sarfraz chouhdary,s most wanted

[sarfraz_qamar]

Re: sarfraz chouhdary,s most wanted

fikr hii Thaharii to dil ko fikr-e-Khubaa.N kyo.n na ho
Khaak hona ahai to Khaak-e-kuu-e-jaanaa.N kyo.n na ho


ziist hai jab mustaqil aavaaraa gardii hii kaa naam
aql vaalo phir tavaaf-e-kuu-e-jaanaa.N kyo.n na ho


ik na ik rif'at ke aage sajdaa laazim hai to phir
aadamii mahav-e-sajuud-e-sirr-e-Khubaa.N kyo.n na ho


ik na ik zulmat se jab vaabastaa rahanaa hai to "Josh"
zindagii par saayaa-e-zulf-e-pareshaa.N kyo.n na ho

[sarfraz_qamar]

Re: sarfraz chouhdary,s most wanted

firaaq se bhii gaye ham visaal se bhii gaye
subuk huye hai.n to aish-e-malaal se bhii gaye

jo but-kade me.n the vo sahibaan-e-kashf-o-kamaal
haram me.n aaye tp kashf-o-kamaal se bhii gaye

usii nigaah kii narmii se Dag-magaa gaye qadam
usii nigaah ke tevar sambhaal se bhii gaye

Gam-e-hayaat-o-Gam-e-dost kii kashaakash me.n
ham aise log to ra.nj-o-malaal se bhii gaye

vo log jin se terii bazm me.n the ha.ngaame
gaye to kyaa terii bazm-e-Khayaal se bhii gaye

ham aise kaun the lekin qafas ki ye duniyaa
ke par-shikasto.n me.n apanii misaal se bhii gaye

[sarfraz_qamar]

Re: sarfraz chouhdary,s most wanted

firaaq-e-diidaa huu.N mai.n vasl-e-yaar baaqii hai
Khizaa.N rasiidaa chaman kii bahaar baaqii hai

havaa to kahatii hai saaqamade bahaar-e-chaman
sadaa-e-gu.nchaa-e-vahadat hazaar baaqii hai

buto.n ke qahar se ham ko maqaam-e-yaas nahii.n
ummiid-e-rahamat-e-paravar-digaar baaqii hai

[sarfraz_qamar]

Re: sarfraz chouhdary,s most wanted

fitanaa phir aaj uThaane ko hai sar lagataa hai
Khuun hii Khuun mujhe rang-e-sahar lagataa hai

maan luu.N kaise ki mai.n aib saraapaa huu.N faqat
mere ahabaab kaa ye husn-e-nazar lagataa hai

kal jise phuu.Nkaa thaa ye kah ke ki dushman ka hai ghar
sochataa huu.N to vo aaj apanaa hii ghar lagataa hai

ehatiyaatan ko_ii dar pho.D le.n diivaar me.n ab
shor ba.Dhataa huaa kuchh jaanib-e-dar lagataa hai

ek daravaazaa hai har samt me.n khulane ke liye
ho.n na ho ye to mujhe sheKh kaa ghar lagataa hai

[wajid hanif]

Re: sarfraz chouhdary,s most wanted

nice''

[sarfraz_qamar]

Re: sarfraz chouhdary,s most wanted

fursat-e-kaar faqat chaar gha.Dii hai yaaro
ye na socho ke abhii umr pa.Dii hai yaaro


apane taariik makaano.n se to baahar jhaa.Nko
zindagii shammaa liye dar pe kha.Dii hai yaaro


unake bin jii ke dikhaa de.nge chalo yuu.N hii sahii
baat itanii sii hai ke zid aan pa.Dii hai yaaro


faasalaa cha.nd qadam kaa hai manaa le.n chal kar
subah aa_ii hai magar duur kha.Dii hai yaaro


kis kii dahaliiz pe le jaake sajaauu.N is ko
biich raste me.n ko_ii laash pa.Dii hai yaaro

jab bhii chaahe.nge zamaane ko badal Daale.nge
sirf kahane ke liye baat ba.Dii hai yaaro

[sarfraz_qamar]

Re: sarfraz chouhdary,s most wanted

apane Khvaabo.n me.n tujhe jis ne bhii dekhaa hogaa
aa.Nkh khulate hii tujhe Dhuu.NDhane nikalaa hogaa

zindagii sirf tere naam se mansuub rahe
jaane kitane hii dimaaGo.n ne ye sochaa hogaa

dost ham us ko hii paiGaam-e-karam samajhenge
terii furqat kaa jo jalataa huaa lamhaa hogaa

daaman-e-ziist me.n ab kuchh bhii nahii.n hai baaqii
maut aa_ii to yaqiinan use dhokaa hogaa

[sarfraz_qamar]

Re: sarfraz chouhdary,s most wanted

chaa.Nd sitaaro.n se kyaa puchhuu.N kab din mere phirate hai.n
vo to bechaare Khud hai.n bhikaarii Dere Dere phirate hai.n

jin galiyo.n me.n ham ne sukh kii sej pe raate.n kaaTii thii.n
un galiyo.n me.n vyaakul hokar saa.Njh savere phirate hai.n

ruup-saruup kii jot jagaanaa is nagarii me.n jokhim hai
chaaro.n khuu.NT baguule ban kar ghor andhere phirate hai.n

jin ke shaam-badan saaye me.n meraa man sustaayaa thaa
ab tak aa.Nkho.n ke aage vo baal ghanere phirate hai.n

ko_ii hame.n bhii ye samajhaa do un par dil kyo.n riijh gayaa
tiikhii chitavan baa.Nkii chhab vaale bahutere phirate hai.n

is nagarii me.n baaG aur ban kii yaaro liilaa nyaarii hai
panchii apane sar pe uThaakar apane basere phirate hai.n

log to daaman sii lete hai.n jaise ho jii lete hai.n
'Abid' ham diivaane hai.n jo baal bikhere phirate hai.n

[sarfraz_qamar]

Re: sarfraz chouhdary,s most wanted

dil hai aa_iinaa-e-hairat se do-chaar aaj kii raat
Gam-e-dauraa.N me.n hai aks-e-Gam-e-yaar aaj kii raat]

aatish-e-gul ko daaman se havaa detii hai
diidanii hai ravish-e-mauj-e-bahaar aaj kii raat

aaj kii raat kaa mahamaa.N hai malbuus-e-hariir
is chaman-zaar me.n ugate hai.n sharar aaj kii raat

mai.n ne farahad kii aaGosh me.n shirii.n dekhii
mai.n ne paravez ko dekhaa sar-e-daar aaj kii raat

[sarfraz_qamar]

Re: sarfraz chouhdary,s most wanted

ho.nTho.n pe kabhii un ke meraa naam hii aaye
aaye to sahii bar-sar-e-ilzaam hii aaye

hairaan hai.n lab_bastaa hai.n, dil_giir hai.n Gunche
Khushbuu kii zubaanii teraa paiGaam hii aaye

lamhaat-e-masarrat hai.n tasavvur se gurezaa.N
yaad aae hai.n jab bhii Gam-o-aalaam hii aaye

taaro.n se sajaa le.nge raah-e-shahar-e-tamannaa
maqaduur nahii.n subho chalo shaam hii aaye

yaado.n ke vafaao.n ke aqiido.n ke Gamo.n ke
kaam aaye jo duniyaa me.n to is naam hii aaye

kyaa raah badalane kaa gilaa ham_safaro.n se
jis raah se chale tere dar-o-baam hii aaye

thak haar ke baiThe hai.n sar-e-kuu-e-tamannaa
kaam aaye to phir jazbaa-e-naakaam hii aaye

baaqii na rahe saaKh "Adaa" dasht-e-junuu.N kii
dil me.n agar andeshaa-e-anjaam hii aaye

[sarfraz_qamar]

Re: sarfraz chouhdary,s most wanted


aaKhirii Tiis aazamaane ko
jii to chaahaa thaa muskuraane ko

yaad itanii bhii saKht_jaa.N to nahii.n
ik gharau.ndaa rahaa hai Dahaane ko

sang_rezo.n me.n Dhal gaye aa.Nsuu
log ha.Nsate rahe dikhaane ko

zaKhm-e-naGmaa bhii lau to detaa hai
ik diyaa rah gayaa jalaane ko

jalane vaale to jal bujhe aaKhir
kaun detaa Khabar zamaane ko

kitane majabuur ho gaye ho.nge
ankahii baat muu.Nh pe laane ko

[sarfraz_qamar]

Re: sarfraz chouhdary,s most wanted

har ek harf-e-aarazuu ko daastaa.N kiye hue
zamaanaa ho gayaa hai un ko mahamaa.N kiye hue

suruur-e-aish talKhi-e-hayaat ne bhulaa diyaa
dil-e-hazii.n hai bekasii ko hijr-e-jaa.N kiye hue

kalii kalii ko gulistaa.N kiye hue vo aaye.nge
vo aaye.nge kalii kalii ko gulistaa.N kiye hue

sukuun-e-dil kii raahato.n ko un se maa.Ng luu.N
sukuun-e-dil kii raahato.n ko bekaraa.N kiye hue

vo aaye.nge to aaye.nge junuun-e-shauq ubhaarane
vo jaaye.nge to jaaye.nge tabaahiyaa.N kiye hue

mai.n un kii bhii nigaah se chhupaa ke un ko dekh luu.N
ki un se bhii hai aaj rashk bad_gumaa.N kiye hue

[sarfraz_qamar]

Re: sarfraz chouhdary,s most wanted

na Gubaar me.n na gulaab me.n mujhe dekhanaa
mere dard kii aab-o-tab me.n mujhe dekhanaa

kisii vaqt shaam malaal me.n mujhe sochanaa
kabhii apane dil kii kitaab me.n mujhe dekhanaa

kisii dhun me.n tum bhii jo bastiyo.n ko tyaag do
isii rah-e-Khaanaa_Kharaab me.n mujhe dekhanaa

kisii raat maah-o-najuum se mujhe puuchhanaa
kabhii apanii chashm pur_aab me.n mujhe dekhanaa

isii dil se ho kar guzar gaye ka_ii kaaravaa.N
kii hijrato.n ke zaab me.n mujhe dekhanaa

mai.n na mil sakuu.N bhii to kyaa huaa ke fasaanaa huu.N
na_ii daastaa.N naye baab me.n mujhe dekhanaa

[sarfraz_qamar]

Re: sarfraz chouhdary,s most wanted

shaayad abhii hai raakh me.n ko_ii sharaar bhii
kyo.n varnaa intazaar bhii hai iztiraar bhii

dhyaan aa gayaa hai marg-e-dil-e-naamuraad kaa
milane ko mil gayaa hai sukuu.N bhii qaraar bhii

ab Dhuu.NDhane chale ho musaafir ko dosto
hadd-e-nigaah tak na rahaa jab Gubaar bhii

har aastaa.N pe naasiyaa_farsaa hai.n aaj vo
jo kal na kar sake the teraa intazaar bhii

[sarfraz_qamar]

Re: sarfraz chouhdary,s most wanted

hazaar Gam the merii zindagii akelii thii
Khushii jahaa.N kii mere vaaste pahelii thii

vo aaj bach ke nikalate hai.n mere saaye se
ki mai.n ne jin ke liye Gam kii dhuup jhelii thii

judaa hu_ii na kabhii mujh se gardish-e-dauraa.N
merii hayaat kii bachapan se ye sahelii thii

cha.Dhaa rahe hai.n vo hii aaj aastii.n mujh par
ki jin kii piiTh pe kal tak merii hathelii thii


ab un kii qabr pe jalataa nahii.n diyaa ko_ii
ki jin kii dahar me.n roshan bahut havelii thii