sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ham pa.Dh rahe the Khvaab ke purzo.n ko jo.D ke
aa.Ndhii ne ye tilism bhii rakh Dalaa to.D ke

aaGaaz kyo.n kiyaa thaa safar un Khvaabo.n kaa
pachhataa rahe ho sabz zamiino.n ko chho.D ke

ik buu.Nd zahar ke liye phailaa rahe ho haath
dekho kabhii Khud apane badan ko nicho.D ke

kuchh bhii nahii.n jo Khvaab kii tarah dikhaa_ii de
ko_ii nahii.n jo ham ko jagaaye jhinjho.D ke

in paaniyo.n se ko_ii salaamat nahii.n gayaa
hai vaqt ab bhii kashtiyaa.N le jaao mo.D ke

[sarfraz_qamar]

Re: sarfraz chouhdary,s most wanted

ziist aazaar hu_ii jaatii hai
saa.Ns talavaar hu_ii jaatii hai

jism bekaar huaa jaataa hai
ruuh bedaar hu_ii jaatii hai

kaan se dil me.n utaratii nahii.n baat
aur guftaar hu_ii jaatii hai

Dhal ke nikali hai haqiiqat jab se
kuchh pur_asraar hu_ii jaatii hai

ab to har zaKHm kii muu.Nh_band kalii
lab-e-izahaar hu_ii jaatii hai

phuul hii phuul hai.n har simt 'Nadeem'
raah dushvaar hu_ii jaatii hai

[sarfraz_qamar]

Re: sarfraz chouhdary,s most wanted

dard ke phuul bhii khilate hai.n bikhar jaate hai.n
zaKhm kaise bhii ho.n kuchh roz me.n bhar jaate hai.n

raastaa roke kha.Dii hai yahii uljhan kab se
ko_ii puuchhe to kahe.n kyaa ki kidhar jaate hai.n

chhat ki khi.Dakiyo.n se utarate hai.n mere Khvaab magar
merii diivaaro.n se Takaraa ke bikhar jaate hai.n

narm aavaaz bhalii baate.n mohazzab lahaje
pahalii baarish me.n hii ye rang utar jaate hai.n

us dariiche me.n bhii ab ko_ii nahii.n aur ham bhii
sar jhukaaye huye chup-chaap guzar jaate hai.n

[sarfraz_qamar]

Re: sarfraz chouhdary,s most wanted

dast-e-shab par dikhaa_ii kyaa dengii
silavaTe.n roshanii me.n ubharengii

ghar kii diivaare.n mere jaane par
apanii tanhaa_iyo.n ko sochengii

u.Ngaliyo.n ko taraash duu.N phir bhii
aadatan us kaa naam likkhengii

rang-o-buu se kahii.n panaah nahii.n
Khvaahishe.n bhii kahaa.N amaa.N dengii

ek Khushbuu se bach bhii jaa_uu.N agar
duusarii nikahate.n jaka.D lengii

khi.Dakiyo.n par dabiiz parde ho.n
baarishe.n phir bhii dastake.n dengii

[sarfraz_qamar]

Re: sarfraz chouhdary,s most wanted

Gam kaa vo zor ab mere andar nahii.n rahaa
is umr me.n mai.n itanaa samar_var nahii.n rahaa

is ghar me.n jo kashish thii ga_ii un dino.n ke saath
is ghar kaa saayaa ab mere sar par nahii.n rahaa

mujh me.n hii kuchh kamii thii ki behatar mai.n un se thaa
mai.n shahar me.n kisii ke baraabar nahii.n rahaa

rahabar ko un ko haal kii ho kis tarah Khabar
logo.n ke daramiyaa.N vo aakar nahii.n rahaa

vaapas na jaa vahaa.N ki tere shahar me.n 'Munir'
jo jis jagah pe thaa vo vahaa.N nahii.n rahaa

[sarfraz_qamar]

Re: sarfraz chouhdary,s most wanted

kuchh to ehasaas-e-ziyaa.N thaa pahale
dil kaa ye haal kahaa.N thaa pahale

ab to manzil bhii hai Khud garm-e-safar
har qadam sang-e-nishaa.N thaa pahale

safar-e-shauq ke far_sang na puuchh
vaqt beqaid-e-makaa.N thaa pahale

ye alag baat ki Gam raas hai ab
is me.n andeshaa-e-jaa.N thaa pahale

yuu.N na ghabaraaye huye phirate the
dil ajab kunj-e-amaa.N thaa pahale

ab bhii tuu paas nahii.n hai lekin
is qadar duur kahaa.N thaa pahale

Dere Daale hai.n bagolo.n ne jahaa.N
us taraf chashm-e-ravaa.N thaa pahale

ab vo dariyaa na bastii na vo log
kyaa Khabar kaun kahaa.N thaa pahale

[sarfraz_qamar]

Re: sarfraz chouhdary,s most wanted

dariyaa-e-ashk chashm se jis aan bah gayaa
sun liijiyo ke arsh kaa aivaan bah gayaa

zaahid sharaab piine se kaafir huaa mai.n kyuu.N
kyaa De.Dh chulluu paanii me.n imaan bah gayaa

yuu.N roye phuuT phuuT ke paa.Nvo.n ke aabale
naalaa saa ek suu-e-biyaabaan bah gayaa

kashtii savaar-e-umr huu.N bahr-e-fanaa me.n mai.n
jis dam bahaa ke le gayaa tuufaan bah gayaa

thaa 'Zauq' pahale dillii me.n panjaab kaa saa husn
par ab vo paanii kahate hai.n multaan bah gayaa

[sarfraz_qamar]

Re: sarfraz chouhdary,s most wanted

pech rakhate ho bahut saaj-o-dastaar ke biich
mai.n ne sar girate hue dekhe hai.n baazaar ke biich

baaG_baano.n ko ajab ranj se takate hai.n gulaab
gul_farosh aaj bahut jamaa hai.n gul_zaar ke biich

kaj adaao.n kii inaayat hai ki ham se ushshaaq
kabhii diivaar ke piichhe kabhii diivaar ke biich

tum ho naa_Khush to yahaa.N kaun hai Khush phir bhi 'Faraz'
log rahate hai.n isii shahar-e-dil-e-aazaar ke biich

[sarfraz_qamar]

Re: sarfraz chouhdary,s most wanted

vahashat-e-dil silaa-e-aabalaa_paa_ii le le
mujh se yaa rab mere lafzo.n kii kamaa_ii le le

aql har baar dikhaatii thii jale haath apane
dil ne har baar kahaa aag paraa_ii le le

mai.n to us subah-e-daraKhshaa.N ko tavangar jaanuu.N
jo mere shahar se kashkol-e-gadaa_ii le le

tuu Ganii hai magar itanii hai.n sharaayat merii
ye mohabbat jo hame.n raas na aa_ii le le

apane diivaan ko galiyo.n me liye phirataa huu.N
hai ko_ii jo hunar-e-zaKhm_numaa_ii le le

[aquari]

Re: sarfraz chouhdary,s most wanted

aql har baar dikhaatii thii jale haath apane
dil ne har baar kahaa aag paraa_ii le le

bauht khoob:clap:

[sarfraz_qamar]

Re: sarfraz chouhdary,s most wanted

azmat-e-zindagii ko bech diyaa
ham ne apanii Khushii ko bech diyaa

chashm-e-saaqii ke ik ishaare pe
umr kii tishnagi ko bech diyaa

rind jaam-o-subuu pe ha.Nsate hai.n
shaiKh ne bandagii ko bech diyaa

rah_guzaaro.n pe luT ga_ii raadhaa
shaam ne baa.Nsurii ko bech diyaa

jagamagaate hai.n vahashato.n ke dayaar
aql ne aadamii ko bech diyaa

lab-o-ruKhsaar ke ivaz ham ne
sitvat-e-Khusravii ko bech diyaa

ishq beharuupiyaa hai ai 'Sagar'
aap ne saadagii ko bech diyaa

[sarfraz_qamar]

Re: sarfraz chouhdary,s most wanted

chupake chupake asar karataa hai
ishq kainsar kii tarah ba.Dhataa hai

jo ko_ii jii na sake mar jaaye
aap kaa naam abas letaa hai

kaun sunataa hai kisii kii vipadaa
sab ke maathe pe yahii qissaa hai

ko_ii Darataa hai bharii mahafil me.n
ko_ii tanhaa_ii me.n ha.Ns pa.Dataa hai

yahii jannat hai yahii hai dozaKh
aur dekho to yahii duniyaa hai

[sarfraz_qamar]

Re: sarfraz chouhdary,s most wanted

'pahalaa salaam'


ek rangiin jhijhak ek saadaa payaam
kaise bhuuluu.N kisii kaa vo pahalaa salaam
phuul ruKhsaar ke ras_masaane lage
haath uThaa qadam Dag_magaane lage
rang-saa Khaal-o-Khad se chhalakane lagaa
sar se rangiin aa.Nchal Dhalakane lagaa
ajanabiyat nigaahe.n churaane lagii
din dha.Dakane lagaa lahar aane lagii
saa.Ns me.n ik gulaabii girah pa.D ga_ii
ho.nTh tharraaye simaTe nazar ga.D ga_ii
rah gayaa umr bhar ke liye ye hijaab
kyo.n na sambhalaa huaa de sakaa mai.n javaab
kyo.n mai.n be-qasd be-azm be-vaastaa
duusarii samt ghabaraa ke takane lagaa

[sarfraz_qamar]

Re: sarfraz chouhdary,s most wanted

azaa me.n bahate the aa.Nsuu yahaa.N lahuu to nahii.n
ye ko_ii aur jagah hai ye laKhanauu to nahii.n
yahaa.N to chalatii hai.n chhuriyaa.N zabaa.N se pahale
ye miir aniis kii aatish kii guftaguu to nahii.n
chamak rahaa hai jo daaman pe dono.n firaqo.n ke
baGaur dekho ye isalaam kaa lahuu to nahii.n

[sarfraz_qamar]

Re: sarfraz chouhdary,s most wanted

tum pareshaan na ho baab-e-karam vaa na karo
aur kuchh der pukaaruu.Ngaa chalaa jaauu.Ngaa
isii kuuche me.n jahaa.N chaa.Nd ugaa karate hai.n
shab-e-taariik guzaaruu.Ngaa chalaa jaauu.Ngaa

raastaa bhuul gayaa yaa yahaa.N manzil hai merii
ko_ii laayaa hai yaa Khud aayaa huu.N maaluum nahii.n
kahate hai.n husn ki nazare.n bhii hasii.n hotii hai.n
mai.n bhii kuchh laayaa huu.N kyaa laayaa huu.N maaluum nahii.n

yuu.N to jo kuchh thaa mere paas mai.n sab kuchh bech aayaa
kahii.n inaam milaa aur kahii.n qiimat bhii nahii.n
kuchh tumhaare liye aa.Nkho.n me.n chhupaa rakkhaa hai
dekh lo aur na dekho to shikaayat bhii nahii.n