sarfraz chouhdary,s most wanted

[sarfraz_qamar]

Re: sarfraz chouhdary,s most wanted

aaya tha ghar sa.Nvaarane ehasaan kar gayaa
barbaadiyo.n kaa aur bhii saamaan kar gayaa

ab tak rahii us kii yaad merii zindagii ke saath
do char pal kii mujh se jo pahachaan kar gayaa

aa.Nkho.n ne jis ke shauq me.n raate.n sajaa_ii thii.n
Khvaabo.n ke anjuman vahii viraan kar gayaa

jho.nkaa nasiim-e-subah kaa aayaa to thaa magar
gul_shan kii har kalii ko pareshaan kar gayaa

[sarfraz_qamar]

Re: sarfraz chouhdary,s most wanted

aaye hai.n samajhaane log
hai.n kitane diivaane log

dair-o-haram me.n chain jo milataa
kyo.n jaate maiKhaane log

jaan ke sab kuchh, kuchh bhii na jaane
hai.n kitane a.njaane log

vaqt pe kam nahii.n aate hai.n
ye jaane pahachaane log

ab jab mujh ko hosh nahii.n hai
aaye hai.n samajhaane log

[sarfraz_qamar]

Re: sarfraz chouhdary,s most wanted

ab aaye.n yaa na aaye.n idhar puuchhate chalo
kyaa chaahatii hai un kii nazar puuchhate chalo

ham se agar hai tark-e-ta'alluq to kyaa huaa
yaaro ko_ii to un kii Khbabar puuchhate chalo

jo Khud ko kah rahe hai.n ki ma.nzil shanaas hai.n
un ko bhii kyaa Khabar hai magar puuchhate chalo

kis ma.nzil-e-muraad kii jaanib ravaa.N hai.n ham
ai rah-ravaan-e-Khaak-ba-sar puuchhate chalo

[sarfraz_qamar]

Re: sarfraz chouhdary,s most wanted

ab aksar chup-chup se rahe hai.n yuu.N hii kabhuu lab khole hai.n
pahale "Firaq" ko dekhaa hotaa ab to bahut kam bole hai.n

din me.n ham ko dekhane vaalo apane apane hai.n auqaat
jaao na tum in Khusk aa.Nkho.n par ham raato.n ko ro le hai.n

fitarat merii ishq-o-muhabbat qismat merii tanhaa_ii
kahane kii naubat hii na aa_ii ham bhii kasuu ke ho le hai.n

baaG me.n vo Khvaab-aavar aalam mauj-e-sabaa ke ishaaro.n par
Daalii Daalii nauras patte sahas sahaj jab Dole hai.n

uf vo labo.n par mauj-e-tabassum jaise karavaTe.n le.n kau.nde.n
haay vo aalam jumbish-e-mizagaa.N jab fitne par tole hai.n

[sarfraz_qamar]

Re: sarfraz chouhdary,s most wanted

ab bataao jaayegii zindagii kahaa.N yaaro
phir hai.n barq kii nazare.n suu-e-aashiyaa.N yaaro

ab na ko_ii manzil hai aur na rah_guzar ko_ii
jaane qaafilaa bhaTake ab kahaa.N kahaa.N yaaro

phuul hai.n ki laashe.n hai.n baaG hai ki maqtal hai
shaaKh shaaKh hotaa hai daar kaa gumaa.N yaaro

maut se guzar kar ye kaisii zindagii paa_ii
fikr paa-ba-jaulaa.N hai gung hai zabaa.N yaaroo

turbato.n kii shamaye.n hai.n aur gaharii Khaamoshii
jaa rahe the kis jaanib aa gaye kahaa.N yaaro

[sarfraz_qamar]

Re: sarfraz chouhdary,s most wanted

ab chhalakte hue saaGar nahii.n dekhe jaate
taubaa ke baad ye manzar nahii.n dekhe jaate

mast kar ke mujhe auro.n ko lagaa muu.Nh saaqii
ye karam hosh me.n rah kar nahii.n dekhe jaate

saath har ek ko is raah me.n chalanaa hogaa
ishq me.n rah_zan-o-rah_bar nahii.n dekhe jaate

ham ne dekhaa hai zamaane kaa badalanaa lekin
un ke badale hue tevar nahii.n dekhe jaate

[sarfraz_qamar]

Re: sarfraz chouhdary,s most wanted

ab do aalam se sadaa-e-saaz aatii hai mujhe
dil kii aahaT se terii aavaaz aatii hai mujhe

yaa samaat kaa bharam hai yaa kisii naGme.n kii guu.Nj
ek pahachaanii hu_ii aavaaz aatii hai mujhe

kis ne kholaa hai havaa me.n gesuuo.n ko naaz se
narm_rau barasaat kii aavaaz aatii hai mujhe

us kii naazuk u.Ngaliyo.n ko dekh kar aksar "Adam"
ek halki sii sadaa-e-saaz aatii hai mujhe

[sarfraz_qamar]

Re: sarfraz chouhdary,s most wanted

ab hai Khushii Khushii me.n na Gam hai malaal me.n
duniyaa se kho gayaa huu.N tumhaare Khayaal me.n

mujh ko na apanaa hosh na duniyaa kaa hosh hai
mast hoke baiThaa huu.N tumhaare Khayaal me.n

taaro.n se puuchh lo merii rudaad-e-zindagii
raato.n ko jaagataa huu.N tumhaare Khayaal me.n

[sarfraz_qamar]

Re: sarfraz chouhdary,s most wanted

ab jo ik hasrat-e-javaanii hai
umr-e-raftaa kii ye nishaanii hai



Khaak thii maujazan jahaa.N me.n, aur
ham ko dhokaa ye thaa ke paanii hai



giriyaa har vaqt kaa nahii.n behech
dil me.n ko_ii Gam-e-nihaanii hai

[sarfraz_qamar]

Re: sarfraz chouhdary,s most wanted

ab kii baras bhii vo nahii.n aayaa bahaar me.n
guzaregaa aur ek baras intazaar me.n

ye aag ishq kii hai bujhaane se kyaa bujhe
dil tere bas me.n hai na mere iKhtiyaar me.n

hai TuuTe dil me.n terii mohabbat teraa Khayaal
Khush-rang hai bahaar jo guzarii bahaar me.n

aa.Nsuu nahii.n hai aa.Nkho.n me.n lekin tere baGair
vo kaa.Npate huye hai.n dil-e-beqaraar me.n

[sarfraz_qamar]

Re: sarfraz chouhdary,s most wanted

sochataa huu.N ke ab a.njaam-e-safar kyaa hogaa
log bhii kaa.Nch ke hai.n, raah bhii pathariilii hai


shiddat-e-karb me.n to ha.Nsanaa karb hai meraa
haath hii saKht hai.n za.njiir kahaa.N Dhiilii hai


gard aa.Nkho.n me.n sahii daaG to chehare pe nahii.n
lafz dhu.Ndhale hai.n magar fikr to chamakiilii hai


ghol detaa hai sama'at me.n vo miiThaa lahajaa
kis ko maaluum ke ye qi.nd bhii zahariilii hai


pahale rag-rag se merii Khuun nicho.Daa us ne
ab ye kahataa hai ke rangat hii merii piilii hai

[sarfraz_qamar]

Re: sarfraz chouhdary,s most wanted

ab ke ham bichha.De to shaayad kabhii Khvaabo.n me.n mile.n
jis tarah suukhe hue phuul kitaabo.n me.n mile.n

Dhuu.NDh uja.De hue logo.n me.n vafaa ke motii
ye Khazaane tujhe mumkin hai Kharaabo.n me.n mile.n

tuu Khudaa hai na meraa ishq farishto.n jaisaa
dono.n insaa.N hai.n to kyo.n itane hijaabo.n me.n mile.n

[sarfraz_qamar]

Re: sarfraz chouhdary,s most wanted

ab ke tajdiid-e-vafaa kaa nahii.n imkaa.N jaanaa.N
yaad kyaa tujh ko dilaaye.N teraa paimaa.N jaanaa.N

yuu.N hii mausam kii adaa dekh ke yaad aayaa hai
kis qadar jald badal jaate hai.n insaa.N jaanaa.N

zindagii terii ataa thii so tere naam kii hai
ham ne jaise bhii basar kii teraa ehasaa.N jaanaa.N

dil ye kahataa hai ki shaayad ho fasurdaa tuu bhii
dil kii kyaa baat kare.n dil to hai naadaa.N jaanaa.N

[sarfraz_qamar]

Re: sarfraz chouhdary,s most wanted

ab Khushii hai na ko_ii Gam rulaane vaalaa
hamane apanaa liyaa har rang zamaane vaalaa


us ko ruKhsat to kiyaa thaa mujhe maaluum na thaa
saaraa ghar le gayaa, ghar chho.D ke jaane vaalaa


ik musaafir ke safar jaisii hai sab kii duniyaa
ko_ii jaldii me.n ko_ii der se jaane vaalaa


ek be-cheharaa sii ummiid hai cheharaa-cheharaa
jis taraf dekhiye aane ko hai aane vaalaa

[sarfraz_qamar]

Re: sarfraz chouhdary,s most wanted

ab kise chaahe.n kise Dhuu.NDhaa kare.n
vo bhii aaKhir mil gayaa ab kyaa kare.n


halkii halkii baarishe.n hotii rahe.n
ham bhii phuulo.n kii tarah bhiigaa kare.n


aa.Nkh muu.Nde us gulaabii dhuup me.n
der tak baiThe use sochaa kare.n


dil muhabbat diin duniyaa shaayarii
har dariiche se tujhe dekhaa kare.n


ghar nayaa kapa.De naye bartan naye
in puraane kaaGazo.n kaa kyaa kare.n