sarfraz chouhdary,s most wanted

[sarfraz_qamar]

Re: sarfraz chouhdary,s most wanted

tum naGmaa-e-maah ho anjum ho tum soz-e-tamannaa kyaa jaano
tum dard-e-muhabbat kyaa samajho tum dil kaa ta.Dapanaa kyaa jaano

sau baar agar tum ruuTh gaye ham tum ko manaa hii lete the
ik baar agar ham ruuTh gaye tum ham ko manaanaa kyaa jaano

taKhriib-e-muhabbat aasaa.N hai taamiir-e-muhabbat mushkil hai
tum aag lagaanaa siikh gaye tum aag bujhaanaa kyaa jaano

tum duur kha.De dekhaa hii kiye aur Duubane vaalaa Duub gayaa
saahil ko tum manzil samajhe tum lazzat-e-dariyaa kyaa jaano

[sarfraz_qamar]

Re: sarfraz chouhdary,s most wanted

tum ne dil kii baat kah dii aaj ye achchhaa huaa
ham tumhe.n apanaa samajhate the ba.Daa dhokhaa huaa

jab bhii ham ne kuchh kahaa us kaa asar ulataa huaa
aap shaayad bhuulate hai.n baarahaa aisaa huaa

aap kii aa.Nkho.n me.n ye aa.Nsuu kahaa.N se aa gaye
ham to diivaane hai.n lekin aap ko ye kyaa huaa

ab kisii se kyaa kahe.n 'Iqbaal' apanii daastaa.N
bas Khudaa kaa shukr hai jo bhii huaa achchhaa huaa

[sarfraz_qamar]

Re: sarfraz chouhdary,s most wanted

tum ne ye kyaa sitam kiyaa zabt se kaam le liyaa
tark-e-vafaa ke baad bhii meraa salaam le liyaa

ri.ndaa-e-Kharaab-e-naush kii be-adabii to dekhiye
niiyat-e-mayakashii na kii haath me.n jaam le liyaa

sehan-e-chaman me.n daffaatan aake palaT ga_ii bahaar
ahal-e-junuu.N ne Gaaliban aql se kaam leliyaa

naamaa-e-shauq pa.D ke vo kho gaye yak-ba-yak "Shakeel"
muu.Nh se to kuchh na kah sake dil se payaam le liyaa

[sarfraz_qamar]

Re: sarfraz chouhdary,s most wanted

tum puchho aur mai.n na bataauu.N aise to haalaat nahii.n
ek zaraa saa dil TuuTaa hai aur to ko_ii baat nahii.n

kis ko Khabar thii sa.Nvale baadal bin barase u.D jaate hai.n
saavan aayaa lekin apanii qismat me.n barasaat nahii.n

maanaa jiivan me.n aurat ek baar mohabbat karatii hai
lekin mujhako ye to bataa de kyaa tuu aurat zaat nahii.n

Khatm huaa meraa afasaanaa ab ye aa.Nsuu po.Nchh bhii lo
jis me.n ko_ii taaraa chamake aaj kii raat vo raat nahii.n

mere Gam-gii.n hone par ahabaab hai.n yo.n hairaan "Qateel"
jaise mai.n patthar huu.N mere siine me.n jazbaat nahii

[sarfraz_qamar]

Re: sarfraz chouhdary,s most wanted

tum se ulfat ke taqaaze na nibaahe jaate
varnaa ham ko bhii tamannaa thii ke chaahe jaate]

dil ke maaro kaa na kar Gam ki ye andoh_nasiib
zaKhm bhii dil me.n na hotaa to karaahe jaate

dii na mohalat hame.n hastii ne vafaa kii varnaa
aur kuchh din Gam-e-hastii se nibaahe jaate

[sarfraz_qamar]

Re: sarfraz chouhdary,s most wanted

tumhaare Gam kaa mausam hai abhii tak
lab-e-tashnaa pe shabanam hai abhii tak

safar me.n aabale hii aabale the
magar pairo.n me.n dam-Kham hai abhii tak


tumhaare ba.nd dar mujh se Khafaa hai.n
mere jiine kaa maatam hai abhii tak

terii aab-o-havaa raas aa ga_ii thii
bichha.D jaane kaa kuchh Gam hai abhii tak

ga_ii rut me.n hu_ii thii fasl achchhii
idhar paaniii giraa kam hai abhii tak

[sarfraz_qamar]

Re: sarfraz chouhdary,s most wanted

tumhaare Khat me.n nayaa ik salaam kis kaa thaa
na thaa raqiib to aaKhir vo naam kis kaa thaa

vo qatl kar ke har kisii se puuchhate hai.n
ye kaam kis ne kiyaa hai ye kaam kis kaa thaa

vafaa kare.nge nibhaaye.nge baat maane.nge
tumhe.n bhii yaad hai kuchh ye kalaam kis kaa thaa

rahaa na dil me.n vo be-dard aur dard rahaa
muqiim kaun huaa hai maqaam kis kaa thaa

na puuchh-paachh thii kisii kii na aao-bhagat
tumhaarii bazm me.n kal ehatamaam kis kaa thaa

[sarfraz_qamar]

Re: sarfraz chouhdary,s most wanted

tumhaare Khat me.n nayaa ik salaam kis kaa thaa
na thaa raqiib to aaKhir vo naam kis kaa thaa

vo qatl kar ke har kisii se puuchhate hai.n
ye kaam kis ne kiyaa hai ye kaam kis kaa thaa

vafaa kare.nge nibhaaye.nge baat maane.nge
tumhe.n bhii yaad hai kuchh ye kalaam kis kaa thaa

rahaa na dil me.n vo be-dard aur dard rahaa
muqiim kaun huaa hai maqaam kis kaa thaa

na puuchh-paachh thii kisii kii na aao-bhagat
tumhaarii bazm me.n kal ehatamaam kis kaa thaa

hamaare Khat ke to purze kiye pa.Dhaa bhii nahii.n
sun jo tum ne baa-dil vo payaam kis kaa thaa


i.nhii.n sifaat se hotaa hai aadamii mashahuur
jo lutf aap hii karate to naam kis kaa thaa

[sarfraz_qamar]

Re: sarfraz chouhdary,s most wanted

tumhaarii anjuman se uTh ke diivaane kahaa.N jaate
jo vaabastaa hue tum se vo afasaane kahaa.N jaate

nikal kar dair-o-kaabaa se agar milataa na maiKhaanaa
to Thukaraaye hue insaa.N Khudaa jaane kahaa.N jaate

tumhaarii beruKhii ne laaj rakh lii baadaaKhaane kii
tum aa.Nkho.n se pilaa dete to paimaane kahaa.N jaate

chalo achchhaa huaa kaam aa ga_ii diivaanagii apanii
vagarnaa ham zamaane bhar ko samajhaane kahaa.N jaate

'Qateel' apanaa muqaddar Gam se begaanaa agar hotaa
phir to apane-paraaye ham se pahachaane kahaa.N jaate

[sarfraz_qamar]

Re: sarfraz chouhdary,s most wanted

tumhaarii yaad ke jab zaKhm bharane lagate hai.n
kisii bahaane tumhe.n yaad karane lagate hai.n

hadiis-e-yaar ke unavaa.N nikharane lagate hai.n
to har hariim me.n gesuu sa.Nvarane lagate hai.n

har ajanabii hame.n maharam dikhaa_ii detaa hai
jo ab bhii terii galii galii se guzarane lagate hai.n

sabaa se karate hai.n Gurbat-nasiib zikr-e-vatan
to chashm-e-subah me.n aa.Nsuu ubharane lagate hai.n


vo jab bhii karate hai.n is nutq-o-lab kii baKhiyaagarii
fazaa me.n aur bhii naGme.n bikharane lagate hai.n

[sarfraz_qamar]

Re: sarfraz chouhdary,s most wanted

tumhaarii mast nazar agar idhar nahii.n hotii
nashe me.n chuur fizaa is qadar nahii.n hotii

tumhii.n ko dekhane kii dil me.n aarazue.n hai.n
tumhaare aage hii aur uu.Nchii nazar nahii.n hotii

Khafaa na honaa agar ba.D ke thaam luu.N daaman
ye dil_fareb Khataa jaan kar nahii.n hotii

tumhaare aane talak ham ko hosh rahataa hai
phir us ke baad hame.n kuchh Khabar nahii.n hotii

[sarfraz_qamar]

Re: sarfraz chouhdary,s most wanted

tumhe.n hai shauq agar bijaliyaa.N giraane kaa
hamaaraa kaam bhii hai aashiyaa.N banaane kaa

bhalaa vo kaise samandar ke paar utaregaa
nafas nafas jinhe.n Khadshaa hai Duub jaane kaa

sunaa hai aap hai.n maahir havaa chalaane me.n
magar hame.n bhii hunar hai diye jalaane kaa

[sarfraz_qamar]

Re: sarfraz chouhdary,s most wanted

mohabbat kii tabiyat me.n
ye kaisaa bachapanaa qudarat ne rakkhaa hai

ke jitanii puraanii jitanii bhii mazabuut ho jaaye
ise taa_iid-e-taazaa kii zaruurat phir bhii rahatii hai
yaqii.n kii aaKhirii had tak dilo.n me.n lah_lahaatii ho
nigaaho.n se Tapakatii ho lahuu me.n jag_magaatii ho
hazaaro.n tarah se dil_kash hasiin haale banaatii ho
use izhaar ke lafzo.n kii haajat phir bhii rahatii hai

mohabbat maa.Ngatii hai yuu.N gavaahii apane hone kii
ke jaise tifl-e-saadaa shaam ko ik biij boye
aur shab me.n bauraa uThe
zamii.n ko khod kar dekhe
ke paudhaa ab kahaa.N tak hai

mohabbat kii tabiyat me.n ajab takaraar kii Khuu hai
ke ye iqraar ke lafzo.n ko sunane se nahii.n thakatii
bichha.Dane kii gha.Dii ho yaa ko_ii milane kii sa'at ho
ise bas ek hii dhun hai
kaho mujh se mohabbat hai
kaho mujh se mohabbat hai

kuchh aisii besakuunii hai vafaa kii sar_zamii.no.n me.n
ke jo ahal-e-mohabbat ko sadaa bechain rakhatii hai
ke jaise phuul me.n Khsuhbuu ke jaise haath me.n taaraa
ke jaise shaam kaa taaraa
mohabbat karane vaalo.n kii sahar raato.n me.n rahatii hai
gumanaam ke shaaKhcho.n me.n aashiyaa.N banataa hai ulfat kaa
ye ain visaal me.n bhii hijr ke Khadsho.n me.n rahatii hai

[sarfraz_qamar]

Re: sarfraz chouhdary,s most wanted

tuu kisii aur kii jaagiir hai ai jaan-e-Gazal
log tuufaan uThaa de.nge mere saath na chal

pahalaa haq thaa terii chaahat ke chaman par meraa
pahalaa haq thaa terii Khushbuu-e-badan par meraa
ab meraa pyaar tere pyaar kaa haqadaar nahii.n
ab kisii aur ke shaano.n pe hai teraa aa.Nchal

[**Looking at the structure of this nazm, it seems like
the fourth line is missing from the above stanza. Does
anyone know if this is so?**]

mai.n tere pyaar se ghar apanaa basaauu.N kaise
mai.n terii maa.Ng sitaaro.n se sajaauu.N kaise
merii qismat me.n nahii.n pyaar kii Khushbuu shaayad
mere haatho.n kii lakiiro.n me.n nahii.n tuu shaayad
apanii taqadiir banaa meraa muqaddar na badal

mujh se kahatii hai.n ye Khaamosh nigaahe.n terii
merii paravaaz se u.Nchii hai.n panaahe.n terii
aur Gairat-e-ehasaas pe sharmi.ndaa huu.N
ab kisii aur kii baaho.n me.n hai.n baahe.n terii
ab kahaa.N meraa Thikaanaa hai kahaa.N teraa mahal

[sarfraz_qamar]

Re: sarfraz chouhdary,s most wanted

tuu mere saath chal na paayegii
jab merii raah terii raah se milatii hii nahii.n
phir meraa saath nibhaane kii zaruurat kyaa hai
apanii maasuum tamannaao.n ko rahabar na banaa
Khvaab phir Khvaab hai.n labo.n kii haqiiqat kyaa hai
ye na_ii raah tujhe raas nahii.n aayegii

mai.n ne maanaa ki tujhe mujh se muhabbat hai magar
merii Gurbat terii chaahat kaa silaa kyaa degii
apanii maharuumi-e-qismat se pareshaan huu.N mai.n
bebasii ashk-e-nadaamat ke sivaa kyaa degii
vaqt kii dhuup me.n har chiiz jhulas jaayegii