sarfraz chouhdary,s most wanted

[sarfraz_qamar]

Re: sarfraz chouhdary,s most wanted

abhii josh-e-bahaaraa.N dekhanaa hai
garebaa.N ko garebaa.N dekhanaa hai


a.Ndhere ko kaleje se lagaa le
agar jashn-e-charaaGaa.N dekhanaa hai


na dekhaa jaayegaa jalataa nasheman
magar taa hadd-e-imkaa dekhanaa hai


ataa kar usako yaa rab daulat-e-Gam
agar insaa.N ko insaa.N dekhanaa hai


"Saeed" fasl-e-gul ho Khizaa.N ho
ba har suurat gulistaa.N dekhanaa hai

[sarfraz_qamar]

Re: sarfraz chouhdary,s most wanted

abhii kyaa kahe.n abhii kyaa sunaaye.n
ke sar-e-fasiil-e-sukuut-e-jaa.N
kuf-e-roz-o-shab pe sharar numaa
vo jo

sar-e-sahar-e-ahad-e-visaal-e-dil
vo jo nikahato.n kaa hujuum thaa
use dast-e-mauj-e-firaaq harf jarf charaaG thaa
use kis havaa ne bujhaa diyaa

kabhii lab hile.nge to puuchhanaa ne
tah-e-Khaak kab se milaa diyaa

kabhii gul khile.nge to puuchhanaa

abhii kyaa kahe.n abhii kyaa sunaaye.N
yuu.N hii Khvaahisho.n ke fishaar me.n
kabhii be-sabab kabhii beKhalal
kahaa.N kaun kis se bichha.D gayaa
kise kis ne kaise ga.Nvaa diyaa

kabhii phir mile.nge to puuchhanaa

[sarfraz_qamar]

Re: sarfraz chouhdary,s most wanted

abhii to mai.n javaan huu.N


havaa bhi Khushagavaar hai, gulo.n pe bhii nikhaar hai
tarannume.n hazaar hai.n, bahaar purbahaar hai
kahaa.N chaalaa hai saaqiyaa, idhar to lauT idhar to aa
are ye dekhataa hai kyaa, uThaa subuu, subuu uThaa


subuu uThaa piyaalaa bhar, piyaalaa bhar ke de idhar
chaman kii simt kar nazar, samaa.N to dekh beKhabar
vo kaalii-kaalii badaliyaa.N, ufaq pe ho ga_ii ayaa.N
vo ik hajuum-e-maikashaa.N, hai suu-e-maikadaa ravaa.N
ye kyaa gumaa.N hai badagumaa.N, samajh na mujhako naatavaa.N
Khayaal-e-zohd abhii kahaa.N - abhi to mai.n javaan huu.N

[sarfraz_qamar]

Re: sarfraz chouhdary,s most wanted

achchhaa jo Khafaa ham se ho tum ai sanam achchhaa
lo ham bhii na bole.nge Khudaa kii qasam achchhaa


mashGuul kyaa chaahiiye is dil ko kisii taur
le leve.nge Dhuu.NDh aur koii yaar ham achchhaa


garmii ne kuchh aag aur hii siine me.n lagaa dii
har taur gharaz aap se milanaa hai kam achchhaa


aGiyaar se karate ho mere saamane baate.n
mujhapar ye lage karane nayaa tum sitam achchhaa

[sarfraz_qamar]

Re: sarfraz chouhdary,s most wanted

achchhaa silaa diyaa tuune mere pyaar kaa
yaar ne hii luuT liyaa ghar yaar kaa

ashko.n kii maalaa mere gale pahanaa ke
Khush hai vo ghar kisii aur kaa basaa ke
kar diyaa Khuun dekho mere aitabaar kaa

aaj tere pyaar me.n zahar vo khaaye hai.n
ashko.n ke motii terii yaad me.n bahaaye hai.n
tuune kabhii sunaa nahii.n dard merii pukaar kaa

mere pyaar vaale sabhii phuul murjhaa gaye
kaa.NTe the jo vahaa.N mere hisse aa gaye
raas na aayaa mujhe sapnaa bahaar kaa

[sarfraz_qamar]

Re: sarfraz chouhdary,s most wanted

achchhe isaa ho mariizo.n kaa Khayaal achchhaa hai
ham mare jaate hai.n tum kahate ho haal achchhaa hai

tujh se maa.Nguu.N mai.n tujhii ko ki sab kuchh mil jaaye
sau savaalo.n se yahii ek savaal achchhaa hai

dekh le bul_bul-o-paravaanaa kii betaabii ko
hijr achchhaa na hasiino.n kaa visaal achchhaa hai

aa gayaa us kaa tasavvur to pukaaraa ye shauq
dil me.n jam jaaye ilaahii ye Khayaal achchhaa hai

[sarfraz_qamar]

Re: sarfraz chouhdary,s most wanted

agar badan ek makaan hai
makaan bhii ek kiraaye kaa
aur is me.n ham muqiim hai.n
kiraayedaar kii tarah
to maalike-makaan ko koii
Khabar bhej de
ke luT chuke hai.n ham
hamaare paas ab nahii.n hai
koii aisii shaih
kii jisako ham kiraaye ke bataur
usako de sake.n
baGair kuchh adaa kiye
Thaharanaa is makaan me.n
hamaarii zaKhm zaKhm par
bula.nd sar panaah qubuul kar sake
nahii.n hai ye hame.n yaqii.n
to maalike-makaan
yaa to aa ke sambhaal le vagarnaa phir
hame.n ye Khud makaan
usako chho.D kar safar ke baa.Ndhanii pa.Degii
ye shikastaa-tar kamar

[sarfraz_qamar]

Re: sarfraz chouhdary,s most wanted

agar ham kahe.n aur vo muskuraa de.n
ham unake lie zi.ndagaanii luTaa de.n


har ek mo.D par ham Gamo.n ko sazaa de.n
chalo zindagii ko mohabbat banaa de.n


agar Khud ko bhuule to, kuchh bhii na bhuule
ki chaahat me.n unakii, Khudaa ko bhulaa de.n


kabhii Gam kii aa.Ndhii, ji.nhe.n chhuu na paaye
vafaao.n ke ham, vo nasheman banaa de.n

[sarfraz_qamar]

Re: sarfraz chouhdary,s most wanted

agar mauj hai biich dhaare chalaa chal
vagaranaa kinaare kinaare chalaa chal

isii chaal se mere pyaare chalaa chal
guzaratii hai jaise guzaare chalaa chal

tujhe saath denaa hai baharuupiyo.n kaa
naye se nayaa ruup dhaare chalaa chal

musalasal buto.n kii tamannaa kiye jaa
musalasal Khudaa ko pukaare chalaa chal

[sarfraz_qamar]

Re: sarfraz chouhdary,s most wanted

agar na zoharaa jabiino.n ke daramiyaa.N guzare
to phir ye kaise kaTe zindagii kahaa.N guzare

jo tere aariz-o-gesuu ke daramiyaa.N guzare
kabhii kabhii to vo lamhe.n balaa-e-jaa.N guzare

mujhe ye vaham rahaa muddato.n ke jurrat-e-shauq
kahii.n naa Khaatir-e-maasuum par giraa.N guzare

har ik muqaam-e-mohabbat bahut hii dil-kash thaa
magar ham ahal-e-mohabbat kashaa.N-kashaa.N guzare

[sarfraz_qamar]

Re: sarfraz chouhdary,s most wanted

ahal-e-dil aur bhii hai.n ahal-e-vafaa aur bhii hai.n
ek ham hii nahii.n duniyaa se Khafaa aur bhii hai.n

kyaa huaa gar mere yaaro.n kii zabaane.n chup hai.n
mere shaahid mere yaaro.n ke sivaa aur bhii hai.n


ham pe hii Khatm nahii.n maslak-e-shoriidaa_sarii
chaak-e-dil aur bhii hai chaak-e-qabaa aur bhii hai.n

[sarfraz_qamar]

Re: sarfraz chouhdary,s most wanted

log apane liye auro.n me.n wafaa Dhuu.NDhate hai.n
un vafaa Dhuu.NDhanewaalo.n pe ha.Nsii aatii hai


dekhanevaalo.n tabassum ko karam mat samajho
u.nhe.n to dekhanevaalo.n pe ha.Nsii aatii hai

[sarfraz_qamar]

Re: sarfraz chouhdary,s most wanted

ai ishq na chhe.D aa aa ke hame.n
ham bhuule huo.n ko yaad na kar
pahale hii bahut naashad hai.n ham
tuu aur hame.n naashaad na kar
qismat kaa sitam hii kam nahii.n kuchh
ye taazaa sitam ijaad na kar
yuu.N zulm na kar bedaad na kar
ai ishq hame.n barbaad na kar

jis din se mile hai.n dono.n kaa
sab chain gayaa aaraam gayaa
cheharo.n se bahaar-e-subah ga_ii
aa.Nkho.n se faroG-e-shaam gayaa
haatho.n se Khushii kaa jaam chhuuTaa
ho.nTho.n se ha.Nsii kaa naam gayaa
GamGii.n na banaa naashaad na kar
ai ishq hame.n barbaad na kar

[sarfraz_qamar]

Re: sarfraz chouhdary,s most wanted

ai husn-e-be-paravaah tujhe shabnam kahuu.N sholaa kahuu.N
phuulo.n me.n bhii shoKhii to hai kisako magar tujh saa kahuu.N


gesuu u.De mahakii fizaa jaduu kare.n aa.Nkhe terii
soyaa huaa ma.nzar kahuu.N yaa.N jaagataa sapanaa kahuu.N


cha.ndaa kii tuu hai chaa.Ndanii laharo.n kii tuu hai raaginii
jaan-e-tamannaa mai.n tujhe kyaa kyaa kahuu.N kyaa na kahuu.N

[sarfraz_qamar]

Re: sarfraz chouhdary,s most wanted

ab ko_ii aarazuu nahii.n baakii
justajuu merii aaKhirii tum ho


mai.n zamii.n par ghanaa a.Ndheraa huu.N
aasamaano.n kii chaa.Ndanii tum ho


dosto.n se vafaa kii ummiide.n
kis zamaane ke aadamii tum ho