sarfraz chouhdary,s most wanted

[sarfraz_qamar]

Re: sarfraz chouhdary,s most wanted




garmaao Gulaamo.n kaa lahuu soz-e-yaqii.n se
kunjishk-e-phiromaayaa ko shaahii.n se la.Daa do


sultaanii-e-jamahuur kaa aataa hai zamaanaa
jo naqsh-e-kuhan tum ko nazar aaye miTaa do


jis khet se dahaqaa.N ko mayassar nahii.n rozii
us Khet ke har Khoshaa-e-gundam ko jalaa do


kyo.n Khaaliq-o-maKhaluuq me.n haayal rahe.n parde
piiraan-e-kaliisaa ko kaliisaa se haTaa do

[sarfraz_qamar]

Re: sarfraz chouhdary,s most wanted

mujh se pahalii sii mohabbat merii mahabuub na maa.Ng

mai.n ne samajhaa thaa ki tuu hai to daraKhshaa.N hai hayaat
teraa Gam hai to Gam-e-dahar kaa jhaga.Daa kyaa hai
terii suurat se hai aalam me.n bahaaro.n ko sabaat
terii aa.Nkho.n ke sivaa duniyaa me.n rakkhaa kyaa hai (*)
tuu jo mil jaaye to taqadiir niguu.N ho jaaye
yuu.N na thaa mai.n ne faqat chaahaa thaa yuu.N ho jaaye
aur bhii dukh hai.n zamaane me.n mohabbat ke sivaa
raahate.n aur bhii hai.n vasl kii raahat ke sivaa

mujh se pahalii sii mohabbat merii mahabuub na maa.Ng

anaginat sadiyo.n ke taariik bahimaanaa talism
resham-o-atalas-o-kam_Khvaab me.n bunavaaye huye
jaa-ba-jaa bikate huye kuuchaa-o-baazaar me.n jism
Khaak me.n litha.De huye Khuun me.n nahalaaye huye
jism nikale huye amaraaz ke tannuuro.n se
piip bahatii hu_ii galate huye naasuuro.n se
lauT jaatii hai udhar ko bhii nazar kyaa kiije
ab bhii dil_kash hai teraa husn maGar kyaa kiije
aur bhii dukh hai.n zamaane me.n mohabbat ke sivaa
raahate.n aur bhii hai.n vasl kii raahat ke sivaa

[sarfraz_qamar]

Re: sarfraz chouhdary,s most wanted

chalo baa.NT lete hai.n apanii sazaaye.n
naa tum yaad aao naa ham yaad aaye.n

sabhii ne lagaayaa hai chehare pe cheharaa
kise yaad rakhe.n kise bhuul jaaye.n

unhe.n kyaa Khabar ho aanevaalaa naa aayaa
barasatii rahii.n raat bhar ye ghaTaaye.n

[sarfraz_qamar]

Re: sarfraz chouhdary,s most wanted

bahaar aa_ii to jaise ek baar
lauT aaye hai.n phir adam se
vo Khvaab saare, shabaab saare
jo tere ho.nTho.n pe mar miTe the
jo miT ke har baar phir jiiye the
nikhar gaye hai.n gulaab saare
jo terii yaado.n se mushk_buu hai.n
jo tere ushshaaq kaa lahuu hai.n

ubal pa.De hai.n azaab saare
malaal-e-ahavaal-e-dostaa.N bhii
Khumaar-e-aaGosh-e-mahavashaa.N bhii
Gubaar-e-Khaatir ke baab saare
tere hamaare
savaal saare, javaab saare
bahaar aa_ii to khul gaye hai.n
naye sire se hisaab saare

[sarfraz_qamar]

Re: sarfraz chouhdary,s most wanted

laa_ii hayaat aaye qazaa le chalii chale
apanii Khushii na aaye na apanii Khushii chale ]


behatar to hai yahii ki na duniyaa se dil lage
par kyaa kare.n jo kaam na be-dillagii chale


kam ho.nge is bisaat pe ham jaise bad_qimaar
jo chaal ham chale so nihaayat burii chale ]


ho umr-e-Khizr bhii to kahe.nge ba_vaqt-e-marg
ham kyaa rahe yahaa.N abhii aaye abhii chale

[sarfraz_qamar]

Re: sarfraz chouhdary,s most wanted

kal chaudhavii.n kii raat thii shab bhar rahaa charchaa teraa
kuchh ne kahaa ye chaa.Nd hai kuchh ne kahaa cheharaa teraa

ham bhii vahii.n maujuud the ham se bhii sab puuchhaa kiye
ham ha.Ns diye ham chup rahe manzuur thaa pardaa teraa

is shahar me.n kis se mile.n ham se to chhuuTii mahafile.n
har shaKhs teraa naam le har shaKhs diivaanaa teraa

kuuche ko tere chho.D kar jogii hii ban jaaye.n magar
jangal tere parbat tere bastii terii saharaa teraa

ham aur rasm-e-bandagii aashuftagii uftaadagii
ehasaan hai kyaa kyaa teraa ai husn-e-beparvaa teraa

do ashk jaane kis liye palko.n pe aa kar Tik gaye
altaaf kii baarish terii ikraam kaa dariyaa teraa

ai bedaareG-o-be_amaa.N ham ne kabhii kii hai fuGaa.N
ham ko terii vahashat sahii ham ko sahii saudaa teraa

[sarfraz_qamar]

Re: sarfraz chouhdary,s most wanted

kheto.n kaa haraapan mai.n kahaa.N dekh rahaa huu.N
mai.n rel ke injan kaa dhuaa.N dekh rahaa huu.N


fursat hai kahaa.N aap ke baaGaat me.n Tahaluu.N
mai.n apane uja.Dane kaa samaa.N dekh rahaa huu.N


Khanjar jo gavaahii hai mere qatl kii us par
apanii hii u.Ngaliyo.n ke nishaa.N dekh rahaa huu.N

sab aap kii aa.Nkho.n se jahaa.N dekh rahe hai.n
mai.n aap kii aa.Nkho.n me.n jahaa.N dekh rahaa huu.N


vo soch me.n Duube hai.n nishaanaa ho kahaa.N par
mai.n TuuTe huye tiir-kamaa.N dekh rahaa huu.N


maaluum hai taqariir likhaa laaye hai.n kis se
mai.n un kaa zaraa tarz-e-bayaa.N dekh rahaa huu.N

[sarfraz_qamar]

Re: sarfraz chouhdary,s most wanted

dhuup ke saath gayaa saath nibhaane vaalaa
ab kahaa.N aayegaa vo lauT ke aane vaalaa


ret par chho.D gayaa naqsh hazaaro.n apane
kisii paagal kii tarah naqsh miTaane vaalaa


Khushk shaaKhe.n kabhii aise to nahii.n chiiKhatii hai.n
kaun aayaa hai parindo.n ko Daraane vaalaa


aariz-e-shaam kii surKhii ne kiyaa faash use
pardaa-e-abr me.n thaa aag lagaane vaalaa


safar-e-shab kaa taqaazaa hai tere saath rahuu.N
dasht pur_haul hai tuufaan hai aane vaalaa]


mujh ko dar_pardaa sunaataa rahaa qissaa apanaa
agale vaqto.n kii hikaayaat sunaane vaalaa

[sarfraz_qamar]

Re: sarfraz chouhdary,s most wanted

aaj ashko.n kaa taar TuuT gayaa
rishtaa-e-intazaar TuuT gayaa


yuu.N vo Thukaraa ke chal diye goyaa
ik khilaunaa thaa pyaar TuuT gayaa


roye rah-rah kar hich_kiyaa.N lekar
saaz-e-Gam baar baar TuuT gayaa


aap kii beruKhii kaa shikavaa kyaa
dil thaa naapaa_idaar TuuT gayaa

dekh lii dil ne.n besabaatii-e-gul
phir tilism-e-bahaar TuuT gayaa

[sarfraz_qamar]

Re: sarfraz chouhdary,s most wanted

is shahar-e-Kharaabii me.n Gam-e-ishq ke maare
zindaa hai.n yahii baat ba.Dii baat hai pyaare


ye ha.Nsataa huaa chaa.Nd ye pur_nuur sitaare
taabindaa-o-paa_indaa hai.n zarro.n ke sahaare

hasarat hai ko_ii Gunchaa hame.n pyaar se dekhe
aramaa.N hai ko_ii phuul hame.n dil se pukaare


har subah merii subah pe rotii rahii shabanam
har raat merii raat pe ha.Nsate rahe taare


kuchh aur bhii hai.n kaam hame.n ai Gam-e-jaanaa.N
kab tak ko_ii ulajhii hu_ii zulfo.n ko sa.Nvaare

[sarfraz_qamar]

Re: sarfraz chouhdary,s most wanted

tumhe.n hai shauq agar bijaliyaa.N giraane kaa
hamaaraa kaam bhii hai aashiyaa.N banaane kaa

bhalaa vo kaise samandar ke paar utaregaa
nafas nafas jinhe.n Khadshaa hai Duub jaane kaa

sunaa hai aap hai.n maahir havaa chalaane me.n
magar hame.n bhii hunar hai diye jalaane kaa

[sarfraz_qamar]

Re: sarfraz chouhdary,s most wanted

jab kabhii bolanaa vaqt par bolanaa
muddato.n bolanaa muKhtasar bolanaa

Daal degaa halaaqat me.n ik din tujhe
ai parinde teraa shaaKh par bolanaa

pahale kuchh duur tak saath chal ke parakh
phir mujhe ham_safar ham_safar bolanaa

umr bhar ko mujhe besadaa kar gayaa
teraa ik baar muu.Nh pher kar bolanaa

merii Khaanaabadoshii se puuchhe ko_ii
kitanaa mushkil hai raste ko ghar bolanaa

kyuu.N hai Khaamosh sone kii chi.Diyaa bataa
lag ga_ii tujh ko kis kii nazar bolanaa

[sarfraz_qamar]

Re: sarfraz chouhdary,s most wanted

kaise maanuu.N ki zamaane kii Khabar rakhatii hai
gardish-e-vaqt to sirf apanii Khabar rakhatii hai

merii pairo.n kii thakan tum ruuTh na jaanaa mujh ko
ek tuu hii to meraa raaz-e-safar rakhatii hai

dostii terii daraKhto.n me.n havaaye.n bhii nahii.n
dushmanii apane daraKhto.n me.n samar rakhatii hai

[sarfraz_qamar]

Re: sarfraz chouhdary,s most wanted

phuul Khushbuu jhiil mausam dhuup titalii aur havaa
sab ke cheharo.n par udaasii tere jaane ke baad

kam nahii.n ho.ngii dasht-e-tanhaa_ii kii raunaqe.n
ek diivaanaa ha.Nsage ek diivaane ke baad

labo.n par jaan rakh dii hai use Khabar kar do
mariiz us kaa abhii hai use Khabar kar do

salaaKhe.n chuum rahe hai.n jo qaid_Khaane kii
sazaa us kii vahii hai use Khabar kar do

[sarfraz_qamar]

Re: sarfraz chouhdary,s most wanted

sun lii jo Khudaa ne vo duaa tum to nahii.n ho
daravaaze pe dastak kii saaa tum to nahii.n ho

simaTii hu_ii sharmaa_ii hu_ii raat kii raanii
so_ii hu_ii kaliyo.n kii hayaa tum to nahii.n ho

mahasuus kiyaa tum ko to giilii hu_ii palke.n
bhiige huye mausam kii adaa tum to nahii.n ho

in ajanabii raaho.n me.n nahii.n ko_ii bhii meraa
kis ne mujhe yuu.N apanaa kahaa tum to nahii.n ho