sarfraz chouhdary,s most wanted

[sarfraz_qamar]

Re: sarfraz chouhdary,s most wanted

azmat-e-zindagii ko bech diyaa
ham ne apanii Khushii ko bech diyaa

chashm-e-saaqii ke ik ishaare pe
umr kii tishnagi ko bech diyaa

rind jaam-o-subuu pe ha.Nsate hai.n
shaiKh ne bandagii ko bech diyaa

rah_guzaaro.n pe luT ga_ii raadhaa
shaam ne baa.Nsurii ko bech diyaa

jagamagaate hai.n vahashato.n ke dayaar
aql ne aadamii ko bech diyaa

lab-o-ruKhsaar ke ivaz ham ne
sitvat-e-Khusravii ko bech diyaa

ishq beharuupiyaa hai ai 'Sagar'
aap ne saadagii ko bech diyaa

[sarfraz_qamar]

Re: sarfraz chouhdary,s most wanted

ab ke ham bichha.de to shaayad kabhii khvaabo.n me.n mile.n
jis tarah suukhe hue phuul kitaabo.n me.n mile.n


dhuu.ndh uja.de hue logo.n me.n vafaa ke motii
ye khazaane tujhe mumkin hai kharaabo.n me.n mile.n

tuu fkudaa hai na meraa ishq farishto.n jaisaa
dono.n insaa.n hai.n to kyo.n itane hijaabo.n me.n mile.n

gam-e-duniyaa bhii gam-e-yaar me.n shaamil kar lo
nashaa ba.dataa hai sharabe.n jo sharaabo.n me.n mile.n

[sarfraz_qamar]

Re: sarfraz chouhdary,s most wanted

Woh jaa chukaa hai
Magar judaai se qabl kaa
Ek narm lamha
Thehar gayaa hai
Miri hatheli ki pusht per
Zindagi mein
Pehli kaa chand bun ker
Raks karte hue
Jis ke shaano.n pe tu ne abhi sir rakha hai
Kabhi me bhee is ki panaaho.n me thee
Faraq yeh hai ke me
Raat se qabl tanha hui
Aur tu subha tak
Is fareb-e-tahaffuz me khoyee rahe gee

[sarfraz_qamar]

Re: sarfraz chouhdary,s most wanted

Main aur meri tanhaai aksar yeh baatein karte hain
Tum hoti to kaisa hota,
tum yeh kehti, tum voh kehti
Tum is baat pe hairaan hoti, tum us baat pe kitni hansti
Tum hoti to aisa hota, tum hoti to vaisa hota
Main aur meri tanhaai aksar yeh baatein karte hain
Yeh kahan aa gaye hum
Yunhi saath saath chalte
Teri baahon mein hai jaanam
Mere jism-o-jaan pighalte

[sarfraz_qamar]

Re: sarfraz chouhdary,s most wanted

jaan-e-afasaanaa yahii kuchh bhii ho afasaane kaa naam
zindagii hai dil kii dha.Dakan tez ho jaane kaa naam

qataraa qataraa zindagii ke zahar kaa piinaa hai Gam
aur Khushii hai do gha.Dii pii kar bahak jaane kaa naam

i.ntazaar-e-fasl-e-gul me.n kho chuke aa.Nkho.n kaa nuur
aur bahaar-e-baaG letii hii nahii.n aane kaa naam

taab-e-naakaamii nahii.n to aarazuu karataa hai kyaa
aarazuu hai mauj ke saahil se Takaraane kaa naam

[sarfraz_qamar]

Re: sarfraz chouhdary,s most wanted

sar-e-mahashar yahii puuchhuu.Ngaa Khudaa se pahale
tuune rokaa bhii thaa mujarim ky Khataa se pahale

ashk aa.Nkho.n me.n hai.n hoTho.n pe bukaa se pahale
qaafilaa Gam kaa chalaa baa.ng-e-daraa se pahale

u.D gayaa jaise yakaayak mere shaano.n par se
vo jo ik bojh thaa tasliim-e-Khataa se pahale

haa.N yahaa.N dil jo kisii kaa hai ab aa_iinaa-e-husn
varq-e-saadaa thaa ulfat kii ziyaa se pahale

ibtidaa hii se na de ziist mujhe dars us kaa
aur bhii baab to hai.n baab-e-razaa se pahale

mai.n giraa Khaak pe lekin kabhii tum ne sochaa
mujh pe kyaa biit ga_ii laGzish-e-paa se pahale

ashk aate to the lekin ye chamak aur ta.Dap
un me.n kab thii Gam-e-ulfat kii ziyaa se pahale

dar-e-mayaKhaanaa se aatii hai sadaa-e-saaqii
aaj seraab kiye jaaye.Nge pyaase pahale

raaz-e-mayanoshii-e-"Mullah" huaa afshaa.N varnaa
samajhaa jaataa thaa valii laGzish-e-paa se pahale

[sarfraz_qamar]

Re: sarfraz chouhdary,s most wanted

fitanaa phir aaj uThaane ko hai sar lagataa hai
Khuun hii Khuun mujhe rang-e-sahar lagataa hai

maan luu.N kaise ki mai.n aib saraapaa huu.N faqat
mere ahabaab kaa ye husn-e-nazar lagataa hai

kal jise phuu.Nkaa thaa ye kah ke ki dushman ka hai ghar
sochataa huu.N to vo aaj apanaa hii ghar lagataa hai

ehatiyaatan ko_ii dar pho.D le.n diivaar me.n ab
shor ba.Dhataa huaa kuchh jaanib-e-dar lagataa hai

ek daravaazaa hai har samt me.n khulane ke liye
ho.n na ho ye to mujhe sheKh kaa ghar lagataa hai

[sarfraz_qamar]

Re: sarfraz chouhdary,s most wanted

avval-e-shab vo bazm kii raunaq shamaa bhii thii paravaanaa bhii
raat ke aaKhir hote hote Khatm thaa ye afasaanaa bhii

qaid ko to.D ke nikalaa jab mai.n uThake baguule saath hue
dasht-e-adam tak jangal jangal bhaag chalaa viiraanaa bhii

haath se kis ne saaGar paTakaa mausam kii bekaifii par
itanaa barasaa TuuT ke baadal Duub chalaa maiKhaanaa bhii

Khuun hii kii shirkat vo kyo.n na ho shirkat chiiz hai jhaga.De kii
apano.n se vo dekh rahaa huu.N jo na kare begaanaa bhii

ek lagii ke do hai.n asar aur dono.n hasb-e-maraatib hai.n
lau jo lagaaye shammaa kha.Dii hai raqs me.n hai paravaanaa bhii

[sarfraz_qamar]

Re: sarfraz chouhdary,s most wanted

zamaanaa yaad teraa ai dil-e-naakaam aataa hai
Tapak pa.Date hai.n aa.Nsuu jab vafaa kaa naam aataa hai

vafaa tum se kare.nge dukh sahe.nge naaz uThaaye.nge
jise aataa hai dil denaa use har kaam aataa hai

akele karavaTe.n hai.n raat bhar bistar pe aur ham hai.n
kahaa.N pahaluu ko Khaalii dekh kar aaraam aataa hai

hasiino.n me.n basar kar dii javaanii 'Arzoo' ham ne
lagaanaa dil kaa siikhe hai.n yahii ik kaam aataa hai

[sarfraz_qamar]

Re: sarfraz chouhdary,s most wanted

kis ne bhiige hue baalo.n se ye jhaTakaa paanii
jhuum ke aa_ii ghaTaa TuuT ke barasaa paanii

ro liyaa phuuT ke siine me.n jalan ab kyo.n hai
aag pighalaa ke nikalaa hai ye jalataa paanii

ko_ii matavaalii ghaTa thii ke javaanii kii umang
jo bahaa le gayaa barasaat kaa pahalaa paanii

Tik-Tikii baa.Ndhe vo phirate hai.n mai.n is fikr me.n huu.N
kahii.n khaane lage chakkar na ye geharaa paanii

baat karane me.n vo un aa.Nkho.n se amrit Tapakaa
'Arzoo' dekhate hii muu.Nh me.n bhar aayaa paanii

[sarfraz_qamar]

Re: sarfraz chouhdary,s most wanted

rangat terii zulfo.n kii ghaTaao.n ne churaaii
Khushbuu tere aa.Nchal se havaao.n ne u.Daaii


paimaane kaa dil TuuT na jaaye to kahuu.N mai.n
hai chiiz Gazab kii jo nigaaho.n ne pilaaii


qaidii terii zulfo.n kaa hai aazaad jahaa.N se
mujh ko ye rihaaii to sazaao.n ne dilaaii


maanaa kii bahaaro.n ne khilaayaa hai gulo.n ko
ulfat kii kalii dil me.n vafaao.n ne khilaaii


tham-tham ke barasanaa kabhii jham-jham ke barasanaa
saavan ko adaa ye mere ashko.n ne sikhaaii


ma.nzil pe pahu.nch kar 'nasiim' ehasaas huaa hai
jis raah se pahu.nchaa ye Khataao.n ne dikhaaii

[sarfraz_qamar]

Re: sarfraz chouhdary,s most wanted

baGair mere tujhe chain aa nahii.n sakataa
meraa javaab kahii.n se tuu laa nahii.n sakataa

hazaar parde bhii Daalo agar banaavaT ke
dilo.n kii baat ko cheharaa chhupaa nahii.n sakataa

banaa diyaa hai zamaane ne dil ko patthar kaa
sataaye ko_ii bhii mujh ko rulaa nahii.n sakataa

hasiin taaj mahal ke banaane vaalaa bhii
dilo.n ke TuuTe gharau.nde banaa nahii.n sakataa

[sarfraz_qamar]

Re: sarfraz chouhdary,s most wanted

har shaam jalate jismo.n kaa gaa.Dhaa dhuaa.N hai shahar
mar-ghaT kahaa.N hai ko_ii bataao kahaa.N hai shahar

phuTapaath par jo laash pa.Dii hai usii kii hai
jis gaa.Nv ko yaqii.n thaa ki rozii-rasaa.N hai shahar

mar jaa_iye to naam-o-nasab puuchhataa nahii.n
murdo.n ke sil-sile me.n bahut meharabaa.N hai shahar

rah rah ke chiiKh uThate hai.n sannaaTe raat ko
jangal chhupe hue hai.n vahii.n par jahaa.N hai shahar

[sarfraz_qamar]

Re: sarfraz chouhdary,s most wanted

uljhaav kaa mazaa bhii terii baat hii me.n thaa
teraa javaab tere savaalaat hii me.n thaa

saayaa kisii yaqii.n kaa bhii jis par na pa.D sakaa
vo ghar bhii shahar-e-dil ke muzaafaat hii me.n thaa

ilzaam kyaa hai ye bhii na jaanaa tamaam umr
mulzim tamaam umr havaalaat hii me.n thaa

ab to faqat badan kii muravvat hai daramiyaa.N
thaa rabt jaan-o-dil kaa to shuruu_aat hii me.n thaa

[sarfraz_qamar]

Re: sarfraz chouhdary,s most wanted

zindagii se Darate ho
zindagii to tum bhii ho, zindagii to ham bhii hai.n
aadamii se Darate ho
aadamii to tum bhii ho aadamii to ham bhii hai.n
aadamii zubaa.N bhii hai, aadamii bayaa.N bhii hai
is se tum nahii.n Darate
harf aur maanii ke rishte haaye aahan se aadamii hai vaabastaa
aadamii ke daaman se zindagii hai vaabastaa
is se tum nahii.n Darate
ankahii se Darate ho
jo abhii aa_ii nahii.n us gha.Dii se Darate ho
us gha.Dii ke aane kii aag hii se Darate hi
pahale bhii to guzare hai.n
daur naarasaa_ii ke, beriyaa, Khudaa_ii ke
phir bhii ye samajhate ho, hech aazaruumandii
ye shab zubaa.Nbandii, hai rahe Khudaabandii
tum yahii samajhate ho, tum magar ye kyaa jaano
lab agar nahii.n hilate haath jaag uThate hai.n
haath jaag uThate hai.n raah kaa nishaan ban kar
nuur kii zubaa.N ban kar
haath bol uThate hai.n subah kii azaa.N ban kar
roshanii se Darate ho
roshanii to tum bhii ho, roshanii to ham bhii hai.n
roshanii se Darate ho
shahar kii fasiilo.n par
dev kaa jo saayaa thaa, paak ho gayaa aaKhir
az_dahaam-e-afsaa.N se fard kii navaa aa_ii
zaat kii sadaa aa_ii
raah-e-shauq me.n jaise raah_ravii Khuu.N lapake
ik nayaa junuu.N lapake
aadamii chhalak uThe
aadamii ha.Nse dekho, shahar phir base dekho
tum abhii se Darate ho
haa.N abhii to tum bhii ho, haa.N abhii to ham bhii hai.n
tum abhii se Darate ho