sarfraz chouhdary,s most wanted

[sarfraz_qamar]

Re: sarfraz chouhdary,s most wanted

achchhe isaa ho mariizo.n kaa Khayaal achchhaa hai
ham mare jaate hai.n tum kahate ho haal achchhaa hai

tujh se maa.Nguu.N mai.n tujhii ko ki sab kuchh mil jaaye
sau savaalo.n se yahii ek savaal achchhaa hai

dekh le bul_bul-o-paravaanaa kii betaabii ko
hijr achchhaa na hasiino.n kaa visaal achchhaa hai

aa gayaa us kaa tasavvur to pukaaraa ye shauq
dil me.n jam jaaye ilaahii ye Khayaal achchhaa hai

[sarfraz_qamar]

Re: sarfraz chouhdary,s most wanted

bandaa navaaziyo.n pe Khudaa-e-kariim thaa
karataa na mai.n gunaah to gunaah-e-aziim thaa

baate.n bhii kii Khudaa ne dikhaayaa jamaal bhii
vallaah kyaa nasiib janaab-e-kaliim thaa

duniyaa kaa haal ahal-e-adam hai ye muKhtasar
ik do qadam kaa kuuchaa-e-ummid-o-biim thaa

karataa mai.n dard_mand tabiibo.n se kyaa rajuu
jis ne diyaa thaa dard ba.Daa vo hakiim thaa

samaa.N-e-ufv kyaa mai.n kahuu.N muKhtasar hai ye
bandaa gunaah_gaar thaa Khaaliq kariim thaa

jis din se mai.n chaman me.n huaa Khvaah-e-gul 'Ameer'
naam-e-sabaa kahii.n na nishaan-e-nasiim thaa

[sarfraz_qamar]

Re: sarfraz chouhdary,s most wanted

ha.Ns ke faramaate hai.n vo dekh kar haalat merii
kyo.n tum aasaa.N samajhate the muhabbat merii

baad marane ke bhii chho.Dii na rafaaqat merii
merii turbat se lagii baiThii hai hasarat merii

mai.n ne aaGosh-e-tasavvur me.n bhii khe.nchaa to kahaa
pis ga_ii pis ga_ii bedard nazaakat merii

aa_iinaa subah-e-shab-e-vasl jo dekhaa to kahaa
dekh zaalim ye thii shaam ko suurat merii

yaar pahaluu me.n hai tanhaa_ii hai kah do nikale
aaj kyo.n dil me.n chhupii baiThii hai hasarat merii

husn aur ishq ham_aaGosh nazar aa jaate
terii tasviir me.n khi.nch jaatii jo hairat merii

kis DhiTaa_ii se vo dil chhiin ke kahate hai.n 'Ameer'
vo meraa ghar hai rahe jis me.n muhabbat merii

[sarfraz_qamar]

Re: sarfraz chouhdary,s most wanted

ishq me.n jaa.N se guzarate hai.n guzarane vaale
maut kii raah nahii.n dekhate marane vaale

aaKhirii vaqt bhii puuraa na kiyaa vaadaa-e-vasl
aap aate hii rahe mar gaye marane vaale


uThe aur kuuchaa-e-mahabuub me.n pahu.Nche aashiq
ye musaafir nahii.n raaste me.n Thaharane vaale

jaan dene kaa kahaa mai.n ne to ha.Ns kar bole
tum salaamat raho har roz ke marane vaale

aasmaa.N pe jo sitaare nazar aaye 'Ameer'
yaad aaye mujhe daaG apane ubharane vaale

[sarfraz_qamar]

Re: sarfraz chouhdary,s most wanted

jhonkaa idhar na aaye nasiim-e-bahaar kaa
naazuk bahut hai phuul charaaG-e-mazaar kaa

phir baiThe baiThe vaadaa-e-vasl us ne kar liyaa
phir uTh kha.Daa huaa vahii rog intazaar kaa

shaaKho.n se barg-e-gul nahii.n jha.Date hai.n baaG me.n
zevar utaar rahaa hai uruus-e-bahaar kaa

har gul se laalaazaar me.n ye puuchhataa huu.N mai.n
tuu hii pataa bataade dil-e-daaG_daar kaa

is pyaar se fishaar diyaa gor-e-tang ne
yaad aa gayaa mazaa mujhe aaGosh-e-yaar kaa

hilatii nahii.n havaa se chaman me.n ye Daaliyaa.N
muu.Nh chuumate hai.n phuul uruus-e-bahaar kaa

[sarfraz_qamar]

Re: sarfraz chouhdary,s most wanted

kah rahii hai hashr me.n vo aa.Nkh sharmaa_ii hu_ii
haaye kaise is bharii mahafil me.n rusvaa_ii hu_ii

aa_iine me.n har adaa ko dekh kar kahate hai.n vo
aaj dekhaa chaahiye kis kis kii hai aa_ii hu_ii

kah to ai gul_chii.n asiiraan-e-qafas ke vaaste
to.D luu.N do chaar kaliyaa.N mai.n bhii murjhaa_ii hu_ii

mai.n to raaz-e-dil chhupaa_uu.N par chhipaa rahane bhii de
jaan kii dushman ye zaalim aa.Nkh lalchaa_ii hu_ii

Gamzaa-o-naaz-o-adaa sab me.n hai hayaa kaa lagaao
haaye re bachapan kii shoKhii bhii hai sharmaa_ii hu_ii

vasl me.n Khaalii hu_ii raqiibo.n se mahafil to kyaa
sharm bhii jaaye to jaanuu.N ke tanhaa_ii hu_ii

gard u.Dii aashiq kii turbat se to jhunjhalaa ke kahaa
vaah sar cha.Dhane lagii paa.Nv kii Thukaraa_ii hu_ii

[sarfraz_qamar]

Re: sarfraz chouhdary,s most wanted

jo kuchh kaho qubuul hai taqaraar kyaa karuu.N
sharmindaa ab tumhe.n sar-e-baazaar kyaa karuu.N

maaluum hai ki paar khulaa aasamaan hai
chhuTate nahii.n hai.n ye dar-o-diivaar kyaa kauu.N

is haal me.n bhii saa.Ns liye jaa rahaa huu.N mai.n
jaataa nahii.n hai aas kaa aazaar kyaa karuu.N

hai.n vaa-shigaaf mujh pe tumhaarii inaayate.n
jo ankahii na ho use izahaar kyaa karuu.N

phir ek baar vo ruKh-e-maasuum dekhataa
khulatii nahii.n hai chashm-e-gunahagaar kyaa karuu.N

[sarfraz_qamar]

Re: sarfraz chouhdary,s most wanted

ka_ii marhale aur sar karane hai.n
abhii to bahut se safar karane hai.n

badii aur nekii yaqii.n aur shak
hai.n jitane bhii aib-o-hunar karane hai.n

hathelii pe rakhate hai.n apanaa kafan
jinhe.n apanaa jiivan amar karane hai.n

sitam hai ki duniyaa ke kitane hii kaam
zaruurii nahii.n hai.n magar karane hai.n

karoge kabhii tark bhii taak-jhaa.Nk
ki ye sil_sile umr bhar karane hai.n

bahut saKht mausam hai lekin 'Shaoor'
kisii taur ye din basar karane hai.n

[sarfraz_qamar]

Re: sarfraz chouhdary,s most wanted

vo gul_farosh kahaa.N ab gulaab kis se luu.N
nahii.n rahaa meraa saaqii sharaab kis se luu.N

terii talaash me.n is umr-e-mustu'ar ke saal
jo raayegaa.N gaye un kaa hisaab kis se luu.N

hayaat Khud hai savaal aur Khud javaab apanaa
savaal kis se karuu.N mai.n javaab kis se luu.N

kisii ke naam jo mansuub abhii nahii.n kii thii
mai.n apanii kho_ii hu_ii vo kitaab kis se luu.N

tumhaare baad na dekhuu.N tumhaare jaiso.n ko
to ye shabii.n ye umange.n ye Khvaab kis se luu.N

nashaakashii se bii le luu.N 'Shaoor' aaj magar
vo roz-e-abr-o-shab-e-maahataab kis se luu.N

[sarfraz_qamar]

Re: sarfraz chouhdary,s most wanted

kiyaa baadalo.n me.n safar zindagii bhar
zamii.n par banaayaa na ghar zindagii bhar

sabhii log jiine kaa fan jaanate hai.n
na aayaa hame.n ye hunar zindagii bhar

mohabbat rahii chaar din zindagii me.n
rahaa chaar din kaa asar zindagii bhar

[crying eyes]

Re: sarfraz chouhdary,s most wanted

NICE COLLECTION

ESPECIALLY THIS GHAZAL

lab-e Khaamosh se afshaa hogaa
raaz har rang me.n rusvaa hogaa

dil ke saharaa me.n chalii sard havaa
abr gul_zaar pe barasaa hogaa

tum nahii.n the to sar-e-baam-e-Khayaal
yaad kaa ko_ii sitaaraa hogaa

kis tavaqqo pe kisii ko dekhe.n
ko_ii tum se bhii hasii.n kyaa hogaa

ziinat-e-halqaa-e-aaGosh bano
duur baiThoge to charchaa hogaa

zulmat-e-shab me.n bhii sharmaate ho
dard chamakegaa to phir kyaa hogaa

jis bhii fan_kaar kaa shaahakaar ho tum
us ne sadiyo.n tumhe.n sochaa hogaa

kis qadar karb se chaTakii hai kalii
shaaKh se gul ko_ii TuuTaa hogaa

umr bhar roye faqat is dhun me.n
raat biitii to ujaalaa hogaa

saarii duniyaa hame.n pahachaanatii hai
ko_ii ham-saa bhii na tanhaa hogaa

[sarfraz_qamar]

Re: sarfraz chouhdary,s most wanted

NICE COLLECTION

ESPECIALLY THIS GHAZAL

lab-e Khaamosh se afshaa hogaa
raaz har rang me.n rusvaa hogaa

dil ke saharaa me.n chalii sard havaa
abr gul_zaar pe barasaa hogaa

tum nahii.n the to sar-e-baam-e-Khayaal
yaad kaa ko_ii sitaaraa hogaa

kis tavaqqo pe kisii ko dekhe.n
ko_ii tum se bhii hasii.n kyaa hogaa

ziinat-e-halqaa-e-aaGosh bano
duur baiThoge to charchaa hogaa

zulmat-e-shab me.n bhii sharmaate ho
dard chamakegaa to phir kyaa hogaa

jis bhii fan_kaar kaa shaahakaar ho tum
us ne sadiyo.n tumhe.n sochaa hogaa

kis qadar karb se chaTakii hai kalii
shaaKh se gul ko_ii TuuTaa hogaa

umr bhar roye faqat is dhun me.n
raat biitii to ujaalaa hogaa

saarii duniyaa hame.n pahachaanatii hai
ko_ii ham-saa bhii na tanhaa hogaa

Thanx janab

[sarfraz_qamar]

Re: sarfraz chouhdary,s most wanted

apane hamaraah jo aate ho idhar se pahale
dasht pa.Dataa hai miyaa.N ishq me.n ghar se pahale

chal diye uTh ke suu-e-shahar-e-vafaa kuu-e-habiib
puuchh lenaa thaa kisii Khaak basar se pahale

ishq pahale bhii kiyaa hijr kaa Gam bhii dekhaa
itane ta.Dape hai.n na ghabaraaye na tarase pahale

jii bahalataa hii nahii.n ab ko_ii sa'at ko_ii pal
raat Dhalatii hii nahii.n chaar pahar se pahale

ham kisii dar pe na ThiThake na kahii.n dastak dii
saika.Do.n dar the merii jaa.N tere dar se pahale

chaa.Nd se aa.Nkh milii jii kaa ujaalaa jaagaa
ham ko sau baar hu_ii subah sahar se pahale

[sarfraz_qamar]

Re: sarfraz chouhdary,s most wanted

aur to ko_ii bas na chalegaa hijr ke dard ke maaro.n kaa
subah kaa honaa duubhar kar de.n rastaa rok sitaaro.n kaa

jhuuThe sikko.n me.n bhii uThaa dete hai.n aksar sachchaa maal
shakle.n dekh ke saudaa karanaa kaam hai in banjaaro.n kaa

apanii zubaa.N se kuchh na kahe.nge chhup hii rahe.nge aashiq log
tum se to itanaa ho sakataa hai puuchho haal bechaaro.n kaa

ek zaraa sii baat thii jis kaa charchaa pahu.Nchaa galii galii
ham gum_naamo.n ne phir bhii ehasaan na maanaa yaaro.n kaa

dard kaa kahanaa chiiKh uTTho dil kaa taqaazaa vaza'a nibhaao
sab kuchh sahanaa chup chup rahanaa kaam hai izzat_daaro.n kaa

[sarfraz_qamar]

Re: sarfraz chouhdary,s most wanted

ham un se agar mil baiThate hai.n kyaa dosh hamaaraa hotaa hai
kuchh apanii jasaarat hotii hai kuchh un kaa ishaaraa hotaa hai

kaTane lagii.n raate.n aa.Nkho.n me.n dekhaa nahii.n palako.n pe aksar
kabhii shaam-e-Gariibaa.N kaa jugnuu kabhii subah kaa taraa hotaa hai

ham dil ko liye har des phire is jins kaa gaahak mil na sakaa
ai banjaaro ham log chale ham ko to Khasaaraa hotaa hai

ham apanii zabaa.N se kuchh bhii kahe.n shaayar hai Khayaalo.n se khele.n
aa jaao to baaham mil baiThe kabhii hijr bhii pyaaraa hotaa hai

daftar se uThe kaife me.n gaye kuch sher kahe kuchh kaafii pii
puuchhaa jo mu'ash kaa "Inshaajii" yuu.N apanaa guzaaraa hotaa hai