sarfraz chouhdary,s most wanted

[sarfraz_qamar]

Re: sarfraz chouhdary,s most wanted

mai.n hii tanhaa nahii.n dil ke haatho.n
tuu bhii majabuur nazar aataa hai

Khaak_saarii ko chhupaane ke liye
'Wajd' maGaruur nazar aataa hai

[sarfraz_qamar]

Re: sarfraz chouhdary,s most wanted

taar-e-nigaah me.n us ke kyo.n kar phaa.Nse na ye dil
aa.Nkho.n me.n jis kii laakho.n vahashii Gazal baa.Ndhe

bose kii hai to Khvaahish par kahiye kyo.n ke us se
jis se mizaaj-e-lab par haraf-e-savaal baa.Ndhe

maaroge kis ko jii se kis par kamar kasii hai
phirate ho kyo.n pyaare talavaar Dhaal baa.Ndhe

do chaar sher aage us ke pa.Dhe to bolaa
mazamuu.N ye tuune apane kya hasb-o-haal baa.Ndhe

"Sauda" jo un ne baa.Ndhaa zulfo.n me.n dil sazaa hai
shero.n me.n us ke tuu ne kyo.n Khat-o-Khaal baa.Ndhe

[sarfraz_qamar]

Re: sarfraz chouhdary,s most wanted

zor aashiq mizaaj hai ko_ii
"Dard" ko qisaa-e-muKhtasar dekhaa

[sarfraz_qamar]

Re: sarfraz chouhdary,s most wanted

ret pe likhe huye naamo.n ko pa.Dh kar dekh lo
aaj tanhaa rah gayaa huu.N kal magar aisaa na thaa

ham vahii tum bhii vahii mausam vahii manzar vahii
faasalaa ba.D jaayegaa itanaa kabhii sochaa na thaa

fikr ke dar pe ko_ii aahaaT ko_ii dastak nahii.n
vo faqat biimaar jis kaa ko_ii ham_saayaa na thaa

chho.D aayaa jin safiino.n ko talaatum ke qariib
naaKhudaa un me.n teraa shaayad ko_ii apanaa na thaa

[sarfraz_qamar]

Re: sarfraz chouhdary,s most wanted

Gam-e-ulfat ke haatho.n jo miTaa be-aasaraa ho kar
usii paamaal-e-Gam ko haaye ab duniyaa sataatii hai

kahaa.N rahataa hai qaabuu phir dil-e-naakaam par mujh ko
ke jab rah rah ke tanahaa_ii me.n terii yaad aatii hai

havaa-e-Gam kaa muntazar huu.N vafuur-e-shauq me.n 'Yahya'
magar ab dekhiye un kii tajallii kyaa dikhaatii hai

[sarfraz_qamar]

Re: sarfraz chouhdary,s most wanted

vo alvidaa kaa ma.nzar vo bhigatii palake.n
paas-e-Gubaar bhii kyaa kyaa dikhaa_ii detaa hai

merii nigaah se chhup kar kahaa.N rahegaa ko_ii
ke ab to sa.ng bhii shiishaa dikhaa_ii detaa hai

simaT ke rah daye aaKhir pahaar se qad bhii
zamii.n se har ko_ii uu.Nchaa dikhaa_ii detaa hai

ye kis maqaam pe laa_ii hai justajuu terii
jahaa.N se arsh bhii niichaa dikhaa_ii detaa hai

khilii hai dil me.n kisii ke badan kii dhuup "Shakeb"
har ek phuul suneharaa dikhaa_ii detaa hai

[sarfraz_qamar]

Re: sarfraz chouhdary,s most wanted

merii bujhatii hu_ii aa.Nkho.n ko raushanii baKhshe
vo phuul jo tere chehare kaa ista'araa ho

chalaa huu.N apanii hii aavaaz-e-baaz_gasht pe yuu.N
kisii ne duur se jaise mujhe pukaaraa ho

ga.Nvaa chuke ka_ii umre.n ummiid_vaar tere
kahaa.N tak aur terii beruKhii gavaaraa ho

tuu paas aate huye mujh se duur ho jaaye
ajab nahii.n ki yahii haadasaa dobaaraa ho

nazar farebii-e-rang-e-chaman se bach 'Makhmoor'
jise tuu phuul samajh le kahii.n sharaaraa ho

[sarfraz_qamar]

Re: sarfraz chouhdary,s most wanted

mere badan me.n khule ja.ngalo.n kii miTTii hai
mujhe sambhaal ke rakhanaa bikhar na jaa_uu.N mai.n

mere mizaaj me.n be-maanii ulajhane.n hai.n bahut
mujhe udhar se bulaanaa jidhar na jaa_uu.N mai.n

[sarfraz_qamar]

Re: sarfraz chouhdary,s most wanted

vahii.n zard patto.n kaa kaaliin hai
gulo.n ke jahaa.N shaamiyaane lage


pa.Daa_ii likhaa_ii kaa mausam kahaa.N
kitaabo.n me.n Khat aane-jaane lage

[sarfraz_qamar]

Re: sarfraz chouhdary,s most wanted

jahaa.N phuulo.n ko khilanaa thaa vahii.n khilate to achchhaa thaa
tumhii.n ko ham ne chaahaa thaa tumhii.n milate to achchhaa thaa

ko_ii aakar hame.n puuchhe tumhe.n kaise bhulaayaa hai
tumhaare Khat ko ashko.n se shab-e-Gam me.n jalaayaa hai
hazaaro.n zaKhm aise hai.n agar silate to achchhaa thaa

tumhe.n jitanaa bhulaayaa hai tumharii yaad aa_ii hai
bahaar-e-nau jo aa_ii hai vo hii Khushbuu laa_ii hai
tumhare lab merii Khaatir agar hilate to achchhaa thaa

[sarfraz_qamar]

Re: sarfraz chouhdary,s most wanted

ab dil ko kisii karavaT aaraam nahii.n milataa
ik umr kaa ronaa hai do din kii shanaasaa_ii

ik shaam vo aaye the ik raat farozaa.N thii
vo shaam nahii.n lauTii vo raat nahii.n aa_ii

[sarfraz_qamar]

Re: sarfraz chouhdary,s most wanted

badanaam mere giriyaa-e-rusavaa se ho chuke
ab uzr kyaa rahaa nigaah-e-behijaab me.n

matalab kii justajuu ne ye kyaa haal kar diyaa
hasarat bhii nahii.n dil-e-naakaamayaab me.n

naakaamiyo.n se kaam rahaa umr bhar hame.n
pirii me.n yaas hai jo havas thii shabaab me.n

kyaa jalve yaaad aaye ke apanii Khabar nahii.n
be-baadaa mast huu.N mai.n shab-e-maahataab me.n

paiham sajuud paa-e-sanam par dam-e-vidaa
"Momin" Khudaa ko bhuul gaye iztaraab me.n

[sarfraz_qamar]

Re: sarfraz chouhdary,s most wanted

raa_ii kaa banaa ke ek parvat
ab is pe Khud hii phisal rahaa huu.N

kis haath se haath mai.n milaa_uu.N
ab apane hii haath mal rahaa huu.N

kyo.n aa_iinaa baar baar dekhuu.N
mai.n aaj nahii.n jo kal rahaa huu.N

ab kaun saa dar rahaa hai baaqii
us dar se kyo.n mai.n nikal rahaa huu.N

qadamo.n ke tale to kuchh nahii.n hai
kis chiiz ko mai.n kuchal rahaa huu.N

ab ko_ii nahii.n rahaa sahaaraa
mai.n aaj se phir sambhal rahaa huu.N

[sarfraz_qamar]

Re: sarfraz chouhdary,s most wanted

"Seemab" ye qudrat kaa adanaa saa karishmaa hai
Khaamosh sii ik bijalii paravaane me.n rakh denaa

[sarfraz_qamar]

Re: sarfraz chouhdary,s most wanted

umr bhar dekhaa kiye marane kii raah
mar gae par dekhiye dikhalaaye.n kyaa


puuchhate hai.n vo ki "Ghalib" kaun hai
koii batalaao ki ham batalaaye.n kyaa