sarfraz chouhdary,s most wanted

[sarfraz_qamar]

Re: sarfraz chouhdary,s most wanted


ab kyaa bataa_uu.N mai.n tere milane se kyaa milaa
irfaan-e-Gam huaa mujhe dil kaa pataa milaa


jab duur tak na ko_ii fakiir-aashnaa milaa
teraa niyaaz-mand tere dar se jaa milaa

manzil milii muraad milii mudda'a milaa
sab kuchh mujhe milaa jo teraa naqsh-e-paa milaa

yaa zaKhm-e-dil ko chiir ke siine se phe.nk de
yaa aitaraaf kar ki nishaan-e-vafaa milaa

[sarfraz_qamar]

Re: sarfraz chouhdary,s most wanted

ab mai.n raashan kii kataaro.n me.n nazar aataa huu.N
apane kheto.n se bichha.Dane kii sazaa paataa huu.N


itanii meha.Ngaa_ii ke baazaar se kuchh laataa huu.N
apane bachcho.n me.n use baa.NT ke sharmaataa huu.N


apanii nii.ndo.n kii lahuu po.Nchane kii koshish me.n
jaagate jaagate thak jaataa huu.N so jaataa huu.N


ko-ii chaadar samajh ke khii.Nch na le phir se "Khaleel"
mai.n qafan o.D kar fuT-paath pe so jaataa huu.N

[sarfraz_qamar]

Re: sarfraz chouhdary,s most wanted

ab naye saal kii mohalat nahii.n milane vaalii
aa chuke ab to shab-o-roz azaabo.n vaale

ab to sab dashnaa-o-Khanjar kii zubaa.N bolate hai.n
ab kahaa.N log muhabbat ke nisaabo.n vaale

zindaa rahane kii tamannaa ho to ho jaate hai.n
faaKhtaao.n ke bhii kirdaar uqaabo.n vaale

na mere zaKhm khile hai.n na teraa rang-e-hinaa
mausam aaye hii nahii.n ab ke gulaabo.n vaale

[sarfraz_qamar]

Re: sarfraz chouhdary,s most wanted

ab tak to nuur-o-niKhat-o-rang-o-sadaa kahuu.N
mai.n tujh ko chhuu sakuu.N to Khudaa jaane kyaa kahuu.N

lafzo.n se un ko pyaar hai mafhuum se mujhe
vo gul kahe.n jise mai.n teraa naqsh-e-paa kahuu.N

ab justajuu hai terii jafaa ke javaaz kii
jii chaahataa hai tujh ko vafaa aashnaa kahuu.N

sirf is ke liye ke ishq isii kaa zahuur hai
mai.n tere husn ko bhii sabuut-e-vafaa kahuu.N

tuu chal diyaa to kitane haqaa_iq badal gaye
najm-e-sahar ko marqad-e-shab kaa diyaa karuu.N

[sarfraz_qamar]

Re: sarfraz chouhdary,s most wanted

ab tak us kii muhabbat kaa nashaa taarii hai
phuul baaqii nahii.n Khushbuu kaa safar jaarii hai

sahar lagataa hai pasiine me.n nahaayaa huaa jism
ye ajab Khvaab me.n Duubii hu_ii bedaarii hai


aaj kaa phuul terii kokh se zaahir hogaa
shaaKh-e-dil Khushk ha no ab ke terii baarii hai

dhyaan bhii us kaa hai milate bhii nahii.n hai.n us se
jism se bair hai saaye se vafaadaarii hai

[sarfraz_qamar]

Re: sarfraz chouhdary,s most wanted

ab to ghabaraa ke ye kahate hai.n ke mar jaaye.nge
mar ke bhii chain na paayaa to kidhar jaaye.nge

tum ne Thaharaa_ii agar Gair ke ghar jaane kii
to iraade yahaa.N kuchh aur Thahar jaaye.nge

ham nahii.n vo jo kare.n Khuun kaa daavaa tujh par
balqi puuchhegaa Khudaa bhii to mukar jaaye.nge

aag dozaKh kii bhii ho jaayegii paanii paanii
jab ye aasii arq-e-sharm se tar jaaye.nge

[sarfraz_qamar]

Re: sarfraz chouhdary,s most wanted

ab to kuchh aur bhii a.ndheraa hai
ye merii raat kaa saveraa hai

rahazano.n se to bhaag nikalaa thaa
ab mujhe rahabaro.n ne gheraa hai

aage aage chalo tabar vaalo
abhii ja.ngal bahut ghaneraa hai

qaafilaa kis kii pairavii me.n chale
kaun sab se ba.Daa luTeraa hai

so raho ab "Hafeez"jii tum bhii
ye na_ii zindagii kaa Deraa hai

[sarfraz_qamar]

Re: sarfraz chouhdary,s most wanted

un kii ulfat kaa yaqii.n ho un ke aane kii ummiid
ho.n ye dono.n suurate.n tab hai bahaar-e-intazaar

merii aahe.n naa_rasaa merii duaae.n naa_qubuul
yaa ilaahii kyaa karuu.N mai.n sharm_saar-e-intazaar

un ke Khat kii aarazuu hai un ke aamad kaa Khayaal
kis qadar phailaa huaa hai kaarobaar-e-intazaar

[sarfraz_qamar]

Re: sarfraz chouhdary,s most wanted

ab to yahii hai.n dil kii duaaye.n
bhuulane waale bhuul hi jaaye.n


wajah-e-sitam kuchh ho to bataaye.n
ek mohabbat, laakh Khataaye.n


dard-e-mohabbat, dil me.n chhupaayaa
aa.Nkh ke aa.Nsuu kaiise chhupaaye.n


hosh aur un kii diid kaa daawaa
dekhanewaale.n, hosh me.n aaye.n


dil ki tabaahii bhuule nahii.n ham
dete hai.n ab tak unko du'aaye.n

[sarfraz_qamar]

Re: sarfraz chouhdary,s most wanted

tum aaGosh-e-tasavvur me.n bhii aayaa na karo
mujh se bikhare huye gesuu nahii.n dekhe jaate
surKh aa.Nkho.n kii qasam kaa.Npatii palako.n kii qasam
thar-tharaate huye aa.Nsuu nahii.n dekhe jaate

[sarfraz_qamar]

Re: sarfraz chouhdary,s most wanted

ab vahii harf-e-junuu.N sab kii zubaa.N Thaharii hai
jo bhii chal nikalii hai vo baat kahaa.N Thaharii hai


aaj tak shaiKh ke ikaraam me.n jo shay thii haraam
ab vahii dushman-e-dii.n raahat-e-jaa.N Thaharii hai

[sarfraz_qamar]

Re: sarfraz chouhdary,s most wanted

ab ye aa.Nkhe.n kisii taskiin se taabindaa nahii.n
mai.n ne raftaa se ye jaanaa hai ke aa_indaa nahii.n

dil ye viraa.N dam-e-iisaa hai gaye vaqt kii yaad
kaun saa aalam kaa ye raftaa hai ke zindaa nahii.n

tuu bhii chaahe to na aayegii vo biitii hu_ii raat
hai vahii chaa.Nd magar vaisaa daraKhshandaa nahii.n

kabhii Gunche ko mahakane se ko_ii rok sakaa
shauq agar hai to izaaKhaar se sharmindaa nahii.n

[sarfraz_qamar]

Re: sarfraz chouhdary,s most wanted

ab ye hogaa shaayad apanii aag me.n Khud jal jaaye.nge
tum se duur bahut rah kar bhii kyaa paayaa kyaa paaye.nge

dukh bhii sachche sukh bhii sachche phir bhii terii chaahat me.n
ham ne kitane dhoke khaaye kitane dhoke khaaye.nge

aql pe ham ko naaz bahut thaa lekin ye kab sochaa thaa
ishq ke haatho.n ye bhii hogaa log hame.n samajhaaye.nge

[sarfraz_qamar]

Re: sarfraz chouhdary,s most wanted

abhii aur tez kar le sar-e-Khanjar-e-adaa ko
mere Khuu.n kii hai zaruurat terii shoKhii-e-hinaa ko

tujhe kis nazar se dekhe ye nigaah-e-dard_aagii.n
jo duaaye.n de rahii hai terii chashm-e-bevafaa ko

kahii.n rah ga_ii.n shaayad tere dil kii dha.Dakano.n me.n
kabhii sun sake to sun le merii Khuu.Nshidaa navaa ko

ko_ii bolataa nahii.n hai mai.n pukaarataa rahaa huu.N
kabhii but_kade me.n but ko kabhii kaabe me.n Khudaa ko

[sarfraz_qamar]

Re: sarfraz chouhdary,s most wanted

abhii is taraf na nigaah kar mai.n Gazal ke palke.n sa.Nvaar luu.N
meraa lafz lafz ho aa_iinaa tujhe aa_iine me.n utaar luu.N

mai.n tamaam din kaa thakaa huaa tuu tamaam shab kaa jagaa huaa
zaraa Thahar jaa isii mo.D par tere saath shaam guzaar luu.N

agar aasamaa.N kii numaa_isho.n me.n mujhe bhii izn-e-qayaam ho
to mai.n motiyo.n kii dukaan se terii baaliyaa.N tere haar luu.N