sarfraz chouhdary,s most wanted

[sarfraz_qamar]

Re: sarfraz chouhdary,s most wanted

tum merii aa.Nkh ke tevar na bhulaa paaoge
ankahii baat ko samajhoge to yaad aa_uu.Ngaa

ham ne Khushiyo.n kii tarah dukh bhii ikaTThe dekhe
safaah-e-ziist ko palaToge to yaad aa_uu.Ngaa

isii andaaz me.n hote the muKhaatib mujh se
Khat kisii aur ko likhoge to yaad aa_uu.Ngaa

sard raato.n ke mahakate hue sannaaTo.n me.n
jab kisii phuul ko chuumoge to yaad aa_uu.Ngaa

ab tere ashk mai.n ho.nTho.n se churaa letaa huu.N
haath se Khud inhe.n po.nchhoge to yaad aa_uu.Ngaa

shaal pahanaayegaa ab kaun disambar me.n tumhe.n
baarisho.n me.n kabhii bhiigoge to yaad aa_uu.Ngaa

aaj tum mahafil-e-yaaraa.N pe ho maGaruur bahut
jab kabhii TuuT ke bikharoge to yaad aa_uu.Ngaa

haadase aaye.nge jiivan me.n to tum hoke niDhaal
kisii diivaar ko thaamoge to yaad aa_uu.Ngaa

is me.n shaamil hai merii baKht kii taariikii bhii
tum siyaah rang jo pahanoge to yaad aa_uu.Ngaa

[sarfraz_qamar]

Re: sarfraz chouhdary,s most wanted

beqaraarii sii beqaraarii hai
din bhii bhaarii hai raat bhaarii hai

zindagii kii bisaat par aksar
jiitii baazii bhii ham ne haarii hai

[bisaat=game-board]

to.Do dil meraa shauq se to.Do
chiiz merii nahii.n tumhaarii hai

baar-e-hastii uThaa sakaa na ko_ii
ye Gam-e-dil jahaa.N se bhaarii hai

[baar=weight]

aa.Nkh se chhup ke dil me.n baiThe ho
haa_e kaisii ye pardaa-daarii hai

[sarfraz_qamar]

Re: sarfraz chouhdary,s most wanted

vo bhii kyaa log the aasaan thii raahe.n jin kii
band aa.Nkhe.n kiye ik simt chale jaate the
aql-o-dil Khvaab-o-haqiiqat kii na uljhan na Khalish
muKhtalif jalve nigaaho.n ko na bahalaate the

[Khalish=pain/prick; muKhtalif=different types]

ishq saadaa bhii thaa beKhud bhii junuu.N_peshaa bhii
husn ko apanii adaao.n pe hijaab aataa thaa
phuul khilate the to phuulo.n me.n nashaa hotaa thaa
raat Dhalatii thii to shiisho.n pe shabaab aataa thaa

[hijaab=coyness]

chaa.Ndanii kaif_asar ruuh_afzaa hotii thii
abr aataa thaa to bad_mast bhii ho jaate the
din me.n shorish bhii huaa karatii thii hangaame bhii
raat kii god me.n muu.Nh Dhaa.Np ke so jaate the

[kaif_asar=inducing intoxication; ruuh_afzaa=soul refreshing]
[abr=cloud; bad_mast=intoxicated; shorish=tumult]

narm rau vaqt ke dhaare pe safiine the ravaa.N
saahil-o-bahr ke aa_iin na badalate the kabhii
naaKhudaao.n pe bharosaa thaa muqaddar pe yaqii.n
chaadar-e-aab se tuufaan na ubalate the kabhii

[sarfraz_qamar]

Re: sarfraz chouhdary,s most wanted

ta.Dapate hai.n na rote hai.n na ham fariyaad karate hai.n
sanam kii yaad me.n har-dam Khudaa ko yaad karate hai.n

unhii.n ke ishq me.n ham naalaa-o-fariyaad karate hai.n
ilaahii dekhiye kis din hame.n vo yaad karate hai.n

[naalaa = loud wailing]

shab-e-furqat me.n kyaa kyaa saa.Np laharaate hai.n siine par
tumhaarii kaakul-e-pechaa.N ko jab ham yaad karate hai.n

[shab-e-furqat = night of separation; kaakul-e-pechaa.N = curly hair]

[sarfraz_qamar]

Re: sarfraz chouhdary,s most wanted

sun to sahii jahaa.N me.n hai teraa fasaanaa kyaa
kahatii hai tujh se Khalq-e-Khudaa Gaibaanaa kyaa

ziinaa sabaa kaa Dhuu.NDhatii hai apanii musht-e-Khaak
baam-e-baland yaar kaa hai aastaanaa kyaa

aatii hai kis tarah se merii kabz-e-ruuh ko
dekhuu.N to maut Dhuu.NDh rahii hai bahaanaa kyaa

betaab hai kamaal hamaaraa dil-e-aziim
mahamaa.N saaraay-e-jism kaa hogaa ravanaa kyaa

[sarfraz_qamar]

Re: sarfraz chouhdary,s most wanted

yaar ko mai.n ne mujhe yaar ne sone na diyaa
raat bhar taali'-e-bedaar ne sone na diyaa

[taali'-e-bedaar = good fortune]

ek shab bul_bul-e-betaab ke jaage na nasiib
pahaluu-e-gul me.n kabhii Khaar ne sone na diyaa

raat bhar kii dil-e-betaab ne baate.n mujh se
mujh ko is ishq ke biimaar ne sone na diyaa

[sarfraz_qamar]

Re: sarfraz chouhdary,s most wanted

ye aarazuu thii tujhe gul ke ruu-ba-ruu karate
ham aur bul_bul-e-betaab guftaguu karate

[ruu-ba-ruu = in front of; guftaguu = conversation]

payaam bar na mayassar huaa to Khuub huaa
zabaan-e-Gair se kyaa shar kii aarazuu karate

[mayassar = available; shar = mischief]

merii tarah se maah-o-mahar bhii hai.n aavaaraa
kisii habiib ko ye bhii hai.n justajuu karate

[maah-o-mahar = moon and sun; habiib = friend]

jo dekhate terii za.njiir-e-zulf kaa aalam
asiir hone ke aazaad aarazuu karate

[asiir = prisoner]

na puuchh aalam-e-baragashtaa taali-e-"Aatish"
barasatii aag me.n jo baaraa.N kii aarazuu karate

[baragashtaa = turn around/against; baaraa.N = rain]
[taali-e-aatish = burning fate]

[sarfraz_qamar]

Re: sarfraz chouhdary,s most wanted

aap agar ham ko mil gaye hote
baaG me.n phuul khil gaye hote

aap ne yuu.N hii ghuur kar dekhaa
ho.nTh to yuu.N bhii sil gaye hote

kaash ham aap is tarah milate
jaise do vaqt mil gaye hote

ham ko ahal-e-Khirad mile hii nahii.n
varanaa kuchh munfa_iil gaye hote

[ahal-e-Khirad = intelligent; munfa_iil = ashamed]

us kii aa.Nkhe.n hii kaj-nazar thii.n "Adam"
dil ke parde to hil gaye hote

[kaj-nazar = sly look]

[sarfraz_qamar]

Re: sarfraz chouhdary,s most wanted

vo baate.n terii vo fasaane tere
shaguftaa shaguftaa bahaane tere

bas ek zaKhm nazzaaraa hissaa meraa
bahaare.n terii aashiyaane tere

bas ek daaG-e-sajdaa merii qaayenaat
jabiine.n terii aastaane tere

zamiir-e-sadaf me.n kiran kaa muqaam
anokhe anokhe Thikaane tere

faqiiro.n kaa jamaghaT gha.Dii do gha.Dii
sharaabe.n terii baadaaKhaane tere

bahaar-o-Khizaa.N kam nigaaho.n ke vaham
bure yaa bhale sab zamaane tere

"Adam" bhii hai teraa hikaayat_kadaah
kahaa.N tak gaye hai.n fasaane tere

[sarfraz_qamar]

Re: sarfraz chouhdary,s most wanted

ho.nTho.n pe kabhii un ke meraa naam hii aaye
aaye to sahii bar-sar-e-ilzaam hii aaye

hairaan hai.n lab_bastaa hai.n, dil_giir hai.n Gunche
Khushbuu kii zubaanii teraa paiGaam hii aaye

lamhaat-e-masarrat hai.n tasavvur se gurezaa.N
yaad aae hai.n jab bhii Gam-o-aalaam hii aaye

taaro.n se sajaa le.nge raah-e-shahar-e-tamannaa
maqaduur nahii.n subho chalo shaam hii aaye

yaado.n ke vafaao.n ke aqiido.n ke Gamo.n ke
kaam aaye jo duniyaa me.n to is naam hii aaye

kyaa raah badalane kaa gilaa ham_safaro.n se
jis raah se chale tere dar-o-baam hii aaye

thak haar ke baiThe hai.n sar-e-kuu-e-tamannaa
kaam aaye to phir jazbaa-e-naakaam hii aaye

baaqii na rahe saaKh "Adaa" dasht-e-junuu.N kii
dil me.n agar andeshaa-e-anjaam hii aaye

[sarfraz_qamar]

Re: sarfraz chouhdary,s most wanted

husn-e-beparavaah ko Khud_bib-o-Khudaaraa kar diyaa
kyaa kiyaa mai.n ne ki izahaar-e-tamannaa kar diyaa

ba.D gayii.n tumase to milakar aur bhii betaabiyaa.N
ham ye samajhe the ki ab dil ko shakebaa kar diyaa

pa.Dake teraa Khat mere dil kii ajab haalat huii
iztaraab-e-shauq ne ek hashr barpaa kar diyaa

ham rahe yaa.N tak terii khidmat me.n sargarm-e-nayaaz
tujhako aaKhir aashanaa-e-naz-e-bejaa kar diyaa

ab nahii.n dil ko kisii suurat kisii pahaluu qaraar
is nighat-e-naaz ne kyaa sahir aisaa kar diyaa

ishq se tere ba.De kyaa kyaa dilo.n ke martabe
mahr zarro.n ko diyaa qatro.n ko dariyaa kar diyaa

terii mahafil se uThaataa Gair mujhako kyaa majaal
dekhataa thaa mai.n ki tuune bhii ishaaraa kar diyaa

sab Galat kahate the lutf-e-yaar ko wajah-e-sukuun
dard-e-dil is ne to 'Hasrat' aur duunaa kar diyaa

[sarfraz_qamar]

Re: sarfraz chouhdary,s most wanted

aur sab bhuul gaye harf-e-sadaaqat likhanaa
rah gayaa kaam hamaaraa hii baGaavat likhanaa

laakh kahate rahe.n zulmat ko na zulmat likhanaa
ham ne siikhaa hii nahii.n pyaare baa_ijaazat likhanaa

na sile kii na sitaa_ish kii tamannaa ham ko
haq me.n logo.n ke hamaarii to hai aadat likhanaa

ham ne jo bhuul ke bhii shaah kaa qasiidaa na likhaa
shaayad aayaa isii Khuubii kii badaulat likhanaa

us se ba.Dh kar merii tahasiin bhalaa kyaa hogii
pa.Dh ke naaKhush hai.n meraa saahab-e-sarvat likhanaa

dahar ke Gam se huaa rabt to ham bhuul gaye
sarv qaamat kii javaanii ko qayaamat likhanaa

[sarfraz_qamar]

Re: sarfraz chouhdary,s most wanted

aage ba.De na qissaa-e-ishq-e-butaa.N se ham
sab kuchh kahaa magar na khule raazadaa.N se ham


ab bhaagate hai.n saayaa-e-ishq-e-butaa.N se ham
kuchh dil se hai.n Dare hue kuchh aasmaa.N se ham


ha.Nsate hai.n usake giriiyaa-e-beiKhtiyaar par
bhuule hai.n baat kahake koii raazadaa.N se ham


ab shauq se bigaa.D kii baate.n kiyaa karo
kuchh paa gaye hai.n aap kii tarz-e-bayaa.N se ham


jannat me.n tuu nahii.n agar ye zaKhm-e-teG-e-ishq
badale.nge tujhako zindagii-e-jaavidaa.N se ham

[sarfraz_qamar]

Re: sarfraz chouhdary,s most wanted

dhuum thii apanii paarsaa_ii kii
kii bhii aur kis se aashnaa_ii kii


kyo.n ba.Dhaate ho iKhtilaat bahut
ham me.n taaqat nahii.n judaa_ii kii


muu.Nh kahaa.N tak chhupaaoge ham se
ham ko aadat hai Khud_numaa_ii kii


laag me.n hai lagaav kii baate.n
sulah me.n chhe.D hai la.Daa_ii kii


dil bhii pahaluu me.n ho to yaa.N
kis se rakhiye ummiid dil-rubaa_ii kii


na milaa ko_ii Gaarat-e-imaa.N
rah ga_ii sharm paarsaa_ii kii


maut kii tarah jis se Darate the
sa_at aa pahu.Nchii us judaa_ii kii


zindaa phirane kii hai havas "Hali"
intahaa hai ye behayaa_ii kii

[sarfraz_qamar]

Re: sarfraz chouhdary,s most wanted

na ravaa kahiye na sazaa kahiye
kahiye kahiye mujhe buraa kahiye

dil me.n rakhane kii baat hai Gam-e-ishq
is ko hargiz na barmalaa kahiye

vi mujhe qatl kar ke kahate hai.n
maanataa hii na thaa ye kyaa kahiye

aa ga_ii aap ko masihaa_ii
marane vaalo ko marhabaa kahiye

hosh u.Dane lage raqiibo.n ke
"Daag" ko aur bevafaa kahiye