collection of Ghazals (غزل)

[.]

Re: collection of Ghazals (غزل)

Lo Apna Jahan A Duniya Walo, Hum Is Duniya Ko Chor Chaly,
Jo Rishtey Natey Jorray They, Wo Rishtey Nate Tor Chaly..

Kuch Sukh Ke Lamhey Dekh Chaly, Kuch Dukh Ke Lamhey Jheil Chaly,
Taqdeer Ki Andhi Gardish Ney, Jo Khel Khilaye Khel Chaly…

Har Cheez Tumhari Lotas Di, Hum Kuch Na Le Kar Sath Chaly,
Phir Dosh Na Dena Aey Logo, Hum Dekh Lo Khali Hath Chaly…

Ye Raah Akeli Kat’ti Hai, Yahan Sath Na Koi Yaar Chaly,
Us Paar Na Janey Kiya Hoga, Is Paar To Sab Kuch Haar Chaly…

[.]

Re: collection of Ghazals (غزل)

Dost Kia Khoob Wafaon Ka Sila Dete Hain
Har Naye Mor Par Aik Zakham Naya Dete Hain

Tum Se To Khair Ghari Bhar Ki Mulaqat Rahi
Log Sadiyon Ki Rafaqat Ko Bhula Dete Hain

Kese Mumkin Hai Ke Dua Bhi Na Ho Aur Dil Bhi Jaly
Chot Parti Hai To Pathar Bhi Sada Dete Hain

Kon Hota Hai Museebat Mein Kisi Ka Aye Dost
Aag Lagti Hai To Patte Bhi Hawa Dete Hain

Jin Pe Hota Hai Bohat Dil Ko Bhroosa ‘Tabish’
Waqt Parne Pe Wohi Loog Dagha Dete Hain

[.]

Re: collection of Ghazals (غزل)

Samandar Me Utarta Hun To Ankhain Bheeg Jati Hain
Teri Ankhon Ko Parhta Hun To Ankhain Bheeg Jati Hain

Tumhara Nam Parhne Ki Ijazat Chin Gai Jab Se
Koi Bhi Lafz Parhta Hun To Ankhain Bheeg Jati Hain

Me Huns Kar Jhail Leta Hun Judai Ki Sabhi Rasmen
Galy Jab Us K Lagta Hun To Ankhain Bheeg Jati Hain

Na-Jany Ho Gaya Hun Is Qadar Hassas Me Kab Se
Kisi Se Bat Karta Hun To Ankhain Bheeg Jati Hain

Wo Sab Guzry Hue Lamhaat Mujh Ko Yad Ate Hain
Tumhare Khat Jo Parhta Hun To Ankhain Bheeg Jati Hain

Me Sara Din Bohat Masroof Rehta Hun Magr Junhi
Qadam Chokhat Pe Rakhta Hun To Ankhain Bheeg Jati Hain

Har Aik Muflis K Mathy Par Alam Ki Dastany Hain
Koi Chehra Bhi Parhta Hun To Ankhain Bheeg Jati Hain

Bary Logon K Oonchy, Bad-Numa Or Sard Mehlon Ko
Gareeb Ankhon Se Takta Hun To Ankhain Bheeg Jati Hain

Tere Koochy Se Ab Mera Ta'aluq Wajabi Sa Hai
Magr Jab Bhi Guzrta Hun To Ankhain Bheeg Jati Hain

Hazar Mosamon Ki Hukmarani Hai Mere Dil Pe WASI
Me Jab Bhi Hansta Hun To Ankhain Bheeg Jati Hain...

[.]

Re: collection of Ghazals (غزل)

Duniya Se Mujhe Pyar Tha Sab Bhool Chuka Hoon
Ek Shakhs Mera Yaar Tha Sab Bhool Chuka Hoon

Bakhshi Hai Mujhe Pyar K Badle Me Judai
Jo Bhi Tera Kirdar Tha Sab Bhool Chuka Hoon

Bas Itna Mujhe Yaad Hai Ek Wasal Ki Shab Thi
Iqrar Tha Inkar Tha Sab Bhool Chuka Hoon

Haan Meri Khata Thi K Tujhe Toot K Chaha
Haan Me Hi Gunehgar Tha Sab Bhool Chuka Hoon

Ek Shakhs Ne Pagal Sa Bana Rakha Tha Wasi
Me Kitna Samajh-dar Tha Sab Bhool Chuka Hoon...

[.]

Re: collection of Ghazals (غزل)

Kisi Ki Aankh Se Sapne Chura Kar Kuch Nahi Milta
Mundairon Se Charaghon Ko Bujha Kar Kuch Nahi Milta

Sakoon Un Ko Nahi Milta Kabhi Pardes Ja Kar Bhi
Jinhe Apne Watan Se Dil Laga Kar Kuch Nahi Milta

Na Jane Kon Se Jazbe Ki Yoon Taskeen Karta Hoon
Bazaahar To Tumhare Khat Jala Kar Kuch Nahi Milta

Usy Main Pyar Karta Hoon To Mujh Ko Chain Aata Hai
Wo Kehta Hai Usy Mujh Ko Sataa Kar Kuch Nahi Milta

Mujhe Aksar Sitaaron Se Yehi Awaaz Aati Hai
Kisi K Hijar Me Neendain Ganwaa Kar Kuch Nahi Milta

Jigar Ho Jaye Ga Chalni Ye Aankhain Khoon Roengi
Wasi Befaiz Logon Se Nibha Kar Kuch Nahi Milta...

[.]

Re: collection of Ghazals (غزل)

Sochta Hoon K Usy Neend Bhi Aati Hogi
Ya Meri Tarha Faqat Ashk Bahati Hogi

Wo Meri Shakal Mera Naam Bhulanay Wali
Apni Tasweer Se Kya Aankh Milati Hogi?

Is Zameen Pe Bhi Hai Selaab Mere Ashkon Se
Mere Matam Ki Sada Arsh Hilaati Hogi

Shaam Hote Hi Wo Chokhat Pe Jala Kar Shamain
Apni Palkon Pe Kayi Khawab Sulati Hogi

Us Ne Silwa Bhi Liye Honge Siyah Rang Libaas
Ab Moharram Ki Tarha Eid Manati Hogi

Hoti Hogi Mere Bosay Ki Talab Main Pagal
Jab Bhi Zulfon Main Koi Phool Sajati Hogi

Mere Tareek Zamanon Se Nikalne Wali
Roshni Tujh Ko Meri Yaad Dilaati Hogi

Dil Ki Masoom Ragain Khud Hi Sulagti Hongi
Joon Hi Tasweer Ka Kona Wo Jalati Hogi

Roop De Kar Mujhe Us Main Kisi Shehzaday Ka
Apne Bachon Ko Kahani Wo Sunati Hogi...

[.]

Re: collection of Ghazals (غزل)

Sochta Hoon K Usy Neend Bhi Aati Hogi
Ya Meri Tarah Faqat Ashk Bahati Hogi

Wo Meri Shakal Mera Naam Bhulanay Wali
Apni Tasweer Se Kia Aankh Milati Hogi ?

Is Zameen Pe Bhi Hai Selaab Mere Ashkon Se
Mere Matam Ki Sada Arsh Hilaati Hogi

Shaam Hote Hi Wo Chokhat Pe Jala Kar Shamain
Apni Palkon Pe Kayi Khawab Sulati Hogi

Us Ne Silwa Bhi Liye Honge Siyah Rang Lebaas
Ab Moharram Ki Tarha Eid Manati Hogi

Hoti Hogi Mere Bosay Ki Talab Main Pagal
Jab Bhi Zulfon Main Koi Phool Sajati Hogi

Mere Tareek Zamanon Se Nikalne Wali
Roshni Tujh Ko Meri Yaad Dilaati Hogi

Dil Ki Masoom Ragain Khud Hi Sulagti Hongi
Joon Hi Tasweer Ka Kona Wo Jalati Hogi

Roop De Kar Mujhe Us Main Kisi Shehzaday Ka
Apne Bachon Ko Kahani Wo Sunati Hogi...

[.]

Re: collection of Ghazals (غزل)

Ek Muhabbat Ka Pas Tha Warna
Mujh Ko Kya Kya Na Ras Tha Warna

Tu To Ranaiyon Me Gum Hi Raha
Me Tere Aas Pas Tha Warna

Tere Kehne Pe Tujh Ko Na Manga
Tu Mri Eltimas Tha Warna

Aaj Bethe Ho Ghair K Pehlu
Tu Mri Pehli Aas Tha Warna

Mujh Ko Bakhshi Nigaah Qudrat Ne
Me To Duniya Shanaas Tha Warna

Aaj Mujh Se Na Wasta Hafiz
Koi Mujh Se Na Khas Tha Warna...

[.]

Re: collection of Ghazals (غزل)

Zor-e-Bazu Se Muhabbat Nahi Hasil Hoti
Is Zamany Me Amanat Nahi Hasil Hoti

Bat Banti Hai Muqaddar Me Likhi Ho Warna
Rat-Jagon Ko Bhi Ibadat Nahi Hasil Hoti

Nala-e-Gham Ye Jahan Bhar Ko Kiun Sunate Ho
Ghair K Dar Se Hamayat Nahi Hasil Hoti

Lar-Kharaen Na Qadam Ehal-e-Jahan Se Jana
Kab Muhabbat Me Adawat Nahi Hasil Hoti

Dil Ki Awaz Ko Sunte Hain Faqat Dil Wale
Har Kisi Ko Ye Sama'at Nahi Hasil Hoti

Khush Naseebi Ho To Milti Hai Khabar Any Ki
Bad-Naseebi Pe Basharat Nahi Hasil Hoti

Hum Bhi Dikhlaen Ge Unhe Apni Muhabbat Akif
Jane Kiun Aisi Jasarat Nahi Hasil Hoti...

[.]

Re: collection of Ghazals (غزل)

garmii-e-hasrat-e-naakaam se jal jaate haiN
ham charaaGoN kii tarah shaam se jal jaate haiN

jab bhii aataa hai meraa naam tere naam ke saath
jaane kyuuN log mere naam se jal jaate haiN

Khud_numaa_ii to nahiiN shevaa-e-arbaab-e-wafaa
jin ko jalanaa ho wo aaraaam se jal jaate haiN

bach nikalate haiN agar aatish-e-sayyaad se ham
sholaa-e-aatish-e-gul_faam se jal jaate haiN

shamaa jis aag meN jalatii hai numaa_ish ke liye
ham usii aag meN gum_naam se jal jaate haiN

[.]

Re: collection of Ghazals (غزل)

aap kii yaad aatii rahii raat bhar
chashm-e-nam muskuraatii rahii raat bhar

raat bhar dard kii shammaa jalatii rahii
Gam kii lau thar_tharaatii rahii raat bhar

baaNsurii kii sureelii suhaanii sadaa
yaad ban ban ke aatii rahii raat bhar

yaad ke chaaNd dil meN utarate rahe
chaaNdanii jagamaatii rahii raat bhar

ko_ii deewaanaa galiyoN meN phirataa rahaa
ko_ii aawaaz aatii rahii raat bhar

[.]

Re: collection of Ghazals (غزل)

wafaa ke bhes meN ko_ii raqeeb-e-shahar bhii hai
hazar! ke shahar ke qaatil tabeeb-e-shahar bhii hai

wahii sipaah-e-sitam Khemaazan hai chaaroN taraf
jo mere baKht meN thaa ab naseeb-e-shahar bhii hai

udhar kee aag idhar bhii pahuNch na jaaye kahiiN
hawaa bhii tez hai jangal qareeb-e-shahar bhii hai

ab us ke hijr meN rote haiN us ke ghaayal bhii
Khabar na thii ke wo zaalim habeeb-e-shahar bhii hai

ye raaz naaraa-e-mansoor hii se ham pe Khulaa
ke choob-e-mimbar-e-masjid saleeb-e-shahar bhii hai

kaRee hai jang ke ab ke muqaabile pe 'Faraz'
ameer-e-shahar bhii hai aur khateeb-e-shahar bhii hai

[.]

Re: collection of Ghazals (غزل)

ﺭﺍﺳﺘﮯ، ﻣﻨﺰﻟﯿﮟ، ﺟﺴﺘﺠﻮ ﺍﻭﺭ ﻣﯿﮟ
ﮨﻢ ﻧﻔﺲ، ﺍﮎ ﺗﺮﯼ ﺁﺭﺯﻭ ﺍﻭﺭ ﻣﯿﮟ !
ﺧﻮﺍﺏ ﮐﯽ ﺗﺘﻠﯿﺎﮞ ﺟﺐ ﺍﮌﯾﮟ ﺁﻧﮑﮫ ﺳﮯ،
ﺭﮦ ﮔﺌﯽ ﺧﻮﺍﮨﺶ _ ﺭﻧﮓ ﻭ ﺑﻮ ﺍﻭﺭ ﻣﯿﮟ !
ﺭﺍﺕ ﺑﮭﺮ ﺟﺎﮔﺘﮯ ﮨﯿﮟ ﺳﺘﺎﺭﻭﮞ ﺗﻠﮯ،
ﺗﯿﺮﺍ ﻟﮩﺠﮧ، ﺗﺮﯼ ﮔﻔﺘﮕﻮ ﺍﻭﺭ ﻣﯿﮟ !
ﺳﻮﭼﺘﯽ ﮨﻮﮞ ﮐﮩﺎﮞ ﺟﺎﺅﮞ، ﮐﺲ ﺳﮯ ﮐﮩﻮﮞ،
ﺷﮩﺮ ﺩﺷﻤﻦ، ﻓﻀﺎ ﺑﮭﯽ ﻋﺪﻭ ﺍﻭﺭ ﻣﯿﮟ !
ﺍﮎ ﻣﺮﮮ ﻋﺸﻖ ﮐﯽ ﺗﺸﻨﮕﯽ ﺍﻭﺭ ﺗﻮ،
ﺍﮎ ﺗﺮﮮ ﮨﺠﺮ ﮐﯽ ﺁﺑﺠﻮ ﺍﻭﺭ ﻣﯿﮟ !
ﻣﯿﺮﮮ ﺳﺎﺣﺮ ﺑﭽﮭﮍﺗﮯ ﺳﻤﮯ ﺭﮦ ﮔﺌﯿﮟ،
ﺗﯿﺮﯼ ﺁﻧﮑﮭﯿﮟ ﻣﺮﮮ ﭼﺎﺭﺳﻮ، ﺍﻭﺭ ﻣﯿﮟ

[.]

Re: collection of Ghazals (غزل)

مانا کہ لطف عشق میں ہے، ہم مگر کہاں
کچھ سوجھتا نہیں کہ پڑی ہے نظر کہاں
واعظ مری شراب کے چسکے ہی اور ہیں
توبہ، مئے طہور میں ایسا اثر کہاں
بھرتا ہزار غنچہء پیکاں کو چھوڑ کر
اتنا مگر یہ دامنِ زخمِ جگر کہاں
اے آہ دل میں رہ کہ پردہ رہے ترا
جاتی ہے دوڑ دوڑ کے تُو بے اثر کہاں
الفت جتائیے تو غلط، جھوٹ، نادرست
دل مانگیے تو کہتے ہیں، کیسا، کدھر، کہاں
تھم تھم کے وار کر کہ مرا درد مٹ نہ جائے
جب میں نہیں تو لذتِ زخمِ جگر کہاں
بھُولا ہوں راہ، فرطِ محبت میں دیکھیے
ہوتی ہے آج شامِ غریبی، سحر کہاں
اس زلف میں بھی اے دلِ مضطر نہ رہ سکا
خانہ خراب تیرے ٹھکانے کو گھر کہاں
آغازِ شوق میں نہیں انجام کی خبر
اس مبتدا کی دیکھیے نکلی خبر کہاں
مے خانے کے قریب تھی مسجد بھلے کو داغ
ہر ایک پوچھتا ہے کہ حضرت اِدھر کہاں

[.]

Re: collection of Ghazals (غزل)

Sochoon Tu Wo Sath Chal Raha Hai
Dekhoon Tu Nazer Badal Raha Hai
Kyun Baat Zabaan Say Kah Kay Koee
Dil Aaj Bhi Hath Mal Raha Hai
Ratoon Kay Safer Main Waham Sa Hai
Yah Main Hoon Kah Chaand Chal Raha Hai
Ham Bhi Teray Badd Jee Rahain Hain
Or Tu Bhi Kahi Behal Raha Hai
Phele Se Wo Roshni Nahi Ab
Kia Dard Ka Chaand Dhal Raha Hai