sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ab mere diid kii duniyaa bhii tamaashaa_ii hai
tuu ne kyaa mujhako muhabbat me.n banaa rakhaa hai**


har ma.nzil-e-hayaat se gum kar gayaa mujhe
mu.D mu.D ke raah me.n vo teraa dekhanaa mujhe

[hayaat = life]

kaif-e-Khudii ne mauj ko kashtii banaa diyaa
hosh-e-Khudaa hai ab na Gam-e-naaKhudaa mujhe

[kaif = happiness; Khudii = self; naaKhudaa = boatsman]

saaqii bane huye hai.n vo "Sagar" shab-e-visaal
is vaqt ko_ii merii qasam dekhataa mujhe

[sarfraz_qamar]

Re: sarfraz chouhdary,s most wanted

yuu.N na rah rah kar hame.n tarasaa_iiye
aa_iiye, aa jaa_iye, aa jaa_iye

phir vahii daanistaa Thokar khaa_iye
phir merii aagosh me.n gir jaa_iye

[daanistaa = deliberate; aagosh = embrace]

merii duniyaa mu.ntazir hai aap kii
apanii duniyaa chho.D kar aa jaa_iye

[mu.ntazir = waiting]

ye havaa "Sagar" ye halki chaa.NDanii
jii me.n aataa hai yahii.n mar jaa_iye

[sarfraz_qamar]

Re: sarfraz chouhdary,s most wanted

tamannaao.n me.n ulajhaayaa gayaa huu.N
khilaune deke bahalaayaa gayaa huu.N

huu.N is kuuche me.n har zarre se aagaah
idhar se muddato.n aayaa gayaa huu.N

[aagaah = known/acquainted with]

dil-e-muztar se puuchh ai raunaq-e-bazm
mai.n Khud aayaa nahii.n laayaa gayaa huu.N

[dil-e-muztar = impatient heart]

saveraa hai bahut ai shor-e-mahashar
abhii bekaar uThavaayaa gayaa huu.N

[mahashar = Day of Judgement]

lahd me.n kyuu.N na jaauu.N muu.Nh chhupaaye
bharii mahafil se uThavaayaa gayaa huu.N

[lahd = grave]

kujaa mai.n aur kujaa ai "Shad" duniyaa
kahaa.N se kis jagah laayaa gayaa huu.N

[sarfraz_qamar]

Re: sarfraz chouhdary,s most wanted

i.nkaar me.n iqaraar kii baat aa hii ga_ii hai
baato.n me.n Gam-e-yaar kii baat aa hii ga_ii hai

aayaa hai kabhii zikr agar daar-o-rasan kaa
gesuu-va-qad-e-yaar kii baat aa hii ga_ii hai

[daar-o-rasan = scaffolding and a hangman's noose]
[gesuu-va-qad-e-yaar = the height and hair of one's beloved]

jab surKhi-e-gulashan kaa kabhii zikr huaa hai
tere lab-o-ruKhsaar kii baat aa hii ga_ii hai

[surKhi-e-gulashan = (red) colour of the garden]
[lab-o-ruKhsaar = lips and cheeks]

Dhuu.NDaa hai agar zaKhm-e-tamannaa ne mudaavaa
ik nargis-e-biimaar kii baat aa hii ga_ii hai

[sarfraz_qamar]

Re: sarfraz chouhdary,s most wanted

aataa hai yaad mujhako guzaraa huaa zamaanaa
vo baaG kii bahaare.n vo sab ka chah-chahaanaa

aazaadiyaa.N kahaa.N vo ab apane gho.Nsale kii
apanii Khushii se aanaa apanii Khushii se jaanaa

lagatii ho choT dil par, aataa hai yaad jis dam
shabanam ke aa.Nsuuo.n par kaliyo.n kaa muskuraanaa

vo pyaarii pyaarii surat, vo kaamiinii sii muurat
aabaad jis ke dam se thaa meraa aashiyaanaa

[sarfraz_qamar]

Re: sarfraz chouhdary,s most wanted

shabanam ke aa.Nsuu phuul par ye to vahii qissaa huaa
aa.Nkhe.n merii bhiigii hu_ii.n cheharaa teraa utaraa huaa

[shabanam = dew; qissaa = incident/happening]

ab in dino.n merii Gazal Khushbuu kii ik tasviir hai
har lafz gu.nche kii tarah khil kar teraa cheharaa huaa

[lafz = word]

ma.ndir gaye masjid gaye piiro.n fakiiro.n se mile
ik us ko paane ke liye kya kyaa kiyaa kyaa kyaa huaa

**Note the clever use of words which makes
this sher applicable to either a search of the
Almighty or a more 'earthly' beloved.**


shaayad ise bhii le gaye achchhe dino.n ke qaafile
is baaG me.n ik phuul thaa terii tarah ha.Nsataa huaa

[qaafilaa = caravan]

anmol motii pyaar ke, duniyaa churaa ke le ga_ii
dil kii havelii kaa ko_ii daravaazaa thaa TuuTaa huaa

[havelii = mansion]

[sarfraz_qamar]

Re: sarfraz chouhdary,s most wanted

yaar ko raGbat-e-aGyaar naa hone paaye
gul-e-tar ko havaz-e-Khaar naa hone paaye

[raGbat = liking/desire; aGyaar = rivals (actually, it is plural for 'Gair')]
[gul-e-tar = dew-drenched (fresh) flower; havaz-e-Khaar = (fall) prey to a thorn]

baaG kii sair ko jaate to ho par yaad rahe
sabzaa begaanaa hai do-chaar naa hone paaye

[baaG = garden; sair = stroll in/visit; sabzaa = flora/greenery; do-chaar honaa = to get close to]

jamaa kar liijiye Gamzo.n ko magar Khuubii-e-bazm
bas vahii.n tak hai ke baazaar naa hone paaye

[Khuubii-e-bazm = beauty of (this) gathering]

aap jaate to hai.n is bazm me.n lekin "shibli"
haal-e-dil dekhiye izhaar naa hone paaye

[sarfraz_qamar]

Re: sarfraz chouhdary,s most wanted

vo savaa yaad aaye bhulaane ke baad
zi.ndagii ba.Dh ga_ii zahar khaane ke baad

[savaa = more; zahar = poison]

dil sulagataa rahaa aashiyaane ke baad
aag Tha.nDii hu_ii ik zamaane ke baad

raushanii ke liye ghar jalaanaa pa.Daa
kaisii zulmat ba.Dhii tere jaane ke baad

[zulmat = darkness]

jab na kuchh ban pa.Daa arz-e-Gam kaa javaab
vo Khafaa ho gaye muskuraane ke baad

[arz-e-Gam = tale of woe; Khafaa = angry]

dushmano.n se pashemaaa.N honaa pa.Daa hai
dosto.n kaa Khuluus aazamaane ke baad

[sarfraz_qamar]

Re: sarfraz chouhdary,s most wanted

kaam aa sakii.n na apanii vafaaye.n to kyaa kare.n
ik bevafaa ko bhuul na jaaye.n to kyaa kare.n

mujhako ye etaraaf duaao.n me.n hai asar
jaaye na arsh par jo duaaye.n to kyaa kare.n

[etaraaf = concurrence/agree; arsh = seventh heaven (closest to God)

ik din kii baat ho to use bhuul jaaye.n ham
naazil ho.n roz dil pe balaaye.n to kyaa kare.n

[naazil = to fall upon; balaaye.n = troubles]

shab bhar to un kii yaad me.n taare ginaa kiye
taare-se din ko bhii nazar aaye.n to kyaa kare.n

[shab bhar = the whole night; taare-se = like stars]

ahad-e-tarab kii yaad me.n royaa kiye bahut
ab muskuraa ke bhuul na jaaye.n to kyaa kare.n

[ahad-e-tarab = promise of good times]

ab jii me.n hai ki un ko bhulaa kar hii dekh le.n
vo baar baar yaad jo aaye.n to kyaa kare.n

tark-e-vafaa bhii jurm-e-muhabbat sahii "Akhtar"
milane lage.n vafaa kii sazaaye.n to kyaa kare.n

[tark-e-vafaa = end of faithfulness (love)]

[sarfraz_qamar]

Re: sarfraz chouhdary,s most wanted

charaaG dil ke jalaao ki iid ka din hai
taraane jhuum ke gaao ki iid kaa din hai

Gamo.n ko dil se bhulaao ki iid kaa din hai
Khushii se bazm sajaao ki iid kaa din hai

huzuur us kii karo ab salaamtii kii duaa
sar-e-namaaz jhukaao ki iid kaa din hai

sabhii muraad ho puuriihar ek savaalii kii
duaa ko haath uThaao ki iid kaa din hai

[sarfraz_qamar]

Re: sarfraz chouhdary,s most wanted

saaqii kii har nigaah pe balakhaa ke pii gayaa
laharo.ns e khelataa huaa laharaa ke pii gayaa

bekaifiyo.n ke kaif se ghabaraa ke pii gayaa
taubaa ko to.D taa.D ke tharraa ke pii gayaa

[bekaifii = unintoxicating (unpleasant); kaif = intoxication]

zaahid ye merii shoKhii-e-ri.ndaanaa dekhanaa
rahamat ko baato.n baato.n me.n bahalaa ke pii gayaa

[zaahid = wise man; shoKhii = mischief/restlessness; ri.ndaanaa = drunk]
[rahamat = benevolence]

ai rahamat-e-tamaam merii har Khataa mua'af
mai.n i.ntahaa-e-shauq se ghabaraa ke pii gayaa

[sarfraz_qamar]

Re: sarfraz chouhdary,s most wanted

ye daur-e-masarrat te tevar tumhaare.n
ubharane se pahale na Duube.n sitaare.n

[masarrat = happiness; tevar = mannerisms]

bha.Nvar se la.Do tu.nd laharo.n se ulajho
kahaa.N tak chaloge kinaare-kinaare

[tu.nd = fast]

ajab chiiz hai ye mohabbat kii baazii
jo haare vo jiite, jo jiite vo haare

siyaah naagine.n banake Dasatii hai.n kiraNno.n
kahaa.N ko_ii ye roz-e-rausahn guzaare

[siyaah = black/dark; roz-e-raushan = bright day]

safiine vahaa.N Duub kar hii rahe hai.n
jahaa.N hausale naaKhudaao.n ne haare

[sarfraz_qamar]

Re: sarfraz chouhdary,s most wanted

haadase kyaa kyaa tumhaarii beruKhii se ho gaye
saarii duniyaa ke liye ham ajanabii se ho gaye

[haadasaa = incident]

gardish-e-dauraa.N, zamaane kii nazar, aa.Nkho.n kii nii.nd
kitane dushman ek rasm-e-dostii se ho gaye

[gardish-e-dauraa.N = passage of time]

kuchh tumhaarii gesuuo.n kii barahamii ne kar diyaa
kuchh a.Ndhere mere ghar me.n raushanii se ho gaye

[gesuu = hair; barahamii = scattering]

yuu.N to ham aagaah the saiyaad kii tadbiir se
ham asiir-e-daam-e-gul apanii Khudii se ho gaye

[aagaah = alert; saiyaad = hunter; tadbiir = plans]
[asiir = prisoner; Khudii = own ego]

har qadam "Sagar" nazar aane lagii hai.n ma.nzile.n
marhale tay merii kuchh aavaaragii se ho gaye

[sarfraz_qamar]

Re: sarfraz chouhdary,s most wanted

vo buto.n ne Daale hai.n vasvase ki dilo.n se Khauf-e-Khudaa gayaa
vo pa.Dii hai.n roz qayaamate.n ki Khayaal-e-roz-e-jazaa gayaa

[vasvase = doubts; Khauf-e-Khudaa = fear of God]
[Khayaal-e-roz-e-jazaa = (any) thought about the day of judgement]

jo nafas thaa Khaar-e-gul banaa jo uThaa to haath qalam huye
vo nishaat-e-aah-sahar ga_ii vo viqaar-e-dast-e-duaa gayaa

[nafas = breath; Khaar = thorn; qalam honaa = chopped off]
[nishaat-e-aah-sahar = pleasure in the morning plea]
[viqaar-e-dast-e-duaa = respect for the hands raised in prayer]

na vo ra.ng fasl-e-bahaar kaa na ravish vo abr-e-bahaar kii
jis adaa se yaar the aashnaa vo mizaaj-e-baad-e-sabaa gayaa

[aashnaa = known; mizaaj = nature/state of being]

abhii baadabaa.N ko tah rakho abhii muzatarib hai ruKh-e-havaa
kisii raaste me.n hai.n mu.ntazir vo sukuu.N jo aake chalaa gayaa

[tah = to keep closed; muzatarib = impatient; mu.ntazir = waiting]

[sarfraz_qamar]

Re: sarfraz chouhdary,s most wanted

apanii zulfo.n ko sitaaro.n ke havaale kar do
shahar-e-gul baadaa gusaaro.n ke havaale kar do

[baadaa-gusaaro.n = drunkards]

talKhii-e-hosh ho yaa mastii-e-idaraak-e-junuu.N
aaj har chiiz bahaaro.n ke havaale kar do

[talKhii-e-hosh = bitterness of reality]
[mastii-e-idaraak-e-junuu.N = intoxication of the madness of the mind]

mujhako yaaro na karo rah-numaao.n ke supurd
mujahko tum rah-guzaaro.n ke havaale kar do

[rah-numaa = guide; supurd = in the care of; rah-guzaar = road/traveller]

jaagane vaalo.n kaa tuufaa.N se kar do rishtaa
sone vaalo.n ko kinaaro.n ke havaale kar do

merii taubaa kaa bajaa hai yahii ejaaz "Adam"
meraa saaGar mere yaaro.n ke havaale kar do

[bajaa = proper; ejaaz = respect; saaGar = wine-cup]