sarfraz chouhdary,s most wanted

[sarfraz_qamar]

Re: sarfraz chouhdary,s most wanted

chal mere saath hii chal ai merii jaan-e-Gazal
in samaajo.n ke banaaye huye ba.ndhan se nikal, chal

ham vahaa.N jaaye jahaa.N pyaar pe pahare na lage.n
dil kii daulat pe jahaa.N ko_ii luTere na lage.n
kab hai badalaa ye zamaanaa, tuu zamaane ko badal, chal

pyaar sachchaa ho to raahe.n bhii nikal aatii hai.n
bijaliyaa.N arsh se Khud raastaa dikhalaatii hai.n
tuu bhii bijalii kii tarah Gam ke a.Ndhero.n se nikal, chal

apane milane pe jahaa.N ko_ii bhii u.Ngalii na uThe
apanii chaahat pe jahaa.N ko_ii dushman na ha.Nse
chhe.D de pyaar se tuu saaz-e-mohabbat-e-Gazal, chal

[sarfraz_qamar]

Re: sarfraz chouhdary,s most wanted

kahaa.N vo shoKh, mulaaqaat Khud se bhii na hu_ii
bas ek baar hu_ii aur phir kabhii na hu_ii

Thahar Thahar dil-e-betaab pyaar to kar luu.N
ab is ke baad mulaaqaat phir hu_ii na hu_ii

vo kuchh sahii na sahii phir bhii zaahid-e-naadaa.N
ba.De-ba.Do.n se mohabbat me.n kaafirii na hu_ii

idhar se bhii hai sivaa kuchh udhar kii majabuurii
ki ham ne aah to kii un se aah bhii na hu_ii

[sarfraz_qamar]

Re: sarfraz chouhdary,s most wanted

ishq ko be-naqaab honaa thaa
aap apanaa javaab honaa thaa

terii aa.Nkho.n kaa kuchh qusuur nahii.n
haa.N mujhii ko Kharaab honaa thaa

dil ki jis par hai.n naqsh-e-ra.ngaa-ra.ng
us ko saadaa kitaab honaa thaa

hamane naakaamiyo.n ko Dhuu.ND liyaa
aaKhirash kaamayaab honaa thaa

[sarfraz_qamar]

Re: sarfraz chouhdary,s most wanted

murjhaa ke kaalii jhiil me.n girate huye bhii dekh
suuraj huu.N meraa ra.ng magar din Dhale bhii dekh

kaaGaz kii katarane ko bhii kahate hai.n log phuul
ra.ngo.n kaa aitabaar hii kyaa suu.Ngh ke bhii dekh

har cha.nd raakh hoke bikharanaa hai raah me.n
jalate huye paro.n se u.Daa huu.N mujhe bhii dekh

tuune kahaa na thaa ki mai.n kashtii pe bojh huu.N
aa.Nkho.n ko ab na Dhaa.Np mujhe Duubate bhii dekh

tuu hii barahanaa-paa nahii.n is jalatii ret par
talavo.n me.n jo havaa ke hai.n vo aabale bhii dekh

[sarfraz_qamar]

Re: sarfraz chouhdary,s most wanted

raat ke Khvaab sunaaye.n kis ko raat ke Khvaab suhaane the
dhu.Ndhale dhu.Ndhale chehare the par sab jaane pahachaane the

ziddii vahashii alha.D cha.nchal miiThe log rasiile log
ho.nTh un ke Gazalo.n ke misare aa.Nkho.n me.n afsaane the

ham ko saarii raat jagaayaa jalate bujhate taaro.n ne
ham kyuu.N un ke dar pe utare kitane aur Thikaane the

vahashat kii u.nvaan hamaarii in me.n se jo naar banii
dekhe.nge to log kahe.nge "Insha" jii diiivaane the

[sarfraz_qamar]

Re: sarfraz chouhdary,s most wanted

Kal Aur Aaj

vo bhii kya log the aasaan thii raahe.n jin kii
ba.nd aa.Nkhe.n kiye ik simt chale jaate the
aql-o-dil Khvaab-o-haqiiqat kii na ulajhan na Khalish
muKhtalif jalve nigaaho.n ko na bahalaate the

[Khalish = pain/prick; muKhtalif = different types]

ishq saadaa bhii thaa, beKhud bhii, junuu.N-peshaa bhii
husn ko apanii adaao.n pe hijaab aataa thaa
phuul khilate the to phuulo.n me.n nashaa hotaa thaa
raat Dhalatii thii to shiisho.n pe shabaab aataa thaa

[hijaab = coyness]

[sarfraz_qamar]

Re: sarfraz chouhdary,s most wanted

Khushii ne mujh ko Thukaraayaa hai ra.nj-o-Gam ne paalaa hai
gulo.n ne beruKhii kii hai to kaa.NTo.n ne sambhaalaa hai

muhabbat me.n Khayaal-e-saahil-o-ma.nzil hai naadaanii
jo in raaho.n me.n luT jaaye vahii taqadiir vaalaa hai

charaaGaa.N kar ke dil bahalaa rahe ho kyaa jahaa.N vaalo
a.ndheraa laakh raushan ho ujaalaa phir ujaalaa hai

kinaaro.n se mujhe ai naaKhudaa duur hii rakhanaa
vahaa.N lekar chalo tuufaa.N jahaa.N se uThane vaalaa hai

nasheman hii ke luT jaane kaa Gam hotaa to kyaa Gam thaa
yahaa.N to bechane vaalo.n ne gulashan bech Daalaa hai

[sarfraz_qamar]

Re: sarfraz chouhdary,s most wanted

kis ko aatii hai masihaa_ii kise aavaaz duu.N
bol ai Khuu.nKhaar tanahaa_ii kise aavaaz duu.N

chup rahuu.N to har nafas Dasataa hai naagan kii tarah
aah bharane me.n hai rusavaa_ii kise aavaaz duu.N

[naagan = naagin (snake)]

uff Khaamoshii kii ye aahe.n dil ko baramaatii hu_ii
uff ye sannaaTe kii shehanaa_ii kise aavaaz duu.N

[sarfraz_qamar]

Re: sarfraz chouhdary,s most wanted

ab ke rut badalii to Khushbuu kaa safar dekhegaa kaun
zaKhm phuulo.n kii tarah mahake.nge par dekhegaa kaun

dekhanaa sab raqs-e-bismal me.n magan ho jaaye.nge
jis taraf se tiir aayegaa udhar dekhegaa kaun

vo havas ho yaa vafaa ho baat maharuumii kii hai
log to phal-phuul dekhe.nge shajar dekhegaa kaun

[maharuum = deprived; shajar = tree]

ham chiraaG-e-shab hii jab Thahare to phir kyaa sochanaa
raat thii kis kaa muqaddar aur sahar dekhegaa kaun

[chiraaG-e-shab = night lamp]

aa fasiil-e-shahar se dekhe.n Ganiim-e-shahar ko
shahar jalataa ho to tujh ko baam par dekhegaa kaun

[sarfraz_qamar]

Re: sarfraz chouhdary,s most wanted

subah kii pahalii duaa se aashanaa hotaa huaa
ek sannaaTaa hai maanuus-e-sadaa hotaa huaa

[aashanaa = acquainted; maanuus-e-sadaa = familiar sound]

jaate mausam kii ajab tasviir hai chaaro.n ataraf
darmiyaa.N us ke hai ik pattaa haraa hotaa huaa

itanii aagaahii to hai mai.n ba.Dh rahaa huu.N kis taraf
ye nahii.n maaluum kis se huu.N judaa hotaa huaa

[aagaahii = to know beforehand]

ik navaa aahistaa aahistaa fanaa hotii hu_ii
ek harf-e-sad-talab chup chup adaa hotaa huaa

[fanaa = destroyed; harf-e-sad-talab = word describing a thousand desires]

dekh mai.n apanii jagah se ik qadam sarakaa nahii.n
dekh terii hii nishaanii hai Khataa hotaa huaa

[sarfraz_qamar]

Re: sarfraz chouhdary,s most wanted

"Insha" jii uTho ab kuuch karo is shahar me.n jii kaa lagaanaa kyaa
vahashii ko sukuu.N se kyaa matalab jogii kaa nagar me.n Thikaanaa kyaa

[vahashii = wild; sukuu.N = contentment]

is dil ke dariidaa-daaman ko dekho to sahii, socho to sahii
jis jholii me.n sau chhed hu_e us jholii ko phailaanaa kyaa

[dariidaa-daaman = torn clothing]

shab bitii chaa.Nd bhii Duub gayaa za.njiir pa.Dii daravaaze me.n
kyo.n der gaye ghar aaye ho sajaanii se karoge bahaanaa kyaa

[sarfraz_qamar]

Re: sarfraz chouhdary,s most wanted

tumhaarii yaad ke jab zaKhm bharane lagate hai.n
kisii bahaane tumhe.n yaad karane lagate hai.n

hadiis-e-yaar ke unavaa.N nikharane lagate hai.n
to har hariim me.n gesuu sa.Nvarane lagate hai.n

[hariim - house]

har ajanabii hame.n maharam dikhaa_ii detaa hai
jo ab bhii terii galii galii se guzarane lagate hai.n

[maharam = acquaintance]

sabaa se karate hai.n Gurbat-nasiib zikr-e-vatan
to chashm-e-subah me.n aa.Nsuu ubharane lagate hai.n

[sarfraz_qamar]

Re: sarfraz chouhdary,s most wanted

dayaar-e-Gair me.n kaise tujhe sadaa dete
tuu mil bhii jaataa to tujhe ga.Nvaa dete

[dayaar-e-Gair = alien/unknown place; ga.Nvaa denaa = to lose]

tumhii.n ne ham ko sunaayaa na apanaa dukh varanaa
duaa vo karate ke ham aasamaan hilaa dete

hame.n ye zom rahaa ab ke vo pukaare.nge
u.nhe.n ye zid thii ke har baar ham sadaa dete

[zom = illusion]

vo teraa Gam thaa ke taasiir mere lahaje kii
ke jis ko haal sunaate use rulaa dete

[taasiir = effect; lahajaa = style]

tumhe.n bhulaanaa hii avval to dastaaras me.n nahii.n
jo iKhtiyaar bhii hotaa to kyaa bhulaa dete

[Soulmate]

Re: sarfraz chouhdary,s most wanted

acha................................

[sarfraz_qamar]

Re: sarfraz chouhdary,s most wanted

is vaqt to yuu.N lagataa hai ab kuchh bhii nahii.n hai
mahataab na suuraj na a.Ndheraa na saveraa
aa.Nkho.n ke dariiche me.n kisii husn kii jhalakan
aur dil kii panaaho.n me.n kisii dard kaa Deraa
mumkin hai ko_ii vaham ho mumkin hai sunaa ho
galiyo.n me.n kisii chaap kaa ek aaKhirii pheraa
shaaKho.n me.n Khayaalo.n ke ghane pe.D kii shaayad
ab aake karegaa na ko_ii Khvaab baseraa
ik bair na ik mahar na ik rabt na rishtaa
teraa ko_ii apanaa na paraayaa ko_ii meraa
maanaa ki ye sun-saan gha.Dii saKht ba.Dii hai
lekin mere dil ye to faqat ek gha.dii hai
himmat karo jiine ko abhii umr pa.Dii hai