sarfraz chouhdary,s most wanted

[sarfraz_qamar]

Re: sarfraz chouhdary,s most wanted

jab tere shahar se guzarataa huu.N

kis tarah rokataa huu.N ashko.n ko
kis tarah dil pe jabar karataa huu.N
aaj bhii kaarazaa-e-hastii me.n

jab tere shahar se guzarataa huu.N

???? bhii nahii.n mujhe maaluum **
kis mohalle me.n hai makaa.N teraa
kaun sii shaaKh-e-gul pe raqsaa.N hai
rashk-e-firdaus aashiyaa.N teraa
jaane kin vaadiyo.n me.n Theharaa hai
Girat-e-husn kaaravaa.N teraa
kis se puuchhuu.Ngaa mai.n Khabar terii
kaun batalaayegaa nishaa.N teraa
terii rusvaa_iiyo.n se Darataa huu.N

[sarfraz_qamar]

Re: sarfraz chouhdary,s most wanted

safar-e-manzil-e-shab yaad nahii.n
log ruKhsat huye kab yaad nahii.n

dil me.n har vaqt chubhan rahatii thii
thii mujhe kis kii talab yaad nahii.n

vo sitaaraa thii ke shabanam thii ke phuul
ik suurat thii ajab yaad nahii.n

aisaa ulajhaa huu.N Gam-e-duniyaa me.n
ek bhii Khvaab-e-tarab yaad nahii.n


bhuulate jaate hai.n maazii ke dayaar
yaad aaye.n bhii to sab yaad nahii.n

[sarfraz_qamar]

Re: sarfraz chouhdary,s most wanted

baat chalii terii aa.Nkho.n se jaa pahu.Nchii paimaane tak
khii.nch rahii hai terii ulfat aaj mujhe maiKhaane tak

ishq kii baate.n Gam kii baate.n duniyaa vaale karate hai.n
kis ne shammaa kaa dukh dekhaa kaun gayaa paravaane tak

ishq nahii.n hai tum ko mujh se sirf bahaane karatii ho
yuu.N hii bahaane qaayam rakhanaa tum mere mar jaane tak

itanaa hii kahanaa hai tum se mumkin ho to aa jaanaa
aa hii gaye to rukanaa hogaa aa.Nkho.n ke patharaane tak

[sarfraz_qamar]

Re: sarfraz chouhdary,s most wanted

kaabe se but-kade se kabhii bazm-e-yaar se
aavaaz de rahaa huu.N tujhe har muqaam se


naa-aashnaa hai aaj vahii mere naam se
duniyaa pukaaratii thii jinhe.n mere naam se


uff ye shab-e-firaaq ke maaro.n kii beKhudii
Khud hii bujhaa diyaa hai charaaGo.n ko shaam se

dil me.n fareb lab pe tabassum nazar me.n pyaar
luuTe gaye "Shamim" ba.De ehatimaam se

[sarfraz_qamar]

Re: sarfraz chouhdary,s most wanted

jo kuchh kaho qubuul hai taqaraar kyaa karuu.N
sharmindaa ab tumhe.n sar-e-baazaar kyaa karuu.N


maaluum hai ki paar khulaa aasamaan hai
chhuTate nahii.n hai.n ye dar-o-diivaar kyaa kauu.N


is haal me.n bhii saa.Ns liye jaa rahaa huu.N mai.n
jaataa nahii.n hai aas kaa aazaar kyaa karuu.N


hai.n vaa-shigaaf mujh pe tumhaarii inaayate.n
jo ankahii na ho use izahaar kyaa karuu.N

[sarfraz_qamar]

Re: sarfraz chouhdary,s most wanted

Dhuu.NDoge agar mulko.n mulko.n milane ke nahii.n naayaab hai.n ham
taabiir hai jis kii hasarat-o-Gam ai ham-nafso vo Khvaab hai.n ham


mai.n hairat-o-hasarat kaa maaraa Khaamosh kha.Daa huu.N saahil pe
dariyaa-e-mohabbat kahataa hai aa kuchh bhii nahii.n paayaab hai.n ham


ai dard-e-mohabbat kuchh tuu hii bataa ab tak ye muammaa hal na huaa
ham me.n hai.n dil-e-betaab nihaa.N yaa aap dil-e-betaab hai.n ham


murGaan-e-qafas ko phuulo.n ne ai "Shaad" ye kahalaa bhejaa hai
aa jaao jo tum ko aanaa ho aise me.n abhii shaadaab hai.n ham

[sarfraz_qamar]

Re: sarfraz chouhdary,s most wanted

dil hai aa_iinaa-e-hairat se do-chaar aaj kii raat
Gam-e-dauraa.N me.n hai aks-e-Gam-e-yaar aaj kii raat


aatish-e-gul ko daaman se havaa detii hai
diidanii hai ravish-e-mauj-e-bahaar aaj kii raat


aaj kii raat kaa mahamaa.N hai malbuus-e-hariir
is chaman-zaar me.n ugate hai.n sharar aaj kii raat


mai.n ne farahad kii aaGosh me.n shirii.n dekhii
mai.n ne paravez ko dekhaa sar-e-daar aaj kii raat

[sarfraz_qamar]

Re: sarfraz chouhdary,s most wanted

shaam-e-Gam kii qasam
aaj Gam-gii.n hai.n ham
aa bhii jaa aa bhii jaa aaj mere sanam
dil pareshaan hai, raat viiraan hai
dekh jaa kis tarah, aaj tanahaa hai.n ham
shaam-e-Gam kii qasam...



chain kaisaa jo pahaluu me.n tuu hii nahii.n
maar Daale na dard-e-judaa_ii kahii.n
rut hasii.n hai.n to kyaa, chaa.Ndanii hai to kyaa
chaa.Ndanii zulm hai aur judaa_ii sitam
shaam-e-Gam kii qasam...

[sarfraz_qamar]

Re: sarfraz chouhdary,s most wanted

yuu.N terii nigaaho.n se gilaa kuch bhii nahii.n thaa
is dil ne to bekaar yuu.N hii baiThe biThaaye
viiraanii-e-lamhaat ko bahalaane kii Khaatir
afsaane ga.Dhe baate.n banaa lii thii.n hazaaro.n
ye ishq kaa afsaanaa jo phir chhe.Daa hai tuu ne
bekaar hai ab vaqt kahaa.N us ko sunuu.N mai.n
jab tum ko faraaGat na thii ab mujh ko nahii.n hai

[sarfraz_qamar]

Re: sarfraz chouhdary,s most wanted

ek juu-e-dard dil se jigar tak ravaa.N hai aaj
pighalaa huaa rago.n me.n ik aatish-fishaa.N hai aaj

lab sii diye hai.n taa na shikaayat kare ko_ii
lekin har ek zaKhm ke muu.Nh me.n zabaa.N hai aaj


taariikiyo.n ne gher liyaa hai hayaat ko
lekin kisii kaa ruu-e-hasii.n darmiyaa.N hai aaj


jiine kaa vaqt hai yahii marane kaa vaqt hai
dil apanii zindagii se bahut shaadamaa.N hai aaj

[sarfraz_qamar]

Re: sarfraz chouhdary,s most wanted

tay ho.nge kis tarah ye maraahil kahaa na jaa_e
is tiiragii me.n kyaa hai muqaabil kahaa na jaa_e


Khud de diye hai.n mai.n ne use haath kaaT kar
vo likh diyaa hai jo sar-e-mahafil kahaa na jaa_e



patthar hue vo lafz ke the jiite jaagate
is Khaamashii se kyaa huaa haasil kahaa na jaa_e


ab tak to chal rahe.n hai.n tere saath saath ham
aaye.ngii kis jagah had-e-faasil kahaa na jaa_e

[sarfraz_qamar]

Re: sarfraz chouhdary,s most wanted

itanaa tuu karam ham pe ai sayyaad kare hai
par noch ke ab qaid se aazaad kare hai

ai baad-e-sabaa un se ye kah diijiiyo jaa kar
parades me.n ek shaKhs tujhe yaad kare hai


aave hai terii yaad to ha.Ns deve hai aksar
diivaanaa teraa yuu.N bhii tujhe yaad kare hai


farazaanaa ujaa.De hai bhare shaharo.n ko lekin
diivaanaa to saharaa ko bhii aabaad kare hai

[sarfraz_qamar]

Re: sarfraz chouhdary,s most wanted

aarazuu hai vafaa kare ko_ii
jii na chaahe to kyaa kare ko_ii

gar marz ho davaa kare ko_ii
marane vaale kaa kyaa kare ko_ii

koste hai.n jale hue kyaa kyaa
apane haq me.n duaa kare ko_ii

un se sab apanii apanii kahate hai.n
meraa matalab adaa kare ko_ii


tum saraapaa ho suurat-e-tasviir
tum se phir baat kyaa kare ko_ii

[sarfraz_qamar]

Re: sarfraz chouhdary,s most wanted

aaj kii raat bahut garm havaa chalatii hai
aaj kii raat na fut-paath pe niind aa_egii
sab uTho, mai.n bii uThuu.N, tum bhii uTho, tum bhii uTho
ko_ii khi.Dakii isii diivaar me.n khul jaa_egii


ye zamiin tab bhii nigal lene pe aamaadaa thii
paa.Nv jab TuuTii shaaKho.n se utaare ham ne
in makaano.n ko Khabar hai na makiino.n ko Khabar
un dino.n kii jo gufaao.n me.n guzaare ham ne


haath Dhalate gaye saa.Nche me.n to thakate kaise
naqsh ke baad naye naqsh nikhaare ham ne
kii ye diivaar buland, aur buland, aur buland
baam-o-dar aur zaraa, aur sa.Nvaare ham ne

[sarfraz_qamar]

Re: sarfraz chouhdary,s most wanted

mujhase milane ke vo karataa thaa bahaane kitane
ab guzaaregaa mere saath zamaane kitane

mai.n giraa thaa to bahut log ruke the lekin
sochataa huu.N mujhe aaye the uThaane kitane

jis tarah mai.n ne tujhe apanaa banaa rakkhaa hai
sochate ho.nge yahii baat na jaane kitane

tum nayaa zaKhm lagaa_o tumhe.n is se kyaa hai
bharane vaale hai.n abhii zaKhm puraane kitane