sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ta.Dap uTThuu.N bhii to zaalim terii duhaa_ii na duu.N
mai.n zaKhm zaKhm huu.N phir bhii tujhe dikhaa_ii na duu.N

tere badan me.n dha.Dakane lagaa huu.N dil kii tarah
ye aur baat ke ab bhii tujhe sunaa_ii na duu.N

Khud apane aap ko parakhaa to ye nadaamat hai
ke ab kabhii use ilzaam-e-bevafaa_ii na duu.N

mujhe bhii Dhuu.NDh kabhii mahv-e-aa_iinaa-daarii
mai.n teraa aqs huu.N lekin tujhe dikhaa_ii na duu.N

[sarfraz_qamar]

Re: sarfraz chouhdary,s most wanted

jab bhii us gul-badan kii yaad aa_ii
ho ga_ii pur-bahaar tanhaa_ii

chau.Nk uThe haadasaat duniyaa ke
mere ho.nTho.n pe jab ha.Nsii aa_ii


jab kisii ne tumhaaraa naam liyaa
jaane kyuu.N mujh ko apanii yaad aa_ii

dekh ai sheKh mere saaGar me.n
apanii jannat kii jalvaa-faramaa_ii

[sarfraz_qamar]

Re: sarfraz chouhdary,s most wanted

kitane aish u.Daate ho.nge kitane itaraate ho.nge
jaane kaise log vo ho.nge jo us ko bhaate ho.nge

us kii yaad kii baad-e-sabaa me.n aur to kyaa hotaa hogaa
yuu.N hii mere baal hai.n bikhare aur bikhar jaate ho.nge

ba.nd rahe jin kaa daravaazaa aise gharo.n kii mat puuchho
diivaare.n gir jaatii ho.ngii aa.Ngan rah jaate ho.nge

merii saa.Ns ukha.Date hii sab bai.n kare.nge ro_e.nge
yaanii mere baad bhii yaanii saa.Ns liye jaate ho.nge

yaaro kuchh to baat bataa_o us kii qayaamat baaho.n kii
vo jo simaTate ho.nge in me.n vo to mar jaate ho.nge

[sarfraz_qamar]

Re: sarfraz chouhdary,s most wanted

zamaanaa aaj nahii.n Dagamagaa ke chalane kaa
sambhal bhii jaa ki abhii vaqt hai sambhalane kaa

bahaar aaye chalii jaaye phir chalii aaye
magar ye dard kaa mausam nahii.n badalane kaa

ye Thiik hai ki sitaaro.n pe ghuum aaye hai.n
magar kise hai saliiqaa zamii.n pe chalane kaa



phire hai.n raato.n ko aavaaraa ham to dekhaa hai
galii galii me.n samaa.N chaa.Nd ke nikalane kaa

[sarfraz_qamar]

Re: sarfraz chouhdary,s most wanted

daaG duniyaa ne diye zaKhm zamaane se mile
ham ko ye tohafe tumhe.n dost banaane se mile

ham tarasate hii taraste hii tarasate hii rahe
vo falaane se falaane se falaane se mile

Khud se mil jaate to chaahat kaa bharam rah jaataa
kyaa mile aap jo logo.n ke milaane se mile

kaise maane ke unhe.n bhuul gayaa tuu ai 'Kaif'
un ke Khat aaj hame.n tere sarahaane se mile

[sarfraz_qamar]

Re: sarfraz chouhdary,s most wanted

ham ko yaa.N dar dar phiraayaa yaar ne
laamakaa.N me.n ghar banaayaa yaar ne

aap apane dekhane ke vaaste
ham ko aa_iinaa banaayaa yaar ne

apane ik adanaa tamaashe ke liye
ham ko suulii par cha.Dhaayaa yaar ne

aap chhup ke ham ko kar ke ruu-bar-ruu
Khuub hii rusvaa karaayaa yaar ne

aap to but ban ke kii jalvaa-garii
aur hame.n kaafir banaayaa yaar ne

[sarfraz_qamar]

Re: sarfraz chouhdary,s most wanted

sisakate aab me.n kis kii sadaa hai
ko_ii dariyaa kii tah me.n ro rahaa hai

savere merii in aa.Nkho.n ne dekhaa
Khudaa charo taraf bikharaa huaa hai

sameTo aur siine me.n chhupaalo
ye sannaaTaa bahut phailaa huaa hai

pak gehuu.N kii Khushbuu chiikhatii hai
badan apanaa suneharaa ho chalaa hai

haqiiqat surKh machhalii jaanatii hai
samandar kaisaa buu.Dhaa devataa hai

hamaarii shaaKh kaa nau-Khez pattaa
havaa ke ho.nTh aksar chuumataa hai

mujhe un niilii aa.Nkho.n ne bataayaa
tumhaaraa naam paanii par likhaa hai

[sarfraz_qamar]

Re: sarfraz chouhdary,s most wanted

nahii.n ki milane milaane kaa sil-silaa rakhanaa
kisii bhii satah pe ko_ii to raabtaa rakhanaa

madad kii tum se tavaqqo to Khair kyaa hogii
Gariib-e-shahar-e-sitam huu.N meraa pataa rakhanaa

mare.nge aur hamaare sivaa bhii tum pe bahut
ye jurm hai to phir is jurm kii sazaa rakhanaa

naye safar pe ravaanaa huaa hai az-sar-e-nau
jab aa_uu.Ngaa to meraa naam bhii nayaa rakhanaa

[sarfraz_qamar]

Re: sarfraz chouhdary,s most wanted

jahaa.N na terii mahak ho udhar na jaa_uu.N mai.n
merii sarisht safar hai guzar na jaa_uu.N mai.n

mere badan me.n khule ja.ngalo.n kii miTTii hai
mujhe sambhaal ke rakhanaa bikhar na jaa_uu.N mai.n

mere mizaaj me.n be-maanii ulajhane.n hai.n bahut
mujhe udhar se bulaanaa jidhar na jaa_uu.N mai.n

kahii.n pukaar na le gaharii vaadiyo.n kaa sabuut
kisii maqaam pe aakar Thahar na jaa_uu.N mai.n

[sarfraz_qamar]

Re: sarfraz chouhdary,s most wanted

vafaa ke Khvaab muhabbat kaa aasara le jaa
agar chalaa hai to jo kuchh mujhe diyaa le jaa

maqaam-e-suud-o-ziyaa aa gayaa hai phir jaanaa.N
ye zaKhm mere sahii tiir to uThaa le jaa

yahii hai qismat-e-saharaa yahii karam teraa
ki buu.Nd buu.Nd ataa kar ghaTaa ghaTaa le jaa

Guruur-e-dost se itanaa bhii dil-shikastaa na ho
phir uTh ke saamane daaman-e-iltajaa le jaa

nadaamate.n ho.n to sar baar-e-dosh hotaa hai
"Faraz" jaa.N ke evaz aabaruu bachaa le jaa

[sarfraz_qamar]

Re: sarfraz chouhdary,s most wanted

a.nga.Daa_ii bhii vo lene na paaye uThaa ke haath
dekhaa mujhe to chho.D diye muskuraa ke haath

besaaKhtaa nigaahe.n jo aapas me.n mil ga_ii.n
kyaa muu.Nh pe us ne rakh liye aa.Nkhe.n churaa ke haath

vo zaanuo.n pe siinaa chhupaanaa simaT ke haay
aur phir sambhaalanaa vo dupaTTaa chhu.Daa ke haath


denaa vo us kaa saaGar-e-may yaad hai "Nizam"
muu.Nh pher ko udhar ko idhar ko ba.Dhaa ke haath

[sarfraz_qamar]

Re: sarfraz chouhdary,s most wanted

duur ko_ii raat bhar gaataa rahaa
teraa milanaa mujh ko yaad aataa rahaa

is tarah kuchh us ne chhe.daa dil kaa saaz
der tak har taar tharraataa rahaa

husn par taasiir-e-Gam hotii rahii
ik shaguftaa phuul kumhalaataa rahaa

ham bhii zabt-e-dard-e-Gam karate rahe
vo bhii apane dil ko samajhaataa rahaa

ham na aaye phir chaman me.n lauT kar
mausam-e-gul baar baar aataa rahaa

[sarfraz_qamar]

Re: sarfraz chouhdary,s most wanted

ye i.ntazaar Galat hai ki shaam ho jaaye
jo ho sake to abhii daur-e-jaam ho jaaye

Khudaa-na Khvaastaa piine lage jo vaa_iz bhii
hamaare vaaste piina haraam ho jaaye

mujh jaise ri.nd ko bhii tuu ne hashr me.n yaa rab
bulaa liyaa hai to kuchh intazaam ho jaaye

vo sahan-e-baaG me.n aaye hai.n may-kashii ke liye
Khudaa kare ke har ik phuul jaam ho jaaye



mujhe pasand nahii.n us pe gaam-zan honaa
vo rah-guzar jo guzar-gaah-e-aam ho jaaye

[sarfraz_qamar]

Re: sarfraz chouhdary,s most wanted

jag me.n aakar idhar udhar dekhaa
tuu hii aayaa nazar jidhar dekhaa

jaan se ho gaye badan Khaalii
jis taraf tuune aa.Nkh bhar ke dekhaa

naalaa fariyaad aah-o-zaarii
aap se ho sakaa so kar dekhaa

un labo.n ne kii na masihaa_ii
ham ne sau sau tarah se mar dekhaa

zor aashiq mizaaj hai ko_ii
"Dard" ko qisaa-e-muKhtasar dekhaa

[sarfraz_qamar]

Re: sarfraz chouhdary,s most wanted

sitam hii karanaa jafaa hii karanaa
nigaah-e-lutf kabhii na karanaa
tumhe.n qasam hai hamaare sar kii
hamaare haq me.n kamii na karanaa

kahaa.N kaa aanaa kahaa.N kaa jaanaa
vo jaante hii nahii.n ye rasme.n
vahaa.N hai vaade kii bhii ye suurat
kabhii to karanaa kabhii na karanaa

hamaarii mayyat pe tum jo aanaa
to chaar aa.Nsuu bahaa ke jaanaa
zaraa rahe paas-e-aabaruu bhii
kahii.n hamaarii ha.Nsii na karanaa

vo ik hamaaraa tariiq-e-ulfat
ki dushmano.n se bhii mil ke chalanaa
ye ek shevaa teraa sitamagar
ki dost se dostii na karanaa