collection of Ghazals (غزل)

[.]

Re: collection of Ghazals (غزل)

سسکیاں لیتی ہوئی غمگین ہواؤ، چُپ رہو
سو رہے ہیں درد، ان کو مت جگاؤ، چُپ رہو

رات کا پتھر نہ پگھلے گا شعاعوں کے بغیر
صبح ہونے تک نہ بولو ہم نواؤ ، چُپ رہو

بند ہیں سب میکدے، ساقی بنے ہیں محتسب
اے گرجتی گونجتی کالی گھٹاؤ ، چُپ رہو

تم کو ہے معلوم آخر کون سا موسم ہے یہ
فصلِ گل آنے تلک اے خوشنواؤ ، چُپ رہو

سوچ کی دیوار سے لگ کر ہیں غم بیٹھے ہوئے
دل میں بھی نغمہ نہ کوئی گنگناؤ ، چُپ رہو

چھٹ گئے حالات کے بادل تو دیکھا جائے گا
وقت سے پہلے اندھیرے میں نہ جاو ، چُپ رہو

دیکھ لینا، گھر سے نکلے گا نہ ہمسایہ کوئی!
اے مرے یارو، مرے درد آشناؤ ، چُپ رہو

کیوں شریک غم بناتے ہو کسی کو اے قتیلؔ!
اپنی سولی اپنے کاندھے پر اُٹھاؤ ، چُپ رہو

[.]

Re: collection of Ghazals (غزل)

شہر گل کے خس و خاشاک سے خوف آتا ہے
جس کا وارث ہوں اسی خاک سے خوف آتا ہے

شکل بننے نہیں پاتی کہ بگڑ جاتی ہے
نئ مٹی کو چاک سے خوف آتا ہے

وقت نے ایسے گھمائے افق ، آفاق کہ بس
محور گردش سفاک سے خوف آتا ہے

یہی لہجہ تھا کہ معیار سخن ٹھہرا تھا
اب اسی لہجئہ بے باک سے خوف آتا ہے

آگ جب آگ سے ملتی ہے تو لو دیتی ہے
خاک کو خاک کی پوشاک سے خوف آتا ہے

قامتِ جاں کو خوش آیا تھا کبھی خلعتِ عشق
اب اسی جامئہ صد چاک سے خوف آتا ہے

کبھی افلاک سے نالوں کے جواب آتے تھے
ان دنوں عالم افلاک سے خوف آتا ہے

رحمتِ سیدِ لولاک پہ کامل ایمان
امتِ سیدِ لولاک سے خوف آتا ھے

[.]

Re: collection of Ghazals (غزل)

ہم ہیں آوارہ سُو بسُو لوگو
جیسے جنگل میں رنگ و بُو لوگو

ساعتِ چند کے مسافر سے
کوئی دم اور گفتگو لوگو

تھے تمہاری طرح کبھی ہم لوگ
گھر ہمارے بھی تھے کبھو لوگو

ایک منزل سے ہو کے آئے ہیں
ایک منزل ہے رُوبُرو لوگو

وقت ہوتا تو آرزو کرتے
جانے کس شے کی آرزو لوگو

تاب ہوتی تو جتسجُو کرتے
اب تو مایوس جستجُو لوگو

ابنِ انشا

[.]

Re: collection of Ghazals (غزل)

Inkaar meiN iqraar ki baat aa hi gayi hai
BatoN meiN Gham-e-yar ki baat aa hi gayi hai

Aaya hai kabhi zikr agar dar-o-rasan ka
Gesoo-o-qad-e-yar ki baat aa hi gayi hai

Jab surKhi-e-gulshan ka kabhi zikr hua hai
Tere lab-o-ruKhsaar ki baat aa hi gayi hai

DhooNda hai agar zaKhm-e-tamana ne mudaawa
Ek nargis-e-bimaar ki baat aa hi gayi hai

Mil baiThe haiN zandaaN meiN agar sham ko ahbab
Tere dar-o-deewaar ki baat aa hi gayi hai

ChaiRa hai koi talKh fasaana jo kisi ne
Shirini-e-guftaar ki baat aa hi gayi hai

[.]

Re: collection of Ghazals (غزل)

غبارِ طبع میں تھوڑی بہت کمی ہو جائے
تمھارا نام بھی سُن لوں تو روشنی ہو جائے

ذرا خیال کرو، وقت کس قدر کم ہے
میں جو قدم بھی اُٹھا لوں ، وہ آخری ہو جائے

قیامتیں تو ہمیشہ گزرتی رہتی ہیں
عذاب اُس کے لئے جس کو آگہی ہو جائے

گزر رہے ہیں مرے رات دن لڑائی میں
میں سوچتا ہوں کہ مجھ کو شکست ہی ہو جائے

عجیب شخص ہے تبدیل ہی نہیں ہوتا
جو اُس کے ساتھ رہے چند دن وہی ہو جائے

مرا نصیب کنارہ ہو یا سمندر ہو
جو ہو گئی ہے، تو لہروں سے دشمنی ہو جائے

تمام عمر تو دوری میں کٹ گئی میری
نہ جانے کیا ہو؟ اگر اس سے دوستی ہو جائے

بس ایک وقت میں ساری بلائیں ٹوٹ پڑیں
اگر سفر یہ کٹھن ہے تو رات بھی ہو جائے

میں سو نہ جاؤں جو آسانیاں میسر ہوں
میں مر نہ جاؤں اگر ختم تشنگی ہو جائے

نہیں ضرور کہ اونچی ہو آسمانوں سے
یہی بہت ہے زمیں پاؤں پر کھڑی ہو جائے

تمام عمر سمٹ آئے ایک لمحے میں
میں چاہتا ہوں کہ ہونا ہے جو ابھی ہو جائے

وہی ہوں میں وہی امکاں کے کھیل ہیں شہزادؔ
کبھی فرار بھی ممکن نہ ہو، کبھی ہو جائے

شہزادؔ احمد

[.]

Re: collection of Ghazals (غزل)

آگئی یاد شام ڈھلتے ہی
بجھ گیا دل چراغ جلتے ہی

کُھل گئے شہرِ غم کے دروازے
اک ذرا سی ہوا کے چلتے ہی

کون تھا تُو کہ پھر نہ دیکھا تُجھے
مِٹ گیا خواب آنکھ ملتے ہی

خوف آتا ہے اپنے ہی گھر سے
ماہِ شب تاب کے نکلتے ہی

تُو بھی جیسے بدل سا جاتا ہے
عکسِ دیوار کے بدلتے ہی

خون سا لگ گیا ہے ہاتھوں میں
چڑھ گیا زہر گل مسلتے ہی

[.]

Re: collection of Ghazals (غزل)

مجھے کیوں نہ آوے ساقی نظر آفتاب الٹا
کہ پڑا ہے آج خُم میں قدحِ شراب الٹا

عجب الٹے ملک کے ہیں اجی آپ بھی کہ تُم سے
کبھی بات کی جو سیدھی تو ملا جواب الٹا

چلے تھے حرم کو رہ میں، ہوئے اک صنم کے عاشق
نہ ہوا ثواب حاصل، یہ ملا عذاب الٹا

یہ شب – گذشتہ دیکھا کہ وہ کچھ خفا ہیں گویا
کہیں حق کرے کہ ہووے یہ ہمارا خواب الٹا

یہ عجیب ماجرا ہے کہ بروزِ عیدِ قرباں
وہی ذبح بھی کرے ہے، وہی لے ثواب الٹا

کھڑے چُپ ہو دیکھتے کیا، مرے دل اجڑ گئے کو
وہ گنہہ تو کہہ دو جس سے یہ ہوا خراب الٹا

غزل اور قافیوں میں نہ کہے سو کیونکے انشا
کہ ہوا نے خود بخود آ، ورقِ کتاب الٹا

انشا اللہ خان انشا

[.]

Re: collection of Ghazals (غزل)

زخم کا اندِمال ہوتے ہوئے
میں نے دیکھا کمال ہوتے ہوئے

ہجر کی دھوپ کیوں نہیں ڈھلتی
جشنِ شامِ وصال ہوتے ہوئے

دے گئی مستقل خلش دل کو
آرزو پائمال ہوتے ہوئے

لوگ جیتے ہیں جینا چاہتے ہیں
زندگانی وبال ہوتے ہوئے

کس قدر اختلاف کرتا ہے
وہ مرا ہم خیال ہوتے ہوئے

پئے الزام آ رُکیں مجھ پر
ساری آنکھیں سوال ہوتے ہوئے

آج بھی لوگ عشق کرتے ہیں
سامنے کی مثال ہوتے ہوئے

خود سے ہنس کر نہ مل سکے احمدؔ
خوش سخن، خوش خصال ہوتے ہوئے

[.]

Re: collection of Ghazals (غزل)

شہر سنسان ہے کدھر جائیں
خاک ہو کر کہیں بکھر جائیں

رات کتنی گزر گئی لیکن
اتنی ہمت نہیں کہ گھر جائیں

یوں ترے دھیان سے لرزتا ہوں
جیسے پتے ہوا سے ڈر جائیں

اُن اجالوں کی دھن میں*پھرتا ہوں
چھب دکھاتے ہی جو گزر جائیں

رین اندھیری ہے اور کنارہ دور
چاند نکلے تو پار اتر جائیں

[.]

Re: collection of Ghazals (غزل)

میں خرد مند رہوں یا تیرا وحشی ہو جاوں
جو بھی ہونا ہے مجھے عشق میں جلدی ہو جاوں

زندگی چاک کی گردش کے سوا کچھ بھی نہیں
میں اگر کوزہ گری چھوڑ دوں مٹی ہو جاوں

پھر سے لے جائے میری ذات سے تُو عشق ادھار
اور میں پھر سے تیرے حسن پہ باقی ہو جاوں

کوئی دم تُو میرے چہرے پہ خوشی بن کے ابھر
کوئی دم میں تیرے چہرے کی اداسی ہو جاوں

یا تو دریا میں بدل جاوں کہ لہریں اٹھیں
ہا بگولوں کاکہا مان لوں آندھی ہو جاوں

اس کی جانب سے کوئی ہجر مجھے آ کے لگے
اور میں معرکہ ء عشق میں زخمی ہو جاوں

جبر کی طرح کوئی جبر کروں اپنے ساتھ
کیوں نا کچھ دیر کو میں اپنے پہ حاوی ہو جاوں

[.]

Re: collection of Ghazals (غزل)

وہ جو اک شرط تھی وحشت کی اٹھا دی گئی کیا
میری بستی کسی صحرا میں بسا دی گئی کیا

وہی لہجہ ہے مگر یار تیرے لفظوں میں
پہلے اک آگ سی جلتی تھی،بجھا دی گئی کیا

جو بڑھی تھی کہ کہیں مجھ کو بہا کر لے جائے
میں یہیں ہوں تو وہی موج بہا دی گئی کیا

پاوں میں خاک کی زنجیر بھلی لگنے لگی
پھر میری قید کی معیاد بڑھا دی گئی کیا

دیر سے پہنچے ہیں ہم دور سے آئے ہوئے لوگ
شہر خاموش ہے سب خاک اڑا دی گئی کیا

عرفان صدیقی

[.]

Re: collection of Ghazals (غزل)

انہی کو راہِ طلب خار دار دی گئی ہے
وہ جن کو مملکتِ اعتبار دی گئی ہے

ذرا سی دیر تو سو لیں یہ اہلِِ دل کہ انہیں
بہت طویل شبِ انتظار دی گئی ہے

گئے دنوں میں ہمارا تھا قصرِ خوش آثار
اب اپنے نام کی تختی اتار دی گئی ہے

لہو لہان اجالوں کا دن ڈھلا آخر
سیاہ کرب زدہ شب گزار دی گئی ہے

ہمارے پاس تھا کیا خواب وہ تو ٹوٹ گیا
اک اور چیز تھی جان’تجھ پر وار دی گئی ہے

ہماری دشت نوردی کو اک فسانے میں
بشارتِ شجرِ سایہ دار دی گئی ہے

غالب ایاز

[.]

Re: collection of Ghazals (غزل)

Teri soorat jo dilnasheeN ki hai
Aashna shakl har haseeN ki hai

Husn se dil lagaa ke hastii ki
Har ghaRi hum ne aatisheeN ki hai

Subh E gul ho K sham E maikhana
Madh us rooy E naazneeN ki hai

Shekh se be-haraas milte hain
Hum ne touba abhi naheeN ki hai

Zikr e dozakh, byan e hur-o-qasur
Baat goya yahiN kaheeN ki hai

Ashk to kuchh bhi rang la na sake
KhooN se tar aaj aasteeN ki hai

Kaise maneiN heram ke sahl-pasand
Rasm jo aashiqoN ke deeN ki hai

‘Faiz’ auj e khyaal se hum ne
AasmaaN Sindh ki zmeeN ki hai

(Faiz)

[.]

Re: collection of Ghazals (غزل)

Bazaahir log kitne mehrbaaN the !

Magar dukh banTne wale kahaan the

LaboN per muskurahat ki dhanak thi

Lahoo lathre sukhan zer E zubaN the

Jo manzil aashna the wo musafir !!

Pus e khak e ghubaar e karvaaN the

Mai aise shahr ka baasi bana hooN

MakiN patther the, shishe k makaN the

Jala jab aashyaaN to hum ne jana

K tinke bhi hawa ke raazdaaN the

Kisi ne haal tak puchha na ‘Mohsin’

Hum ahl e dil bhi kitne rayegaaN the

By: Mohsin Naqvi

[.]

Re: collection of Ghazals (غزل)

بزرگِ وقت کسی شے کو لازوال بھی کر
تو کیسے شعبدہ گر ہے کوئی کمال بھی کر

درخت ہوں، تو کبھی بیٹھ میرے سائے میں
میں سبزہ ہوں تو کبھی مجھ کو پامال بھی کر

یہ تمکنت کہیں پتھر کہیں بنا نہ دے مجھ کو
تو آدمی ہے،خوشی بھی دکھا ملال بھی کر

میں چاہتا ہوں کہ اب جو بھی جی میں آئے کروں
تجھے بھی میری اجازت ہے جو خیال بھی کر

پگھلا رہی ہیں اس آشوبِ وقت میں صدیاں
وہ کہہ رہا ہے کہ تو فکرِ ماہ سال بھی کر

عرفان صدیقی