sarfraz chouhdary,s most wanted

[sarfraz_qamar]

Re: sarfraz chouhdary,s most wanted

aaj phir un kaa saamanaa hogaa
kyaa pataa us ke baad kyaa hogaa

aasamaa.N ro rahaa hai do din se
aap ne kuchh kahaa sunaa hogaa

do qadam par sahii teraa kuuchaa
ye bhii sadiyo.n kaa faasalaa hogaa

ghar jalataa hai raushanii ke liye
ko_ii mujhasaa bhii dil jalaa hogaa

[sarfraz_qamar]

Re: sarfraz chouhdary,s most wanted

aaj tum se bichha.D rahaa huu.N
aaj kahataa huu.N phir miluu.Ngaa tum se
tum meraa i.ntazaar karatii raho
aaj kaa aitabaar karatii raho

log kahate hai.n vaqt chalataa hai
aur i.nsaan bhii badalataa hai
kaash ruk jaaye vaqt aaj kii raat
aur badale na ko_ii aaj ke baad

vaqt badale ye dil na badalegaa
tum se rishtaa kabhii na TuuTegaa
tum hii Khushbuu ho merii saa.Nso.n kii
tum hii ma.nzil ho mere sapano.n kii

log bo.nte hai.n pyaar ke sapane
aur sapane bikhar bhii jaate hai.n
ek ehasaas hii to hai ye vafaa
aur ehasaas mar bhii jaate hai.n

[sarfraz_qamar]

Re: sarfraz chouhdary,s most wanted

aaj unhe.n kuchh is tarah jii khol kar dekhaa kiye
ek hii lamhe me.n jaise umr bhar dekhaa kiye

dil agar betaab hai dil kaa muqaddar hai yahii
jis qadar thii ham ko taufiiq-e-nazar dekhaa kiye

Khud_faroshaanaa adaa thii merii suurat dekhanaa
apane hii jalve ba-andaaz-e-digar dekhaa kiye

[sarfraz_qamar]

Re: sarfraz chouhdary,s most wanted

tuluu-e-shams-e-mufaaraqat hai
puranii kirane.n naye makaano.n ke aa.Ngano.n me.n laraz rahii hai.n
fasiil-e-shahar-e-vafa ke rozan chamakate zarro.n se bhar ga_ii hai.n
gaye dino.n ke aziz baate.n nigar subahe.n gulab raate.n
bisaat-e-dil bhii ajiib shay hai hazaar jiite.n hazaar maate.n
judaa_iyo.n kii havaaye.n lamho.n kii Khush maTTii u.Daa rahii hai.n
ga_ii ruto.n kaa malaal kab tak
chalo ke shaaKhe.n to TuuTatii hai.n
chalo ke qabro.n pe Khuun rone se
apanii aa.Nkhe.n hii phuuTatii hai.n
ye mo.D vo hai jahaa.N se mere tumhaare raste badal gaye hai.n
puraanii raaho.n ko lauTanaa bhii hamaarii qatadiir me.n nahii.n
ke raaste bhii hamaare qadamo.n ke saath aage nikal gaye hai.n

[sarfraz_qamar]

Re: sarfraz chouhdary,s most wanted

aao ki jashn-e-marg-e-muhabbat manaaye.N ham

aatii nahii.n kahii.n se dil-e-zindaa kii sadaa
suune pa.De hai.n kuuchaa-o-baazaar ishq ke
hai shama-e-anjuman kaa nayaa husn-e-jaa.N gudaaz
shaayad nahii.n rahe vo patango.n ke val_vale
taazaa na rakh sakegii rivaayaat-e-dasht-o-dar
vo fitnaasar gaye jinhe.n kaa.NTe.n aziiz the

ab kuchh nahii.n to niind se aa.Nkhe.n jalaaye.N ham
aao ki jashn-e-marg-e-muhabbat manaaye.N ham

[sarfraz_qamar]

Re: sarfraz chouhdary,s most wanted

aaKhirii Tiis aazamaane ko
jii to chaahaa thaa muskuraane ko

yaad itanii bhii saKht_jaa.N to nahii.n
ik gharau.ndaa rahaa hai Dahaane ko

sang_rezo.n me.n Dhal gaye aa.Nsuu
log ha.Nsate rahe dikhaane ko

zaKhm-e-naGmaa bhii lau to detaa hai
ik diyaa rah gayaa jalaane ko

jalane vaale to jal bujhe aaKhir
kaun detaa Khabar zamaane ko

kitane majabuur ho gaye ho.nge
ankahii baat muu.Nh pe laane ko

[sarfraz_qamar]

Re: sarfraz chouhdary,s most wanted

aali jii ab aap chalo tum apane bojh uThaaye
saath bhii de to aaKhir hamaare ko_ii kahaa.N tak jaaye

jis suuraj kii aas lagii hai shaayad vo bhii aaye
tum ye kaho Khud tum ne ab tak kitane diye jalaaye

apanaa kaam hai sirf mohabbat baaqii us kaa kaam
jab chaahe vo ruuThe ham se jab chaahe man jaaye

kyaa kyaa rog lage hai.n dil ko kyaa kyaa un ke bhed
ham sab ko samajhaane vaale kaun hame.n samajhaaye

[sarfraz_qamar]

Re: sarfraz chouhdary,s most wanted

aamad-e-Khat se huaa hai sard jo baazaar-e-dost
duud-e-shama-e-kushtaa thaa shaayad Khat-e-ruKhsaar-e-dost


ai dil naa'aaqabat a.ndesh zabt-e-shauq kar
kaun laa sakataa hai taab-e-jalvaa-e-diidaar-e-dost


Khaanaa viraa.Nsaazii-e-hairat tamaashaa kiijiye
suurat-e-naqsh-e-qadam huu.N raftaa-e-raftaar-e-dost

[sarfraz_qamar]

Re: sarfraz chouhdary,s most wanted

haa.N dil-e-dard_ma.nd zam-zamaa saaz
kyuu.N na khole dar-e-Khazinaa-e-raaz


Khaame kaa safhe par ravaa.N honaa
shaaKh-e-gul kaa hai gul-fishaa.N honaa


mujh se kyaa puuchhataa hai kyaa likhiye
nuqtaa haaye Khiradafishaa.N likhiye


baare, aamo.n kaa kuchh bayaa.N ho jaaye
Khaamaa naKhle ratabafishaa.N ho jaaye


aam kaa kaun mard-e-maidaa.N hai
samar-o-shaaKh, guve-o-chaugaa.N hai

[sarfraz_qamar]

Re: sarfraz chouhdary,s most wanted

aa.Ndhii chalii to naqsh-e-kaf-e-paa nahii.n milaa
dil jis se mil gayaa vo dubaaraa nahii.n milaa

aavaaz ko to kaun samajhataa ki duur duur
Khaamoshiyo.n kaa dard-shanaasaa nahii.n milaa

ham anjuman me.n sab kii taraf dekhate rahe
apanii tarah se ko_ii akelaa nahii.n milaa

kachche gha.De ne jiit lii nadii cha.Dhii hu_ii
mazabuut kashtiyo.n ko kinaaraa nahii.n milaa

[sarfraz_qamar]

Re: sarfraz chouhdary,s most wanted

aa.Nkh jab ba.nd kiyaa karate hai.n
saamane aap huaa karate hai.n


aap jaisaa hii mujhe lagataa hai
Khvaab me.n jis se milaa karate hai.n


tuu agar chho.D ke jaataa hai to kyaa
haadase roz huaa karate hai.n


naam un kaa na ko_ii un kaa pataa
log jo dil me.n rahaa karate hai.n


hamane 'rahi' kaa chalan sikhaa hai
ham akele hii chalaa karate hai.n

[sarfraz_qamar]

Re: sarfraz chouhdary,s most wanted

aa.Nkh ko jaam samajh baiThaa thaa anjaane me.n
saaqiyaa hosh kahaa.N thaa tere diivaane me.n

jaane kis baat kii un ko hai shikaayat mujh se
naam tak jin kaa nahii.n hai mere afasaane me.n

dil ke Tuka.Do.n se terii yaad kii Khushbuu na ga_ii
buu-e-mai baaqii hai TuuTe hue paimaane me.n

dil-e-barbaad me.n ummiid kaa aalam kyaa hai
Tim-Timaatii hu_ii ik shammaa hai viiraane me.n

[sarfraz_qamar]

Re: sarfraz chouhdary,s most wanted

aa.Nkh pa.Datii hai kahii.n paao.n kahii.n pa.Dataa hai
sab kii hai un ko Khabar apanii Khabar kuchh bhii nahii.n

shamaa hai gul bhii hai bul-bul bhiihai paravaanaa bhii
raat kii raat ye sab kuchh hai sahar kuchh bhii nahii.n

hashr kii dhuum hai sab kahate hai.n yuu.N hai yuu.N hai
fitanaa hai ek terii Thokar kaa magar kuchh bhii nahii.n

nestii kii hai mujhe kuuchaa-e-hastii me.n talaash
sair karataa huu.N udhar kii ke jidhar kuchh bhii nahii.n

ek aa.Nsuu bhii asar jab na kare ai "Tashna"
faayedaa rone se ai diidaa-e-tar kuchh bhii nahii.n

[sarfraz_qamar]

Re: sarfraz chouhdary,s most wanted

aa.Nkh pyaasii hai ko_ii manzar de
is jaziire ko bhii samandar de

apanaa cheharaa talaash karanaa hai
gar nahii.n aa_inaa to patthar de

band kaliyo.n ko chaahiye shabanam
in chiraaGo.n me.n roshanii bhar de

pattharo.n ke saro.n se karz utaar
is sadii ko ko_ii payambar de

kah_kaho.n me.n guzar rahii hai hayaat
ab kisii din udaas bhii kar de

[sarfraz_qamar]

Re: sarfraz chouhdary,s most wanted

aa.Nkh se aa.Nkh milaa baat banaataa kyuu.N hai
tu agar mujhase Khafaa hai to chhupaataa kyuu.N hai


Gair lagataa hai na apano.n kii tarah milataa hai
tu zamaane kii tarah mujhako sataataa kyuu.N hai


vaqt ke saath haalaat badal jaate hai.n
ye haqiiqat hai magar mujhako sunaataa kyuu.N hai


ek muddat se jahaa.N kaafile guzare hii nahii.n
aisii raaho.n pe charaaGo.n ko jalaataa kyuu.N hai