sarfraz chouhdary,s most wanted

[sarfraz_qamar]

Re: sarfraz chouhdary,s most wanted

Daal degaa halaaqat me.n ik din tujhe
ai parinde teraa shaaKh par bolanaa

pahale kuchh duur tak saath chal ke parakh
phir mujhe ham_safar ham_safar bolanaa

umr bhar ko mujhe besadaa kar gayaa
teraa ik baar muu.Nh pher kar bolanaa

merii Khaanaabadoshii se puuchhe ko_ii
kitanaa mushkil hai raste ko ghar bolanaa

kyuu.N hai Khaamosh sone kii chi.Diyaa bataa
lag ga_ii tujh ko kis kii nazar bolanaa

[sarfraz_qamar]

Re: sarfraz chouhdary,s most wanted

jab kabhii teraa naam lete hai.n
dil se ham intaqaam lete hai.n

merii barbaadiyo.n ke afasaane
mere yaaro.n kaa naam lete hai.n

bas yahii ek jurm hai apanaa
ham muhabbat se kaam lete hai.n

har qadam par gire par siikhaa
kaise girato.n ko thaam lete hai.n

ham bhaTak kar junuu.N kii raaho.n me.n
aql se intaqaam lete hai.n

[sarfraz_qamar]

Re: sarfraz chouhdary,s most wanted

ham kare.n tark-e-vafaa achchhaa chalo yuu.n hii sahii
aur agar tark-e-vafaa se bhii na rusvaa_ii ga_ii

kaise kaise chashm-o-aariz gard-e-Gam se bujh gaye
kaise kaise paikaro.n kii shaan-e-zebaa_ii ga_ii

dil kii dha.Dakan me.n tavazzun aa chalaa hai Khair ho
merii nazare.n bujh ga_ii.n yaa terii raanaa_ii ga_ii

un kaa Gam un kaa tasavvur un ke shikave ab kahaa.N
ab to ye baate.n bhii ai dil ho ga_ii.n aa_ii ga_ii

[sarfraz_qamar]

Re: sarfraz chouhdary,s most wanted

jab kisii se koii gilaa rakhanaa
saamane apane aaiiinaa rakhanaa


yuu.N ujaalo.n se vaasta rakhanaa
shammaa ke paas hii hava rakhanaa


ghar kii taamiir chaahe jaisii ho
is me.n rone kii jagah rakhanaa


masjide.n hai.n namaaziyo.n ke liye
apane ghar me.n kahii.n Khudaa rakhanaa


milanaa jhulanaa jahaa.N zaruurii ho
milane-jhulane kaa hausalaa rakhanaa

[sarfraz_qamar]

Re: sarfraz chouhdary,s most wanted

tishnagii kuchh to bujhe tishnaalab-e-Gam kii
ik nadii dard ke shaharo.n me.n bahaa dii jaaye

dil kaa vo haal huaa ai Gam-e-dauraa.N ke tale
jaise ik laash chaTTaano.n me.n dabaa dii jaaye

[sarfraz_qamar]

Re: sarfraz chouhdary,s most wanted

Dhaaye.N hai.n hameshaa zulm-o-sitam duniyaa ne muhabaat vaalo.n par
do dil ko kabhii milane na diyaa diivaar uThaa_ii logo.n ne

aa.Nkho.n se na aa.Nsuu po.nch sake ho.nTho.n pe Khushii dekhii na ga_ii
aabaad jo dekhaa ghar meraa to aag lagaa_ii logo.n ne

tanhaa_ii kaa saathii mil na sakaa rusvaa_ii me.n shaamil shahar huaa
pahale to meraa dil to.D diyaa phir iid manaa_ii logo.n ne

is daur me.n jiinaa mushkil hai ai 'Ashk' ko_ii aasaa.N nahii.n
har ik qadam par marane kii ab rasm chalaa_ii logo.n ne

[sarfraz_qamar]

Re: sarfraz chouhdary,s most wanted

jab merii yaad sataaye to mujhe Khat likhanaa
tum ko jab niind na aaye to mujhe Khat likhanaa

niile pe.Do.n kii ghanii chaa.Nv me.n ha.Nsataa saavan
pyaasii dhartii me.n samaane ko tarasataa saavan
raat bhar chhat pe lagaataar barasataa saavan
dil me.n jab aag lagaaye to mujhe Khat likhanaa

jab pha.Dak uThe kisii shaaKh pe pattaa ko_ii
gud_gudaaye tumhe.n biitaa huaa lamhaa ko_ii
jab merii yaad kaa bechain safiinaa ko_ii
jii ko rah rah ke jalaaye to mujhe Khat likhanaa

jab nigaaho.n ke liye ko_ii nazaaraa na rahe
chaa.Nd chhip jaaye gagan par ko_ii sahaaraa na rahe
log ho jaaye.n paraaye to mujhe Khat likhanaa

[sarfraz_qamar]

Re: sarfraz chouhdary,s most wanted

jis din se duur ho gaye us din se hii sanam
bas din tumhaare aane ke ginatii hai.n u.Ngaliyaa.N

patthar taraash kar na banaa taaj ek nayaa
fan_kaar kii zamaane me.n kaTatii hai.n u.Ngaliyaa.N

[sarfraz_qamar]

Re: sarfraz chouhdary,s most wanted

aa.Nkh vaale nigaahe.n churaate hai.n
aa_iinaa kyuu.N na ho saamanaa kiijiye


aa.Nkh me.n ashk-e-Gam aa bhii jaaye.n to kyaa
cha.nd qatre to hai.n, pii liyaa kiijiye


aap kaa ghar sadaa jagamagaataa rahe
raah me.n bhii diyaa rakh diyaa kiijiye


zer-e-paa hai.n sama.ndar kii gaharaa_iiyaa.N
ab to saahil pe bhii tajurbaa kiijiye

[sarfraz_qamar]

Re: sarfraz chouhdary,s most wanted

kaun viiraane me.n dekhegaa bahaar
phuul jangal me.n khile kin ke liye

saarii duniya ke hain vo mere sivaa
mai.n ne duniyaa chho.D dii jin ke liye

baaGabaa.N kaliyaa.N ho.n halke rang kii
bhejanii hai.n ek kamasin ke liye

sab hasii.n hai.n zaahido.n ko naapasand
ab ko_ii huur aayegii in ke liye

[sarfraz_qamar]

Re: sarfraz chouhdary,s most wanted

aa.Ndhiyo.n ko kuchh pataa nahii.n
ham bhii gard-e-raah ho gaye

dushmano.n ko chiTThiyaa.N likkho
dost Khair-Khvaah ho gaye

[sarfraz_qamar]

Re: sarfraz chouhdary,s most wanted

us ke dil par bhii ka.Dii ishq me.n guzarii hogii
naam jis ne bhii muhabbat kaa sazaa rakhaa hai

pattharo.n aaj mere sar pe baraste kyuu.N ho
mai.n ne tum ko bhii apanaa Khudaa rakhaa hai

ab mere diid kii duniyaa bhii tamaashaa_ii hai
tuune kyaa mujhako muhabbat me.n banaa rakhaa hai

piijaa aiyaam kii talKhii ko bhii ha.Nsake "Nasir"
Gam ko sahane me.n bhii kudarat ne mazaa rakhaa hai

[sarfraz_qamar]

Re: sarfraz chouhdary,s most wanted

jab se us ne shahar ko chho.Daa har rastaa sun_saan huaa
apanaa kyaa hai saare shahar kaa ik jaisaa nukasaan huaa

mere haal pe hairat kaisii dard ke tanhaa mausam me.n
patthar bhii ro pa.Date hai.n i.nsaan to phir i.nsaan huaa

us ke zaKhm chhupaa kar rakhiye Khud us shaKhs kii nazaro.n se
us se kaisaa shikavaa kiije vo to abhii naadaan huaa

yuu.N bhii kam aamez thaa "Mohsin" vo is shahar ke logo.n me.n
lekin mere saamane aakar aur hii kuchh a.njaam huaa

[sarfraz_qamar]

Re: sarfraz chouhdary,s most wanted

mai.n to samajhaa thaa ki lauT aate hai.n jaane vaale
tuune jaakar to judaa_ii merii qismat kar dii

mujh ko dushman ke iraado.n pe bhii pyaar aataa hai
terii ulfat ne muhabbat merii aadat kar dii

[sarfraz_qamar]

Re: sarfraz chouhdary,s most wanted

jab tere shahar se guzarataa huu.N

dil bhii karataa hai yaad chhup ke tujhe
naam letii nahii.n zubaa.N teraa

ye bhii nahii.n mujhe maaluum
kis mohalle me.n hai makaa.N teraa
kaun sii shaaKh-e-gul pe raqsaa.N hai
rashk-e-firdaus aashiyaa.N teraa
jaane kin vaadiyo.n me.n Theharaa hai
Girat-e-husn kaaravaa.N teraa
kis se puuchhuu.Ngaa mai.n Khabar terii
kaun batalaayegaa nishaa.N teraa

terii rusvaa_iiyo.n se Darataa huu.N
jab tere shahar se guzarataa huu.N