
kaisii zulmat ba.Dhii tere jaane ke baad

jab na kuchh ban pa.Daa arz-e-Gam kaa javaab
vo Khafaa ho gaye muskuraane ke baad

dushmano.n se pashemaaa.N honaa pa.Daa hai
dosto.n kaa Khuluus aazamaane ke baad

[sarfraz_qamar]

Re: sarfraz chouhdary,s most wanted

vo thakaa huaa merii baaho.n me.n zaraa so gayaa thaa to kyaa huaa
abhii mai.n ne dekhaa hai chaa.Nd bhii kisii shaaKh-e-gul pe jhukaa huaa

jise le ga_ii hai abhii havaa vo varaq thaa dil kii kitaab kaa
kahii.n aa.Nsuo.n se miTaa huaa kahii.n aa.Nsuo.n se likhaa huaa

ka_ii miil ret ko kaaT kar ko_ii mauj phuul khilaa ga_ii
ko_ii pe.D pyaas se mar rahaa hai nadii ke paas kha.Daa huaa

vahii Khat ke jis pe jagah jagah do mahakate ho.nTho.n ke chaa.Nd the
kisii bhuule-bisare se taaq par tah-e-gard hogaa dabaa huaa

vahiii shahar hai vahii raaste vahii ghar hai aur vahii laan bhii
magar us dariiche se puuchhanaa vo daraKht anaar kaa kyaa huaa

[sarfraz_qamar]

Re: sarfraz chouhdary,s most wanted

vafaa ke Khvaab muhabbat kaa aasara le jaa
agar chalaa hai to jo kuchh mujhe diyaa le jaa

maqaam-e-suud-o-ziyaa aa gayaa hai phir jaanaa.N
ye zaKhm mere sahii tiir to uThaa le jaa

yahii hai qismat-e-saharaa yahii karam teraa
ki buu.Nd buu.Nd ataa kar ghaTaa ghaTaa le jaa

Guruur-e-dost se itanaa bhii dil-shikastaa na ho
phir uTh ke saamane daaman-e-iltajaa le jaa

nadaamate.n ho.n to sar baar-e-dosh hotaa hai
"Faraz" jaa.N ke evaz aabaruu bachaa le jaa

[sarfraz_qamar]

Re: sarfraz chouhdary,s most wanted

vafaa ke bhes me.n ko_ii raqiib-e-shahar bhii hai
hazar! ke shahar ke qaatil tabiib-e-shahar bhii hai

vahii sipaah-e-sitam Khemaazan hai chaaro.n taraf
jo mere baKht me.n thaa ab nasiib-e-shahar bhii hai

udhar kii aag idhar bhii pahu.Nch na jaaye kahii.n
havaa bhii tez hai jangal qariib-e-shahar bhii hai

ab us ke hijr me.n rote hai.n us ke ghaayal bhii
Khabar na thii ke vo zaalim habiib-e-shahar bhii hai

ye raaz naaraa-e-mansuur hii se ham pe Khulaa
ke chuub-e-mimbar-e-masjid saliib-e-shahar bhii hai

ka.Dii hai jang ke ab ke muqaabile pe 'Faraz'
amiir-e-shahar bhii hai aur khatiib-e-shahar bhii hai

[sarfraz_qamar]

Re: sarfraz chouhdary,s most wanted

rahaa na dil hii pe qaabuu na iKhtiyaar mujhe
kiyaa hai ishq ne is tarah baqaraar mujhe

gulo.n ke badale milii aah nok-e-Khaar mujhe
Khizaa.N ko ab ke samajhanaa pa.Daa bahaar mujhe

kuchh is tarah se fareb-e-nazar kaa maaraa huu.N
vo aa bhii jaaye.n to aaye na aitabaar mujhe*

* This line is from a Khumar Barabankvi ghazal


kisii kii yaad me.n sar_shar thaa jo muddat se
zamaanaa dekh ke samajhe hai maigusaar mujhe

talash-e-manzil-e-sabr-o-sukuu.N to hai dil ko
milaa hai raah me.n lekin faqat Gubaar mujhe

agar Khataa hai muhabbat to phir Khataa hii sahii
gunaah_gaar huu.N kah do gunaah_gaar mujhe

[sarfraz_qamar]

Re: sarfraz chouhdary,s most wanted

tamhiid-e-sitam aur hai takamiil-e-jafaa aur
chakhane kaa mazaa aur hai piine kaa mazaa aur


taasiir to taasiir tasavvur hai gurezaa.N
raato.n ko zaraa maa.Ngiye uTh uTh ke duaa aur

dono.n hii binaa-e-kashish-o-jazb hai.n lekin
naGmo.n kii sadaa aur hai naalo.n kii sadaa aur

Takaraa ke vahii.n TuuT gaye shiishaa-o-saaGar
maiKhvaaro.n ke jhurmuT me.n jo saaqii ne kahaa aur

[sarfraz_qamar]

Re: sarfraz chouhdary,s most wanted

shab-e-intazaar kii kash-ma-kash na puuch kaise sahar hu_ii
kabhii ik chiraaG jalaa diyaa kabhii ik chiraaG bujhaa diyaa


ab kaar_gaah-e-dahar me.n lagataa hai bahut dil
ai dost kahii.n ye bhii teraa Gam to nahii.n hai


sutuun-e-daar pe rakhate chalo saro.n ke charaaG
jahaa.N talak ye sitam kii siyaah raat chale


jalaa ke mashaal-e-jaa.N ham junuu.N sifaat chale
jo ghar ko aag lagaaye hamare saath chale

[sarfraz_qamar]

Re: sarfraz chouhdary,s most wanted

ye ishq ne dekhaa hai ye aql se pinhaa.N hai
qatare me.n samandar hai zarre me.n bayaabaa.N hai

ai paikar-e-mahabuubii mai.n kis se tujhe dekhuu.N
jis ne tujhe dekhaa hai vo diidaa-e-hairaa.N hai

sau baar teraa daaman haatho.n me.n mere aayaa
jab aa.Nkh khulii dekhaa apanaa hii girebaa.N hai

ye husn kii mauje.n hai.n yaa josh-e-tamannaa hai
us shoKh ke ho.nTho.n par ik barq sii larazaa.N hai

[sarfraz_qamar]

Re: sarfraz chouhdary,s most wanted

tum na aaye ek din kaa vaadaa kar do din talak
ham pa.De ta.Dapaa kiye do do pahar do din talak


dard-e-dil apanaa sunaataa huu.N kabhii jo ek din
rahataa hai us naazanii.n ko dard-e-sar do din talak

dekhate hai.n Khvaab me.n jis din kisuu kii chashm-e-mast
rahate hai.n ham do jahaa.N se beKhabar do din talak

gar yaqii.n ho ye hame.n aayegaa tuu do din ke baad
to jiye.n ham aur is ummiid par do din talak

kyaa sabab kyaa vaastaa kyaa kaam thaa batalaa_iye
ghar se jo nikale na apane tum "Zafar" do din talak

[sarfraz_qamar]

Re: sarfraz chouhdary,s most wanted

kuchh aise ghaa_o bhii hote hai.n
jinhe.n zaKhmii aap nahii.n dhote
bin roye huye aa.Nsuo.n kii tarah
siine me.n chhupaa ke rakhate hai.n
aur saarii umr nahii.n rote

niinde.n bhii muhaiyaa hotii hai.n
sapane bhii duur nahii.n hote
kyuu.N phir bhii jaagate rahate hai.n
kyuu.N saarii raat nahii.n sote

ab kis se kahe.n ai jaan-e-vafaa
ye ahal-e-vafaa kis aag me.n jalate rahate hai.n
kyuu.N bujh ke raakh nahii.n hote

[sarfraz_qamar]

Re: sarfraz chouhdary,s most wanted

ek to husn-e-balaa us pe banaavaT aafat
ghar bigaa.Denge hazaaro.n kaa sa.Nvarane vaale

hashr me.n lutf ho jab un se ho do-do baate.n
vo kahe.n kaun ho tum ham kahe.n marne vaale

hazarat-e-"DaaG" jahaa.N baiTh gaye baiTh gaye
aur ho.nge terii mahafil se ubharane vaale

[sarfraz_qamar]

Re: sarfraz chouhdary,s most wanted

sunaa karo merii jaa.N in se un se afsaane
sab ajanabii hai.n yahaa.N kaun kis ko pahachaane

yahaa.N se jald guzar jaa_o qaafile vaalo
hai.n merii pyaas ke phuu.Nke huye ye viiraane

merii junuun-e-parastish se tang aa gaye log
sunaa hai band kiye jaa rahe hai.n but_Khaane

jahaa.N se pichhale pahar ko_ii tashnaakaam uThaa
vahii.n pe to.De hai.n yaaro.n ne aaj paimaane

bahaar aaye to meraa salaam kah denaa
mujhe to aaj talab kar liyaa hai seharaa ne

[sarfraz_qamar]

Re: sarfraz chouhdary,s most wanted

koThe ujaa.D khi.Dakiyaa.N chup raaste udaas
jaate hii un ke kuchh na rahaa zindagii ke paas

do pal baras ke abr ne dariyaa kaa ruKh kiyaa
tapatii zamii.n se paharo.n nikalatii rahi bha.Daas

ashko.n se kis ko pyaar hai aaho.n se kis ko uns
lekin ye dil ki jis ko Khushii aa sakii na raas

hoshiyaar ai naved-e-ajal luT na jaa_iyo
phirataa hai ko_ii aaTh pahar dil ke aas paas

jaise kabhii ta'alluq-e-Khaatir nahii.n rahaa
yuu.N ruuTh kar chalii ga_ii "Shohrat" har ek aas