sarfraz chouhdary,s most wanted

[sarfraz_qamar]

Re: sarfraz chouhdary,s most wanted

na ghar baar na ko_ii Thikaanaa Khaanaabadosh hai.n
apanaa kaam hai chalate jaanaa Khaanaabadosh hai.n

chaa.Nd aur suuraj saathii sadiyo.n sadiyo.n ke
dono.n se rishtaa hai puraanaa Khaanaabadosh hai.n

ra.ng badalate mausam jaisii apanii hastii hai
baarish va dhuup se kyaa ghabaraanaa Khaanaabadosh hai.n

apane liye hai.n dono.n baraabar ai duniyaa vaalo
kyaa butaKhaanaa kyaa maiKhaana Khaanaabadosh hai.n

[sarfraz_qamar]

Re: sarfraz chouhdary,s most wanted

teraa meraa jhaga.Daa kyaa jab ik aa.Ngan kii miTTii hai
apane badan ko dekh le chhuukar mere badan kii miTTii hai

bhuukhii pyaasii bhaTak rahii hai dil me.n kahii.n ummiid liye
ham aur tum jis me.n khaate the us bartan kii miTTii hai

Gairo.n ne kuchh Khvaab dikhaakar nii.nd churaalii aa.Nkho.n se
lorii de de haar ga_ii jo ghar aa.Ngan kii miTTii hai

soch samajhakar tum ne jis ke sabhii gharo.nde to.D diye
apane saath jo khel rahaa thaa us bachapan kii miTTi hai

chal nafarat ko chho.D ke "Anjum" dil ke rishte jo.D ke a.njum
is miTTii kaa qarz utaare.n apane vatan kii miTTii hai

[sarfraz_qamar]

Re: sarfraz chouhdary,s most wanted

mere baad kidhar jaayegii tanhaa_ii
mai.n jo maraa to mar jaayegii tanhaa_ii

mai.n jab o ro kae dariyaa ban jaa_uu.Ngaa
us din paar utar jaayegii tanhaa_ii

tanhaa_ii ko ghar se ruKhsat kar to do
socho kis ke ghar jaayegii tanhaa_ii

viiraanaa huu.N aabaadii se aayaa huu.N
dekhegii to Dar jaayegii tanhaa_ii

yuu.N aao ki paa.No.n kii bhii aavaaz na ho
shor huaa to mar jaayegii tanhaa_ii

[sarfraz_qamar]

Re: sarfraz chouhdary,s most wanted

TuuTe huye dilo.n kii duaa mere saath hai
duniyaa terii taraf hai Khudaa mere saath hai

aavaaz ghu.Ngharuuo.n kii nahii.n hai to kyaa huaa
saaGar ke TuuTane kii sadaa mere saath hai

tanhaa_ii kis ko kahate hai.n mujhako pataa nahii.n
kyaa jaane kis hasii.n kii duaa mere saath hai

paimaanaa saamane hai to kuchh Gam nahii.n "Nizam"
ab dard-e-dil kii ko_ii davaa mere saath hai

[sarfraz_qamar]

Re: sarfraz chouhdary,s most wanted

to.Danaa TuuTe huye dil kaa buraa hotaa hai
jis kaa ko_ii nahii.n us kaa to Khudaa hotaa hai

maa.Ng kar tum se Khushii luu.N mujhe ma.nzuur nahii.n
kis kaa maa.Ngii hu_ii daulat se bhalaa hotaa hai

log naahak kisii majabuur ko kahate hai.n buraa
aadamii achchhe hai.n par vaqt buraa hotaa hai

kyo.n "Munir" apanii tabaahii kaa ye kaisaa shikavaa
jitanaa taqadiir me.n likhaa hai adaa hotaa hai

[sarfraz_qamar]

Re: sarfraz chouhdary,s most wanted

a.ndoh se hu_ii na rihaa_ii tamaam shab
mujh dil-jale ko nii.nd na aa_ii tamaam shab

[a.ndoh = prison; tamaam shab = whole night]

chamak chalii ga_ii thii sitaaro.n kii subah tak
kii aasmaa.N se diidaa-baraa_ii tamaam shab

jab mai.n ne shuruu qissaa kiyaa aa.Nkhe.n khol dii.n
yaqiinii thii mujh ko chashm-numaa_ii tamaam shab


vaqt-e-siyaah ne der me.n kal yaavarii sii kii
thii dushmano.n se in kii la.Daa_ii tamaam shab

taare se terii palako.n pe qatre the ashk ke
de rahe hai.n "Meer" dikhaa_ii tamaam shab

[sarfraz_qamar]

Re: sarfraz chouhdary,s most wanted

dil kii baat labo.n par lakar ab tak ham dukh sahate hai.n
hamane sunaa thaa is dharatii pe dil vaale bhii rahate hai.n

biit gayaa saavan kaa mahiinaa mausam ne nazare.n badalii
lekin in pyaasii aa.Nkho.n me.n ab tak aa.Nsuu bahate hai.n

ek hame.n aavaaraa kahanaa ko_ii ba.Daa ilzaam nahii.n
duniyaa vaale dil vaalo.n ko aur bahut kuchh kahate hai.n

jis kii Khaatir shahar bhii chho.Daa jis ke liye badanaam huye
aaj vahii hamse begaane begaane se rahate hai.n

[sarfraz_qamar]

Re: sarfraz chouhdary,s most wanted

beKhudii le ga_ii kahaa.N ham ko
der se i.ntazaar hai apanaa

rote phirate hai.n saarii saarii raat
ab yahii rozagaar hai apanaa

deke dil ham jo ho gaye majabuur
is me.n kyaa iKhtiyaar hai apanaa

kuchh nahii.n ham misaal-e-i.nqaa lek
shahar shahar ishtahaar hai apanaa

jis ko tum aasamaan kahate ho
so dilo.n kaa Gubaar hai apanaa

[sarfraz_qamar]

Re: sarfraz chouhdary,s most wanted

dil vaalo kyaa dekh rahe ho in raaho.n me.n
hadd-e-nazar tak ye viiraanii saath chalegii

sannaaTe phir shamaa.N ke aa.Nsuu chaaT rahe hai.n
ye bastii to uja.D ga_ii hai ab na basegii

ghar ke a.ndar saare ja.ngal kaa sannaaTaa
shaam hu_ii to ja.ngal me.n havaa chalegii


jin ke haatho.n dil kii tauhiin hu_ii hai
un ke liye bhii ye duniyaa aisii na rahegii


"Razi" miyaa.N tum shaam se kaise chup baiThe ho
kuchh to bolo aisii chup se baat ba.Dhegii

[sarfraz_qamar]

Re: sarfraz chouhdary,s most wanted

na shikaayate.n na gilaa kare
ko_ii aisaa shaKhs huaa kare
jo mere liye hii sajaa kare
mujh hii se baate.n kiyaa kare

kabhii roye jaaye vo bepanaah
kabhii betahaashaa udaas ho
kabhii chupake chupake dabe qadam
mere piichhe aa kar ha.Nsaa kare


merii qurbate.n merii chaahate.n
ko_ii yaad kare qadam qadam
mai.n taviil safar me.n huu.N agar
merii vaapasii kii duaa kare

[sarfraz_qamar]

Re: sarfraz chouhdary,s most wanted

dono.n jahaa.N terii mohabbat me.n haar ke
vo jaa rahaa hai koii shab-e-Gam guzaar ke

viiraa.N hai maikadaa Khum-o-saaGar udaas hai
tum kyaa gaye ke ruuTh gaye din bahaar ke

ik fursat-e-gunaah milii, vo bhii chaar din
dekhe hai.n ham ne hausale parvar-digaar ke

duniyaa ne terii yaad se begaanaa kar diyaa
tujh se bhii dil fareb hai.n Gam rozagaar ke

bhuule se muskuraa to diye the vo aaj 'Faiz'
mat puuchh val-vale dil-e-naa-kardaakaar ke

[sarfraz_qamar]

Re: sarfraz chouhdary,s most wanted

mastii bharii nazar kaa nashaa hai mujhe abhii
ye jaam duur rakh do pii luu.Ngaa phir kabhii

dil ko jalaa ke bazm ko raushan na kiijiye
us mahajabii.n ko aane me.n kuchh der hai abhii

ham ne to ashk pii ke guzaarii hai saarii umr
ham se Khafaa hai kis liye aaKhir ye zi.ndagii

jaam-e-subuu ko duur hii rahane de saaqiiyaa
mujh ko utaaranaa hai kal kaa nashaa abhii

[sarfraz_qamar]

Re: sarfraz chouhdary,s most wanted

zaKhm-e-tanhaa_ii me.n Khushbuu-e-hinaa kisakii thii
saayaa diivaar pe meraa thaa sadaa kisakii thii

us kii raftaar se lipaTii rahii merii aa.Nkhe.n
us ne mu.D kar bhii na dekhaa ki vafaa kis kii thii

vaqt kii tarah dabe paa.Nv ye kaun aayaa hai
mai.n a.Ndheraa jise samajhaa vo qabaa kis kii thii

aa.Nsuo.n se hii sahii bhar gayaa daaman meraa
haath to mai.n ne uThaaye the duaa kis kii thii

[sarfraz_qamar]

Re: sarfraz chouhdary,s most wanted

tumhaare Khat me.n nayaa ik salaam kis kaa thaa
na thaa raqiib to aaKhir vo naam kis kaa thaa

vo qatl kar ke har kisii se puuchhate hai.n
ye kaam kis ne kiyaa hai ye kaam kis kaa thaa

vafaa kare.nge nibhaaye.nge baat maane.nge
tumhe.n bhii yaad hai kuchh ye kalaam kis kaa thaa

rahaa na dil me.n vo be-dard aur dard rahaa
muqiim kaun huaa hai maqaam kis kaa thaa

na puuchh-paachh thii kisii kii na aao-bhagat
tumhaarii bazm me.n kal ehatamaam kis kaa thaa

[sarfraz_qamar]

Re: sarfraz chouhdary,s most wanted

tarz jiine kaa sikhaatii hai mujhe
tashnagii zahar pilaatii hai mujhe

raat bhar rahatii hai kis baat kii dhun
na jagaatii hai na sulaatii hai mujhe

ruuThataa huu.N jo kabhii duniyaa se
zi.ndagii aake manaatii hai mujhe

aa_iinaa dekhuu.N to kyuu.N kar dekhuu.N
yaad ik shaKhs kii aatii hai mujhe

ba.nd karataa huu.N jo aa.Nkhe.n kyaa kyaa
raushanii sii nazar aatii hai mujhe

ko_ii mil jaaye to raastaa kaT jaaye
apanii parachhaa_ii Daraatii hai mujhe