sarfraz chouhdary,s most wanted

[sarfraz_qamar]

Re: sarfraz chouhdary,s most wanted

Gam-e-hayaat kaa jaga.Daa miTaa rahaa hai ko_ii
chale bhii aao ke duniyaa se jaa rahaa hai ko_ii

[Gam-e-hayaat = sorrows of life]

kaho ajal se zaraa do gha.Dii Thahar jaaye
sunaa hai aane kaa vaadaa nibhaa rahaa hai ko_ii

[ajal = death]

vo aaj lipate hai.n kis naazukii se lashe ko
ke jaise ruuTho.n huo.n ko manaa rahaa hai ko_ii

[naazukii = tenderness; lashe = dead body]

kahii.n palaT ke na aa jaaye saa.Ns nabzo.n me.n
hasiin haatho.n se mayyat sajaa rahaa hai ko_ii

[nabz = pulse; mayyat = corpse]

[sarfraz_qamar]

Re: sarfraz chouhdary,s most wanted

sataa sataa ke hame.n ashk-baar karatii hai
tumhaarii yaad bahut beqaraar karatii hai

[ashk-baar = tearful]

vo din jo saath guzaare the pyaar ke hamane
talaash un ko nazar baar baar karatii hai

gilaa nahii.n jo nasiibo.n ne kar diyaa hai judaa
terii judaa_ii bhii ab ham ko pyaar karatii hai

[gilaa = complaint]

kinaare baiTh ke jis ke kiye the qaul-o-qaraar
nadii vo ab bhii teraa i.ntazaar karatii hai

[qaul = promises]

[sarfraz_qamar]

Re: sarfraz chouhdary,s most wanted

ye kaun Duub gayaa aur ubhar gayaa mujh me.n
ye kaun saaye kii suurat guzar gayaa mujh me.n

ye kis ke soG me.n shoridaa-haal phirataa huu.N
vo kaun shaKhs thaa aisaa ki mar gayaa mujh me.n

[soG = mourning; shoridaa-haal = wretched condition]

ajab havaa-e-bahaaraa ne chaaraasaazii kii
vo zaKhm jis ko na bharanaa thaa bhar gayaa mujh me.n

[havaa-e-bahaaraa = winds of spring; chaaraasaazii = cure]

vo aadamii ki jo patthar thaa jii rahaa hai abhii
jo aa_iinaa thaa vo bikhar gayaa mujh me.n

bisaal kyaa ki vo jab bhii qariib se guzaraa
vo yuu.N lagaa ki ko_ii raks kar gayaa mujh me.n

[sarfraz_qamar]

Re: sarfraz chouhdary,s most wanted

Khudaa ke vaaste ab beruKhii se kaam na le
ta.Dap ke phir ko_ii daaman ko tere thaam na le

bas ek sajdaa-e-shukraanaa paa-e-naazuk par
ye maikadaa hai yahaa.N par Khudaa kaa naam na le

zamaane bhar me.n hai.n charche merii tabaahii ke
mai.n Dar rahaa huu.N kahii.n koii teraa naam na le

miTaa do shauq se mujhako magar kahii.n tumase
zamaanaa merii tabaahii kaa intaqaam na le

jise tuu dekh le ik baar mast nazaro.n se
vo umr bhar kabhii haatho.n me.n apane jaam na le

rakhuu.N ummiid-e-karam usase ab mai.n kyaa "Sahir"
ki jab nazar se bhii zaalim meraa salaam na le

[sarfraz_qamar]

Re: sarfraz chouhdary,s most wanted

subah-dam yuu.N hii fasurdaa ho gayaa
ai dil-e-naazuk tujhe kyaa ho gayaa

[fasurdaa = sad]

siinaa-e-baranat se sholaa saa uThaa
Gam-zado.n ke dil kaa naGmaa ho gayaa

[baranat = a musical instrument]

shukriyaa ai gardish-e-jaam-e-sharaab
mai.n bharii mahafil me.n tanhaa ho gayaa

[gardish-e-jaam-e-sharaab = round of drinks]

raat dil ko thaa sahar kaa i.ntazaar
ab ye Gam hai kyo.n saveraa ho gayaa

[sahar = dawn]

bujh ga_ii kuchh is tarah shama-e-"Salaam"
jaise ik biimaar achchhaa ho gayaa

[sarfraz_qamar]

Re: sarfraz chouhdary,s most wanted

jab nazar aap kii ho ga_ii hai
zi.ndagii zi.ndagii ho ga_ii hai

baarahaa bar-Khilaaf-e-har-ummiid
dostii dushmanii ho ga_ii hai

[baarahaa = everytime]
[bar-Khilaaf-e-har ummiid = contrary to every expectation]

hai vo takamiil purakaariyo.n kii
jo merii saadagii ho ga_ii hai

[takamiil = completion; purakaarii = slyness/cunning]

terii har pursish-o-meharbaanii
ab merii bekasii ho ga_ii hai

[pursish-o-meharbaanii = hospitality and benevolence]
[bekasii = despair/helplessness]

bhuul baiThaa hai tuu kah ke jo baat
vo merii zi.ndagii ho ga_ii hai

[sarfraz_qamar]

Re: sarfraz chouhdary,s most wanted

naamaa gayaa ko_ii na ko_ii naamaabar gayaa
terii Khabar na aa_ii zamaanaa guzar gayaa

[naamaa = letter/message; naamaabar = messenger]

ha.Nsataa huu.N yuu.N ki hijr kii raate.n guzar ga_ii.n
rotaa huu.N yuu.N ki lutf-e-duaa-e-sahar gayaa

[hijr = separation; lutf = joy; duaa = prayer; sahar = morning]

ab mujh ko hai qaraar to sab ko qaraar hai
dil kyaa Thahar gayaa ki zamaanaa guzar gayaa

yaa rab nahii.n mai.n vaaqif-e-rudaad-e-zi.ndagii
itanaa hii yaad hai ki jiyaa aur mar gayaa

[vaaqif = acquainted with; rudaad = tale]

[sarfraz_qamar]

Re: sarfraz chouhdary,s most wanted

ishq kyaa chiiz hai ye puuchhiye paravaane se
zi.ndagii jis ko mayassar hu_ii jal jaane se

[mayassar =

maut kaa Khauf ho kyaa ishq ke diivaane ko
maut Khud kaa.Npatii hai ishq ke diivaane se

ho gayaa Dher vahii.n aah bhii nikalii na ko_ii
jaane kyaa baat kahii shamaa ne paravaane se

husn be-ishq kahii.n rah nahii.n sakataa zi.ndaa
bujh ga_ii shamaa bhii paravaane ke jal jaane se

khaaye jaatii hai nadaamat mujhe is Gafalat kii
hosh me.n aa ke chalaa aayaa huu.N mayaKhaane se

[nadaamat = shame; Gafalat = neglect]

kar diyaa gardish-e-ayyaam ne rusvaa "Sahir"
mujh ko shikavaa hai yagaane se na begaane se

[sarfraz_qamar]

Re: sarfraz chouhdary,s most wanted

har qadam par nit naye saa.Nche me.n Dhal jaate hai.n log
dekhate hii dekhate kitane badal jaate hai.n log

kis liye kije kisii gum-gashtaa jannat kii talaash
jab ki miTTii ke khilone se bahal jaate hai.n log

[gum-gashtaa = lost; jannat = heaven]

kitane saadaa dil hai.n ab bhii sun ke aavaaz-e-jaras
pesh-o-pas se be-Khabar ghar se nikal jaate hai.n log

[aavaaz-e-jaras = sound of bells; pesh-o-pas = thought and wisdom]

shamaa kii maani.nd ahal-e-a.njuman se beniyaaz
aksar apanii aag me.n chup-chaap jal jaate hai.n log

"Shayar" un kii dostii kaa ab bhii dam bharate hai.n aap
Thokare.n khaa kar to sunate hai.n sambhal jaate hai.n log

[sarfraz_qamar]

Re: sarfraz chouhdary,s most wanted

dil ke sun-saan jaziiro.n kii Khabar laayegaa
dard pahaluu se judaa ho ke kahaa.N jaayegaa

kaun hotaa hai kisii kaa shab-e-tanha_ii me.n
Gam-e-furqat hii Gam-e-ishq ko bahalaayegaa

[shab-e-tanhaa_ii = lonely night; Gam-e-furqat = sorrow of separation]

chaa.Nd ke pahaluu me.n dam saadh ke rotii hai kiran
aaj taaro.n kaa fusuu.N Khaak nazar aayegaa

[fusuu.N = magic]

raakh me.n aag dabii hai Gam-e-maharuumii kii
raakh ho kar bhii ye sholaa hame.n sulagaayegaa

[maharuum = deprived]

vaqt Khaamosh hai ruuThe huye yaaro.n kii tarah
kaun lau dete huye zaKhmo.n ko sahalaayegaa

dhuup ko dekh ke us jism pe pa.Datii hai jhamak
chhao.n dekhe.nge to us zulf kaa dhyaan aayegaa

[sarfraz_qamar]

Re: sarfraz chouhdary,s most wanted

to.D kar uThe hai.n jaam-o-shiishaa-o-paimaanaa ham
kis se kah de.n aaj raaz-e-gardish-e-mastaanaa ham

[jaam-o-shiishaa-o-paimaanaa = bottles and glasses of wine]
[raaz-e-gardish-e-mastaanaa = secret of the cycle of madness]

bijaliyaa.N ruuposh tuufaa.N dam baKhud saharaa Khaamosh
jaa rahe hai.n kis taraf ai laGzish-e-mastaanaa ham

[ruuposh = hidden; baKhud = stunned; saharaa = desert]
[laGzish-e-mastaanaa = drunken stagger]

zi.ndagii ik mustaqil sharah-e-tamannaa thii magar
umr bhar terii tamannaa se rahe begaanaa ham

[mustaqil = continuous/never-ending]

tujh me.n bhii kuchh hosh-ma.ndaanaa adaaye.N aa ga_ii.n
tujh se bhii ab badagumaa.N hai.n ai dil-e-diivaanaa ham

Khushk aa.Nkhe.n dil shikastaa ruuh tanhaa lab Khaamosh
bastiyo.n se dekhate hai.n suurat-e-viiraanaa ham

[shikaastaa = defeated]

ham tak ab aaye na aaye daur-e-paimaanaa "Ravish"
mutamu_in baiThe hai.n zer-e-saayaa-e-maiKhaanaa ham

[sarfraz_qamar]

Re: sarfraz chouhdary,s most wanted

mujhe dil kii Khataa par "Yaas" sharmaanaa nahii.n aataa
paraayaa jurm apane naam likhavaanaa nahii.n aataa

buraa ho paa-e-sarakash kaa ki thak jaanaa nahii.n aataa
kabhii gumaraah ho kar raah par aanaa nahii.n aataa

[paa-e-sarakash = disobedient feet]

mujhe ai naaKhudaa aaKhir kisii ko muu.Nh dikhaanaa hai
bahaanaa kar ke tanhaa paar utar jaanaa nahii.n aataa

[naaKhudaa = boatsman]

musiibat kaa paahaa.D aaKhir kisii din kaT hii jaayegaa
mujhe sar maar kar teshe se mar jaanaa nahii.n aataa

[teshe = axe]

[sarfraz_qamar]

Re: sarfraz chouhdary,s most wanted

dil ke seharaa me.n ko_ii aas kaa juganuu bhii nahii.n
itanaa royaa huu.N ki ab aa.Nkh me.n aa.Nsuu bhii nahii.n

qaasaa-e-dard liye phiratii hai gulashan kii havaa
mere daaman me.n tere pyaar kii Khushbuu bhii nahii.n

[qaasaa = begging bowl]

chhin gayaa merii nigaaho.n se bhii ehasaas-e-jamaal
terii tasviir me.n pahalaa saa vo jaduu bhii nahii.n

[ehasaas-e-jamaal = feeling of beauty]

mauj dar mauj tere Gam kii shafaq khilatii hai
mujhe is sil-silaa-e-ra.ng pe qaabuu bhii nahii.n

[shafaq = rainbow; qaabuu = control]

dil vo kam-baKht ki dha.Dhake hii chalaa jaataa hai
ye alag baat ki tuu ziinat-e-pahaluu bhii nahii.n

[sarfraz_qamar]

Re: sarfraz chouhdary,s most wanted

jaane vaale qazaa se Darate hai.n
zahar piikar davaa se Darate hai.n

[qazaa = death; zahar = poison]

zaahido.n ko kisii kaa Khauf nahii.n
sirf kaalii ghaTaa se Darate hai.n

[zaahid = knowledgeable/religious person; Khauf - fear]

aah jo kuchh kahe hame.n ma.nzuur
nek ba.nde Khudaa se Darate hai.n

[ma.nzuur = acceptable]

dushmano.n ke sitam kaa Khuaf nahii.n
dosto.n kii vafaa se Darate hai.n

[sarfraz_qamar]

Re: sarfraz chouhdary,s most wanted

tamaam umr azaabo.n kaa sil-silaa to rahaa
ye kam nahii.n hame.n jiine kaa hausalaa to rahaa

[azaab = difficulty; hausalaa = strength]

guzar hii aaye kisii tarah tere diivaane
qadam qadam pe ko_ii saKht marahalaa to rahaa

[marahalaa = problem]

chalo na ishq hii jiitaa na aql haar sakii
tamaam vaqt maze kaa muqaabalaa to rahaa

mai.n terii zaat me.n gum ho sakaa na tujh mujh me.n
bahut qariib the ham phir bhii faasalaa to rahaa