collection of Ghazals (غزل)

[.]

Re: collection of Ghazals (غزل)

Maskan-e-maah o saal chhoR gaya
Dil ko uss ka khayaal chhoR gaya

Taaza dam jism o jaaN thay furqat meiN
Wasl , uss ka nidhaal chhoR gaya

Ahd-e-maazi jo tha ajab pur haal
Aik weeraan haal chhoR gaya

Zaala baari k marhaloN ka safar
Qaaflay, paayemaal chhoR gaya

Dil ko ab yeh bhi yaad ho k na ho
Kaun tha , kia malaal chhoR gaya

MaiN bhi ab khud se huN jawaab talab
Wo mujhey , bay sawaal chhoR gaya

[.]

Re: collection of Ghazals (غزل)

Kab talak shama’ jali, yaad naheeN
Sham-e-gham kaise dhali, yaad naheeN


Is qadar yaad hai apne the sabhi
Kisne kya chaal chali, yaad naheeN


Hum zamane mein kuch aise bhatkay
Ab to unki bhi gali yaad naheen


Abr tha, jaam tha, per aap na thay
Woh ghaRi kaise tali yaad naheeN


Kat gayi umr kisi tarh’ “Qateel”
Woh buri thee k bhali yaad naheeN

(Qateel Shifayi)

[.]

Re: collection of Ghazals (غزل)

Qaryaa-e-jaaN mein koi phool khilaane aaye
Woh mere dil pe nayaa zakhm lagaane aaye

Mere veeraan darichoN mein bhi khushbu jaage
Woh mere ghar ke dar-o-baam sajaane aaye

Uss se ek baar to roothuN main usee ki maanind
Aur meri tarh’ se wo mujhko manaane aaye

Isee kuche mein kayi us ke shanaasa bhi to hain
Woh kisi aur se milne ke bahaane aaye

Ab na puchhungi main khoye hue khaboN ka pata
Woh agar aaye to kuch bhi na bataane aaye

Zabt ki shehar-panaahoN ki mere maalik khair
Gham ka sailaab agar mujhko bahaane aaye.

[.]

Re: collection of Ghazals (غزل)

Zor-e-Bazu Se Muhabbat Nahi Hasil Hoti
Is Zamany Me Amanat Nahi Hasil Hoti

Bat Banti Hai Muqaddar Me Likhi Ho Warna
Rat-Jagon Ko Bhi Ibadat Nahi Hasil Hoti

Nala-e-Gham Ye Jahan Bhar Ko Kiun Sunate Ho
Ghair K Dar Se Hamayat Nahi Hasil Hoti

Lar-Kharaen Na Qadam Ehal-e-Jahan Se Jana
Kab Muhabbat Me Adawat Nahi Hasil Hoti

Dil Ki Awaz Ko Sunte Hain Faqat Dil Wale
Har Kisi Ko Ye Sama'at Nahi Hasil Hoti

Khush Naseebi Ho To Milti Hai Khabar Any Ki
Bad-Naseebi Pe Basharat Nahi Hasil Hoti

Hum Bhi Dikhlaen Ge Unhe Apni Muhabbat Akif
Jane Kiun Aisi Jasarat Nahi Hasil Hoti...

[.]

Re: collection of Ghazals (غزل)

Ye To Socha Bhi Nahi Tha Ke Wo Mar Jaye Ga
Chand Ik Qabar Ke Seene Me Utar Jaye Ga

Ye Jo Ik Khwab Sa Palkon Se Bandha Rakha Hai
Aankh Jhapko Ge To Daman Me Bikhar Jaye Ga

Hijar Ki Raig Rawan Saath Liye Phirti Hai
Is Kharabe Me Bhala Kon Kidar Jaye Ga

Husan Aur Ishq Ke Mabain Thani Hai Ab Ke
Is Laraii Mein Kisi Aik Ka Sar Jaye Ga

Tu Ne Dekha Hai Kuch Is Trha Ke Aey Soorat-E-Mah
Haath Dil Pe Na Rakha To Thehar Jaye Ga

Dekhna Aik Na Aik Din Tere Khushbu Ka Jamal
Dard Ki Trha Rag-E-Jan Mein Utar Jaye Ga

Ye Meri Umer Ka Sehra Mere Wajlon Ka Sarab
Sar Mazjgan Na Rahe Ga To Kidhar Jaye Ga

[.]

Re: collection of Ghazals (غزل)

پرکھنا مت، پرکھنے میں کوئی اپنا نہیں رہتا،
کسی بھی آئینے میں دیر تک چہرہ نہیں رہتا

بڑے لوگوں سے ملنے میں ہمیشہ فاصلہ رکھنا
جہاں دریا سمندر سے ملا ، دریا نہیں رہتا

ہزاروں شعر میرے سو گئے کاغذ کی قبروں میں
عجب ماں ہوں کوئی بچہ میرا زندہ نہیں رہتا

محبت ایک خوشبو ہے ہمیشہ ساتھ چلتی ہے.
کوئی انسان تنہائی میں بھی تنہا نہیں رہتا

کوئی بدل ہرے موسم کا پھر اعلان کرتا ہے
خزاں کے باغ میں جب کوئی پتا نہیں رہتا...

[.]

Re: collection of Ghazals (غزل)

Na Shayr Hun Na Shaoor-e-Ishq Hai Mujhko Faiz
Mein To Likhta Hun Ke Haal-e-Dil Biyaan Kar Sakoon…

Na Ganwao Nawak-e-Neem Kash, Dil-e-Reza Reza Ganwa Diya,
Jo bache hain sang samait lo, tan-e-dagh dagh luta diya..

Mere charahgar ko naveed ho, sifh-e-dushmanan ko khabar karo,
Wo jo qarz rakhte the jaan par, wo hisab aaj chuka diya…

Karo kaj jabeen pe sar kafan, mere qatilon ko guman na ho,
Keh gharor-e-ishq ka bankpan, pas-e-marg hum ne bhula diya..

Udhar ek harf ke kashtani, yahan laakh guzar tha guftani,
Jo kaha to sun kar ura diya, jo likha to parh kar mita diya..

Jor ke to koh-e-giran the hum, jo chaly to jaan se guzar gaye,
Reh-e-yaar hum ne qadam qadam, tujhe yaadgar bana diya…!

[.]

Re: collection of Ghazals (غزل)

Mohabbat Kehti Hai, Chalo ‘Farhat’ Hawa Ke Sath Chalty Hain,
Mein Khamoshi Se Is Ke Sath Chal Deta Hun Bujhne Ko

Wo Mujh Se Poochti Hai, Tum Kahan Ghybe Ho Sadiyon Se
Mein Kehta Hun, Hazaron Waswason Ke Darmiyan Gum Hon

Wo Mujh Se Poochti Hai, Raat Ki Be Chainiyan Kia Hai
Mein Kehta Hun, Wohi Jo Dooriyon Ke Dil Me Hoti Hain

Wo Mujh Se Poochti Hai, Khoof Ka Dorania Kia Hai
Mein Kehta Hun, Jo Dil Aur Gham Ka Hota Hai Museebat Me

Wo Mujh Se Poochti Hai, Baadlon Ki Umer Kitni Hai,
Mein Kehta Hun, Tamazat Ke Mutabiq Paniyon Ke Waqt Jitni Hai

[.]

Re: collection of Ghazals (غزل)

Goya Andaz-E-Taazeem Hai Ameeron Jesa
Mere Andar Ka Hai Insan Faqeeron Jesa

Hum Ne Chehre Pe Saja Rakhi Hai Sheher Ki Ronaq
Dil Ka Aalam Hai K Weeraan Jazeeron Jesa

Us K Ausaf-O-Khasaail Ne Mujhe Jeet Lia
Mere Mureedon Me Tha Shakhs Wo Peeron Jesa

Is Se Pehle Thi Aseeri Bhi Rehaai Jesi
Ab K Azadi Me Hai Haal Aseeron Jesa

"MOHSIN" Us ko Ganwa k Hain Khasary Ab Tak
Wo Jo Ek Shakhs Mere Pas Tha Heeron Jesa...

[.]

Re: collection of Ghazals (غزل)

Ashq Aankhon Me Chupaye Hue Thak Jata Hun
Bojh Pani Ka Uthaye Hue Thak Jata Hun

Paun Rakhte Hain Jo Mujh Par Unhe Ehsas Nahi
Me Nishanaat Mitate Hue Thak Jata Hun

Barf Aisi K Pighalti Nahi Pani Bn Kar
Piyas Aisi K Bujhate Hue Thak Jata Hun

Achi Lagti Nahi Is Darja Shanasaai Bhi
Hath Hathon Se Milate Hue Thak Jata Hun

Gham-Gusari Bhi Ajab Kar Muhabbat Hai K Me
Rone Walon Ko Hansate Hue Thak Jata Hun

Itni Qabrain Na Banao Mere Andar Mohsin
Me Charaghon Ko Jalate Hue Thak Jata Hun...

[.]

Re: collection of Ghazals (غزل)

Ab Koi Chand Mera Hai Na Sitara Mohsin
Ab Kahan Jaun Ga Me Dard Ka Mara Mohsin

Mujh ko Toofan Me Rehne Ki Bohat Adat Si Hai
Mujh Ko Le Jao Na Sahil Pe Khudara Mohsin

Dard Ki Raahon Me Tum Roz Chalo Ge Kab Tak
Ab Bhi Kar Sakte Ho Tum Hum Se Kinara Mohsin

Apno K Dilon Me Aag Lag Jati Hai Jis Se
Karte Ho Kiun Wohi Bat Dobara Mohsin

Rat Andhere Me Mera Ghar Jalaya Kisi Ne
Mujhe Ye Kam Bhi Lagta Hai Tumhara Mohsin...

[.]

Re: collection of Ghazals (غزل)

اے ہم سخن وفا کا تقاضا ہے اب یہی
میں اپنے ہاتھ کاٹ لوں، تو اپنے ہونٹ سی

کن بے دلوں میں فیک دیا حادثات نے
آنکھوں میں جن کی نور نہ باتوں میں تازگی

بول اے مرے دیار کی سوئی ہی زمیں
میں جن کو ڈھونڈتا ہوں کہاں ہیں وہ آدمی

میٹھے تھے جن کے پھل، وہ شجر کٹ کٹا گئے
ٹھنڈی تھی جس کی چھاؤں وہ دیوار کٹ گئی

بازار بند، راستے سنسان، بے چراغ
وہ رات ہے کے گھر سے نکلتا نہیں کوئی

ناصر بوہت سی خواہشیں دل میں ہیں بے قرار
لیکن کہاں سے لاؤں وو بے فکر زندگی

[.]

Re: collection of Ghazals (غزل)

Niyat-e-shauq bhar na jaye kahin,
tu bhi dil se utar na jaye kahin..

aj dekha hai tujhe der k bad,
aj ka din guzar na jaye kahin..

na mila kar udas logon se,
husn tera bikhar na jaye kahin..

arzu hai k tu yahan aye,
aur phir umr bhar na jaye kahin..

ji jalata hun aur ye sochta hun,
rayegan ye hunar na jaye kahin..

ao kuch der ro hi len 'Nasir',
phir ye dariya utar na jaye kahin..!

[.]

Re: collection of Ghazals (غزل)

Tum Ne To Keh Diya Ke Mohabbat Nahi Mili
Mujh Ko To Ye Kehne Ki Bhi Mohlat Nahi Mili

Neendon Ko Dais Jate, Koi Khwab Dekhte
Lekin Diya Jalane Se Fursat Nahi Mili

Tujh Ko To Khair Shehar Ke Logon Ka Khoof Tha
Aur Mujh Ko Apne Ghar Se Ijazat Nahi Mili

Phir Ikhtilaaf-E-Raye Ki Soorat Nikal Pari
Apni Yahan Kisi Se Bhi Aadat Nahi Mili

Be-Raaz Yun Hue Ke Tere Ehad Mein Hamain
Sab Kuch Mila, Sakoon Ki Doolat Nahi Mili

[.]

Re: collection of Ghazals (غزل)

Hai Dua Yaad Magar Harf-e-Dua Yaad Nahi,
Mere Naghmaat Ko Andaaz-e-Nawa Yaad Nahi...

Rahen Ne Jin K Liye Raahon Me Bichaya Tha Lahu,
Hum Se Kehte Hain Wohi Ehd-e-Wafa Yaad Nahi...

Zindagi Jabr-e-Musalsal Ki Tarha Kaati Hai,
Jaany Kis Jurm Ki Pai Hai Saza Yaad Nahi...

Mene Palkon Se Dar-e-Yaar Pe Dastak Di Hai,
Me Wo Saail Hun Jise Koi Sada Yaad Nahi...

Kese Bhar Aain Sar-e-Shaam Kisi Ki Ankhain,
Kese Tharai Chiraghon Ki Ziya Yaad Nahi...

Sirf Dhundhlaaty Sitaray Ki Chamak Dekhi Hai,
Kab Hua Kon Hua Mujhse Juda Yaad Nahi...

Aa Ek Sajda Karen Aalam-e-Madh-Hoshi Me,
Log Kehte Hain Saghar Ko Khuda Yaad Nahi...