sarfraz chouhdary,s most wanted

[sarfraz_qamar]

Re: sarfraz chouhdary,s most wanted

dil me.n dard aah ba_lab chashm guhar_baar liye
yuu.N jiyaa jaataa hai ai dost to phir kaun jiye

Khuun hai har Gam-e-hastii kaa hamaare sir par
ham Gam-e-ishq ke maaro.n ne ba.De paap kiye

chaa.Nd ke chehare pe maKhmuur Gilaafii aa.Nkhe.n
sang-e-marmar ke hasii.n taaqo.n me.n jalate hai.n diye

mai.n thaa be-saro-saamaa.N bahut saaf bachaa
raah me.n raah_numaao.n ne ba.De daav kiye

jab se aaGosh-e-Gam-e-ziist me.n aa baiThaa huu.N
Dhuu.NDhate phirate hai.n qaasid tere paiGaam liye

rashk se dekhate hai.n tujh ko ka_ii zohraa_jabii.n
ham nikalate hai.n jab haatho.n me.n teraa haath liye

[sarfraz_qamar]

Re: sarfraz chouhdary,s most wanted

kyo.n hijr ke shikave karataa hai kyo.n dard ke rone rotaa hai
ab ishq kiyaa hai to sabr bhii kar is me.n to yahii kuchh hotaa hai

aaGaaz-e-musiibat hotaa hai apane hii dil kii sharaarat se
aa.Nkho.n me.n phuul khilaataa hai talavo.n me.n kaa.NTe.n botaa hai

ahabaab kaa shikavaa kyaa kiijiye Khud zaahir va baatin ek nahii.n
lab uupar uupar ha.Nsate hai.n dil andar andar rotaa hai


mallaaho.n ko ilzaam naa do tum saahil vaale kyaa jaano.n
ye tuufaan kaun uThaataa hai ye kishtii kaun Dubotaa hai

[sarfraz_qamar]

Re: sarfraz chouhdary,s most wanted

zindagii jaisii tamannaa thii nahii.n kuchh kam hai
har gha.Dii hotaa hai ehasaas kahii.n kuchh kam hai

ghar kii taamiir tasavvur hii me.n ho sakatii hai
apane naqshe ke mutaabiq ye zamii.n kuchh kam hai

bichha.De logo.n se mulaaqaat kabhii phir hogii
dil me.n ummiid to kaafii hai yaqii.n kuchh kam hai

ab jidhar dekhiye lagataa hai ki is duniyaa me.n
kahii.n kuchh chiiz ziyaadaa hai kahii.n kuchh kam

aaj bhii hai terii duurii hii udaasii kaa sabab
ye alag baat ki pahalii sii nahii.n kuchh kam hai

[sarfraz_qamar]

Re: sarfraz chouhdary,s most wanted

A nazm by Shahryar titled 'nayaa amrit'


davaao.n kii alamaariyo.n se sajii
ik dukaa.N me.n
mariizo.n ke anboh me.n muzmahil saa
ik insaa.N kha.Daa hai
jo ik kuba.Dii sii shiishii ke
siin epe likhe hue
ek ik harf ko Gaur se pa.Dh ahaa hai
magar is pe to zahar likkhaa huaa hai
is insaan ko kyaa marz hai
ye kaisii davaa hai

[sarfraz_qamar]

Re: sarfraz chouhdary,s most wanted

zindagii se Darate ho


zindagii se Darate ho
zindagii to tum bhii ho, zindagii to ham bhii hai.n
aadamii se Darate ho
aadamii to tum bhii ho aadamii to ham bhii hai.n
aadamii zubaa.N bhii hai, aadamii bayaa.N bhii hai
is se tum nahii.n Darate
harf aur maanii ke rishte haaye aahan se aadamii hai vaabastaa
aadamii ke daaman se zindagii hai vaabastaa
is se tum nahii.n Darate
ankahii se Darate ho
jo abhii aa_ii nahii.n us gha.Dii se Darate ho
us gha.Dii ke aane kii aag hii se Darate hi
pahale bhii to guzare hai.n
daur naarasaa_ii ke, beriyaa, Khudaa_ii ke
phir bhii ye samajhate ho, hech aazaruumandii
ye shab zubaa.Nbandii, hai rahe Khudaabandii
tum yahii samajhate ho, tum magar ye kyaa jaano
lab agar nahii.n hilate haath jaag uThate hai.n
haath jaag uThate hai.n raah kaa nishaan ban kar
nuur kii zubaa.N ban kar
haath bol uThate hai.n subah kii azaa.N ban kar
roshanii se Darate ho
roshanii to tum bhii ho, roshanii to ham bhii hai.n
roshanii se Darate ho
shahar kii fasiilo.n par
dev kaa jo saayaa thaa, paak ho gayaa aaKhir
az_dahaam-e-afsaa.N se fard kii navaa aa_ii
zaat kii sadaa aa_ii
raah-e-shauq me.n jaise raah_ravii Khuu.N lapake
ik nayaa junuu.N lapake
aadamii chhalak uThe
aadamii ha.Nse dekho, shahar phir base dekho
tum abhii se Darate ho
haa.N abhii to tum bhii ho, haa.N abhii to ham bhii hai.n
tum abhii se Darate ho

[sarfraz_qamar]

Re: sarfraz chouhdary,s most wanted

kaafir gesuu vaalo.n kii raat basar yuu.N hotii hai
husn hifaazat karataa hai aur javaanii sotii hai

mujh me.n tujh me.n farq nahii.n mujh me.n farq hai ye
tuu duniyaa par ha.Nsataa hai duniyaa mujh par ha.Nsatii hai

sabr-o-sukuu.N do dariyaa hai.n bharate bharate bharate hai.n
taskiin dil kii baarish hai hote hote hotii hai

jiine me.n kyaa raahat thii marane me.n takliif hai kyaa
tab duniyaa kyo.n ha.Nsatii thii ab duniyaa kyo.n rotii hai

dil ko to tashKhiish hu_ii chaaraagaro.n se puuchhuu.Ngaa
dil jab dhak-dhak karataa hai vo haalat kyaa hotii hai

raat ke aa.Nsuu ai 'Sagar' phuulo.n se bhar jaate hai.n
subah-e-chaman is paanii se kaliyo.n kaa muu.Nh dhotii hai

[sarfraz_qamar]

Re: sarfraz chouhdary,s most wanted

Khvaab kii tarah bikhar jaane ko jii chaahataa hai
aisii tanhaa_ii ki mar jaane ko jii chaahataa hai

ghar kii vahashat se larazataa huu.N magar jaane kyo.n
shaam hotii hai to ghar jaane ko jii chaahataa hai

Duub jaa_uu.N to ko_ii mauj nishaa.N tak na bataaye
aisii nadii me.n utar jaane ko jii chaahataa hai

kabhii mil jaaye to raste kii thakan jaag pa.De
aisii manzil se guzar jaane ko jii chaahataa hai

vahii paimaa.N jo kabhii jiii ko Khush aayaa thaa bahut
usii paimaa.N se mukar jaane ko jii chaahataa hai

[sarfraz_qamar]

Re: sarfraz chouhdary,s most wanted

hai.n ghar kii muhaafiz merii dahakii hu_ii aa.Nkhe.n
mai.n taaq me.n rakh aayaa huu.N jalatii hu_ii aa.Nkhe.n

ik pal bhii kisii mo.D pe rukane nahii.n detii.n
kaa.NTo.n kii tarah jism me.n chubhatii hu_ii aa.Nkhe.n

raste me.n qadam phuu.Nk ke rakhanaa mere pyaaro
hai.n chaaro.n taraf shahar me.n bikharii hu_ii aa.Nkhe.n

yuu.N us ke bichha.D jaane pe aa.Nsuu na bahaao
manzar ko taras jaaye.ngii bhiigii hu_ii aa.Nkhe.n

qaatil ke sivaa ko_ii samajh hii nahii.n sakataa
kyaa dekhatii hai.n tasht me.n rakkhii hu_ii aa.Nkhe.n

kyaa jaaniye kis Khvaab kii taabiir me.n gum hai.n
zulfo.n kii ghanii chaa.Nv me.n ulajhii hu_ii aa.Nkhe.n

'Sagar' shab-e-tiiraa me.n ujaalo.n kii amii.n hai.n
nafrat ke samundar me.n ye bahatii hu_ii aa.Nkhe.n

[sarfraz_qamar]

Re: sarfraz chouhdary,s most wanted

kab talak pyaas ke saharaa me.n jhulasate jaaye.n
ab ye baadal jo uThe hai.n to barasate jaaye.n

[jhulasanaa = to get scorched/burnt]

kaun batalaaye tumhe.n kaise vo mausam hai.n ki jo
mujh se hii duur rahe.n mujh me.n hii basate jaaye.n

haaye kyaa log ye aabaad huye hai.n mujh me.n
pyaar ke lafz likhe.n lahaje se Dasate jaaye.n

aa_iinaa dekhuu.N to ik chehare ke be-rang nuquush
ek naadiiddaa-sii zanjiir me.n kasate jaaye.n

juz muhabbat kise aayaa hai mayassar ummiid
aisaa lamhaa ki jidhar sadiyo.n ke raste jaaye.n

[sarfraz_qamar]

Re: sarfraz chouhdary,s most wanted

aur ko_ii dam kii hai mehamaa.N guzar jaayegii raat
Dhalate Dhalate aap apanii maut mar jaayegii raat

zindagii me.n aur bhii kuchh zahar bhar jaayegii raat
ab agar Thaharii rag-o-pai me.n utar jaayegii raat

hai ufaq se ek sang-e-aafataab aane kii der
TuuT kar maanind-e-aa_iinaa bikhar jaayegii raat]

ham to jaane kab se hai.n aavaaraa-e-zulmat magar
tum Thahar jaao to pal bhar me.n guzar jaayegii raat

raat kaa anjaam bhii maaluum hai mujh ko 'Suroor'
laakh apanii had se guzare taa-sahar jaayegii raat

[sarfraz_qamar]

Re: sarfraz chouhdary,s most wanted


lachakatii shaaKh ne jab sar uThaayaa
kisii kaa baa.Nkpan yaad aa gayaa hai

merii Khaamoshiyo.n par ha.Nsane vaalo
mujh vo kam_suKhan yaad aa gayaa hai

terii suurat ko jab dekhaa hai mai.n ne
uruuj-e-fikr-o-fan yaad aa gayaa hai

kisii kaa Khuubasuurat sher sun kar
teraa lutf-e-suKhan yaad aa gayaa hai

[sarfraz_qamar]

Re: sarfraz chouhdary,s most wanted

Gam kii baarish ne bhii tere naqsh ko dhoyaa nahii.n
tuune mujh ko kho diyaa mai.n ne tujhe khoyaa nahii.n

niind kaa halkaa gulaabii-saa Khumaar aa.Nkho.n me.n thaa
yuu.N lagaa jaise vo shab ko der tak soyaa nahii.n

har taraf diivaar-o-dar aur un me.n aa.Nkho.n kaa hujuum
kah sake jo dil kii haalat vo lab-e-goyaa nahii.n

jurm aadam ne kiyaa aur nasl-e-aadam ko sazaa
kaaTataa huu.N zindagii bhar mai.n ne jo boyaa nahii.n

jaanataa huu.N ek aise shaKhs ko mai.n bhii 'Munir'
Gam se patthar ho gayaa lekin kabhii royaa nahii.n

[sarfraz_qamar]

Re: sarfraz chouhdary,s most wanted

khulegii is nazar pe chashm-e-tar aahistaa aahistaa
kiyaa jaataa hai paanii me.n safar aahistaa aahistaa

ko_ii zanjiir phir vaapas vahii.n par le ke aatii hai
kaThin ho raah to chhuTataa hai ghar aahistaa aahistaa

badal denaa hai rastaa yaa kahii.n par baiTh jaanaa hai
ki Thakataa jaa rahaa hai ham_safar aahistaa aahistaa

Khalish ke saath is dil se na merii jaa.N nikal jaaye
khi.nche tiir-e-shanaasaa_ii magar aahistaa aahistaa


huaa hai sar_kashii me.n phuul kaa apanaa ziyaa.N, dekhaa
so jhukataa jaa rahaa hai ab ye sar aahistaa aahistaa

[sarfraz_qamar]

Re: sarfraz chouhdary,s most wanted

ham ki maGaluub-e-gumaa.N the pahale
phir vahii.n hai.n ki jahaa.N the pahale

Khvaahishe.n jhurriyaa.N ban kar ubharii.n
zaKhm siine me.n nihaa.N the pahale

ab to har baat pe ro dete hai.n
vaaqif-e-suud-o-ziyaa.N the pahale

dil se jaise ko_ii kaa.NTaa nikalaa
ashk aa.Nkho.n se ravaa.N the pahale

[sarfraz_qamar]

Re: sarfraz chouhdary,s most wanted

mai.n ne puuchaa pahalaa patthar mujh par kaun uThaayegaa
aa_ii ik aavaaz ki tuu jis kaa mohasin kahalaayegaa

puuchh sake to puuchhe ko_ii ruuTh ke jaane vaalo.n se
roshaniyo.n ko mere ghar kaa rastaa kaun bataayegaa

logo mere saath chalo tum jo kuchh hai vo aage hai
piichhe mu.D kar dekhane vaalaa patthar kaa ho jaayegaa

din me.n ha.Nsakar milane vaale chehare saaf bataate hai.n
ek bhayaanak sapanaa mujh ko saarii raat Daraayegaa

mere baad vafaa kaa dhokaa aur kisii se mat karanaa
gaalii degii duniyaa tujh ko sar meraa jhuk jaayegaa