sarfraz chouhdary,s most wanted

[sarfraz_qamar]

Re: sarfraz chouhdary,s most wanted

Khuun se jab jalaa diyaa ek diyaa bujhaa huaa
phir mujhe de diyaa gayaa ek diyaa bujhaa huaa

ek hii daastaan-e-shab ek hii sil_silaa to hai
ek diyaa jalaa huaa ek diyaa bujhaa huaa

mahafil-e-rang-o-nuur kii phir mujhe yaad aa ga_ii
phir mujhe yaad aa gayaa ek diyaa bujhaa huaa

mujh ko nishaat se fuzuu.N rasm-e-vafaa aziiz hai
meraa rafiiq-e-shab rahaa ek diyaa bujhaa huaa

dard kii kaa_inaat me.n mujh se bhii raushanii rahii
vaise merii bisaat kyaa ek diyaa bujhaa huaa

sab merii raushanii-e-jaa.N harf-e-suKhan me.n Dhal ga_ii
aur mai.n jaise rah gayaa ek diyaa bujhaa huaa

[sarfraz_qamar]

Re: sarfraz chouhdary,s most wanted

Khvaab is aa.Nkho.n se ab ko_ii churaa kar le jaaye
qabr ke suukhe huye phuul uThaa kar le jaaye

mu.ntazir phuul me.n Khushbuu kii tarah huu.N kab se
ko_ii jho.nke.n kii tarah aaye u.Daa kar le jaaye

ye bhii paanii hai magar aa.Nkho.n kaa aisaa paanii
jo hathelii pe rachii meha.ndii u.Daa kar le jaaye

mai.n mohabbat se mahakataa huaa Khat huu.N mujh ko
zi.ndagii apanii kitaabo.n me.n dabaa kar le jaaye

Khaak i.nsaaf hai naabiinaa buto.n ke aage
raat thaalii me.n chiraaGo.n ko sajaa kar le jaaye

[sarfraz_qamar]

Re: sarfraz chouhdary,s most wanted

Khvaab kii tarah bikhar jaane ko jii chaahataa hai
aisii tanhaa_ii ki mar jaane ko jii chaahataa hai

ghar kii vahashat se larazataa huu.N magar jaane kyo.n
shaam hotii hai to ghar jaane ko jii chaahataa hai

Duub jaa_uu.N to ko_ii mauj nishaa.N tak na bataaye
aisii nadii me.n utar jaane ko jii chaahataa hai

kabhii mil jaaye to raste kii thakan jaag pa.De
aisii manzil se guzar jaane ko jii chaahataa hai

vahii paimaa.N jo kabhii jiii ko Khush aayaa thaa bahut
usii paimaa.N se mukar jaane ko jii chaahataa hai

[sarfraz_qamar]

Re: sarfraz chouhdary,s most wanted

Khvaab kii tarah se hai yaad ke tum aaye the

jis tarah daaman-e-mashriq me.n sahar hotii hai
zarre zarre ko tajallii kii Khabar hotii hai
aur jab nuur kaa sailaab guzar jaataa hai
raat bhar ek a.ndhere me.n basar hotii hai
kuchh isii tarah se hai yaad ke tum aaye the]


jaise gulashan me.n dabe paao.n bahaar aatii hai
pattii pattii ke liye leke nikhaar aatii hai
aur phir vaqt vo aataa hai ke har mauj-e-sabaa
apane daaman me.n liye gard-o-Gubaar aatii hai
kuchh isii tarah se hai yaad ke tum aaye the

[sarfraz_qamar]

Re: sarfraz chouhdary,s most wanted

Khvaab-Baseraa (A nazm)

is vaqt to yuu.N lagataa hai ab kuchh bhii nahii.n hai
mahataab na suuraj na a.Ndheraa na saveraa
aa.Nkho.n ke dariiche me.n kisii husn kii jhalakan
aur dil kii panaaho.n me.n kisii dard kaa Deraa
mumkin hai ko_ii vaham ho mumkin hai sunaa ho
galiyo.n me.n kisii chaap kaa ek aaKhirii pheraa
shaaKho.n me.n Khayaalo.n ke ghane pe.D kii shaayad
ab aake karegaa na ko_ii Khvaab baseraa
ik bair na ik mahar na ik rabt na rishtaa
teraa ko_ii apanaa na paraayaa ko_ii meraa
maanaa ki ye sun-saan gha.Dii saKht ba.Dii hai
lekin mere dil ye to faqat ek gha.dii hai
himmat karo jiine ko abhii umr pa.Dii hai

[sarfraz_qamar]

Re: sarfraz chouhdary,s most wanted


kii vafaa hamase to Gair use jafaa kahate hai.n
hotii aa_ii hai ke achchho.n ko buraa kahate hai.n

aaj ham apanii pareshaanii-e-Khaatir un se
kahane jaate to hai.n, par dekhiye kyaa kahate hai.n

agale vaqto.n ke hai.n ye log, i.nhe.n kuchh na kaho
jo may-o-naGme.n ko a.ndoharuubaa kahate hai.n

dil me.n aa jaa_e hai, hotii hai jo fursat Gash se
aur phir kaun se naale ko rasaa kahate hai.n?

hai par-e-sarahad-e-idaraak se apanaa masjuud
qible ko, ahal-e-nazar, qiblaanumaa kahate hai.n

[sarfraz_qamar]

Re: sarfraz chouhdary,s most wanted

kis ko aatii hai masihaa_ii kise aavaaz duu.N
bol ai Khuu.nKhaar tanahaa_ii kise aavaaz duu.N

chup rahuu.N to har nafas Dasataa hai naagan kii tarah
aah bharane me.n hai rusavaa_ii kise aavaaz duu.N

uff Khaamoshii kii ye aahe.n dil ko baramaatii hu_ii
uff ye sannaaTe kii shehanaa_ii kise aavaaz duu.N

[sarfraz_qamar]

Re: sarfraz chouhdary,s most wanted

kis liye raqs dikhaataa huu.N mujhe kyaa maaluum
mai.n to bas vaqf-e-tamaashaa huu.N mujhe kyaa maaluum

kaisaa hangaamaa baraabar ke makaa.N me.n hai muqiim
mai.n to Khud shor me.n rahataa huu.N mujhe kyaa maaluum

ek Khurshiid se mansuub hai.n din raat mere
dhuup huu.N yaa ko_ii saayaa huu.N mujhe kyaa maaluum

aag hai yaa ko_ii gul_zaar tah-e-shaaKh-e-chiraaG
Khaak huu.N Khaak me.n rahataa huu.N mujhe kyaa maaluum

[sarfraz_qamar]

Re: sarfraz chouhdary,s most wanted

kisii kalii ne bhii dekhaa na aa.Nkh bhar ke mujhe
guzar ga_ii jaras-e-gul udaas kar ke mujhe

mai.n so rahaa thaa kisii yaad ke shabistaa.N me.n
jagaa ke chho.D gaye qaafile sahar ke mujhe


mai.n ro rahaa thaa muqaddar kii saKht raaho.n me.n
u.Daa ke le gayaa jaaduu terii nazar kaa mujhe

mai.n terii dard kii tuGiyaaniyo.n me.n Duub gayaa
pukaarate rahe taare ubhar ubhar ke mujhe

[sarfraz_qamar]

Re: sarfraz chouhdary,s most wanted

nazm is titled "Kisii Ko Udaas Dekh Kar".


tumhe.n udaas saa paataa huu.N mai.n ka_ii din se
na jaane kaun se sadame uThaa rahii ho tum
vo shoKhiyaa.N vo tabassum vo qah_qahe na rahe
har ek chiiz ko hairat se dekhatii ho tum
chhipaa chhipaa ke Khamoshii me.n apanii bechainii
Khud apane raaz kii tashhiir ban ga_ii ho tum


merii ummiid agar miT ga_ii to miTane do
ummiid kyaa hai bas ik pesh-o-pas hai kuchh bhii nahii.n
merii hayaat kii Gam_gii.nio.n kaa Gam na karo
Gam-e-hayaat Gam-e-yak_nafas hai kuchh bhii nahii.n
tum apane husn kii raanaa_iio.n pe raham karo
vafaa fareb hai tuul-e-havas hai kuchh bhii nahii.n

[sarfraz_qamar]

Re: sarfraz chouhdary,s most wanted


kisii ne jo dil kii kahaanii sunaa_ii
tumhaarii muhabbat bahut yaad aa_ii

chaman me.n jo ko_ii kalii muskuraa_ii
tumhaarii muhabbat bahut yaad aa_ii

kahii.n ko_ii Khushbu kaa jho.Nkaa jo aayaa
to aisaa lagaa jaise tum aa gaye ho
har aahaT tumhaaraa hii paiGaam laaye
tumhaarii muhabbat bahut yaad aa_ii

meraa ek pal aaj kal ek sadii hai
kahaa.N vo mausam suhaane suhaane
kahaa.N pyaarii pyaarii tumhaarii vo baate.n
merii jaan lene lagii hai judaa_ii

bataao kahaa.N aake tum ko pukaare.n
nazar har taraf bas tumhe.n Dhuu.NDhatii hai

chale aao viiraan raahe.n sajaa do
merii har tamannaa javaa.N ho rahii hai
milo tum to mil jaaye saarii Khudaa_ii
tumharii muhabbat bahut yaad aa_ii

[sarfraz_qamar]

Re: sarfraz chouhdary,s most wanted

kis-kis tarah se mujhako na rusvaa kiyaa gayaa
Gairo.n kaa naam mere lahuu se likhaa gayaa

nikalaa thaa mai.n sadaa-e-jaras kii talaash me.n
bhuule se is sukuut ke seharaa me.n aa gayaa

kyo.n aaj usakaa zikr mujhe Khush na kar sakaa
kyo.n aaj usakaa naam meraa dil dukhaa gayaa

is haadase ko sunake karegaa yaqii.n ko_ii
suuraj ko ek jho.nkaa havaa kaa bujhaa gayaa

[sarfraz_qamar]

Re: sarfraz chouhdary,s most wanted

kitanaa kaam karenge
ab aaraam karenge

tere diye hue dukh
tere naam karenge

ahal-e-dard hii aaKhir
Khushiyaa.N aam karenge

kaun bachaa hai jise vo
zer-e-daam karenge

naukarii chho.D ke "Nasir"
apanaa kaam karenge

[sarfraz_qamar]

Re: sarfraz chouhdary,s most wanted

kitane aish u.Daate ho.nge kitane itaraate ho.nge
jaane kaise log vo ho.nge jo us ko bhaate ho.nge

us kii yaad kii baad-e-sabaa me.n aur to kyaa hotaa hogaa
yuu.N hii mere baal hai.n bikhare aur bikhar jaate ho.nge

ba.nd rahe jin kaa daravaazaa aise gharo.n kii mat puuchho
diivaare.n gir jaatii ho.ngii aa.Ngan rah jaate ho.nge

merii saa.Ns ukha.Date hii sab bai.n kare.nge ro_e.nge
yaanii mere baad bhii yaanii saa.Ns liye jaate ho.nge

yaaro kuchh to baat bataa_o us kii qayaamat baaho.n kii
vo jo simaTate ho.nge in me.n vo to mar jaate ho.nge

[sarfraz_qamar]

Re: sarfraz chouhdary,s most wanted

kitanii pii kaise kaTii raat mujhe hosh nahii.n
raat ke saath ga_ii baat mujhe hosh nahii.n

mujh ko ye bhii nahii.n maaluum ki jaanaa hai kahaa.N
thaam le ko_ii meraa haath mujhe hosh nahii.n

aa.Nsuo.n aur sharaabo.n me.n guzar hai ab to
mai.n ne kab dekhii thii barasaat mujhe hosh nahii.n

jaane kyaa TuuTaa hai paimaanaa ki dil hai meraa
bikhare bikhare hai.n Khayaalaat mujhe hosh nahii.n