sarfraz chouhdary,s most wanted

[sarfraz_qamar]

Re: sarfraz chouhdary,s most wanted


جو اُتر گیا ، تیرے دھیان سے ، کِسی خواب سا
سرِ دشتِ غم
کِسی بنتے مِٹتے سراب سا
کِسی اُجڑے گھر میں دھری ھوئی
کِسی بے پڑھی سی کتاب سا
میں ھوں گم اُسی کی مثال ، گردِ سوال میں
کِسی زیرِ لب سے جواب سا
مُجھے دیکھ ، مُجھ پہ نگاہ کر
کہ میں جی اُٹھوں تیرے دھیان میں
مُجھے راستوں کی خبر ملے اِسی دشت ریگِ روان میں
تُو پڑھے جو مجھ کو ورق ورق
مرا حَرف حَرف چمک اُٹھے
تو دمک اُٹھے وہ حدیثِ دل جو نہاں ھے عرضِ بیان میں
کسی شام اے میرے بے خبر
وُہی رنگ دے میری آنکھ کو، وھی بات کہہ میری کان میں
کسی شام اے میرے بے خبر
وُہی رنگ دے میری آنکھ کو ، وھی بات کہہ میری کان میں

محسن نقوی

[sarfraz_qamar]

Re: sarfraz chouhdary,s most wanted


یہ دل تو ابھی تک ہے تمہارا ،اُسے کہنا
جاں ہار گئی پیار نہ ہارا اُسے کہنا

سوچوں سے ابھی تک ترا پیراہنِ الفت
اترا، نہ کبھی میں نے اُتارا اُسے کہنا

خوابوں میں وہی ہے تری مہتاب سی صورت
آنکھوں میں وہی اشک ستارا اُسے کہنا

مجھ کو تری یادوں کے بھنور میں بھی سکوں ہے
مانگا ہی نہیں میں نے کنارا، اُسے کہنا

جذبوں کا گلا گھونٹ کے جی سکتا ہوں لیکن
یہ بات نہیں مجھ کو گوارا ،اُسے کہنا

یہ سچ ہے کہ اک پل بھی تری یاد سے ہٹ کر
گزرا ،نہ کبھی میں نے گزارا، اُسے کہنا

فرقت کے الائو میں تڑپتے ہیں دل و جاں
پلکوں پہ اُترتا ہے شرارہ ، اُسے کہنا

اے نجم اُسے کہنا کہ گھر لوٹ بھی آئو
یہ دل بھی تو اک گھر ہے تمہارا ،اُسے کہنا

نجم الحسن کاظمی

[sarfraz_qamar]

Re: sarfraz chouhdary,s most wanted


کیا کہوں تیرے تغافل نے ،حیا نے کیا کیا
اس ادا نے کیا کیا اوراُس ادا نے کیا کیا

Kaya Kahun Tere Taghaful Nay,Haya nay Kya Kiya
Is Ada Nay Kya Kiya aur Us Ada Nay Kya Kiya

بوسہ لے کر جان ڈالی غیر کی تصویر میں
یہ اثر تیرے لب معجز نما نے کیا کیا

Bosa Lay Kar Jaan Daali Ghair Ki Tasweer Main
Yeh Asar Tere Lab-e-Mojiz Numa Nay Kya Kiya

یاں جگر پر چل گئیں چھریاں کسی مشتاق کی
واں خبر یہ بھی نہیں ناز و ادا نے کیا کیا

Yaan Jigar Par Chal Gayin Churiyaan Kisi Mushtaq Ki
Waan Khabar Yeh Bhi Nahin Naaz-o-Ada Nay Kya Kiya

میرے ماتم سے مرے قاتل کو ناخوش کر دیا
کیا کیا افسوس یہ اہل عزا نے کیا کیا

Mere Matam Say Mere Qatil Ko Na Khush Kar Diya
Kya Kiya Afsoos Yeh Ahl-e-Izaa Nay Kya Kiya

حشر میں پھرتے ہیں خوش خوش کیا وہ اترائے ہوئے
اور کہتے ہیں مر اروز جزا نے کیا کیا

Hashar main Phirtay Hain Khush Khush Kya Woh Itraye Huay
Aur Kehtay Hain Mera Roz-e-Jaza Nay Kya Kiya

چاہ کر ہم تو حسینوں کو مزے لوٹاکیے
پند گو تیرے دل بے مدعا نے کیا کیا

Chah Kar Ham To Haseenon Ko Mazay Luta Kiye
Pand Go Tere Dil-e-Bay Mud’aa Nay Kya Kiya

رائیگاں جاتی نہیں محنت کسی کی ہم نشیں
ہم دکھا دیں گے ہماری التجا نے کیا کیا

Raigaan Jati Nahi Mehnat Kisi Ki Ham Nasheen
Ham Dikha Dain Gay Hamari Iltaja Nay Kya Kiya

مار ڈالا آپ اپنےرنج فرقت میں مجھے
اور پھر کہتا ہے ظالم یہ خدا نے کیا کیا

Maar Dala App Apnay Ranj-e-Furqat Main Mujhay
Aur Phir Kehta Hay Zalam yeh Khuda Nay Kya Kiya

سنتے ہیں اے داغ ہم اُس بت سے بگڑا ہے رقیب
غیب سے سامان دیکھو تو خدا نے کیا کیا

Suntay Hain Ae Daagh Ham Us Butt Say Bigra Hay Raqeeb
Ghaib Say Saamaan Daikho To KHuda Nay Kya Kiya

[sarfraz_qamar]

Re: sarfraz chouhdary,s most wanted


کبھی تم کتابوں میں کُچلی ہوئی کوئی تتلی جو دیکھو
تو یہ جان لینا
مجھے آسمان اور زمیں نے کُچل کر تمھاری کتابوں میں
تتلی کی صورت بقا بخش دی
کبھی پھول ٹوٹا ہوا کوئی پاؤ
تو یہ جان لینا
مجھے میرے اندر نے خود توڑکر تیرے قدموں میں نقشِ وفا کر دیا ہے

کبھی کوئی ساگر اُمنڈتا جو دیکھو
تو یہ جان لینا
یہ میرے آنسو ہیں جو اب سمندر میں طوفاں بنے ہیں
کبھی پھول، تتلی، سمندر، کنارے
گزرتے ہوئے تیز قدموں کو تھامیں
تو یہ جان لینا
یہ میں ہوں جو تھک کر یہاں آ گیا ہوں
ہمارے لئے ایسے دن بھی لکھے تھے
کہ جن میں اَنا نے فنا کے سفر میں
کئی درد جھیلے
کئی روپ دھارے
کبھی پھول، تتلی سمندر کنارے
کبھی رنگ، خوشبو، اُجالا، ستارے

[sarfraz_qamar]

Re: sarfraz chouhdary,s most wanted


جھوٹھ آکھاں تے کچھ بچدا ہے
سچ آکھیاں بھانبڑمچدا ہے
جی دوہاں گلاں توں جچدا ہے
جچ جچ کے جیبھا کہندی ہے

مُونہہ آئی بات نہ رہندی ہے

جس پایا بھید قلندر دا
راہ کھوجیا اپنے اندر دا
او واسی ہے سُکھ مندر دا
جتھے کوئی نہ چڑھدی لہندی ہے

مُونہہ آئی بات نہ رہندی ہے

اک لازم بات ادب دی ہے
سانوں بات ملومی سبھ دی ہے
ہَر ہَر وچ صورت رب دی ہے
کتھے ظاہر ہے کتھے چھپیندی ہے

مُونہہ آئی بات نہ رہندی ہے

ایتھے دنیا وچ انھیرا ہے
ایہہ تِلکن بازی ویہڑا ہے
وڑ اندر ویکھو کیہڑا ہے
کیوں خلقت باہر ڈھونڈیندی ہے

مُونہہ آئی بات نہ رہندی ہے

ایتھے لیکھا پاؤں پسارا ہے
ایہدا وکھرا بھید نیارا ہے
اِک صورت دا چمکارا ہے
جیوں چِنگ دارو وچ پیندی ہے

مُونہہ آئی بات نہ رہندی ہے

کِتے ناز ادا دکھلائیدا
کِتے ہو رسول مِلائیدا
کِتے عاشق بن بن آئیدا
کِتے جان جدائی سہندی ہے

مُونہہ آئی بات نہ رہندی ہے

جدوں ظاہر ہوئے نور ہوری
جل گئے پہاڑ کوہِ طور ہوری
تدوں دار چڑھے منصور ہوری
اوتھے شیخی مینڈی نہ تیندی ہے

مُونہہ آئی بات نہ رہندی ہے

جے ظاہر کراں اسرار تائیں
سبھ بھل جاون تکرار تائیں
پھر مارن بلھے یار تائیں
ایتھے مخفی گل سوہیندی ہے

مُونہہ آئی بات نہ رہندی ہے

اساں پڑھیا علم تحقیقی ہے
اوتھے اکّو حرف حقیقی ہے
ہور جھگڑا سب ودھیکی ہے
اینویں رولا پایا بہندی ہے

مُونہہ آئی بات نہ رہندی ہے

اے شاہِ عقل توں آیا کر
سانوں ادب آداب سکھایا کر
میں جھوٹھی نوں سمجھایا کر
جو مورکھ ماہنوں کہندی ہے

مُونہہ آئی بات نہ رہندی ہے

واہ واہ قدرت بے پروائی ہے
دیوے قیدی دے سر شاہی ہے
ایسا بیٹا جایا مائی ہے
سبھ کلمہ اُس دا کہندی ہے

مُونہہ آئی بات نہ رہندی ہے

اس عاجز دا کیہہ حیلہ ہے
رنگ زرد تے مکھڑا پیلا ہے
جِتھے آپے آپ وسیلہ ہے
اوتھے کیہہ عدالت کہندی ہے

مُونہہ آئی بات نہ رہندی ہے

بلھا شوہ اساں تھیں وکھ نہیں
بِن شوہ تے دوجا ککھ نہیں
پر ویکھن والی اکھ نہیں
تاں ہی جان پئی دکھ سہندی ہے

مُونہہ آئی بات نہ رہندی ہے

[sarfraz_qamar]

Re: sarfraz chouhdary,s most wanted


یہ جو سینے میں لیے کرب و دروں ز ندہ ہوں
کوئی امید سی باقی ہے کہ یوں زندہ ہوں

شہر کا شہر تماشائی بنا بیٹھا ہے
اور میں بن کے تماشائے جنوں زندہ ہوں

میری دھڑکن کی گواہی تو میرے حق میں نہیں
ایک احساس سا رہتا ہے کہ ہوں زندہ ہوں

کیا بتاؤں تجھے اسباب جیئے جانے کے
مجھ کو خود بھی نہیں معلوم کہ کیوں زندہ ہوں

اپنے ہونے کی خبر کس کو سناؤں ساغر
کوئی زندہ ہو تو میں اس سے کہوں زندہ ہوں

(ساغر صدیقی )

[sarfraz_qamar]

Re: sarfraz chouhdary,s most wanted

جب گلستاں میں بہاروں کے قدم آتے ہیں
یاد بُھولے ہوئے یاروں کے کرم آتے ہیں

لوگ جس بزم میں آتے ہیں ستارے لے کر
ہم اسی بزم میں با دیدئہ نم آتے ہیں

میں وہ اِک رندِ خرابات ہُوں میخانے میں
میرے سجدے کے لیے ساغرِ جم آتے ہیں

اب مُلاقات میں وہ گرمی جذبات کہاں
اب تو رکھنے وہ محبت کا بھرم آتے ہیں

قُربِ ساقی کی وضاحت تو بڑی مشکل ہے
ایسے لمحے تھے جو تقدیر سے کم آتے ہیں

میں بھی جنت سے نکالا ہُوا اِک بُت ہی تو ہُوں
ذوقِ تخلیق تجھے کیسے ستم آتے ہیں

چشم ساغر ہے عبادت کے تصوّر میں سدا
دل کے کعبے میں خیالوں کے صنم آتے ہیں

ساغر صدیقی

[sarfraz_qamar]

Re: sarfraz chouhdary,s most wanted


مجھے سہل ہو گیں منزلیں ،وہ ہوا کے رخ بھی بدل گئے
تیرا ہاتھ ہاتھ میں آ گیا کہ چراغ راہ میں جل گئے

وہ لجاے میرے سوال پر کہ اٹھا سکے نہ جھکا کے سر
اڑی زلف چہرے پے اس طرح کہ شبوں کے راز مچل گئے

وہی بات جو نہ وہ کیہ سکے مرے شعر و نغموں میں آ گئی
وہی لب نہ میں جنھیں چھو سکا ،قدح شعراب میں ڈھل گئے

تجھے چشم مست پتا بھی ہے کہ شباب گرمی بزم ہے
تجھے چشم مست خبر بھی ہے کہ جہاں کے طور بدل گے

وہی استان ہے وہی جبیں وہی اشک ہے وہی آستین
دل زار تو بھی بدل کہیں کہ جہاں کے طور بدل گئے

میرے کام آ گئی آخرش یہی کاوشیں یہی گردشیں
بڑھیں اس قدر میری منزلیں کہ قدم کے خار بدل گئے


مجروح سلطاں پوری

[Rabia rose 33]

Re: sarfraz chouhdary,s most wanted

AAp ka intikhab-e-kalam aap ke behtareen zoq-e-intikhab ki akkasi karta hae.:jeopg: JEO Sarfraz Qamer

[sarfraz_qamar]

Re: sarfraz chouhdary,s most wanted

AAp ka intikhab-e-kalam aap ke behtareen zoq-e-intikhab ki akkasi karta hae.:jeopg: JEO Sarfraz Qamer

shukriyaa Mohtrmaa

[sarfraz_qamar]

Re: sarfraz chouhdary,s most wanted

چلو لکھتے ہیں کاغذ پر
کوئی حرفِ شناسائی
کوئی عنوان
افسردہ دنوں کی نارسائی کا
بیاضِ عمر کے صفحات پربے نور ہوتی روشنائی کا
کسی کی کج ادائی کا
بسر ہوتے ہوئے سالوں پہ انگشتِ شہادت سے
چلو کچھ نام لکھتے ہیں
چلو لکھتے ہیں کاغذ پر
بہت سی ان کہی باتیں
جنھیں پہلے نہیں لکھا
جنھیں پہلے نہیں سوچا
کہیں سے ڈھونڈ کر لائیں گزشتہ عمر کے منظر
جنھیں پہلے نہیں دیکھا
ذرا محسوس کر کے دیکھتے ہیں
پھر وہی شامیں
کہ جو راتوں کی نرمیلی ہوا سے گفتگو کر کے
نئی صبحوں کی دھیمی روشنی میں جذب ہوتی تھیں
ذرا جب حبس بڑھتا تھا
کہیں سے ابر اٹھتا تھا
کہیں بارش کی بوندوں سے
زمیں موسم اگاتی تھی
کہیں امرود کی شاخوںپہ چڑیاں شور کرتی تھیں
پھلوں سے پیٹ بھرتی تھیں
چلو لکھتے ہیں کاغذ پر
کہ جب لکھنا نہ آتا تھا
تو پریوں کی کہانی سنتے سنتے
نیند کی سرسبز وادی میں
قدم رکھنا
ہواؤں میں پرندوں کی طرح اڑنا
پرستانوں میں جا کر تتلیوں سے گفتگو کرنا
بہت سے جادوئی منظر جگاتا تھا
ہمیں خود سے ملاتا تھا
پرانی صحبتیں برہم
سوادِ شہرِ جاں سے دور اک بستی ہے خوابوں کی
چلو پھر سے اسی بستی میں اپنی عمر کی تجدید کرتے ہیں
خود اپنی زندگی کے کینوس میں
رنگ بھرتے ہیں......!!

[.]

Re: sarfraz chouhdary,s most wanted

:thmbup:

[life.]

Re: sarfraz chouhdary,s most wanted

bohat aala...............

[pink rose]

Re: sarfraz chouhdary,s most wanted

khubsurat intikhab

[sarfraz_qamar]

Re: sarfraz chouhdary,s most wanted

مناظر، شہر، قصبے اجنبی ہیں
تخاطب، لفظ، لہجے اجنبی ہیں

یہ کیسی بے مروت سرزمیں ہے
یہاں سب کے رویے اجنبی ہیں

سمندر لگ رہا ہے اپنا اپنا
مگر اس کے جزیرے اجنبی ہیں

زمانے ہو گئے ہیں ساتھ رہتے
مگر ہم پھر بھی کتنے اجنبی ہیں

وہی الفاظ ہیں مانوس سارے
مگر مفہوم اب کے اجنبی ہیں

لکیریں اپنے ہاتھوں کی پریشاں
مقدر کے ستارے اجنبی ہیں

ہوئی منزل گریزاں جب سے انور
زمیں ناراض، رستے اجنبی ہیں