sarfraz chouhdary,s most wanted

[sarfraz_qamar]

Re: sarfraz chouhdary,s most wanted

baarish hu_ii to phuulo.n ke tan chaak ho gaye
mausam ke haath bhiig ke saffaak ho gaye

baadal ko kyaa Khabar hai ki baarish kii chaah me.n
kitane buland-o-baalaa shajar Khaak ho gaye

juganuu ko din ke vaqt parakhane kii zid kare.n
bachche hamaare ahad ke chaalaak ho gaye

[sarfraz_qamar]

Re: sarfraz chouhdary,s most wanted

kyaa ruKhsat-e-yaar kii gha.Dii thii
ha.Nsatii hu_ii raat ro pa.Dii thii

ham Khud hii hue tabaah varnaa
duniyaa ko hamaarii kyaa pa.Dii thii

ye zaKhm hai.n un dino.n kii yaade.n
jab aap se dostii ba.Dii thii

jaate to kidhar ko tere vahashii
zanjiir-e-junuu.N ka.Dii pa.Dii thii

Gam the ki 'Faraz' aa.Ndhiyaa.N thii
dil thaa ki 'Faraz' pankhud.ii thii

[sarfraz_qamar]

Re: sarfraz chouhdary,s most wanted

aaj unhe.n kuchh is tarah jii khol kar dekhaa kiye
ek hii lamhe me.n jaise umr bhar dekhaa kiye

dil agar betaab hai dil kaa muqaddar hai yahii
jis qadar thii ham ko taufiiq-e-nazar dekhaa kiye

Khud_faroshaanaa adaa thii merii suurat dekhanaa
apane hii jalve ba-andaaz-e-digar dekhaa kiye

naashanaas-e-Gam faqat daad-e-hunar dete rahe
ham mataa-e-Gam ko rusvaa-e-hunar dekhaa kiye

dekhane kaa ab ye aalam hai ko_ii ho yaa na ho
ham jidhar dekhaa kiye paharo.n udhar dekhaa kiye

[sarfraz_qamar]

Re: sarfraz chouhdary,s most wanted

Gam chhupaate rahe muskuraate rahe
mahafilo.n mahafilo.n gun_gunaate rahe

aa.Nsuo.n se likhii dil kii tahariir ko
phuul kii pattiyo.n se sajaate rahe

Gazale.n kumhalaa ga_ii.n nazme.n murjhaa ga_ii.n
giit sa.Nvalaa gaye saaz chup ho gaye

phir bhii ahal-e-chaman kitane Khush_zauq the
naGmaa-e-fasl-e-gul gun_gunaate rahe

terii saa.Nso.n kii Khushbuu labo.n kii mahak
jaane kaise havaaye.n u.Daa laa_ii.n thii

vaqt kaa har qadam bhii bahakataa rahaa
zaqt le paa.Nv bhii Dag_magaate rahe

[sarfraz_qamar]

Re: sarfraz chouhdary,s most wanted

hameshaa hai vasl-o-judaa_ii kaa dhandhaa
buto.n kii hai ulfat Khudaa_ii kaa dhandhaa


agar baiThe rindo.n kii sohabat me.n zaahid
to de.n chho.D sab paarasaa_ii kaa dhandhaa


jo honaa hai aaKhir vo hokar rahegaa
kare kaun baKht_aazamaa_ii kaa dhandhaa

pareshaa.N rahii umr bhar par na chho.Daa
terii zulf ne kaj_adaa_ii kaa dhandhaa

[sarfraz_qamar]

Re: sarfraz chouhdary,s most wanted

kisii ne jo dil kii kahaanii sunaa_ii
tumhaarii muhabbat bahut yaad aa_ii

chaman me.n jo ko_ii kalii muskuraa_ii
tumhaarii muhabbat bahut yaad aa_ii

kahii.n ko_ii Khushbu kaa jho.Nkaa jo aayaa
to aisaa lagaa jaise tum aa gaye ho
har aahaT tumhaaraa hii paiGaam laaye
tumhaarii muhabbat bahut yaad aa_ii

meraa ek pal aaj kal ek sadii hai
kahaa.N vo mausam suhaane suhaane
kahaa.N pyaarii pyaarii tumhaarii vo baate.n
merii jaan lene lagii hai judaa_ii

bataao kahaa.N aake tum ko pukaare.n
nazar har taraf bas tumhe.n Dhuu.NDhatii hai

chale aao viiraan raahe.n sajaa do
merii har tamannaa javaa.N ho rahii hai
milo tum to mil jaaye saarii Khudaa_ii
tumharii muhabbat bahut yaad aa_ii

[sarfraz_qamar]

Re: sarfraz chouhdary,s most wanted

nazm kaa unvaan hai 'main aur meraa Khudaa'


laakho.n shaklo.n ke mele me.n tanhaa rahanaa meraa kaam
bhes badal kar dekhate rahanaa tez havaao.n kaa koharaam
ek taraf aavaaz kaa suuraj ek taraf ik guungii shaam
ek taraf jismo.n kii Khushbuu ek taraf is kaa anjaam
ban gayaa qaatil mere liye to apanii hii nazaro.n kaa daam
sab se ba.Daa hai naam Khudaa kaa us ke baad hai meraa naam

[sarfraz_qamar]

Re: sarfraz chouhdary,s most wanted

siyaahiyo.n ke bane harf harf dhote hai.n
ye log raat me.n kaaGaz kahaa.N bhigote hai.n


kisii kii shah me.n dahaliiz par diyaa na rakho
kivaa.D suukhii hu_ii laka.Diyo.n ke hote hai.n



charaaG paanii me.n maujo.n se puuchhate ho.nge
vo kaun log hai.n jo kashtiyaa.N Dubote hai.n



qadiim qasbo.n me.n kyaa sukuun hotaa hai
thake thakaaye hamaare buzurg sote hai.n

[sarfraz_qamar]

Re: sarfraz chouhdary,s most wanted

intizaar...
har sitaare ke duruuKhshaa.N haath me.n
ha.Nsataa thaa sannaaTe kaa phuul
ek dam aahaT hu_ii
phuul kii ek ek pattii TuuT kar girane lagii
gir rahii hai.n pattiyaa.N...
aane vaale kii musal_sal aahaTe.n
der se mujh ko sunaa_ii de rahii hai.n is tarah
ab mere paas tak pahu.Nchane ke liye
'Bani' hai goyaa do qadam kaa faasalaa

[sarfraz_qamar]

Re: sarfraz chouhdary,s most wanted

aisii hii sard shaam thii vo bhii
jab vo mahandii rachaaye haatho.n me.n
apanii aahaT ke Khauf se larazaa.N
surKh aa.Nchal me.n muu.Nh chhipaaye hue
apane Khat mujh se lene aa_ii thii
us kii sahamii hu_ii nigaaho.n me.n
kitanii Khaamosh iltijaaye.N thii.n
us ke chehare kii zard rangat me.n
kitanii majabuuriyo.n ke saaye the
mere haatho.n se Khat paka.Date hii
jaane kyaa soch kar achaanak vo
meraa shaanaa paka.D kar ro_ii thii
us ke yaaquut rang ho.nTho.n ke
kap_kapaate hue kinaaro.n par
saika.Do.n ankahe fasaane the
sard shaamo.n me.n der tak aksar
jab ye manzar dikhaa_ii detaa hai
ek lamhaa hinaa_ii haatho.n se
mujh ko apanii taraf bulaataa hai
ham_nashii.n ruuTh kar naa jaa mujh se
aisii hii sard shaam thii vo bhii

[sarfraz_qamar]

Re: sarfraz chouhdary,s most wanted

chehare pe mere zulf ko phailaao kisii din
kyaa roz garajate ho baras jaao kisii din

raazo.n kii tarah utaro mere dil me.n kisii shab
dastak pe mere haath kii khul jaao kisii din

pe.Do.n kii tarah husn kii baarish me.n nahaa luu.N
baadal kii tarah jhuum ke ghir aao kisii din

Khushbuu kii tarah guzaro mere dil kii galii se
phuulo.n kii tarah mujh pe bikhar jaao kisii din

phir haath ko Khairaat mile band-e-qabaa kii
phir lutf-e-shab-e-vasl ko doharaao kisii din

guzare.n jo mere ghar se to ruk jaaye.n sitaare
is tarah merii raat ko chamakaao kisii din

mai.n apanii har ik saa.Ns usii raat ko de duu.N
sar rakh ke mere siine pe so jaao kisii din

[sarfraz_qamar]

Re: sarfraz chouhdary,s most wanted

safar me.n dhuup to hogii jo chal sako to chalo
sabhii hai.n bhii.D me.n tum bhii nikal sako to chalo

idhar udhar ka_ii manzil hai.n chal sako to chalo
bane banaaye hai.n saa.Nche jo Dhal sako to chalo

kisii ke vaasate raahe.n kahaa.N badalatii hai.n
tum apane aap ko Khud hii badal sako to chalo

yahaa.N kisii ko ko_ii raastaa nahii.n detaa
mujhe giraake agar tum sambhal sako to chalo

yahii hai zindagii kuchh Khaak chand ummiide.n
inhii.n khilauno.n se tum bhii bahal sako to chalo

har ik safar ko hai mahafuus raasto.n kii talaash
hifaazato.n kii rivaayat badal sako to chalo

kahii.n nahii.n ko_ii suuraj dhuaa.N dhuaa.N hai fizaa
Khud apane aap se baahar nikal sako to chalo

[sarfraz_qamar]

Re: sarfraz chouhdary,s most wanted

sunaa thaa ki vo aaye.nge anjuman me.n
sunaa thaa ki un se mulaaqaat hogii
hame.n kyaa pataa thaa hame.n kyaa Khabar thii
na ye baat hogii na vo baat hogii

mai.n kahataa huu.N is dil ko dil me.n basaa lo
vo kahate hai.n ham se nigaahe.n milaa lo
nigaaho.n ko maaluum kyaa dil kii haalat
nigaaho.n-nigaaho.n me.n kyaa baat hogii

hame.n Khii.nch kar ishq laayaa hai teraa
tere dar pe ham ne lagaayaa hai Deraa
hame.n hogaa jab tak na diidaar teraa
yahii.n subah hogii yahii.n raat hogii

[sarfraz_qamar]

Re: sarfraz chouhdary,s most wanted

chaa.Nd maddham hai aasmaa.N chup hai
niind kii god me.n jahaa.N chup hai


duur vaadii me.n dudhiyaa baadal
jhuk ke parbat ko pyaar karate hai.n
dil me.n naakaam hasarate.n lekar
ham teraa intazaar karate hai.n

in bahaaro.n ke saaye me.n aajaa
phir mohabbat javaa.N rahe na rahe
zindagii tere naamuraado.n par
kal talak mahar_baa.N rahe na rahe

[sarfraz_qamar]

Re: sarfraz chouhdary,s most wanted

aaGaaz to hotaa hai anjaam nahii.n hotaa
jab merii kahaanii me.n vo naam nahii.n hotaa

jab zulf kii kaalikh me.n ghul jaaye ko_ii rahii
bad_naam sahii lekin gum_naam nahii.n hotaa

ha.Ns ha.Ns ke javaa.N dil ke ham kyo.n na chune.n Tuka.De
har shaKhs kii qismat me.n inaam nahiin hotaa

bahate hue aa.Nsuu ne aa.Nkho.n se kahaa tham kar
jo mai se pighal jaaye vo jaam nahii.n hotaa

din Duube hai.n yaa Duubii baaraat liye kashtii
saahil pe magar ko_ii koharaam nahiin hotaa