sarfraz chouhdary,s most wanted

[sarfraz_qamar]

Re: sarfraz chouhdary,s most wanted

kariyaa-e-jaa.N me.n ko_ii phuul khilaane aaye
vo mere dil pe nayaa zaKhm lagaane aaye

mere viiraan dariicho.n me.n bhii Khushbuu jaage
vo mere ghar ke dar-o-baam sajaane aaye

us se ik baar to ruuthuu.N mai.n usii kii maanind
aur merii tarah se vo mujh ko manaane aaye

isii kuuche me.n ka_ii us ke shanaasaa bhii to hai.n
vo kisii aur se milane ke bahaane aaye

ab na puuchhuu.Ngii mai.n khoye hue Khvaabo.n kaa pataa
vo agar aaye to kuchh bhii na bataane aaye

zabt kii shahar-panaaho.n kii mere maalik Khair
Gam kaa sailaab agar mujh ko bahaane aaye

[sarfraz_qamar]

Re: sarfraz chouhdary,s most wanted

dil ajab gumbad ki jis me.n ik kabuutar bhii nahii.n
itanaa viraa.N to murdaaro.n kaa muqaddar bhii nahii.n

[murdaar = dead people]

Duubatii jaatii hai.n miTTii me.n badan kii kashtiyaa.N
dekhane me.n ye zamii.n ko_ii samandar bhii nahii.n

jitane hangaame the suukhii Tahaniyo.n se jha.D gaye
pe.D par phal bhii nahii.n aa.Ngan me.n patthar bhii nahii.n

Khushk Tahanii par parindaa hai ki pattaa hai 'Adeem'
aashiyaanaa bhii nahii.n jis kaa ko_ii par bhii nahii.n

jitanii pyaarii hai.n merii dharatii jo zanjiire.n 'Adeem'
itanaa pyaaraa to kisii dulhan ko zevar bhii nahii.n

[sarfraz_qamar]

Re: sarfraz chouhdary,s most wanted

faasale aise bhii ho.nge ye kabhii sochaa na thaa
saamane baiThaa thaa mere aur vo meraa na thaa

vo ki Khushbuu kii tarah phailaa thaa mere chaar suu
mai.n use mahasuus kar sakataa thaa chhuu sakataa na thaa

raat bhar us kii hii aahaT kaan me.n aatii rahii
jhaa.Nk kar dekhaa galii me.n ko_ii bhii aayaa na thaa

aks to maujuud the par aks tanahaa_ii ke the
aa_iinaa to thaa magar us me.n teraa cheharaa na thaa

aaj us ne dard bhii apane alahadaa kar diye
aaj mai.n royaa to mere saath vo royaa na thaa

ye sabhii viiraaniyaa.N us ke judaa hone se thii.n
aa.Nkh dhu.Ndhalaa_ii hu_ii thii shahar dhu.Ndhalaayaa na thaa

yaad karake aur bhii takaliif hotii thii "Adeem"
bhuul jaane ke sivaa ab ko_ii bhii chaaraa na thaa

[sarfraz_qamar]

Re: sarfraz chouhdary,s most wanted

kaT hii ga_ii judaa_ii bhii kab yuu.N huaa ke mar gaye
tere bhii din guzar gaye mere bhii din guzar gaye

tuu bhii kuchh aur aur hai ham bhii kuchh aur aur hai.n
jaane vo tuu kidhar gayaa jaane vo ham kidhar gaye

raaho.n me.n hii mile the ham raahe.n nasiib ban ga_ii.n
tuu bhii na apane ghar gayaa ham bhii na apane ghar gaye

vo bhii Gubaar-e-Khaak thaa ham bhii Gubaar-e-Khaak the
vo bhii kahii.n bikhar gayaa ham bhii kahii.n bikhar gaye

ko_ii kinaar-e-aab-e-juu baiThaa huaa hai sar_niguu.N
kashti kidhar chalii ga_ii jaane kidhar bha.Nvar gaye

tere liye chale the ham tere liye Thahar gaye
tuu ne kahaa to jii uThe tuu ne kahaa to mar gaye

vaqt hii kuchh judaa_ii kaa itanaa taviil ho gayaa
dil me.n tere firaaq ke jitane the zaKhm bhar gaye

baarish-e-vasl vo hu_ii saaraa Gubaar dhul gayaa
vo bhii nikhar nikhar gayaa ham bhii nikhar nikhar gaye

itane qariib ho gaye itane raqiib ho gaye
vo bhii "Adeem" Dar gayaa ham bhii "Adeem" Dar gaye

[sarfraz_qamar]

Re: sarfraz chouhdary,s most wanted

ab to uTh sakataa nahii.n aa.Nkho.n se baar-e-intazaar
kis tarah kaaTe ko_ii lail-o-nahaar-e-intazaar

[baar = weight]

un kii ulfat kaa yaqii.n ho un ke aane kii ummiid
ho.n ye dono.n suurate.n tab hai bahaar-e-intazaar

merii aahe.n naa_rasaa merii duaae.n naa_qubuul
yaa ilaahii kyaa karuu.N mai.n sharm_saar-e-intazaar

[naa_rasaa = not reaching; naa_qubuul = not acceptable]

un ke Khat kii aarazuu hai un ke aamad kaa Khayaal
kis qadar phailaa huaa hai kaarobaar-e-intazaar

[aamad = arrival]

[sarfraz_qamar]

Re: sarfraz chouhdary,s most wanted

bhulaataa laakh huu.N lekin baraabar yaad aate hai.n
ilaahii tark-e-ulfat par wo kyo.nkar yaad aate hai.n

na chhe.D ae ham-nashii.n kaifiat-e-sahabaa ke afsaane
sharaab-e-beKhudii ke mujh ko saaGar yaad aate hai.n

rahaa karate hai.n qaid-e-hosh me.n ae wai naakaamii
wo dasht-e-Khud faraamoshii ke chakkar yaad aate hai.n

nahii.n aatii to yaad unakii mahiino.n bhar nahii.n aatii
magar jab yaad aate hai.n to aksar yaad aate hai.n

haqiiqat khul gaii 'Hasrat' tere tark-e-mohabbat kii
tujhe to ab wo pahale se bhii ba.D kar yaad aate hai.n

[sarfraz_qamar]

Re: sarfraz chouhdary,s most wanted

chupake chupake raat din aa.Nsuu bahanaa yaad hai
ham ko ab tak aashiqii kaa vo zamaanaa yaad hai

baahazaaraa.N iztiraab-o-sad-hazaaraa.N ishtiyaaq
tujhase vo pahale pahal dil kaa lagaanaa yaad hai

tujhase milate hii vo bebaak ho jaanaa meraa
aur teraa daato.n me.n vo u.Ngalii dabaanaa yaad hai

khii.nch lenaa vo meraa parde kaa konaa daffaatan
aur dupaTTe se teraa vo muu.Nh chhupaanaa yaad hai

jaan kar sotaa tujhe vo qasa-e-paabosii meraa
aur teraa Thukaraa ke sar vo muskuraanaa yaad hai

tujh ko jab ta.nhaa kabhii paanaa to az_raahe-lihaaz
hal-e-dil baato.n hii baato.n me.n jataanaa yaad hai

jab sivaa mere tumhaaraa koii diivaanaa na thaa
sach kaho kyaa tum ko bhii vo kaarKhaanaa yaad hai

Gair kii nazaro.n se bachakar sab kii marzii ke Khilaaf
vo teraa chorii chhipe raato.n ko aanaa yaad hai

aa gaya gar vasl kii shab bhii kahii.n zikr-e-firaaq
vo teraa ro ro ke mujhako bhii rulaanaa yaad hai

do-pahar kii dhuup me.n mere bulaane ke liye
vo teraa kothe pe na.nge paao.n aanaa yaad hai

dekhanaa mujhako jo bargashtaa to sau sau naaz se
jab manaa lenaa to phir Khud ruuTh jaanaa yaad hai

chori chori ham se tum aa kar mile the jis jagah
muddate.n guzarii.n par ab tak wo thikaanaa yaad hai

beruKhii ke saath sunaanaa dard-e-dil kii dastaa.N
aur teraa hatho.n me.n vo ka.ngan ghumaanaa yaad hai

vaqt-e-ruKhsat alvidaa kaa lafz kahane ke liye
vo tere sukhe labo.n kaa thar-tharaanaa yaad hai

baavajuud-e-iddaa-e-ittaqaa 'Hasrat' mujhe
aaj tak ahad-e-havas kaa ye fasaanaa yaad hai

[sarfraz_qamar]

Re: sarfraz chouhdary,s most wanted

dekhanaa bhii to u.nhe.n duur se dekhaa karanaa
shevaa-e-ishq nahii.n husn ko rusavaa karanaa

[shevaa=tradition/way]

ik nazar hii terii kaafii thii ki ai raahat-e-jaan
kuchh bhii dushvaar na thaa mujh ko shakebaa karanaa

[raahat=relief; shakebaa=console/to make one patient]

un ko yaa.N vaade pe aa lene de ai abr-e-bahaar
jis tarah chaahanaa phir baad me.n barasaa karanaa

[yaa.N=here]

shaam ho yaa ki sahar yaad unhii.n kii rakh le
din ho yaa raat hame.n zikr unhii.n kaa karanaa

kuchh samajh me.n nahii.n aataa ki ye kyaa hai 'Hasrat'
un se milakar bhii na izhaar-e-tamannaa karanaa

[sarfraz_qamar]

Re: sarfraz chouhdary,s most wanted

hai mashq-e-suKhan jaarii chakkii kii mushaqqat bhii
ek turfaa tamaashaa hai "Hasrat" kii tabiiyat bhii

[mashq-e-suKhan=drill of poetry; jaarii=running/in operation]
[chakkii kii mushaqqat=grinding of the mill]
[ek turfaa tamaashaa=a strange or wonderous feat/a sight to see]
tabiiyat=dispositon]

jo chaaho sazaa de do tum aur bhii khul khelo
par ham se qasam le lo kii ho jo shikaayat bhii

[khul kelo= take liberties; shikaayat=complain]

Khud ishq kii gustaaKhii sab tujh ko sikhaa degii
ai husn-e-hayaa-parvar shoKhii bhii sharaat bhii

[gustaaKhii=audacity; husn-e-hayaa-parvar=coy sweetheart]
[shoKhii=coquetry; sharaarat=mischief]

ushaaq ke dil naazuk us shoKh kii khuu naazuk
naazuk isii nisabat se hai kaar-e-muhabbat bhii

[ushaaq=lovers; khuu=habit; naazuk=delicate]
[nisabat=related to this/due to this; kaar-e-muhabbat=task of love]

ai shauq kii bebaakii vo kyaa terii Khvaahish thii
jis par u.nhe.n gussaa hai i.nkaar bhii hairat bhii

[shauq kii bebaakii=impudence of love; Khvaahish=desire]
[gussaa=anger; i.nkaar=refusal; hairat=surprise]

hai.n 'Shad'-o-'Safi' shaayar yaa 'Shauq'-o-'Wafa' "Hasrat"
phir 'Danish'-o-'Mahashar' hai.n 'Iqbal' bhii 'Vahashat' bhii

[sarfraz_qamar]

Re: sarfraz chouhdary,s most wanted

mastii ke phir aa gaye zamaane
aabaad hu_e sharaab Khaane

[aabaad = bustling with life]

har phuul chaman me.n zar-ba-kaf hai
baa.NTe hai.n bahaar ne Khazaane

[zar = gold; ba-kaf = hands filled with; Khazaane = treasure]

sab ha.Ns pa.De khil-khilaa ke Gunche
chhe.Daa jo latifaa sabaa ne

[Gunche = buds; latifaa = playfully; sabaa = breeze]

sar-sabz huaa nihaal-e-Gam bhii
paidaa vo asar kiyaa havaa ne

[sar-sabz = green]

rindo.n ne p??? kar pilaa dii
vaa_iz ke na chal sake bahaane

[rind = one who drinks; vaa_iz = preacher]

kar duu.Ngaa mai.n har valii ko maiKhvaar
taufiiq jo dii mujhe Khudaa ne

[valii = saint; maiKhvaar = drinker]
[taufiiq = divine guidance/help]

ham ne to nisaar kar diyaa dil
ab jaane vo shoKh yaa na jaane

[nisaar = offer]

begaanaa-e-mai kiyaa hai mujh ko
saaqii kii nigaah-e-aashnaa ne

[begaanaa-e-may = stranger to wine]
[nigaah-e-aashnaa = familiar (seductive) glance]




Home | Index of Poets

[sarfraz_qamar]

Re: sarfraz chouhdary,s most wanted

raushan jamaal-e-yaar se hai anjuman tamaam
dahakaa huaa hai aatish-e-gul se chaman tamaam

hairat Guruur-e-husn se shoKhii se iztaraab
dil ne bhii tere siikh liye hai.n chalan tamaam

allaah re husn-e-yaar kii Khuubii ke Khud-ba-Khud
ra.ngiiniyo.n me.n Duub gayaa pairahan tamaam

dekho to husn-e-yaar kii jaaduu nigaahiyaa.N
behosh ik nazar me.n hu_ii anjuman tamaam

[sarfraz_qamar]

Re: sarfraz chouhdary,s most wanted

to.D kar ahad-e-karam naa-aashanaa ho jaayiye
bandaa paravar jaayiye achchhaa Khafaa ho jaayiye

raah me.n miliye kabhii mujh se to azaraah-e-sitam
ho.NTh apane kaaT kar fauran judaa ho jaayiye

jii me.n aataa hai ke us shoKh-e-taGaaful kesh se
ab na miliye phir kabhii aur bevafaa ho jaayiye

haaye re be-iKhtiyaarii ye to sab kuchh ho magar
us saraapaa naaz se kyuu.N kar Khafaa ho jaayiye

[sarfraz_qamar]

Re: sarfraz chouhdary,s most wanted

yaad hai.n saare vo aish-e-baafaraaGat ke maze
dil abhii bhulaa nahii.n aaGaaz-e-ulfat ke maze

[aaGaaz-e-ulfat=beginning of love]

vo saraapaa naaz thaa begaanaa-e-rasm-e-jafaa
aur mujhe haasil the lutf-e-benihaayat ke maze

[saraapaa=from head to toe]

husn se apane vo Gaafil thaa mai.n apane ishq se
ab kahaa.N se laauu.N vo naa-vaaqfiyat ke maze

[naa-vaaqfiyat=ignorance]

merii jaanib se nigaah-e-shauq kii betaabiyaa.N
yaar kii jaanib se aaGaaz-e-sharaart ke maze

yaad hai.n vo husn-o-ulfat kii niraalii shoKhiyaa.N
iltamaas-e-uzr-o-tamahiid-e-shikaayat ke maze

sehate.n laakho.n merii biimaarii-e-Gam par nisaar
jis me.n uThe baarahaa un kii ayaadat ke maze

[sarfraz_qamar]

Re: sarfraz chouhdary,s most wanted

dayaar-e-Gair me.n kaise tujhe sadaa dete
tuu mil bhii jaataa to tujhe ga.Nvaa dete

[dayaar-e-Gair=alien/unknown place; ga.Nvaa denaa=to lose]

tumhii.n ne ham ko sunaayaa na apanaa dukh varanaa
duaa vo karate ke ham aasamaan hilaa dete

hame.n ye zom rahaa ab ke vo pukaare.nge
unhe.n ye zid thii ke har baar ham sadaa dete

[zom=illusion]

vo teraa Gam thaa ke taasiir mere lahaje kii
ke jis ko haal sunaate use rulaa dete

[taasiir=effect; lahajaa=style]

tumhe.n bhulaanaa hii avval to dastaaras me.n nahii.n
jo iKhtiyaar bhii hotaa to kyaa bhulaa dete

[avval=firstly; dastaaras=within reach; iKhtiyaar=control]

tumhaarii yaad ne ko_ii javaab hii na diyaa
mere Khayaal ke aa.Nsuu rahe sadaa dete

sama'to.n ko mai.n taa-umr kosataa Syed
vo kuchh na kahate magar ho.nTh to hilaa dete

[sama'to.n=hearing power; taa-umr=life long; kosanaa=blame]

[sarfraz_qamar]

Re: sarfraz chouhdary,s most wanted

kaash mai.n tere hasiin haath kaa kangan hotaa

tuu ba.De pyaar se ba.De chaao se ba.De aramaan ke saath
apanii naazuk sii kalaa_ii me.n cha.Dhaatii mujh ko
aur betaabii se furqat ke Khizaa.N lamho.n me.n
tuu kisii soch me.n Duubii jo ghumaatii mujh ko
mai.n tere haath kii Khushbuu se mahak saa jaataa
jab kabhii muuD me.n aa kar mujhe chuumaa karatii
tere ho.nTho.n kii shiddat se mai.n dahak saa jaataa

raat ko jab bhii tuu niindo.n ke safar par jaatii
marmarii haath kaa ik takiyaa banaayaa karatii
mai.n tere kaan se lag kar ka_ii baate.n karataa
terii zulfo.n ko tere gaal ko chuumaa karataa
jab bhii tuu band qabaa kholane lagatii jaanaa.N
apanii aa.Nkho.n ko tere husn se kheraa karataa
mujh ko betaab saa rakhataa terii chaahat kaa nashaa
mai.n terii ruuh ke gulashan me.n mahakataa rahataa
mai.n tere jism ke aa.Ngan me.n khanakataa rahataa
kuchh nahii.n to yahii benaam saa bandhan hotaa

kaash mai.n tere hasiin haath kaa kangan hotaa