sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ye kis Khalish ne phir is dil me.n aashiyaanaa kiyaa
phir aaj kis ne suKhan ham se Gaayebaanaa kiyaa

[Gaayebaanaa = hidden/invisible]

Gam-e-jahaa.N ho, ruKh-e-yaar ho ke dast-e-uduu
salook jis se kiyaa hamane aashiqaanaa kiyaa

[dast-e-uduu = enemy's hands]

the Khaak-e-raah bhii ham log qahar-e-tuufaa.N bhii
sahaa to kyaa na sahaa aur kiyaa to kyaa na kiyaa

[qahar-e-tuufaa.N = storm's fury]

Khushaa ke aaj har ik mudda_ii ke lab par hai
vo raaz jis ne hame.n raa.Nd-e-zamaanaa kiyaa

[جنیداختر]

Re: sarfraz chouhdary,s most wanted

Bohat khoob safraz bhai Masha-Allah bohat achi collection hay aapki :)

Mazeed ka Intazaar rahegha :)

[sarfraz_qamar]

Re: sarfraz chouhdary,s most wanted

ham se bhaagaa na karo duur Gazaalo.n kii tarah
hamane chaahaa hai tumhe.n chaahane vaalo.n kii tarah

[Gazaal = type of deer]

Khud-ba-Khud nii.nd-sii aa.Nkho.n me.n ghulii jaatii hai
mahakii mahakii hai shab-e-Gam tere baalo.n kii tarah

aur kyaa is se zyaadaa ko_ii narmii baratuu.N
dil ke zaKhmo.n ko chhuaa hai tere gaalo.n kii tarah

aur to mujh ko milaa kyaa merii mehanat kaa silaa
cha.nd sikke hai.n mere haath me.n chhaalo.n kii tarah

zi.ndagii jis ko teraa pyaar milaa vo jaane
ham to naakaam rahe chaahane vaalo.n kii tarah

[sarfraz_qamar]

Re: sarfraz chouhdary,s most wanted

aa_ii na phir nazar kahii.n jaane kidhar ga_ii
un tak to saath gardish-e-shaam-o-sahar ga_ii

[gardish-e-shaam-o-sahar = passage of time]

kuchh itanaa besabaat thaa har jalvaa-e-hayaat
lauT aa_ii zaKhm khaa ke jidhar bhii nazar ga_ii

[besabaat = momentary]

aa dekh mujh se ruuThane vaale tere baGair
din bhii guzar gayaa merii shab bhii guzar ga_ii

naadim hai apane apane qariino.n pe har nazar
duniyaa lahuu uchchhaal ke kitanii nikhar ga_ii

[sarfraz_qamar]

Re: sarfraz chouhdary,s most wanted

Khvaab is aa.Nkho.n se ab ko_ii churaa kar le jaaye
qabr ke suukhe huye phuul uThaa kar le jaaye

mu.ntazir phuul me.n Khushbuu kii tarah huu.N kab se
ko_ii jho.nke.n kii tarah aaye u.Daa kar le jaaye

[mu.ntazir = waiting]

ye bhii paanii hai magar aa.Nkho.n kaa aisaa paanii
jo hathelii pe rachii meha.ndii u.Daa kar le jaaye

mai.n mohabbat se mahakataa huaa Khat huu.N mujh ko
zi.ndagii apanii kitaabo.n me.n dabaa kar le jaaye

Khaak i.nsaaf hai naabiinaa buto.n ke aage
raat thaalii me.n chiraaGo.n ko sajaa kar le jaaye

[naabiinaa = blind]

[sarfraz_qamar]

Re: sarfraz chouhdary,s most wanted

dil liyaa jis ne bevafaa_ii kii
rasm hai kyaa ye dil-rubaa_ii kii

tum ko a.ndeshaa-e-giraftaarii hai
yaa.N tavaqqo nahii.n rihaa_ii kii

vasl me.n kis tarah huu.N shaadi-e-marg
mujh ko taaqat nahii.n judaa_ii kii

ek din tere ghar me.n aanaa hai
baKht-e-taale ne gar rasaa_ii kii

dil lagaayaa so naasaho.n ko kyaa
baat jo apane jii me.n aa_ii, kii

"Shefta" vo ki jis ne saarii umr
diin-daarii-o-paarasaa_ii kii

[sarfraz_qamar]

Re: sarfraz chouhdary,s most wanted

aa.Ndhii chalii to naqsh-e-kaf-e-paa nahii.n milaa
dil jis se mil gayaa vo dubaaraa nahii.n milaa

[naqsh-e-kaf-e-paa = footprints]

aavaaz ko to kaun samajhataa ki duur duur
Khaamoshiyo.n kaa dard-shanaasaa nahii.n milaa

[dard-shanaasaa = (someone) well acquainted with pain]

ham a.njuman me.n sab kii taraf dekhate rahe
apanii tarah se ko_ii akelaa nahii.n milaa

kachche gha.De ne jiit lii nadii cha.Dhii hu_ii
mazabuut kashtiyo.n ko kinaaraa nahii.n milaa

[sarfraz_qamar]

Re: sarfraz chouhdary,s most wanted

bikharate TuuTate lamaho.n ko apanaa ham-safar jaanaa
thaa is raah me.n aaKhir hame.n Khud bhii bikhar jaanaa

havaa ke dosh par baadal ke Tuka.De kii tarah ham hai.n
kisii jho.nke se puuche.nge ki hai ham ko kidhar jaanaa

[dosh = shoulder]

mere jalate hue ghar kii nishaanii bas yahii hogii
jahaa.N is shahar me.n raushanii dekho Thahar jaanaa

pas-e-zulmat ko_ii suuraj hamaaraa mu.ntazir hogaa
isii ek vaham ko hamane chiraaG-e-rahaguzar jaanaa

[pas-e-zulmat = beyond the darkness; mu.ntazir = waiting]

dayaar-e-Khaamashii se ko_ii rah-rah kar bulaataa hai
hame.n "Makhmoor"ek din hai isii aavaaz par jaanaa

[sarfraz_qamar]

Re: sarfraz chouhdary,s most wanted

zi.ndaa rahe.n to kyaa hai jo mar jaae.N ham to kyaa
duniyaa me.n Khaamoshii se guzar jaae.N ham to kyaa

hastii hii apanii kyaa hai zamaane ke saamane
ek Khvaab hai.n jahaa.N me.n bikhar jaae.N ham to kyaa

ab kaun mu.ntazir hai hamaare liye vahaa.N
shaam aa ga_ii hai lauT ke ghar jaae.N ham to kyaa

[mu.ntazir = waiting]

dil kii Khalish to saath rahegii tamaam umr
dariyaa-e-Gam ke paar utar jaae.N ham to kyaa

[sarfraz_qamar]

Re: sarfraz chouhdary,s most wanted

dil-o-dimaaG ko ro luu.Ngaa, aah kar luu.Ngaa
tumhaare ishq me.n sab kuchh tabaah kar luu.Ngaa

agar mujhe na milii.n tum tumhaare sar kii qasam
mai.n apanii saarii javaanii tabaah kar luu.Ngaa

mujhe jo dair-o-haram me.n kahii.n jagah na milii
tere Khayaal hii ko sajdaagaah banaa luu.Ngaa

[sajdagaah = place of worship]

jo tum se kar diyaa maharuum aasmaa.N ne mujhe
mai.n apanii zi.ndagii sarf-e-gunaah kar luu.Ngaa

[maharuum = deprived; sarf-e-gunaah = submitted to sin]

raqiib se bhii miluu.Ngaa tumhaare hukm pe mai.n
jo ab talak na kiyaa thaa ab aah kar luu.Ngaa

[raqiib = rival]

tumhaarii yaad me.n mai.n kaaT duu.Ngaa hashr ke din
tumhaare hijr me.n raate.n siyaah kar luu.Ngaa

hariim-e-hazarat-e-salamaa kii simt jaataa huu.N
huaa na zabt to chupake se aah kar luu.Ngaa

[sarfraz_qamar]

Re: sarfraz chouhdary,s most wanted

har ek harf-e-aarazuu ko daastaa.N kiye hue
zamaanaa ho gayaa hai un ko mehamaa.N kiye hue

suruur-e-aish talKhi-e-hayaat ne bhulaa diyaa
dil-e-hazii.n hai bekasii ko hijr-e-jaa.N kiye hue

kalii kalii ko gulistaa.N kiye hue vo aaye.nge
vo aaye.nge kalii kalii ko gulistaa.N kiye hue

sukuun-e-dil kii raahato.n ko un se maa.Ng luu.N
sukuun-e-dil kii raahato.n ko bekaraa.N kiye hue

vo aaye.nge to aaye.nge junuun-e-shauq ubhaarane
vo jaaye.nge to jaaye.nge tabaahiyaa.N kiye hue

mai.n un kii bhii nigaah se chhupaa ke un ko dekh luu.N
ki un se bhii hai aaj rashk badagumaa.N kiye hue

[sarfraz_qamar]

Re: sarfraz chouhdary,s most wanted

jab yaar ne uThaa kar zulfo.n ke baal baa.Ndhe
tab mai.n ne apane dil me.n laakho.n Khayaal baa.Ndhe

do din me.n ham to riijhe ai vaa_e haal un kaa
guzare hai.n jin ke dil ko yaa.N maah-o-saal baa.Ndhe

taar-e-nigaah me.n us ke kyo.n kar phaa.Nse na ye dil
aa.Nkho.n me.n jis kii laakho.n vahashii Gazal baa.Ndhe

bose kii hai to Khvaahish par kahiye kyo.n ke us se
jis se mizaaj-e-lab par haraf-e-savaal baa.Ndhe

maaroge kis ko jii se kis par kamar kasii hai
phirate ho kyo.n pyaare talavaar Dhaal baa.Ndhe

[sarfraz_qamar]

Re: sarfraz chouhdary,s most wanted

dil meraa soz-e-nihaa.N se bemuhaabaa jal gayaa
aatish-e-Khaamosh kii maani.nd goyaa jal gayaa

[soz-e-nihaa.N = inner sorrow; bemuhaabaa = unhestitantingly]
[aatish-e-Khaamosh = smouldering fire; maanind = similar to/like]

dil me.n zauq-e-vasl-o-yaad-e-yaar tak baaqii nahii.n
aag is ghar me.n lagii aisii ke jo thaa jal gayaa

mai.n adam se bhii pare huu.N varnaa Gaafil baarahaa
merii aah-e-aatashii.n se baal-e-a.nqaa jal gayaa

[Gaafil = careless; baarahaa = everytime; aah-e-aatashii.n = fiery sigh]
[baal-e-a.nqaa = wings/feathers of a.nqaa (a mythical bird)]

[sarfraz_qamar]

Re: sarfraz chouhdary,s most wanted

aashiq kii bhii kaTatii hai.n kyaa Khuub tarah raate.n
do chaar gha.Dii ronaa, do chaar gha.Dii baate.n

marataa huu.N mai.n is dukh se, yaad aatii hai.n vo baate.n
kyaa din vo mubaarak the, kyaa Khuub thii.n vo raate.n

auro.n se chhuTe dilabar, diladaar hove meraa
bar haq hai agar piiro.n, kuchh tum me.n karaamaate.n

[karaamaate.n = miracles]

(O divine ones! If you have any power, then show me your miracles! Let
my "beloved" be mine. What a beautiful way to refer to the utter
hopelessness of one's love!)

kal la.D ga_ii.n kuuche me.n aa.Nkho.n se merii aa.Nkhe.n
kuchh zor hii aapas me.n do do hu_ii.n samaghaate.n

[samaghaate.n = thrust and parry]

(A very nice simile for the looks exchanged between two lovers!)

is ishq ke kuuche me.n zaahid tuu sambhal chalanaa
kuchh pesh na jaave.ngii yahaa.N terii manajaate.n

[sarfraz_qamar]

Re: sarfraz chouhdary,s most wanted

apanii tasviir ko aa.Nkho.n se lagataa kyaa hai
ik nazar merii taraf dekh, teraa jaataa kyaa hai

merii rusavaa_ii me.n tuu bhii hai baraabar kaa shariik
mere qisse mere yaaro.n ko sunaataa kyaa hai

[rusavaa_ii = notoriety; shariik = to be a part of]

paas rahakar bhii na pahachaan sakaa tuu mujhako
duur se dekh kar ab haath hilaataa kyaa hai

umr bhar apane girebaa.N se ulajhane vaale
tuu mujhe mere saaye se Daraataa kyaa hai

[girebaa.N = technically means the collar of a shirt but is generally
used to refer to a person's clothing/body, depending on the context it
is used]

mai.n teraa kuchh bhii nahii.n huu.N, magar itanaa to bataa
dekh kar mujhako tere zehan me.n aataa kyaa ha