collection of Ghazals (غزل)

[.]

Re: collection of Ghazals (غزل)

SailaboN ko shah dene meiN tufaaN ko uksaanay meN
kitnay haathoN ki sazish hai ek diwar giraanay meN



Too ne bahutera samjhaya, moti khaal girah meiN maal
Ae duniya kaise aa jatay, hum tere bahkaanay meN



Fun ko mahkaaye rakhtay haiN zakhmi dil ke taza phool
Tooti takhti kaam aati hai nayya paar lagaanay meN



Titli jaise rang bikhairo ghayaal ho kar kantooN say
MakRi jaise kya uljhe ho Gham ke taanay baanay meN



Bayzari ke haath na marna sau heelay haiN jinay ke
Payaray sar meN wahshat ho to gard bahut wiraanay meN



Bujhtay bujhtay bhi zalim nay apna sar jhuknay na diya
Phool gayi hai saans hawa ki ek chiragh bujhaanay meN



Khoya ji ka chain ‘Muzaffar’ un say tark-E-ta’luq par
Aa pahunchay gardaab ke muNh tak, dariya se katraanay meN

[.]

Re: collection of Ghazals (غزل)

Laayiq E deed woh nazaaraa tha
Laakh naizay thay sar hamaaraa tha




Ek aaNdhi si kyuN badan meN hai
Us nay shayadd hameN pukaaraa tha




Shukriyaa reshmi dilaasay ka
Teer to aap nay bhi maaraa tha




BaadbaaN say ulajh gaya langar
Aur do haath par kinaaraa tha



Sahabo baat dastaras ki thi
Ek jugnoo tha, ek sitaaraa tha




AsmaaN bojh hi kuch aisaa hai
Sar jhukaanaa kisay gawaaraa tha




Ab namak tak nahi hai zakhmoN par
DostoN sai baRa sahaaraa tha

[.]

Re: collection of Ghazals (غزل)

Aaiinaa kyuuN na duuN K tamaashaa kaheN jise
Aisaa kahaaN se laauuN K tujhsaa kaheN jise


Hasrat ne laa rakhaa terii bazm-E-Khayaal meN
Guldastaa-E-nigaah suvedaa kahe.n jise


PhuuNkaa hai kisane gosh E muhabbat meN ai Khudaa
Afasuun-E-intazaar E tamannaa kaheN jise


Sar par hujuum-E-dard-E-Ghariibii se Daliye
Vo ek musht-E-Khaak K seharaa kaheN jise


Hai chashm-E-tar meN hasarat-E-diidaar se nihaaN
Shauq-E-inaaN guseKhtaa dariyaa kaheN jise


Darakaar hai shiguftan-E-gul haaye aish ko
Subh-E-bahaar pa.nbaa-E-miinaa kaheN jise


“Ghalib” buraa na maan jo vaaiz buraa kahe
Aisaa bhii koii hai K sab achchhaa kaheN jise

[.]

Re: collection of Ghazals (غزل)

Ab bhalaa chhoR ke ghar kyaa karte
Shaam ke vaqt safar kyaa karte


Terii masruufiyyateN jaante haiN
Apne aane kii Khabar kyaa karte


Jab sitaare hii nahiiN mil paaye
Le ke ham shams-O-qamar kyaa karte


Vo musaafir hii khulii dhuup kaa thaa
Saaye phailaa ke shajar kyaa karte


Khaak hii avval-O-aaKhir Thahrii
Kar ke zarre ko guhar kyaa karte


Raa’e pahle se banaa lii tuune
Dil meN ab ham tere ghar kyaa karte


Ishq ne saare saliiqe bakhshe
Husn se kasb-E-hunar kyaa karte

[.]

Re: collection of Ghazals (غزل)

Na tera qurb na baadaa hai kya kiya jaaye
phr aaj dukh bhi zyaadaa hai kya kiya jaaye



HamaiN bhi arz-E-tamanna ka Dhub nahi aataa
Mizaaj-E-yaar bhi saadaa hai kya kiya jaaye



Kuch apnay dost bhi tarkash badosh phirtay haiN
Kuch apna dil bhi kushaadaa hai kya kiya jaaye



Voh mehrbaaN hai magar dil ki hirs bhi kum ho
Talb, karam se zyaadaa hai kya kiya jaaye



Na us se trk-E-ta’alluQ ki baat kar paayeN
Na hamdami ka eraadaa hai kya kiya jaaye



Saluk-E-yaar se dil doobney laga hai Faraz
Magar ye mehfi-E-a’adaa hai kya kiya jaaye

[.]

Re: collection of Ghazals (غزل)

Duniya ne hum pe jab koi ilzaam rakh diya
Humne muqabil uske tera naam rakh diya


Eik khaas had pe aa gayi jab teri berukhi
Naam uska humne gardish-E-ayaam rakh diya


Min larkhara raha huN tujhe dekh dekh kar
Tu nay to mere saamne eik jaam rakh diya


Kitna sitam-zareef hai woh saheb-E-jamaal
Usne diya jala ke lab-E-baam rakh diya


Ab jis ke jee meN aaye wohi paye roshni
Hum ne to dil jala ke sar-E-‘aam rakh diya


Kya maslehat-shanaas tha woh admi ‘Qateel’
MajbooriyoN ka jisne ‘wafa’ naam rakh diya

[.]

Re: collection of Ghazals (غزل)

Raat ke Khaab sunaayeN kis ko raat ke Khaab suhaane the
DhuNdhle dhuNdhle chehre the par sab jaane pahchaane the



Ziddii vahshii alhaR chanchal miiThe log rasiile log
HoNT un ke GhazaloN ke misr’e aaNkhoN meN afsaane the



Ye laRkii to in galiyoN meN roz hii ghuumaa kartii thii
Is se un ko milnaa thaa to is ke laakh bahaane the



Ham ko saarii raat jagaayaa jalte bujhte taaroN ne
Ham kyuuN un ke dar pe utre kitne aur Thikaane the



Vahshat kii unvaan hamaarii in meN se jo naar banii
DekheNge to log kaheNge ‘Insha’ ji diiivaane the

[.]

Re: collection of Ghazals (غزل)

Wafa meN ab yeh hunar ikhtiyaar karna hai
Woh sach kahay na kahay aaitebaar karna hai


Yeh tujh ko jaagtay rahnay ka shouq kab say huaa?
Mujhay to khair teraa intezaaar karna hai


Hawa ki zad meN jalanay haiN ansoN kay chiraagh
Kabhi yeh jashan sar E rahguzaar karna hai


Woh muskura kay naye waswasoN meN daal gaya
Khayaal tha K usay sharamsaar karna hai


Misaal E shaakh E barhana khizaN ke rut meN kabhi
Khud apnay jism ko be – barg O baar karna hai


Teray firaaq meN din kiss tarah kattaiN apnay
K shuGhal E shab to sitaray shumaar karna hai


Chalo yeh ashak hi moti samajh kay baich aayaiN
Kissi tarah to hamaiN rozgaar karna hai


Kabhi to dil meN chhupay zakhm bhi numayaaN hoN
Qaba samajh kay badan taar taar karna hai


Khuda khabar yeh koi zid K shouq hai ‘Mohsin’
Khud apni jaan kay dushman say payaar karna hai

[.]

Re: collection of Ghazals (غزل)

Tujhse bichhaR ke ham bhii muqaddar ke ho gaye
Phir jo bhii dar mila hai usii dar ke ho gaye


Phir yuN huaa ke Ghair ko dil se lagaa liyaa
Andar vo nafrateN thiiN ke baahar ke ho gaye


Kyaa log the ke jaan se baRh kar aziiz the
Ab dil se mahv naam bhii aksar ke ho gaye


Ai yaad-e-yaar tujh se kareN kyaa shikaayateN
Ai dard-E-hijr hum bhii to pat_thar ke ho gaye


Samjhaa rahe the mujh ko sabhii nasehaan-E-shahr
Phir raftaa raftaa Khud usii kaafir ke ho gaye


Ab ke na intizaar kareN chaaragar kaa ham
Ab ke gaye to kuu-E-sitamgar ke ho gaye


Rote ho ek jaziira-E-jaaN ko “Faraz” tum
Dekho to kitne shahr samandar ke ho gaye

[.]

Re: collection of Ghazals (غزل)

Aah ko chaahiye ik umr asar hone tak
Kaun jitaa hai teri zulf ke sar hone tak


Daam har mauj meN hai halqaa-E-sad_kaam-E-nahang
DekheN kyaa guzre hai qatare pe guhar hone tak


Aashiqii sabr-talab aur tamannaa betaab
Dil kaa kyaa rang karuuN Khuun-E-jigar hone tak


Ham ne maanaa ke taGhaaful na karoge lekin
Khaak ho jaayeNge ham tum ko Khabar hone tak


Partav-E-Khuur se hai shabanam ko fanaa kii taaliim
MaiN bhii huuN ek inaayat kii nazar hone tak


Yak_nazar besh nahiiN fursat-E-hastii Ghaafil
Garmii-E-bazm hai ik raqs-E-sharar hone tak


Gham-E-hastii kaa ‘Asad’ kis se ho juz marg ilaaj
Shamm’aa har rang meN jaltii hai sehar hone tak

[.]

Re: collection of Ghazals (غزل)

Hoti Hai Tere Nam Se Wahshat Kabhi Kabhi
Barham Hui Hai YuN Bhi Tabi’at Kabhi Kabhi


Ai Dil Kise Nasib Ye Taufiq-E-Iztirab
Milti Hai Zindagi Main Ye Rahat Kabhi Kabhi


Tere Karam Se Ai Alam-E-Husn-E-Afrin
Dil Ban Gaya Hai Dost Ki Khilwat Kabhi Kabhi


Dil Ko Kahan Nasib Ye Taufiq-E-Iztirab
Milti Hai Zindagi Main Ye Rahat Kabhi Kabhi


Josh-E-Junun MeN Dard Ki TuGhyaniyoN K Sath
AshkoN MeN Dhal Gayi Teri Surat Kabhi Kabhi


Tere Qarib Rah K Bhi Dil Mutma’in Na Tha
Guzri Hai Mujh Pe Ye Bhi Qayamat Kabhi Kabhi


Kuch Apna Hosh Tha Na Tumhara Khayal Tha
Yun Bhi Guzar Gayi Shab-E-Furqat Kabhi Kabhi


Ai Dost Ham Ne Tark-E-Muhabbat K Baawajud
Mahsoos Ki Hai Teri Zarurat Kabhi Kabhi

[.]

Re: collection of Ghazals (غزل)

Dubo kar khoon meN lafzoN ko angaaray banaataa hooN
Phir angarooN ko daheka kar ghazal paaray banaataa hooN


ZamiN par hi rafooo ka dher sara kaam baqi hai
KhalaaoN say na kahe dena K saiyaaray banaataa hooN


Mere hathoN ke chhalay phool ban jatay haiN kaghaz par
Meri aankhooN say poocho raat bhar taaray banaataa hooN


Jidhar maati uRaa dooN aftaab E taazaa paidaa ho
Abhi bachchoN main hoon saabun ke ghubbaaray banaataa hooN


Zamaanaa mujh se barham hai mera sar is liyee kham hai
K mandir ke kalas, masjid ke meenaaray banaataa hooN


Mere bachchay khaRe haiN balti le kar qataaroN meN
KuiaiN, taalaab, nahraiN aur fawwaaray banaataa hooN


Muzaffar waaqayi be dast-O-paa hooN maiN to kya Gham hai
Yeh kya kam hai ke mansoobay bahoot saaray banaataa hooN

[.]

Re: collection of Ghazals (غزل)

Shaam-e-firaaq ab na puuchh aayii aur aake tal gayii
Dil thaa K phir bahal gayaa, jaaN thii K phir sambhal gaii


Bazm-E-khayaal meN tere husn kii sham’aa jal gayii
Dard kaa chaaNd bujh gayaa, hijr kii raat dhal gayii



Jab tujhe yaad kar liyaa, subhh mahak mahak uthii
Jab teraa Gham jagaa liyaa, raat machal machal gayii


Dil se to har mu’aamlaa karake chale the saaf ham
Kahane meN unke saamane baat badal badal gayii



Aakhir-E-shab ke hamasafar ‘Faiz’ na jaane kyaa hue
Rah gayii kis jagah sabaa, subha kidhar nikal gayii

[.]

Re: collection of Ghazals (غزل)

Fanaa meN zindagi ka isti’aaraa doob jaaye ga


Yeh wo dul dul hai, jis ne sar ubhaaraa doob jaaye ga


Koi kahta tha do hi din hooyy thay un ki shadi ko


Kisay maloom tha Dul meN shikaaraa doob jaaye ga


Agar masoom ka hur qatra-e khooN ek samundar hai


Tau chuloo bhar lahoo meN shaher saaraa doob jaaye ga


Yeh liptay baadbaan, yeh kashtiyoN ke jhooltay langar


Sabhi aasaar kahte haiN, kinaaraa doob jaaye ga


Suna hai zor ghat jaayee ga darya ka saweray tak


Madad aanay say pahlay ghar hamaaraa doob jaaye ga


MaiN apna she’r kaise nazr kar dooN ahl E daulat ko


Ujaalay meN to yeh roushan sitaaraa doob jaaye ga


‘Muzaffar’ kyuN taRaptay ho kaha tha hum ne pahlay hi


Ke aaNsooN mat piyo, aankhooN mein paaraa doob jaaye ga

[.]

Re: collection of Ghazals (غزل)

Pura dukh aur aadha chaand
Hijr ki shab aur aisa chaand


Din meN wahshat bahal gayi thi
Raat hui aur nikla chaand


Kis maqtal se guzra hoga
Itna sahmaa sahmaa chaand




YaadoN ki aabaad gali meN
Ghoom raha hai tanha chaand




Meri karwat per jaag uthey
NeeNd ka kitna kachcha chaand




Mere muNh ko kis hairat se
Dekh raha hai bhola chaand




Itnay ghanay baadal ke peechhe
Kitna tanha hoga chaand




AaNsu roke noor nahaaye
Dil dariya, tann sehra chaand




Itne roshan chehre per bhi
Suraj ka hai saya chaand




Jab paani meN chehra dekha
Tunay kisko socha chaand?




Bargad ki aik shaakh hata ker
Jaanay kisko jhaaNka chaand




Baadal ke resham jhoolay meN
Bhor samay tak soya chaand




Raat ke shaanoN per sar rakkhe
Dekh raha hai sapna chaand




Sookhay pattoN ke jhurmat per
Shabnam thi ya naNnha chaand




Haath hila ker rukhsat hoga
Uski surat hijr ka chaand




Sehra sehra bhatak raha hai
Apne ishq meN sacha chaand




Raat ke shayed aik bajey haiN
Sotaa hoga mera chaand !!