sarfraz chouhdary,s most wanted

[sarfraz_qamar]

Re: sarfraz chouhdary,s most wanted

shikave ke naam se bemehar Khafaa hotaa hai
ye bhii mat kah ke jo kahiye to gilaa hotaa hai

pur huu.N mai.n shikave se yuu.N raag se jaise baajaa
ik zaraa chhe.Diye phir dekhiye kyaa hotaa hai

go samajhataa nahii.n par husn-talaafii dekho
shikavaa-e-jaur se sar-garm-e-jafaa hotaa hai

ishq kii raah me.n hai charKh-e-makaukab kii vo chaal
sust-rau jaise ko_ii aabalaa_paa hotaa hai

[sarfraz_qamar]

Re: sarfraz chouhdary,s most wanted

hole hii sahii aag lagaane ke liye aa
phir tuur ke manzar ko dikhaane ke liye aa



ye kis ne kahaa hai merii taqadiir banaa de
aa apane hii haatho.n se miTaane ke liye aa


ai dost mujhe gardish-e-haalaat ne gheraa
tuu zulf kii kamalii me.n chhupaane ke liye aa


diivaar hai duniyaa ise raaho.n se haTaa de
har rasm muhabbat kii miTaane ke liye aa

matalab terii aamad se hai daramaa.N se nahii.n
"Hasrat" kii qasam dil hii dukhaane ke liye aa

[sarfraz_qamar]

Re: sarfraz chouhdary,s most wanted

siyaahiyo.n ke bane harf harf dhote hai.n
ye log raat me.n kaaGaz kahaa.N bhigote hai.n


kisii kii shah me.n dahaliiz par diyaa na rakho
kivaa.D suukhii hu_ii laka.Diyo.n ke hote hai.n


charaaG paanii me.n maujo.n se puuchhate ho.nge
vo kaun log hai.n jo kashtiyaa.N Dubote hai.n


qadiim qasbo.n me.n kyaa sukuun hotaa hai
thake thakaaye hamaare buzurg sote hai.n


chamakatii hai kahii.n sadiyo.n me.n aa.Nsuo.n kii zamii.n
Gazal ke sher kahaa.N roz roz hote hai.n

[sarfraz_qamar]

Re: sarfraz chouhdary,s most wanted

siine me.n un ke jalve chhupaaye huye to hai.n
ham apane dil ko tuur banaaye huye to hai.n

taasiir-e-jazb-e-shauq dikhaaye huye to hai.n
ham teraa har hijaab uThaaye huye to hai.n


haa.N vo kyaa huaa vo hausalaa-e-diid ahal-e-dil
dekho na vo naqaab uThaaye huye to hai.n

tere gunaahagaar gunaahagaar hii sahii
tere karam kii aas lagaaye huye to hai.n

[sarfraz_qamar]

Re: sarfraz chouhdary,s most wanted

sisakate aab me.n kis kii sadaa hai
ko_ii dariyaa kii tah me.n ro rahaa hai

savere merii in aa.Nkho.n ne dekhaa
Khudaa charo taraf bikharaa huaa hai

sameTo aur siine me.n chhupaalo
ye sannaaTaa bahut phailaa huaa hai

pak gehuu.N kii Khushbuu chiikhatii hai
badan apanaa suneharaa ho chalaa hai

haqiiqat surKh machhalii jaanatii hai
samandar kaisaa buu.Dhaa devataa hai

hamaarii shaaKh kaa nau-Khez pattaa
havaa ke ho.nTh aksar chuumataa hai

[sarfraz_qamar]

Re: sarfraz chouhdary,s most wanted

sitaaraa apanii bhii taabindagii na dekh sakaa
vo dhundh thii ki ye manzar ko_ii na dekh sakaa

talaash karate huye u.Ngaliyaa.N jalaa Daalii.n
vo tiiragii thii ki mai.n shama bhii na dekh sakaa

milaa thaa shaam mujhe ik bujhaa huaa suuraj
mai.n us ke baad phir raushanii na dekh sakaa

jo rabt baaqii the sab qataa kar liye us ne
vo meharabaa.N merii bechaaragii na dekh sakaa

[sarfraz_qamar]

Re: sarfraz chouhdary,s most wanted

sitaaro.n se aage jahaa.N aur bhii hai.n
abhii ishq ke imtihaa.N aur bhii hai.n

tihii zi.ndagii se nahii.n ye fazaae.n
yahaa.N saika.Do.n kaaravaa.N aur bhii hai.n

agar kho gayaa ek nasheman to kyaa Gam
maqaamaat-e-aah-o-fuGaa.N aur bhii hai.n

tuu shaahii.n hai paravaaz hai kaam teraa
tere saamane aasmaa.N aur bhii hai.n

isii roz-o-shab me.n ulajh kar na rah jaa
ke tere zamiin-o-makaa.N aur bhii hai.n

gaye din ki tanhaa thaa mai.n a.njuman me.n
yahaa.N ab mere raazadaa.N aur bhii hai.n

[sarfraz_qamar]

Re: sarfraz chouhdary,s most wanted

sitaaro.n se ulajhataa jaa rahaa huu.N
shab-e-furqat bahut ghabaraa rahaa huu.N

tere Gam ko bhii kuchh bahalaa rahaa huu.N
jahaa.N ko bhii samajhaa rahaa huu.N

yaqii.n ye hai haqiiqat khul rahii hai
gumaa.N ye hai ki dhokhe khaa rahaa huu.N

agar mumkin ho le le apanii aahaT
Khabar do husn ko mai.n aa rahaa huu.N

hade.n husn-o-ishq kii milaakar
qayaamat par qayaamat Dhaa rahaa huu.N

Khabar hai tujhako ai zabt-e-muhabbat
tere haatho.n me.n luTataa jaa rahaa huu.N

asar bhii le rahaa huu.N terii chup kaa
tujhe kaayal bhii karataa jaa rahaa huu.N

[sarfraz_qamar]

Re: sarfraz chouhdary,s most wanted

sitam havaa kaa agar tere tan ko raas nahii.n
kahaa.N se laa_uu.N vo jho.nkaa jo mere paas nahii.n

pighal chukaa huu.N tamaazat me.n aafataab kii mai.n
meraa vujuud bhii ab mere aas-paas nahii.n

mere nasiib me.n kab thii barahanagii apanii
milii vo mujh ko tamannaa ki be-libaas nahii.n

kidhar se utare kahaa.N aa ke tujh se mil jaaye
abhii nadii ke chalan se tuu ruu_shanaas nahii.n



khulaa pa.Daa hai samandar kitaab kii suurat
vahii pa.Dhe ise aakar jo naa_shanaas nahii.n

[sarfraz_qamar]

Re: sarfraz chouhdary,s most wanted

sitam hii karanaa jafaa hii karanaa
nigaah-e-lutf kabhii na karanaa
tumhe.n qasam hai hamaare sar kii
hamaare haq me.n kamii na karanaa

kahaa.N kaa aanaa kahaa.N kaa jaanaa
vo jaante hii nahii.n ye rasme.n
vahaa.N hai vaade kii bhii ye suurat
kabhii to karanaa kabhii na karanaa

hamaarii mayyat pe tum jo aanaa
to chaar aa.Nsuu bahaa ke jaanaa
zaraa rahe paas-e-aabaruu bhii
kahii.n hamaarii ha.Nsii na karanaa

vo ik hamaaraa tariiq-e-ulfat
ki dushmano.n se bhii mil ke chalanaa
ye ek shevaa teraa sitamagar
ki dost se dostii na karanaa

[sarfraz_qamar]

Re: sarfraz chouhdary,s most wanted


Khaak par mere Khvaab bikhare the
aur mai.n rezaa rezaa chunataa thaa

chaar jaanib vujuud kii diivaar
apanii aavaaz mai.n hii sunataa thaa

umr bhar buu.Nd buu.Nd ko tarase
saamane ghar ke ek dariyaa thaa

[sarfraz_qamar]

Re: sarfraz chouhdary,s most wanted

sochataa huu.N ki muhabbat se kinaaraa kar luu.N
dil ko begaanaa-e-taraGiib-o-tamannaa kar luu.N

sochataa huu.N ki muhabbat hai junuun-e-rasavaa
cha.nd bekaar-se behuudaa Khayaalo.n kaa hujuum
ek aazaad ko paaba.nd banaane kii havas
ek begaane ko apanaane kii sa_i-e-mauhuum

sochataa huu.N ki muhabbat hai suruur-e-mastii
isakii tanviir me.n raushan hai fazaa-e-hastii

sochataa huu.N ki muhabbat hai bashar kii fitarat
isakaa miT jaanaa, miTaa denaa bahut mushkil hai
sochataa huu.N ki muhabbat se hai taabi.ndaa hayaat
aap ye shamaa bujhaa denaa bahut mushkil hai

[sarfraz_qamar]

Re: sarfraz chouhdary,s most wanted

sochate aur jaagate saa.Nso.n kaa ik dariyaa huu.N mai.n
apane gumgashtaa kinaaro.n ke liye bahataa huu.N mai.n

jal gayaa saaraa badan in mausamo.n kii aag me.n
ek mausam ruuh kaa hai jis me.n ab zi.ndaa huu.N mai.n

mere ho.nTho.n kaa tabassum de gayaa dhokhaa mujhe
tuune mujhako baaG jaanaa dekh le seharaa huu.N mai.n


dekhiye merii paziraa_ii ko ab aataa hai kaun
lamhaa bhar ko vaqt kii dahaliiz par aayaa huu.N mai.n

[sarfraz_qamar]

Re: sarfraz chouhdary,s most wanted

Quran haatho.n me.n leke naabiinaa ek namaazii
labo.n pe rakhataa thaa, dono.n aa.Nkho.n se chuumataa thaa
jhukaake peshaanii yuu.N aqiidat se chhuu rahaa thaa
jo aayat.n pa.D nahii.n sakaa un ke lams mahasuus kar rahaa ho

mai.n hairaa.N-hairaa.N guzar gayaa thaa
mai.n hairaa.N hairaa.N Thahar gayaa huu.N

tumhaare haatho.n ko chuum kar, chhuk apanii aa.Nkho.n se aaj mai.n ne
jo aayate.n pa.D nahii.n sakaa un ke lams mahasuus kar liye hai.n

[sarfraz_qamar]

Re: sarfraz chouhdary,s most wanted

subah kii pahalii duaa se aashanaa hotaa huaa
ek sannaaTaa hai maanuus-e-sadaa hotaa huaa

jaate mausam kii ajab tasviir hai chaaro.n ataraf
darmiyaa.N us ke hai ik pattaa haraa hotaa huaa

itanii aagaahii to hai mai.n ba.Dh rahaa huu.N kis taraf
ye nahii.n maaluum kis se huu.N judaa hotaa huaa


ik navaa aahistaa aahistaa fanaa hotii hu_ii
ek harf-e-sad-talab chup chup adaa hotaa huaa