collection of Ghazals (غزل)

[.]

Re: collection of Ghazals (غزل)

اک تعلق مجھے نبھانا تھا
وہ حقیقت تھی، میں فسانہ تھا
دو کنارے تھے زندگی اور موت
بیچ دریا سا اک زمانہ تھا
ہجر و فرقت مرا مقدر تھا
وصل اس کا تو اک بہانہ تھا
وہ جو آیا تھا آندھیاں لے کر
اُس نے ہر دیپ کو بجھانا تھا
کچھ پرندے تھے خالی شاخوں پر
میری آنکھوں میں آشیانہ تھا
اس لیے ہم نے اس سے بات نہ کی
یہ تو بس بات کا گنوانا تھا
سعد یہ یاد کب رہا ہم کو
ہمیں اس شخص کو بھلانا تھا
اک تعلق مجھے نبھانا تھا
وہ حقیقت تھی، میں فسانہ تھا
دو کنارے تھے زندگی اور موت
بیچ دریا سا اک زمانہ تھا
ہجر و فرقت مرا مقدر تھا
وصل اس کا تو اک بہانہ تھا
وہ جو آیا تھا آندھیاں لے کر
اُس نے ہر دیپ کو بجھانا تھا
کچھ پرندے تھے خالی شاخوں پر
میری آنکھوں میں آشیانہ تھا
اس لیے ہم نے اس سے بات نہ کی
یہ تو بس بات کا گنوانا تھا
سعد یہ یاد کب رہا ہم کو
ہمیں اس شخص کو بھلانا تھا

[.]

Re: collection of Ghazals (غزل)

اب تک وہی خیال تمہارا ہے اور بس
لگتا ہے یہ بھی سال تمہارا ہے اور بس
صد حیف کیا گماں تھا ہمیں کارِ عشق میں
یعنی کہ ہم سا حال تمہارا ہے اور بس
ہم بھی کشاں کشاں جو چلے آ رہے ہیں یوں
اس میں فقط کمال تمہارا ہے اور بس
ہم جو اُداس ہوتے ہیں رہ رہ کے اس طرح
یعنی ذرا ملال تمہارا ہے اور بس
بے وجہ تو نہیں ہیں پریشانیاں مری
پیشِ نظر زوال تمہارا ہے اور بس
زیبائشِ سخن ہے مرے حرف حرف سے
معجز نما جمال تمہارا ہے اور بس
کیا پوچھتے ہو حالِ دلِ سعد ہم سے تم
اک نقش خال خال تمہارا ہے اور بس

[.]

Re: collection of Ghazals (غزل)

شہر میں*چاک گریباں ہوئے ناپید اب کے
کوئی کرتا ہی نہیں ضبط کی تاکید اب کے
لطف کر، اے نگہِ یار ، کہ غم والوں* نے
حسرتِ دل کی اُٹھائی نہیں*تمہید اب کے
چاند دیکھا تری آنکھوں میں ، نہ ہونٹوں پہ شفق
ملتی جلتی ہے شبِ غم سے تری دید اب کے
دل دکھا ہے نہ وہ پہلا سا، نہ جاں تڑپی ہے
ہم ہی غافل تھے کہ آئی ہی نہیں عید اب کے
پھر سے بجھ جائیں گی شمعیں*جو ہوا تیز چلی
لا کے رکھو سر محفل کوئی خورشید اب کے

[.]

Re: collection of Ghazals (غزل)

خوش جو آئے تھے پشیمان گئے
اے تغافل تجھے پہچان گئے
خوب ہے صاحبِ محفل کی ادا
کوئی بولا تو برا مان گئے
کوئی دھڑکن ہے نہ آنسو نہ امنگ
وقت کے ساتھ یہ طوفان گئے
اس کو سمجھے کہ نہ سمجھے لیکن
گردشِ دہر تجھے جان گئے
تیری اک ایک ادا پہچانی
اپنی اک ایک خطا مان گئے
اس جگہ عقل نے دھوکا کھایا
جس جگہ دل ترے فرمان گئے

[.]

Re: collection of Ghazals (غزل)

گلاب ہاتھ میں ہو ، آنکھ میں ستارہ ہو
کوئی وجود محبّت کا استعارہ ہو
میں گہرے پانی کی اس رو کے ساتھ بہتی رہوں
جزیرہ ہو کہ مقابل کوئی کنارہ ہو
کبھی کبھار اُسے دیکھ لیں ،کہیں مل لیں
یہ کب کہا تھا کہ وہ خوش بدن ہمارا ہو

[.]

Re: collection of Ghazals (غزل)

درِ قفس سے پرے جب صبا گزرتی ہے
کسے خبر کہ اسیروں پہ کیا گزرتی ہے
تعلقات ابھی اس قدر نہ ٹوٹے تھے
کہ تیری یاد بھی دل سے خفا گزرتی ہے
وہ اب ملے بھی تو ملتا ہے اس طرح جیسے
بجھے چراغ کو چھو کر ہوا گزرتی ہے

[.]

Re: collection of Ghazals (غزل)

فقیر کب کے گئے جنگلوں کی سمت مگر
گلی سے آج بھی ان کی صدا گزرتی ہے

یہ اہلِ ہجر کی بستی ہے احتیاط سے چل
مصیبتوں کی یہاں انتہا گزرتی ہے

بھنور سے بچ تو گئیں کشتیاں مگر اب کے
دلوں کی خیر کہ موجِ بلا گزرتی ہے

نہ پوچھ اپنی انا کی بغاوتیں محسن
درِ قبول سے بچ کر دعا گزرتی ہے

[.]

Re: collection of Ghazals (غزل)

سو بار چمن مہکا، سو بار بہار آئی
دنیا کی وہی رونق، دل کی وہی تنہائی
اک لحظہ بہے آنسو، اک لحظہ ہنسی آئی
سیکھے ہیں نئے دل نے اندازِ شکیبائی
یہ رات کی خاموشی یہ عالمِ تنہائی
پھر درد اٹھا دل میں پھر یاد تری آئی

[.]

Re: collection of Ghazals (غزل)

دل افسردہ میں پھر دھڑکنوں کا شور اٹھا
یہ بیٹھے بیٹھے مجھے کن دنوں کی یاد آئی
کھلی جو آنکھ تو کچھ اور ہی سماں دیکھا
وہ لوگ تھے نہ وہ جلسے نہ شہر رعنائی
پھر اس کی یاد میں دل بے قرار ہے ناصر
بچھڑ کے جس سے ہوئی شہر شہر رسوائی

[.]

Re: collection of Ghazals (غزل)

ہر ایک چہرے پہ دل کو گُمان اس کا تھا
بسا نہ کوئی یہ خالی مکان اس کا تھا
میں بے جہت ہی رہا اور بے مقام سا وہ
ستارہ میرا سمندر نشان اس کا تھا
میں اُس طلسم سے باہر کہاں تلک جاتا
فضا کھلی تھی مگر آسمان اس کا تھا

[.]

Re: collection of Ghazals (غزل)

آج پھر بُجھ گئے جَل جَل کے امیدوں کے چراغ
آج پھر تاروں بھری رات نے دَم توڑدیا
جن سے افسانۂ ہستی میں تسلسل تھا کبھی
اُن محبّت کی روایات نے دم توڑدیا
جھلملاتے ہوئے اشکوں کی لڑی ٹوٹ گئی
جگمگاتی ہوئی برسات نے دم توڑ دیا
ہائے آدابِ محبّت کے تقاضے ساغر
لب ہلے اور شکایات نے دم توڑدیا

[.]

Re: collection of Ghazals (غزل)

تمہارا ہجر منا لوں اگر اجازت ہو
میں دل کسی سے لگا لوں اگر اجازت ہو
تمہارے بعد بھلا کیا ہیں وعدہ پیماں
بس اپنا وقت گنوا لوں اگر اجازت ہو
تمہارے ہجر کی شب ہائے کار میں جاناں
کوئی چراغ جلا لوں اگر اجازت ہو
کسے ہے خواہشِ مرہم گری مگر پھر بھی
میں اپنے زخم دکھا لوں اگر اجازت ہو
تمہاری یاد میں جینے کی آرزو ابھی
کچھ اپنا حال سنبھالوں اگر اجازت ہو

[.]

Re: collection of Ghazals (غزل)

نسنے نہیں دیتا کبھی رونے نہیں دیتا
یہ دل تو کوئی کام بھی ہونے نہیں دیتا
تم مانگ رہے ہو مرے دل سے مری خواہش
بچہ تو کبھی اپنے کھلونے نہیں دیتا
میں خود ہی اٹھاتا ہوں شب و روز کی ذلت
یہ بوجھ کسی اور کو ڈھونے نہیں دیتا
کہتا تو بہت ہے کہ خلا ہے مرے اندر
لیکن وہ کہیں ہم کو سمونے نہیں دیتا
وہ کون ہے اس سے تو میں واقف بھی نہیں ہوں
جو مجھ کو کسی اور کا ہونے نہیں دیتا
بچے کی طرح چیختا رہتا ہے مسلسل
کیا خوف مرے شہر کو سونے نہیں دیتا
عبـاس تـابِـش

[.]

Re: collection of Ghazals (غزل)

گھر ہوا، گلشن ہوا، صحرا ہوا
ہر جگہ میرا جنوں رسوا ہوا
غیرتِ اہلِ چمن کو کیا ہوا
چھوڑ آئے آشیاں جلتا ہوا
میں تو پہنچا ٹھوکریں کھاتا ہوا
منزلوں پر خضر کا چرچا ہوا
حُسن کا چہرہ بھی ہے اُترا ہوا
آج اپنے غم کا اندازہ ہوا
غم سے نازک ضبطِ غم کی بات ہے
یہ بھی دریا ہے مگر ٹھہرا ہوا
پرسش غم آپ رہنے دیجئے
یہ تماشا ہے مرا دیکھا ہوا
یہ عمارت تو عبادت گاہ ہے
اس جگہ اک میکدہ تھا کیا ہوا
رہتا ہے مےخانے ہی کے آس پاس
شیخ بھی ہے آدمی پہنچا ہوا
اس طرح رہبر نے لوٹا کارواں
اے فنا رہزن کو بھی صدمہ ہوا
— فنا نظامی کانپوری

[.]

Re: collection of Ghazals (غزل)

آتش شوق کو کب دل سے جدا رکھا ہے
اس لگی کو کلیجے سے لگا رکھا ہے
دیکھ لینے کو تری سانس لگا رکھا ہے
ورنہ بیمار غم ِہجر میں کیا رکھا ہے
نا امید ان وفا کا یونہیں دل رکھتے ہیں
آپ نے خاک میں جس طرح ملا رکھا ہے
کھائی ہے وعدۂ فردا پہ قسم کیا جھٹ پٹ
آج اس حرفِ تسلی نے لٹا رکھا ہے
اس قدر تو ہے ترا پردہ نشیں پاس حجاب
کہ ترےدرد کو بھی دل میں چھپا رکھا ہے
تھے مکدر تو کدورت نے رکھا تھا برباد
صاف ہو اب تو صفائی نے مٹا رکھا ہے
داغ دہلــوی