sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ko_ii ye kah de gulashan gulashan
laakh balaaye.n ek nasheman

[balaaye.n = troubles]

phuul khile hai.n gulashan gulashan
lekin apanaa apanaa daaman

aaj na jaane raaz ye kyaa hai
hijr kii raat aur itanii raushan

[hijr = separation]

**A beautiful sher!**


rahamat hogii taalib-e-isiyaa.N
rashq karegii paaki-e-daaman

[rahamat = kindness; isiyaa.N = sin]
[rashq = envy; paaki = purity]

kaa.Nto.n kaa bhii haq hai kuchh aaKhir
kaun chhu.Daaye apanaa daaman

[sarfraz_qamar]

Re: sarfraz chouhdary,s most wanted

tuune ye phuul jo zulfo.n me.n lagaa rakhaa hai
ik diyaa hai jo a.Ndhero.n me.n jalaa rakhaa hai

jiit le jaaye ko_ii mujhako nasiibo.n vaalaa
zi.ndagii ne mujhe daao pe lagaa rakhaa hai

[daao = at stake]

jaane kab aaye ko_ii dil me.n jhaa.Nkane vaalaa
is liye mai.n ne Girebaa.N ko khulaa rakhaa hai

imtehaa.N aur merii zabt kaa tum kyaa loge
mai.n ne dha.Dakan ko bhii siine me.n chhupaa rakhaa hai

[sarfraz_qamar]

Re: sarfraz chouhdary,s most wanted

tum ne ye kyaa sitam kiyaa zabt se kaam le liyaa
tark-e-vafaa ke baad bhii meraa salaam le liyaa

[sitam = torture; zabt = restraint]
[tark-e-vafaa = end of faithfulness/relationship]

ri.ndaa-e-Kharaab-e-naush kii be-adabii to dekhiye
niiyat-e-mayakashii na kii haath me.n jaam le liyaa

[ri.ndaa-e-Kharaab-e-naush = drinker; be-adabii = ill-manners]
[niiyat-e-mayakashii = intention of drinking]

sehan-e-chaman me.n daffaatan aake palaT ga_ii bahaar
ahal-e-junuu.N ne Gaaliban aql se kaam leliyaa

[sehan-e-chaman = garden; daffaatan = suddenly]
[ahal-e-junuu.N = crazy people (lovers); Gaaliban = probably]

naamaa-e-shauq pa.D ke vo kho gaye yak-ba-yak "Shakeel"
muu.Nh se to kuchh na kah sake dil se payaam le liyaa

[sarfraz_qamar]

Re: sarfraz chouhdary,s most wanted

ishq me.n laajavaab hai.n ham log
maahataab aafataab hai.n ham log

[laajavaab = without an equal]
[maahataab = moon; aafataab = sun]

garche ahal-e-sharaab hai.n ham log
ye na samajho Kharaab hai.n ham log

[garche = even though]
[ahal-e-sharaab = residents of wine (drinkers)]

shaam se aa gaye jo piine par
subah tak aafataab hai.n ham log

naaz karatii hai Khaanaa-viiraanii
aise Khaanaa-Kharaab hai.n ham log

[Khaanaa-viiraanii = ruination]
[Khaanaa-Kharaab = wretched]

tuu hamaaraa javaab hai tanahaa
aur teraa javaab hai.n ham log

[sarfraz_qamar]

Re: sarfraz chouhdary,s most wanted

puuraa dukh aur aadhaa chaa.Nd
hijr kii shab aur aisaa chaa.Nd

[hijr = separation; shab = night]

itane ghane baadal ke piichhe
kitanaa tanhaa hogaa chaa.Nd

[tanhaa = lonely]

merii karavaT par jaag uThe
nii.nd kaa kitanaa kachchaa chaa.Nd

seharaa seharaa bhaTak rahaa hai
apane ishq me.n sachchaa chaa.Nd

[seharaa = desert]

raat ke shaayad ek baje hai.n
sotaa hogaa meraa chaa.Nd

[sarfraz_qamar]

Re: sarfraz chouhdary,s most wanted

merii daastaan-e-hasarat vo sunaa sunaa ke roye
mere aazamaane vaale mujhe aazamaa ke roye

[daastaan-e-hasarat = tale of desire]

ko_ii aisaa ahal-e-dil hoke fasaanaa-e-muhabbat
mai.n use sunaa ke rouu.N vo mujhe sunaa ke roye

[ahal-e-dil = resident of the heart; fasaanaa = tale]

merii aarazuu kii duniyaa dil-e-naatavaa.N kii hasarat
jise kho ke shaadamaa.N the use aaj paa ke roye

[naatavaa.N = weak; shaadamaa.N = happy]

[sarfraz_qamar]

Re: sarfraz chouhdary,s most wanted

khulii aa.Nkho.n me.n sapanaa jaagataa hai
vo soyaa hai ke kuchh kuchh jaagataa hai

terii chaahat ke bhiige jangalo.n me.n
meraa tan mor ban ke naachataa hai

mujhe har kaifiyat me.n kyo.n na samajhe
vo mere sab havaale jaanataa hai

kisii ke dhyaan me.n Duubaa huaa dil
bahaane se mujhe bhii Taalataa hai

sa.Dak ko chho.D kar chalanaa pa.Degaa
ke mere ghar kaa kachchaa raastaa hai

[sarfraz_qamar]

Re: sarfraz chouhdary,s most wanted

Khushbuu hai vo to chhuu ke badan ko guzar na jaaye
jab tak mere vajuud ke andar utar na jaaye

[vajuud = existence]

Khud phuul ne bhii ho.nTh kiye apane niim-vaa
chorii tamaam rang kii titalii ke sar na jaaye

[niim-vaa = half open; tamaam = whole/entire]
[titalii = butterfly]

is Khauf se vo saath nibhaane ke haq me.n hai
khokar mujhe ye la.Dakii kahii.n dukh se mar na jaaye

[Khauf = fear]

palko.n ko us kii apane dupaTTe se po.Nch duu.N
kal ke safar me.n aaj kii gard-e-safar na jaaye

[gard = dust]

mai.n kis ke haath bhejuu.N use aaj kii duaa
qaasid havaa sitaaraa ko_ii us ke ghar na jaaye

[sarfraz_qamar]

Re: sarfraz chouhdary,s most wanted

kuchh faisalaa to ho ki kidhar jaanaa chaahiye
paanii ko ab to sar se guzar jaanaa chaahiye

har baar e.Diiyo.n pe giraa hai meraa lahuu
maqtal me.n ab ba-tarz-e-digar jaanaa chaahiye

kyaa chal sakenge jin kaa faqat mas'laa ye hai
jaane se pahale raKht-e-safar jaanaa chaahiye

saaraa jvaar-bhaaTaa mere dil me.n hai magar
ilzaam ye bhii chaa.Nd ke sar jaanaa chaahiye

jab bhii gaye azaab-e-dar-o-baam thaa vahii
aaKhir ko kitanii der se ghar jaanaa chaahiye

tohamat lagaa ke maa.N pe jo dushman se daad le
aise suKhan_farosh ko mar jaanaa chaahiye

[sarfraz_qamar]

Re: sarfraz chouhdary,s most wanted

kuchh to havaa bhii sard thii kuchh thaa teraa Khayaal bhii
dil ko Khushii ke saath saath hotaa rahaa malaal bhii

[sard=cold; malaal=sorrow]

baat vo aadhii raat kii raat vo puure chaa.Nd kii
chaa.Nd bhii ain chet kaa us pe teraa jamaal bhii

[chet=name of a month; jamaal=beauty]

sab se nazar bachaa ke vo mujh ko aise dekhate
ek dafaa to ruk ga_ii gardish-e-maah-o-saal bhii

dil to chamak sakegaa kyaa phir bhii taraash ke dekh lo
shiishaagaraan-e-shahar ke haath kaa ye kamaal bhii

[taraash=chisel/polish (stone); shiishaagar=glazier/one works with glass]

us ko na paa sake the jab dil kaa ajiib haal thaa
ab jo palaT ke dekhiye baat thii kuchh muhaal bhii

[muhaal=difficult/impossible]

merii talab thaa ek shaKhs vo jo nahii.n milaa to phir
haath duaa se yuu.N giraa bhuul gayaa savaal bhii

[talab=quest/want; shaKhs=person]

shaam kii naasamajh havaa puuchh rahii hai ik pataa
mauj-e-havaa-e-kuu-e-yaar kuchh to meraa Khayaal bhii

[naasamajh=naive]

us ke hii baazuuo.n me.n aur us ko hii sochate rahe
jism kii Khvaahisho.n pe the ruuh ke aur jaal bhii

[sarfraz_qamar]

Re: sarfraz chouhdary,s most wanted

kuu-ba-kuu phail ga_ii baat shanaasaa_ii kii
us ne Khushbuu kii tarah merii paziiraa_ii kii

kaise kah duu.N ki mujhe chho.D diyaa hai us ne
baat to sach hai magar baat hai rusvaa_ii kii

vo kahii.n bhii gayaa lauTaa to mere paas aayaa
bas yahii baat hai achchhii mere harajaa_ii kii

teraa pahaluu tere dil kii tarah aabaad rahe
tujh pe guzare na qayaamat shab-e-tanhaa_ii kii

us ne jalatii hu_ii peshaanii pe jo haath rakhaa
ruuh tak aa ga_ii taasiir masiihaa_ii kii

[sarfraz_qamar]

Re: sarfraz chouhdary,s most wanted

manzar hai vahii thathak rahii huu.N
hairat se palak jhapak rahii huu.N

ye tuu hai ke meraa vaham hai
band aa.Nkho.n se tujh ko tak rahii huu.N

jaise ke kabhii na thaa taarruf
yuu.N milate hue jhijhak rahii huu.N

pahachaan mai.n terii roshanii huu.N
aur terii palak palak rahii huu.N

kyaa chain milaa hai sar jo us ke
shaano.n pe rakhe sisak rahii huu.N

ik umr hu_ii hai Khud se la.Date
ander se tamaam thak rahii huu.N

[sarfraz_qamar]

Re: sarfraz chouhdary,s most wanted

mushkil hai ab shahar me.n nikale ko_ii ghar se
dastaar pe baat aa ga_ii hai hotii hu_ii sar se

barasaa bhii to kis dasht ke be-faiz badan par
ik umr mere khet the jis abr ko tarase

is baar jo indhan ke liye kaT ke giraa hai
chi.Diyo.n ko ba.Daa pyaar thaa us buu.Dhe shajar se

mehanat merii aa.Ndhii se to manasuub nahii.n thii
rahanaa thaa ko_ii rabt shajar kaa bhii samar se

Khud apane se milane kaa to yaaraa na thaa mujh me.n
mai.n bhii.D me.n gum ho ga_ii tanhaa_ii ke Dar se

benaam musaafat hii muqaddar hai to kyaa Gam
manzil kaa ta'yyun kabhii hotaa hai safar se

pattharaayaa hai dil yuu.N ki ko_ii ism pa.Dhaa jaaye
ye shahar nikalataa nahii.n jaaduu ke asar se

nikale hai.n to raste me.n kahii.n shaam bhii hogii
suuraj bhii magar aayegaa is raah-guzar se

[sarfraz_qamar]

Re: sarfraz chouhdary,s most wanted

paa-ba-gil sab hai.n rihaa_ii kii kare tadabiir kaun
dast-bastaa shahar me.n khole merii zanjiir kaun

meraa sar haazir hai lekin meraa munsif dekh le
kar rahaa hai mere fard-e-jurm ko tahariir kaun

merii chaadar to chhinii thii shaam kii tanhaa_ii ne
beridaa_ii ko merii phir de gayaa tashahiir kaun

niind jab Khvaabo.n se pyaarii ho to aise ahad me.n
Khvaab dekhe kaun aur Khvaabo.n ko de taabiir kaun

ret abhii pichhale makaano.n kii na vaapas aa_ii thii
phir lab-e-saahil gharaundaa kar gayaa taamir kaun

saare rishte hijrato.n me.n saath dete hai.n to phir
shahar se jaate hue hotaa hai daaman_giir kaun

dushmano.n ke saath mere dost bhii aazaad hai.n
dekhanaa hai khe.nchataa hai mujh pe pahalaa tiir kaun

[sarfraz_qamar]

Re: sarfraz chouhdary,s most wanted

pyaar


abr-e-bahaar ne
phuul kaa cheharaa
apane banafshii haath me.n lekar
aise chuumaa
phuul ke saare dukh
Khushbuu ban kar bah nikale hai.n

[banafshaa=violet flower]