sarfraz chouhdary,s most wanted

[sarfraz_qamar]

Re: sarfraz chouhdary,s most wanted

jahaa.N na terii mahak ho udhar na jaa_uu.N mai.n
merii sarisht safar hai guzar na jaa_uu.N mai.n

mere badan me.n khule ja.ngalo.n kii miTTii hai
mujhe sambhaal ke rakhanaa bikhar na jaa_uu.N mai.n

mere mizaaj me.n be-maanii ulajhane.n hai.n bahut
mujhe udhar se bulaanaa jidhar na jaa_uu.N mai.n

kahii.n pukaar na le gaharii vaadiyo.n kaa sabuut
kisii maqaam pe aakar Thahar na jaa_uu.N mai.n

na jaane kaun se lamhe kii bad-duaa hai ye
qariib ghar ke rahuu.N aur ghar na jaa_uu.N mai.n

[sarfraz_qamar]

Re: sarfraz chouhdary,s most wanted


jahaa.N phuulo.n ko khilanaa thaa vahii.n khilate to achchhaa thaa
tumhii.n ko ham ne chaahaa thaa tumhii.n milate to achchhaa thaa

ko_ii aakar hame.n puuchhe tumhe.n kaise bhulaayaa hai
tumhaare Khat ko ashko.n se shab-e-Gam me.n jalaayaa hai
hazaaro.n zaKhm aise hai.n agar silate to achchhaa thaa

tumhe.n jitanaa bhulaayaa hai tumharii yaad aa_ii hai
bahaar-e-nau jo aa_ii hai vo hii Khushbuu laa_ii hai
tumhare lab merii Khaatir agar hilate to achchhaa thaa

milaa hai lutf bhii ham ko hasii.n yaado.n kii jhil-mil me.n
kaTatii hai zindagii tum bin magar itanii sii hai dil me.n
agar tum aate to achchhaa thaa agar milate to achchhaa thaa

[sarfraz_qamar]

Re: sarfraz chouhdary,s most wanted

jal bhii chuke paravaane ho bhii chukii rusvaa_ii
ab Khaak u.Daane ko baiThe hai.n tamaashaa_ii

taaro.n kii ziyaa dil me.n ik aag lagaatii hai
aaraam se raato.n ko sote nahii.n saudaa_ii

raato.n kii udaasii me.n Khaamosh hai dil meraa
behis hai.n tamannaaye.n nii.nd aa_ii ki maut aa_ii

ab dil ko kisii karavaT aaraam nahii.n milataa
ik umr kaa ronaa hai do din kii shanaasaa_ii

ik shaam vo aaye the ik raat farozaa.N thii
vo shaam nahii.n lauTii vo raat nahii.n aa_ii

[sarfraz_qamar]

Re: sarfraz chouhdary,s most wanted

jannat jo mile laake maiKhaane me.n rakh denaa
qausar mere chhoTe se paimaane me.n rakh denaa

mayyat na merii jaa ke viiraane me.n rakh denaa
paimaano.n me.n dafnaa ke maiKhaane me.n rakh denaa

vo jis se samajh jaaye.n rudaad mere Gam kii
aisaa bhii ko_ii Tukaraa afsaane me.n rakh denaa

sajdo.n pe naa denaa mujh ko arbaab-e-haram taane
kaabe kaa ko_ii patthar but-Khaane me.n rakh denaa

[sarfraz_qamar]

Re: sarfraz chouhdary,s most wanted

A small nazm titled 'jhalak':

sirf laharaa ke rah gayaa aa.Nchal
rang ban kar bikhar gayaa ko_ii

gardish-e-Khuu.N rago.n me.n tez hu_ii
dil ko chuukar guzar gayaa ko_ii

phuul se khil gaye tasavvur me.n
daaman-e-shauq bhar gayaa ko_ii

[sarfraz_qamar]

Re: sarfraz chouhdary,s most wanted

jii uThe hashr me.n phir jii se guzarane vaale
yaa.N bhii paidaa huye phir aap pe marane vaale


hai udaasii shab-e-maatam kii suhaanii kaisii
chaa.Nv me.n taaro.n kii nikale hai.n sa.Nvarane vaale

ham to samajhe the ki dushman pe uThaayaa Kha.njar
tumane jaanaa ki hamii.n tum pe hai.n marane vaale

sabr kii mere, mujhe daad zaraa de denaa
O mere hashr ke din faisalaa karane vaale

kyaa mazaa detii hai bijalii kii chamak mujhako "Riaz"
mujhase lipaTate hai.n, mere naam se Darane vaale

[sarfraz_qamar]

Re: sarfraz chouhdary,s most wanted

jiinaa azaab kyuu.N hai ye kyaa ho gayaa mujhe
kis shaKhs kii lagii hai bhalaa bad-duaa mujhe

bananaa pa.Daa hai aap hii apanaa Khudaa mujhe
kis kufr kii milii hai bhalaa ye sazaa mujhe

ye kah ke mai.n ne rakkhaa hai har aa_iine kaa dil
agale janam me.n ruup milegaa nayaa mujhe

nikale the dono.n bhes badal kar to kyaa ajab
mai.n Dhuu.NDhataa Khudaa ko phiraa aur Khudaa mujhe

tuu mutama_iin nahi.n to mujhe kab hai aitaraaz
miTTii ko phir se goo.Ndh merii, phir banaa mujhe

[sarfraz_qamar]

Re: sarfraz chouhdary,s most wanted

jaane vaale qazaa se Darate hai.n
zahar piikar davaa se Darate hai.n

zaahido.n ko kisii kaa Khauf nahii.n
sirf kaalii ghaTaa se Darate hai.n

aah jo kuchh kahe hame.n ma.nzuur
nek ba.nde Khudaa se Darate hai.n

dushmano.n ke sitam kaa Khuaf nahii.n
dosto.n kii vafaa se Darate hai.n

[sarfraz_qamar]

Re: sarfraz chouhdary,s most wanted

jis tarah chaahe.n karam farmaayiye
dil me.n rahiye dard banate jaayiye

sochiye to husn kaafir kuchh nahii.n
dekhiye aur dekhate rah jaayiye

ho chukii taskiin kyuu.N samajhaayiye
aap ko jaanaa hai achchhaa jaayiye

un ke ghar aur sirf un ke ghar "Raza"
jaayiye aur bin bulaaye jaayiye

[sarfraz_qamar]

Re: sarfraz chouhdary,s most wanted

jis tarah kii hai.n ye diivaare.n ye dar jaisaa bhii hai
sar chhipaane ko mayassar to hai ghar jaisaa bhii hai

us ko mujh se mujh ko us se nisbate.n hai.n beshumaar
merii chaahat kaa hai mahavar ye nagar jaisaa bhii hai

chal pa.Daa huu.N shauq-e-beparvaah ko murshad maan kar
raastaa pur_pech hai yaa pur_Khatar jaisaa bhii hai]

sab gavaaraa hai thakan saarii dukhan saarii chubhan
ek Khushbuu ke liye hai ye safar jaisaa bhii hai

[sarfraz_qamar]

Re: sarfraz chouhdary,s most wanted

jism apanaa hai ko_ii aur na saayaa apanaa
jaane is ziist me.n hai kaun saa rishtaa apanaa

tuune kis mo.D pe chho.Daa thaa mujhe umr-e-ravaa.N
tak rahaa huu.N ka_ii sadiyo.n se mai.n rastaa apanaa

ham rahe bhii to badalate hue mausam kii tarah
terii aa.Nkho.n me.n ko_ii aks na Thaharaa apanaa

ik teraa Gam thaa ba_har_rang jo shaadaab rahaa
is shajar ne giraayaa ko_ii pattaa apanaa

[sarfraz_qamar]

Re: sarfraz chouhdary,s most wanted

jo chaahate ho so kahate ho chup rahane kii lazzat kyaa jaano
ye raaz-e-muhabbat hai pyaare tum raaz-e-muhabbat kyaa jaano

alfaaz kahaa.N se laauu.N chhale kii tapak ko samajhaauu.N
izahaar-e-muhabbat karate ho ehasaas-e-muhabbat kyaa jaano

kyaa husn kii bhiikh bhii hotii hai jab chuTakii chuTakii ju.Datii hai
ham ahal-e-garaz jaane is ko tum saahib-e-daulat kyaa jano

hai farq ba.Daa ai jaan-e-"Raza" dil dene me.n dil lene me.n
ulfat kaa ta'alluq jaan ke bhii rishte kii nazaakat kyaa jaano

[sarfraz_qamar]

Re: sarfraz chouhdary,s most wanted

jo dil ne kahii lab pe kahaa.N aa_ii hai dekho
ab mahafil-e-yaaraa.N me.n bhii tanhaa_ii hai dekho

phuulo.n se havaa bhii kabhii ghabaraa_ii hai dekho
Guncho.n se bhii shabanam kabhii kataraa_ii hai dekho

ab zauq-e-talab vajah-e-junuu.N Thair gayaa hai
aur arz-e-vafaa baa_is-e-rusvaa_ii hai dekho

Gam apane hii ashko.n kaa Khariidaar huaa hai
dil apanii hii haalaat kaa tamaashaa_ii hai dekho

[sarfraz_qamar]

Re: sarfraz chouhdary,s most wanted

jo kuchh kaho qubuul hai taqaraar kyaa karuu.N
sharmindaa ab tumhe.n sar-e-baazaar kyaa karuu.N


maaluum hai ki paar khulaa aasamaan hai
chhuTate nahii.n hai.n ye dar-o-diivaar kyaa kauu.N


is haal me.n bhii saa.Ns liye jaa rahaa huu.N mai.n
jaataa nahii.n hai aas kaa aazaar kyaa karuu.N

hai.n vaa-shigaaf mujh pe tumhaarii inaayate.n
jo ankahii na ho use izahaar kyaa karuu.N

[sarfraz_qamar]

Re: sarfraz chouhdary,s most wanted

jog bijog kii baate.n jhuuThii sab jii kaa bahalaanaa ho
phir bhii ham se jaate jaate ek Gazal sun jaanaa ho

saarii duniyaa aql kii bairii kaun yahaa.N par sayaanaa ho
naahaq naam dhare.n sab ham ko diivaanaa diivaanaa ho

tum ne to ik riit banaa lii sun lenaa sharmaanaa ho
sab kaa ek na ek Thikaanaa apanaa kaun Thikaanaa ho

nagarii nagarii laakho.n dvaare har dvaare par laakh sukhii
lekin jab ham bhuul chuke hai.n daaman kaa phailaanaa ho

tere ye kyaa jii me.n aa_ii khii.nch liye sharmaa kar ho.nT
ham ko zahar pilaane vaalii amrit bhii pilavaanaa ho

ham bhii jhuuThe tum bhii jhuuThe ek isii kaa sachchaa naam
jis se diipak jalanaa siikhaa paravaanaa mar jaanaa ho