sarfraz chouhdary,s most wanted

[sarfraz_qamar]

Re: sarfraz chouhdary,s most wanted

dil gayaa tum ne liyaa ham kyaa kare.n
jaanevaalii chiiz kaa Gam kyaa kare.n


puure ho.nge apane armaa.N kis tarah
shauq behad waqt hai kam kyaa kare.n


baksh de.n pyaar kii gustaaKhiyaa.N
dil hii qabuu me.n nahii.n, ham kyaa kare.n


tu.nd khuu hai kab sune vo dil kii baat
aur bhii baraham ko baraham kyaa kare.n


ek saaGar par hai apanii zi.ndaagii
raftaa raftaa is se bhii kam kyaa kare.n

kar chuke sab apanii-apanii hikamate.n
dam nikalataa hai ai mere hamadam kyaa kare.n

dil ne siikhaa shevaa-e-begaanagii
aise naamuharim ko muharim kyaa kare.n

maamalaa hai aaj husn-o-ishq kaa
dekhiye vo kyaa kare.n ham kyaa kare.n

kah rahe hai.n ahal-e-sifaarish mujhase "Daag"
terii qismat hai burii ham kyaa kare.n

[sarfraz_qamar]

Re: sarfraz chouhdary,s most wanted

dil ko kyaa ho gayaa Khudaa jaane
kyo.n hai aisaa udaas kyaa jaane


kah diyaa mai.n ne haal-e-dil apanaa
is ko tum jaano yaa Khudaa jaane


jaanate jaanate hii jaanegaa
mujh me.n kyaa hai abhii wo kyaa jaane


tum na paaoge saadaa dil mujhasaa
jo taGaaful ko bhoi hayaa jaane

[sarfraz_qamar]

Re: sarfraz chouhdary,s most wanted

Gam se kahii.n najaat mile chain paaye.N ham
dil Khuun me.n nahaa_e to ga.ngaa nahaaye.N ham

[najaat=freedom (from)]

jannat me.n jaaye.N ham ki jahannum me.n jaaye.N ham
mil jaa_e tuu kahii.n na kahii.n tujh ko paaye.N ham

mumkin hai ye ki vaade pe apane vo aa bhii jaa_e
mushkil ye hai ki aap me.n us vaqt aaye.N ham

naraaz ho Khudaa to kare.n ba.ndagii se Khush
maashuuq ruuTh jaa_e to kyo.n kar manaaye.N ham

sar dosto.n ke kaaT kar rakkhe hai.n saamane
Gairo.n se puuchhate hai.n qasam kis kii khaaye.N ham

sau.npaa tumhe.n Khudaa ko chale ham to naamuraad
kuchh pa.Dh ke baKhshanaa jo kabhii yaad aaye.N ham

ye jaan tum na loge agar aap jaayegii
is bevafaa kii Khair kahaa.N tak manaaye.N ham

ham-saaye jaagate rahe naalo.n se raat bhar
soye huye nasiib ko kyo.n kar jagaaye.N ham

tuu bhuulane kii chiiz nahii.n Khuub yaad rakh
ai "Daag" kis tarah tujhe dil se bhulaaye.N ham

[sarfraz_qamar]

Re: sarfraz chouhdary,s most wanted

Gazab kiyaa, tere vaade pe aitabaar kiyaa
tamaam raat qayaamat kaa i.ntezaar kiyaa


[tamaam=whole]


ha.Nsaa ha.Nsaa ke shab-e-vasl ashk-baar kiyaa
tasalliyaa.N mujhe de-de ke beqaraar kiyaa

ham aise mahv-e-nazaaraa na the jo hosh aataa
magar tumhaare taGaaful ne hoshiyaar kiyaa

fasaana-e-shab-e-Gam un ko ek kahaanii thhii
kuchh aitabaar kiyaa aur kuchh naa-aitabaar kiyaa

ye kisane jalvaa hamaare sar-e-mazaar kiyaa
ki dil se shor uThaa, haa_e! beqaraar kiyaa


ta.Dap phir ai dil-e-naadaa.N, ki Gair kahate hai.n
aaKhir kuchh na banii, sabr iKhtiyaar kiyaa


[sabr=patience]


bhulaa bhulaa ke jataayaa hai unako raaz-e-nihaa.N
chhipaa chhipaa ke mohabbat ko aashakaar kiyaa


[raaz-e-nihaa.N=hidden secret; aashakaar=reveal]


tumhe.n to vaadaa-e-diidaar ham se karanaa thaa
ye kyaa kiyaa ke jahaa.N ko ummiidavaar kiyaa

ye dil ko taab kahaa.N hai ke ho maalandesh
u.nho.ne vaadaa kiyaa ham ne aitabaar kiyaa

na puuchh dil kii haqiiqat magar ye kahate hai.n
vo beqaraar rahe jisane beqaraar kiyaa


kuchh aage daavar-e-mahashar se hai ummiid mujhe
kuchh aap ne mere kahane kaa aitabaar kiyaa

[sarfraz_qamar]

Re: sarfraz chouhdary,s most wanted

har baar maa.Ngatii hai nayaa chashm-e-yaar dil
ik dil ke kis tarah se banaauu.N hazaar dil

puuchhaa jo us ne taalib-e-roz-e-jazaa hai kaun
nikalaa merii zabaan se be-iKhtiyaar dil

karate ho ahad-e-vasl to itanaa rahe Khayaal
paimaan se zyaadaa hai naapaayadaar dil

us ne kahaa hai sabr pa.Degaa raqiib kaa
le aur beqaraar huaa ai beqaraar dil

[sarfraz_qamar]

Re: sarfraz chouhdary,s most wanted

is adaa se vo vafaa karate hai.n
ko_ii jaane ke vafaa karate hai.n

hamako chho.Doge to pachhataaoge
ha.NSanae vaalo.n se ha.Nsaa karate hai.n

ye bataataa nahii.n ko_ii mujhako
dil jo aa jaaye to kyaa karate hai.n

husn kaa haq nahii.n rahataa baaqii
har adaa me.n vo adaa karate hai.n

kis qadar hai.n terii aa.Nkhe.n bebaak
in se fitne bhii hayaa karate hai.n

is liye dil ko lagaa rakkhaa hai
is me.n dil ko lagaa rakkhaa hai

"Daag" tuu dekh to kyaa hotaa hai
jabr par jabr kiyaa karate hai.n

[sarfraz_qamar]

[sarfraz_qamar]

Re: sarfraz chouhdary,s most wanted

kahaa.N the raat ko hamase zaraa nigaah mile
talaash me.n ho ki jhuThaa ko_ii gavaah mile

ye hai maze kii la.Daa_ii, ye hai maze kaa milaap
ki tujhase aa.Nkh la.Dii ???????????????????????

teraa guruur samaayaa hai is qadar dil me.n
nigaah bhii na milaauu.N to baadashaah mile

masal-sal ye hai ki milane se kaun milataa hai
milo to aa.Nkh mile, mile to nigaah mile

[sarfraz_qamar]

Re: sarfraz chouhdary,s most wanted

Khaatir se yaa lihaaz se mai.n maan to gayaa
jhuuThii qasam se aap kaa imaan to gayaa


dil leke muft kahate hai.n kuchh kaam kaa nahii.n
ulaTii shikayate.n rahii ehasaan to gayaa


ab shaay-e-raaz-e-ishq go zillate.n hu_ii
lekin use jataa to diyaa, jaan to gayaa


[shaay-e-raaz-e-ishq=secret of love being known; zillat=insult/humiliation]


dekhaa hai butakade me.n jo ai sheKh kuchh na kuchh
iimaan kii to ye hai ki iimaan to gayaa


Darataa huu.N dekh kar dil-e-be-aarazuu ko mai.n
sun-saan ghar ye kyuu.N na ho mehamaan to gayaa

go naamaabar se Khush na huaa par hazaar shukr
mujh ko vo mere naam se pahachaan to gayaa

hosh-o-havaas-o-taab-o-tavaa.N "Daag" jaa chuke
ab ham bhii jaane vaale hai.n saamaan to gayaa


[hosh-o-havaas-o-taab-o-tavaa.N=sense, sensibility, strength, health]

[sarfraz_qamar]

Re: sarfraz chouhdary,s most wanted

le chalaa jaan merii ruuTh ke jaanaa teraa
aise aane se to behatar thaa na aanaa teraa

apane dil ko bhii bataa_uu.N na Thikaanaa teraa
sab ne jaanaa jo pataa ek ne jaanaa teraa

tuu jo ai zulf pareshaan rahaa karatii hai
kis ke uja.De hue dil me.n hai Thikaanaa teraa

ye samajh kar tujhe ai maut lagaa rakhaa hai
kaam aataa hai bure vaqt me.n aanaa teraa

apanii aa.Nkho.n me.n bhii kau.Ndh ga_ii bijalii sii
ham na samajhe ki ye aanaa hai ki jaanaa teraa

[bijalii kau.Ndhanaa = strike/flash of lightning]

'Daag' ko yuu.N vo miTaate hai.n ye farmaate hai.n
tuu badal Daal huaa naam puraanaa teraa

[sarfraz_qamar]

Re: sarfraz chouhdary,s most wanted

lutf vo ishq me.n paaye hai.n ki jii jaanataa hai
ra.nj bhii itane uThaaye hai.n kio jii jaanataa hai


jo zamaane ke sitam hai.n vo zamaanaa jaane
tuune dil itane dukhaaye hai.n ki jii jaanataa hai


tum nahii.n jaanate ab tak ye tumhaare a.ndaaz
vo mere dil me.n samaaye hai.n ki jii jaanataa hai


i.nhii.n qadamo.n ne tumhaare i.nhii.n qadamo.n kii qasam
Khaak me.n itane milaaye hai.n ki jii jaanataa hai


dostii me.n terii darapardaa hamaare dushman
is qadar apane paraaye hai.n ki jii jaanataa hai

[sarfraz_qamar]

Re: sarfraz chouhdary,s most wanted

mere qaabuu me.n na peharo.n dil-e-naashaad aayaa
vo meraa bhuulane vaalaa jo mujhe yaad aayaa

dil-e-viiraa.N se raqiibo.n ne muraade.n paa_ii.n
kaam kis kis ke meraa Khirman-e-barbaad aayaa

liijiye suniye ab afasaanaa-e-furqat mujh se
aap ne yaad dilaayaa to mujhe yaad aayaa

dii mu'azzin ne azaa.N vasl kii shab pichhale pahar
haaye kam_baKht ko kis vaqt Khudaa yaad aayaa

bazm me.n un ke sabhii kuchh hai magar "Daag" nahii.n
mujh ko vo Khaanaa-Kharaab aaj bahut yaad aayaa

[sarfraz_qamar]

Re: sarfraz chouhdary,s most wanted

muhabbat me.n kare kyaa kuchh kisii se ho nahii.n sakataa
meraa maranaa bhii to merii Khushi se ho nahii.n sakataa

na ronaa hai tariiqe kaa na ha.Nsanaa hai saliiqe kaa
pareshaanii me.n ko_ii kaam jii se ho nahii.n sakataa

[saliiqaa=proper way]

Khudaa jab dost hai ai "Daag" kyaa dushman se a.ndeshaa
hamaaraa kuchh kisii kii dushmanii se ho nahii.n sakataa

[a.ndeshaa=anxiety/worry]

[sarfraz_qamar]

Re: sarfraz chouhdary,s most wanted

na jaao haal-e-dil-e-zaar dekhate jaao
ki jii na chaahe to naachaar dekhate jaao

bahaar-e-umr me.n baaG-e-jahaa.N kii sair karo
khilaa huaa hai ye gulazaar dekhate jaao

uThao aa.Nkh na sharmaao ye to mahafil hai
Gazab se jaanib-e-aGayaar dekhate jaao

huaa hai kyaa abhii ha.ngaamaa abhii kuchh hogaa
fugaa.N me.n hashr ke aasaar dekhate jaao

tumhaarii aa.nkh mere dil se besabab-bevajah
hu_ii hai la.Dane ko tayyaar dekhate jaao

na jaao ba.nd kiye aa.Nkh raharavaan-e-adam
idhar-udhar bhii Khabaradaar dekhate jaao

ko_ii na ko_ii har ik sher me.n hai baat zaruur
janaab-e-"Daag" ke ashaar dekhate jaao

[sarfraz_qamar]

Re: sarfraz chouhdary,s most wanted

justajuu khoye huo.n kii umr bhar karate rahe
chaa.Nd ke ham_raah ham har shab safar karate rahe

raasto.n kaa ilm thaa ham ko na simto.n kii Khabar
shahar-e-naamaaluum kii chaahat magar karate rahe

ham ne Khud se bhii chhupaayaa aur saare shahar se
tere jaane kii Khabar dar-o-divaar karate rahe

vo na aayegaa hame.n maaluum thaa us shaam bhii
intazaar us ka magar kuchh soch kar karate rahe

aaj aayaa hai hame.n bhii un u.Daano.n kaa Khayaal
jin ko tere zaum me.n be-baal-o-par karate rah