sarfraz chouhdary,s most wanted

[sarfraz_qamar]

Re: sarfraz chouhdary,s most wanted

kuchh pahale in aa.Nkho.n aage kyaa kyaa na nazaaraa guzare thaa
kyaa raushan ho jaatii thii galii jab yaar hamaaraa guzare thaa

the kitane achchhe log ki jinako apane Gam se fursat thii
sab puuchhe.n the ahavaal jo ko_ii dard kaa maaraa guzare thaa

ab ke to Khizaa.N aisii Thaharii vo saare zamaane bhuul gaye
jab mausam-e-gul har phere me.n aa aa ke dubaaraa guzare thaa

thii yaaro.n kii bahutaat to ham aGayaar se bhii bezaar na the
jab mil baiThe to dushman kaa bhii saath gavaaraa guzare thaa


ab to haath sujhaa_ii na deve lekin ab se pahale to
aa.nkh uThate hii ek nazar me.n aalam saaraa guzare thaa

[sarfraz_qamar]

Re: sarfraz chouhdary,s most wanted

kuchh tabiyat hii milii thii aisii chain se jiine kii suurat na hu_ii
jis ko chaahaa use apanaa na sake jo milaa us se muhabbat na hu_ii

jis se jab tak mile dil hii se mile dil jo badalaa to fasaanaa badalaa
rasme.n duniyaa kii nibhaane ke liye hamase rishto.n kii tijaarat na hu_ii

duur se thaa vo ka_ii cheharo.n me.n paas se ko_ii bhii vaisaa na lagaa
bevafaa_ii bhii usii kaa thaa chalan phir kisii se hii shikaayat na hu_ii

vaqt ruuThaa rahaa bachche kii tarah raah me.n ko_ii khilaunaa na milaa
dostii bhii to nibhaa_ii na ga_ii dushmanii me.n bhii adaavat na hu_ii

[sarfraz_qamar]

Re: sarfraz chouhdary,s most wanted

kuchh to ehasaas-e-ziyaa.N thaa pahale
dil kaa ye haal kahaa.N thaa pahale

ab to manzil bhii hai Khud garm-e-safar
har qadam sang-e-nishaa.N thaa pahale

safar-e-shauq ke far_sang na puuchh
vaqt beqaid-e-makaa.N thaa pahale

ye alag baat ki Gam raas hai ab
is me.n andeshaa-e-jaa.N thaa pahale

yuu.N na ghabaraaye huye phirate the
dil ajab kunj-e-amaa.N thaa pahale

ab bhii tuu paas nahii.n hai lekin
is qadar duur kahaa.N thaa pahale

Dere Daale hai.n bagolo.n ne jahaa.N
us taraf chashm-e-ravaa.N thaa pahale

[i see u]

Re: sarfraz chouhdary,s most wanted

bohat i khoab janab

[sarfraz_qamar]

Re: sarfraz chouhdary,s most wanted

kyuu.N hame.n maut ke paiGaam diye jaate hai.n
ye sazaa kam hai ke jiye jaate hai.n

nashaa dono.n me.n hai saaqii mujhe Gam de yaa sharaab
mai bhii pii jaatii hai aa.Nsuu bhii piye jaate hai.n

ek tuu hai ke hamaarii nahii.n tujh ko parvaa
ek ham hai.n ke teraa naam liye jaate hai.n

zindagii apanii kashaakash me.n guzaratii hai "Shamim"
jii nahii.n chaahataa jiine ko jiye jaate hai.n

[i see u]

Re: sarfraz chouhdary,s most wanted

nice 1 janab

[sarfraz_qamar]

Re: sarfraz chouhdary,s most wanted

kuchh aise ghaa_o bhii hote hai.n
jinhe.n zaKhmii aap nahii.n dhote
bin roye huye aa.Nsuo.n kii tarah
siine me.n chhupaa ke rakhate hai.n
aur saarii umr nahii.n rote


niinde.n bhii muhaiyaa hotii hai.n
sapane bhii duur nahii.n hote
kyuu.N phir bhii jaagate rahate hai.n
kyuu.N saarii raat nahii.n sote

ab kis se kahe.n ai jaan-e-vafaa
ye ahal-e-vafaa kis aag me.n jalate rahate hai.n
kyuu.N bujh ke raakh nahii.n hote

[sarfraz_qamar]

Re: sarfraz chouhdary,s most wanted

kyo.n hijr ke shikave karataa hai kyo.n dard ke rone rotaa hai
ab ishq kiyaa hai to sabr bhii kar is me.n to yahii kuchh hotaa hai

aaGaaz-e-musiibat hotaa hai apane hii dil kii sharaarat se
aa.Nkho.n me.n phuul khilaataa hai talavo.n me.n kaa.NTe.n botaa hai

ahabaab kaa shikavaa kyaa kiijiye Khud zaahir va baatin ek nahii.n
lab uupar uupar ha.Nsate hai.n dil andar andar rotaa hai

mallaaho.n ko ilzaam naa do tum saahil vaale kyaa jaano.n
ye tuufaan kaun uThaataa hai ye kishtii kaun Dubotaa hai

[sarfraz_qamar]

Re: sarfraz chouhdary,s most wanted

kyaa ye bhii zi.ndagii hai ki raahat kabhii na ho
aisii bhii to kisii se mohabbat kabhii na ho

vaadaa zaruur karate hai.n aate nahii.n kabhii
phir ye bhii chaahate hai.n shikaayat kabhii na ho

shaam-e-visaal bhii ye taGaaful ye beruKhii
terii razaa hai mujhako masarrat kabhii na ho

ahabaab ne diye hai.n mujhe kis tarah fareb
mujhasaa bhii ko_ii saadaa tabiiyat kabhii na ho

[sarfraz_qamar]

Re: sarfraz chouhdary,s most wanted

kyaa ummiid kare ham un se jin ko vafaa maaluum nahii.n
Gam denaa maaluum hai lekin Gam kii davaa maaluum nahii.n

jin kii galii me.n umr ga.Nvaa dii jiivan bhar hairaan rahe
paas bhii aake paas na aaye jaan ke bhii a.njaan rahe
kaun sii aaKhir kii thii hamane aisii Khataa maaluum nahii.n

ai mere paagal armaano.n jhuuThe ba.ndhan to.D bhii do
ai merii zaKhmii ummiido.n dil kaa daaman chho.D bhii do
tum ko abhii is nagarii me.n jiine kii sazaa maaluum nahii.n

[sarfraz_qamar]

Re: sarfraz chouhdary,s most wanted

bohat i khoab janab

thanx janab

[sarfraz_qamar]

Re: sarfraz chouhdary,s most wanted

kyaa ruKhsat-e-yaar kii gha.Dii thii
ha.Nsatii hu_ii raat ro pa.Dii thii

ham Khud hii hue tabaah varnaa
duniyaa ko hamaarii kyaa pa.Dii thii

ye zaKhm hai.n un dino.n kii yaade.n
jab aap se dostii ba.Dii thii

jaate to kidhar ko tere vahashii
zanjiir-e-junuu.N ka.Dii pa.Dii thii

Gam the ki 'Faraz' aa.Ndhiyaa.N thii
dil thaa ki 'Faraz' pankhud.ii thii

[sarfraz_qamar]

Re: sarfraz chouhdary,s most wanted

kyaa Khabar thii ke mai.n is darjaa badal jaa_uu.Ngaa
tujh ko kho duu.Ngaa tere Gam se sambhal jaa_uu.Ngaa

ajanabii ban ke miluu.Ngaa mai.n tujhe mahafil me.n
tuu ne chhe.Dii bhii to mai.n baat badal jaa_uu.Ngaa

Dhuu.NDh paaye na jahaa.N yaad bhii terii mujh ko
aise jangal me.n kisii roz nikal jaa_uu.Ngaa

zid me.n aaye hue maasuum se bachche kii tarah
Khud hii kashtii ko Dubone pe machal jaa_uu.Ngaa

[sarfraz_qamar]

Re: sarfraz chouhdary,s most wanted

kyaa hi.nd kaa zi.ndaa.N kaa.Np rahaa guu.Nj rahii hai.n takbiire.n
uktaaye hai.n shaayad kuchh qaidii aur to.D rahe hai.n za.njiire.n

diivaaro.n ke niiche aa aa kar yuu.N jamaa huye hai.n zi.ndaanii
siino.n me.n talaatum bijalii kaa aa.Nkho.n me.n jhalakatii shamashiire.n

bhuukho.n kii nazar me.n bijalii hai topo.n ke dahaane Tha.nDe hai.n
taqadiir ke lab pe jumbish hai dam to.D rahii hai tadabiire.n

aa.Nkho.n me.n gadaa kii surKhii hai be-nuur hai cheharaa sultaa.N kaa
taKhriib ne paracham kholaa hai sajade me.n pa.Dii hai.n taamiire.

[sarfraz_qamar]

Re: sarfraz chouhdary,s most wanted

kuu-ba-kuu phail ga_ii baat shanaasaa_ii kii
us ne Khushbuu kii tarah merii paziiraa_ii kii

kaise kah duu.N ki mujhe chho.D diyaa hai usane
baat to sach hai magar baat hai rusavaa_ii kii

vo kahii.n bhii gayaa lauTaa to mere paas aayaa
bas yahii baat hai achchhii mere harajaa_ii kii

teraa pahaluu tere dil kii tarah aabaad rahe
tujh pe guzare na qayaamat shab-e-tanahaa_ii kii

us ne jalatii hu_ii peshaanii pe jo haath rakhaa
ruuh tak aa ga_ii taasiir masiihaa_ii kii