sarfraz chouhdary,s most wanted

[sarfraz_qamar]

Re: sarfraz chouhdary,s most wanted

bahut hasii.n hai meraa dil_rubaa na ho jaaye
merii nazar me.n vo kaafir Khudaa na ho jaaye

tamaam shahar me.n merii vafaa kii Khushbuu hai
puraanaa zaKhm kisii kaa haraa na ho jaaye

na jaane kitane baras baad vo milaa hai mujhe
hai Dar yahii ki vo phir se judaa na ho jaaye

mai.n us se TuuT ke milataa huu.N jab bhii milataa huu.N
ye meraa milanaa kahii.n haadasaa na ho jaaye

[sarfraz_qamar]

Re: sarfraz chouhdary,s most wanted

kuchh duur hamaare saath chalo ham dil kii kahaanii kah de.nge
samajhe na jise tum aa.Nkho.n se vo baat zubaanii kah de.nge

jo pyaar kare.nge jaane.nge har baat hamaarii maane.nge
jo Khud na jale ho.n ulfat me.n vo aag ko paanii kah de.nge

jab pyaas javaa.N ho jaayegii ehasaas kii manzil paayegii
Khaamosh rahe.nge aur tumhe.n ham apanii kahaanii kah de.nge

is dil me.n zaraa tum baiTho to kuchh haal hamaaraa puuchho to
ham saadaa dil hai.n 'Ashk' magar har baat puraanii kah de.nge

[sarfraz_qamar]

Re: sarfraz chouhdary,s most wanted

jab bhii do aa.Nsuu nikal kar rah gaye
dard ke unavaa.N badal kar rah gaye


kitanii fariyaade.n labo.n par ruk ga_ii.n
kitane ashk aaho.n me.n Dhal kar rah gaye


ruKh badal jaataa merii taqadiir kaa
aap hii tevar badal kar rah gaye


khul ke rone kii tamannaa thii hame.n
ek do aa.Nsuu nikal kar rah gaye


zindagii bhar saath denaa thaa jinhe.n
do qadam ham_raah chal kar rah gaye


tere andaaz-e-tabassum kaa fusuu.N
haadise pahaluu badal kar rah gaye

[sarfraz_qamar]

Re: sarfraz chouhdary,s most wanted

ashko.n se sharar Tapak rahe hai.n
ye shole kahaa.N bha.Dak rahe hai.n


hai kis kii ye rah_guzar ki zarre
taaro.n se sivaa chamak rahe hai.n


murjhaane lagii firaaq kii raat
yaado.n ke diye sisak rahe hai.n]


nazaro.n ne to kho diye nazaare
dil hai.n ki abhii dha.Dak rahe hai.n


yuu.N baiThe hai.n ham fiir jaise
sayyaad kii raah tak rahe hai.n

[sarfraz_qamar]

Re: sarfraz chouhdary,s most wanted

ye aarazuu hii rahii ko_ii aarazuu karate
Khud apanii aag me.n jalate jigar lahuu karate


tere jamaal kaa paratau nigaah me.n hotaa
kabhii sabaa se kabhii gul se guftaguu karate


tere Khayaal me.n gum hoke ek Gazal kahate
aur us Gazal ko na rusvaa-e-kuu-ba-kuu karate


ham ahal-e-dil ko bahut thaa ye nashshaa-e-Gam bhii
usii sharaab se raushan subuu-subuu karate

[sarfraz_qamar]

Re: sarfraz chouhdary,s most wanted

dil ko jab dil se raah hotii hai
aah hotii hai vaah hotii hai

ik nazar dil kii simt dekh to lo
kaise duniyaa tabaah hotii hai

husn-e-jaanaa.N kii manzilo.n ko na puuchh
har nafas ek raah hotii hai

kyaa Khabar thii ki ishq ke haatho.n
aisii haalat tabaah hotii hai

saa.Ns letaa huu.N dam ulajhataa hai
baat karataa huu.N aah hotii hai

jo ulaT detii hai safo.n ke safe.n
ik shikastaa-sii aah hotii hai

[sarfraz_qamar]

Re: sarfraz chouhdary,s most wanted

lagataa nahii.n hai jii meraa uja.De dayaar me.n
kis kii banii hai aalam-e-naa_paayedaar me.n

kah do in hasarato.n se kahii.n aur jaa base.n
itanii jagah kahaa.N hai dil-e-daaG_daar me.n

umr-e-daraaz maa.Ng kar laaye the chaar din
do aarazuu me.n kaT gaye do intazaar me.n

kitanaa hai bad_nasiib 'Zafar' dafn ke liye
do gaz zamiin bhii na milii kuu-e-yaar me.n

[sarfraz_qamar]

Re: sarfraz chouhdary,s most wanted

lab pe aatii hai duaa banake tamannaa merii
zindagii shammaa kii surat ho Khudaayaa merii
duur duniyaa kaa mere dam se a.Ndheraa ho jaaye
har jagah mere chamakane se ujaalaa ho jaaye
ho mere dam se yuu.N hii mere vatan kii ziinat
jis tarah phuul se hotii hai chaman kii ziinat
zindagii ho merii paravaane kii surat yaa rab
ilm kii shammaa se ho mujh ko muhabbat yaa rab
ho meraa kaam Gariibo.n kii himaayat karanaa
dard_mando.n se za_iifo.n se muhabbat karanaa
mere allaah buraa_ii se bachaanaa mujh ko
nek jo raah ho us raah pe chalaanaa mujh ko

[sarfraz_qamar]

Re: sarfraz chouhdary,s most wanted

us ne jab tyorii badal kar baat kii
miT ga_ii duniyaa merii jazbaat kii


tum ne shiishe pe jhuk kar baat kii
vo uThii kaalii ghaTaa barasaat kii

dil kii dha.Dakan ba.Dh rahii hai har nafas
tez hai raftaar paiGaamaat kii

tum mere duniyaa merii uqbaa merii
ab kamii mujh ko bhalaa kis baat kii


ro diye ham dekh kar suu-e-falak
us ne ha.Ns kar jab kisii se baat kii

[sarfraz_qamar]

Re: sarfraz chouhdary,s most wanted

tumhaarii anjuman se uTh ke diivaane kahaa.N jaate
jo vaabastaa hue tum se vo afasaane kahaa.N jaate

nikal kar dair-o-kaabaa se agar milataa na maiKhaanaa
to Thukaraaye hue insaa.N Khudaa jaane kahaa.N jaate

tumhaarii beruKhii ne laaj rakh lii baadaaKhaane kii
tum aa.Nkho.n se pilaa dete to paimaane kahaa.N jaate

chalo achchhaa huaa kaam aa ga_ii diivaanagii apanii
vagarnaa ham zamaane bhar ko samajhaane kahaa.N jaate

'Qateel' apanaa muqaddar Gam se begaanaa agar hotaa
phir to apane-paraaye ham se pahachaane kahaa.N jaate

[sarfraz_qamar]

Re: sarfraz chouhdary,s most wanted

tumhaarii mast nazar agar idhar nahii.n hotii
nashe me.n chuur fizaa is qadar nahii.n hotii

tumhii.n ko dekhane kii dil me.n aarazue.n hai.n
tumhaare aage hii aur uu.Nchii nazar nahii.n hotii

Khafaa na honaa agar ba.D ke thaam luu.N daaman
ye dil_fareb Khataa jaan kar nahii.n hotii

tumhaare aane talak ham ko hosh rahataa hai
phir us ke baad hame.n kuchh Khabar nahii.n hotii

[sarfraz_qamar]

Re: sarfraz chouhdary,s most wanted

zikr us pariivash kaa aur phiir bayaa.N apanaa
ban gayaa raqiib aaKhiir thaa jo raaz_daa.N apanaa


mai vo kyo.N bahut piite bazm-e-Gair me.n yaarab
aaj hii huaa manzuur un ko imtihaa.N apanaa

manzar ik bulandii par aur ham banaa sakate
arsh se idhar hotaa kaash ke makaa.N apanaa ]

de vo jis qadar zillat ham ha.Nsii me.n Tale.nge
baare aashnaa nikalaa un kaa paasabaa.N apanaa

dard-e-dil likhuu.N kab tak jaa_uu.N un ko dikhalaa duu.N
u.Ngaliyaa.N figaar apanii Khaamaa_Khuu.N_chakaa.N apanaa

[sarfraz_qamar]

Re: sarfraz chouhdary,s most wanted

lab-e Khaamosh se afshaa hogaa
raaz har ra.ng me.n rusvaa hogaa

dil ke saharaa me.n chalii sard havaa
abr gul_zaar pe barasaa hogaa

tum nahii.n the to sar-e-baam-e-Khayaal
yaad kaa ko_ii sitaaraa hogaa

kis tavaqqo pe kisii ko dekhe.n
ko_ii tum se bhii hasii.n kyaa hogaa

ziinat-e-halqaa-e-aaGosh bano
duur baiThoge to charchaa hogaa

zulmat-e-shab me.n bhii sharmaate ho
dard chamakegaa to phir kyaa hogaa

jis bhii fanakaar kaa shaahakaar ho tum
us ne sadiyo.n tumhe.n sochaa hogaa

kis qadar karb se chaTakii hai kalii
shaaKh se gul ko_ii TuuTaa hogaa

umr bhar roye faqat is dhun me.n
raat bhiigii to ujaalaa hogaa

saarii duniyaa hame.n pehachaanatii hai
ko_ii ham-saa bhii na tanhaa hogaa

[sarfraz_qamar]

Re: sarfraz chouhdary,s most wanted

us bevafaa kaa shahar hai aur ham hai.n dosto
ashk-e-ravaa.N kii nahar hai aur ham hai.n dosto


shaam-e-aalam Dhalii to chalii dard kii havaa
raato.n kaa pichhalaa pahar hai aur ham hai.n dosto


aa.Nkho.n me.n u.D rahii hai luTii mahafilo.n kii dhuul
ibrat baar-e-dahar hai aur ham hai.n dosto


ye ajanabii sii manzile.n aur raftagaa.N kii yaad
tanhaa_iyo.n kaa zahar hai aur ham hai.n dosto

[sarfraz_qamar]

Re: sarfraz chouhdary,s most wanted

baraay-e-naam sahii ko_ii mehar_baan to hai
hamaare sar pe bhii hone ko aasamaan to hai

terii faraaKh_dilii ko duaaye.n detaa huu.N
mere labo.n pe tere lams kaa nishaan to hai


ye aur baat ki vo ab yahaa.N nahii.n rahataa
magar ye us kaa basaayaa huaa makaan to hai

alaavaa is ke na kuchh aur pardaa rakh mujh se
fasiil-e-jism mere tere darmiyaan to hai

bichha.D ke zindaa nahii.n rah sake.nge ham dono.n
mujhe ye vaham to hai un ko ye gumaan to hai

saro.n pe saayaa_fiGan abr-e-aarazuu na sahii
hamaare paas saraabo.n kaa saayabaan to hai

gul-e-muraad nahii.n sang-haaye-tifl sahii
Gariib-e-shahar kaa aaKhir kisii ko dhyaan to hai