collection of Ghazals (غزل)

[.]

Re: collection of Ghazals (غزل)

Main Apni Dosti Ko Sheher Mein Ruswa Nhi Krti,
Mohbt Main Bhi Krti Hoon Magar Charcha Nhi Krti,
Jo MuJ Se MiLne Aa Jaye Main Us Ki DiL Se Khadim Hoon,
Jo Utth K Jana Chahay Main Usey Roka Nhi Krti,
Jisey Main Chhor Deti Hoon Usey Phir BhooL Jati Hoon,
Phir Us Hasti Ki Janib Main Kabhi Dekha Nhi Krti,
Tera Israar Sir Aankhon Pe K Tum Ko BhooL Jaon Main,
Main Koshish Kr K Dekhoon Gi Magar Waada Nhi Krti

[.]

Re: collection of Ghazals (غزل)

اب بھی توہینِ اطاعت نہیں ہو گی ہم سے
دل نہیں ہو گا تو بیعت نہیں ہو گی ہم سے
روز اک تازہ قصیدہ نئی تشبیب کے ساتھ
رزق برحق ہے یہ خدمت نہیں ہو گی ہم سے
دل کے معبود جبینوں کے خداؤں سے الگ
ایسے عالم میں عبادت نہیں ہو گی ہم سے
اجرت عشق وفا ہے تو ہم ایسے مزدور
کچھ بھی کر لیں گے یہ محنت نہیں ہو گی ہم سے
ہر نئی نسل کو اک تازہ مدینے کی تلاش
صاحبو!اب کوئی ہجرت نہیں ہو گی ہم سے
سخن آرائی کی صورت تو نکل سکتی ہے
پر یہ چکی کی مشقت نہیں ہو گی ہم سے

[.]

Re: collection of Ghazals (غزل)

کسی کے دستِ عنایت نے کنجِ زنداں میں
کیا ہے آج عجب دل نواز بندوبست
مہک رہی ہے فضا زلفِ یار کی صورت
ہوا ہے گرمیِ خوشبو سے اس طرح سرمست
ابھی ابھی کوئی گزرا ہے گل بدن گویا
کہیں قریب سے ، گیسو بدوش ، غنچہ بدست
لیے ہے بوئے رفاقت اگر ہوائے چمن
تو لاکھ پہرے بٹھائیں قفس پہ ظلم پرست
ہمیشہ سبز رہے گی وہ شاخِ مہر و وفا
کہ جس کے ساتھ بندھی ہے دلوں کی فتح و شکست
یہ شعرِ حافظِ شیراز ، اے صبا! کہنا
ملے جو تجھ سے کہیں وہ حبیبِ عنبر دست
خلل پذیر بود ہر بنا کہ مے بینی
بجز بنائے محبت کہ خالی از خلل است

[.]

Re: collection of Ghazals (غزل)

وہ جس کی دید میں لاکھوں مسرتیں پہناں
وہ حسن جس کی تمنا میں جنتیں پہناں
ہزار فتنے تہِ پائے ناز، خاک نشیں
ہر اک نگاہِ خمارِ شباب سے رنگیں
شباب جس سے تخیل پہ بجلیاں برسیں
وقار، جس کی رفاقت کو شوخیاں ترسیں
ادائے لغزشِ پا پر قیامتیں قرباں
بیاضِ رخ پہ سحر کی صباحتیں قرباں
سیاہ زلفوں میں وارفتہ نکہتوں کا ہجوم
طویل راتوں کی خوابیدہ راحتوں کا ہجوم
وہ آنکھ جس کے بناو پہ خالق اترائے
زبانِ شعر کی تعریف کرتے شرم آئے
وہ ہونٹ فیض سے جن کے بہارِ لالہ فروش
بہشت و کوثر و تسنیم و سلسبیل بدوش
گداز جسم ، قبا جس پہ سج کے ناز کرے
دراز قد سے سروِ سہی نماز کرے
غرض وہ حسن جو محتاجِ وصف و نام نہیں
وہ حسن جس کا تصور بشر کا کام نہیں
کسی زمانے میں اس رہگزر سے گزرا تھا
بصد غرور و تجمل، ادھر سے گزرا تھا
اور اب یہ رہگزر بھی ہے دلفریب و حسیں
ہے اس کی خاک میں کیف ِ شراب و شعر مکیں
ہوا میں شوخیء رفتار کی ادائیں ہیں
فضا میں نرمیء گفتار کی صدائیں ہیں
غرض وہ حسن اب اس رہ کا جزوِ منظر ہے
نیازِ عشق کو اک سجدہ گہ میسر ہے

[.]

Re: collection of Ghazals (غزل)

ہُوئی پھر امتحانِ عشق کی تدبیر بسم اللہ
ہر اک جانب مچا کہرامِ دار و گیر بسم اللہ
گلی کوچوں میں بکھری شورشِ زنجیر بسم اللہ
درِ زنداں پہ بُلوائے گئے پھر سے جُنوں والے
دریدہ دامنوں والے،پریشاں گیسوؤں والے
جہاں میں دردِ دل کی پھر ہوئی توقیر بسم اللہ
ہوئی پھر امتحانِ عشق کی تدبیر بِسم اللہ
گنو سب داغ دل کے، حسرتیں شوقیں نگاہوں کی
سرِ دربار پُرستش ہو رہی ہے پھر گناہوں کی
کرو یارو شمارِ نالہ شب گیر بسم اللہ
ستم کی داستاں، کُشتہ دلوں کا ماجرا کہئے
جو زیر لب نہ کہتے تھے وہ سب کچھ برملا کہئے
مُصرِ ہے محتسب رازِ شہیدانِ وفا کہئے
لگی ہے حرفِ نا گُفتہ پر اب تعزیر بِسم اللہ
سرِ مقتل چلو بے زحمتِ تقصیر بِسم اللہ
ہُوئی پھر امتحانِ عشق کی تدبیر بِسم اللہ

[.]

Re: collection of Ghazals (غزل)

جمے گی کیسے بساطِ یاراں کہ شیشہ و جام بُجھ گئے ہیں
سجے گی کیسے شبِ نگاراں کہ دل سر شام بُجھ گئے ہیں
وہ تیرگی ہے رہِ بُتاں میں چراغِ رُخ ہے نہ شمعِ وعدہ
کرن کوئی آرزو کی لاؤ کہ سب در و بام بُجھ گئے ہیں
بہت سنبھالا وفا کا پیماں مگر وہ برسی ہے اب کے برکھا
ہر ایک اقرار مٹ گیا ہے تمام پیغام بُجھ گئے ہیں
قریب آ اے مہِ شبِ غم ، نظر پہ کُھلتا نہیں کچھ اس دم
کہ دل پہ کس کس کا نقش باقی ہے ، کون سے نام بُجھ گئے ہیں
بہار اب آکے کیا کرے گی کہ جن سے تھا جشنِ رنگ و نغمہ
وہ گل سرِ شاخ جل گئے ہیں ، وہ دل تہِ دام بُجھ گئے ہیں

[.]

Re: collection of Ghazals (غزل)

آج یوں موج در موج غم تھم گیا اس طرح غم زدوں کو قرار آگیا
جیسے خوشبوئے زلفِ بہار آ گئی جیسے پیغامِ دیدارِ یار آگیا
رُت بدلنے لگی رنگِ دل دیکھنا، رنگِ گلشن سے اب حال کھلتا نہیں
زخم چھلکا کوئی یا کوئی گُل کھِلا، اشک اُمڈے کہ ابرِ بہار آگیا
خونِ عُشاق سے جام بھرنے لگے، دل سُلگنے لگے، داغ جلنے لگے
محفلِ درد پھر رنگ پر آ گئی، پھر شبِ آرزو پر نکھار آگیا
فیض کیا جانئے یار کس آس پر، منتظر ہیں کہ لائے گا کوئی خبر
میکشوں پر ہُوا محتسب مہرباں، دل فگاروں پہ قاتل کو پیار آگیا

[.]

Re: collection of Ghazals (غزل)

سلام لکھتا ہے شاعر تمہارے حسن کے نام
بکھر گیا جو کبھی رنگ پیر ہن سرِ بام
نکھر گئی ہے کبھی صبح دوپہر کبھی شام
کہیں جو قامت زیبا پہ سج گئی ہے قبا
چمن میں سرو صنوبر سنور گئے ہیں تمام
بنی بساط غزل جب ڈبو لئے دل نے
تمہارے سایہ رخسار و لب میں ساغر و جام
سلام لکھتا ہے شاعر تمہارے حسن کے نام
تمہارے ہاتھ پہ ہے تابشِ حنا جب تک
جہاں میں باقی ہے دلداری عروس سخن
تہمارا حسن جواں ہے تو مہراں ہے فلک
تہمارا دم ہے تو دمساز ہے ہوائے وطن
اگرچہ تنگ ہیں اوقات ، سخت ہیں آلام
تہماری یاد سے شیریں ہے تلخی ایام
سلام لکھتا ہے شاعر تہمارے حسن کے نام

[.]

Re: collection of Ghazals (غزل)

کہیں تو کاروانِ درد کی منزل ٹھہر جائے
کنارے آ لگے عمرِ رواں یا دل ٹھہر جائے

اماں کیسی کہ موجِ خوں ابھی سر سے نہیں گزری
گزر جائے تو شاید بازوئے قاتل ٹھہر جائے

کوئی دم بادبانِ کشتیِ صہبا کو تہہ رکھو
ذرا ٹھہرو غبارِ خاطرِ محفل ٹھہر جائے

خُمِ ساقی میں جز زہرِ ہلاہل کچھ نہیں باقی
جو ہو محفل میں اس اکرام کے قابل، ٹھہر جائے

ہماری خامشی بس دل سے لب تک ایک وقفہ ہے
یہ طوفاں ہے جو پل بھر بر لبِ ساحل ٹھہر جائے

نگاہِ منتظر کب تک کرے گی آئینہ بندی
کہیں تو دشتِ غم میں یار کا محمل ٹھہر جائے

[.]

Re: collection of Ghazals (غزل)

کس حرف پہ تو نے گوشہء لب اے جانِ جہاں غماز کیا
اعلانِ جنوں دل والوں نے اب کے بہ ہزار انداز کیا
سو پیکاں تھے پیوستِ گلو، جب چھیڑی شوق کی لےَ ہم نے
سو تیر ترازو تھے دل میں جب ہم نے رقص آغاز کیا
بے حرص و ہوا، بے خوف و خطر، اِس ہاتھ پہ سر، اُس کف پہ جگر
یوں کوئے صنم میں وقتِ سفر نظارہء بامِ ناز کیا
جس خاک میں مل کر خاک ہوئے، وہ سرمہء چشمِ خلق بنی
جس خار پہ ہم نے خوں چھڑکا، ہمرنگِ گلِ طناز کیا
لو وصل کی ساعت آپہنچی، پھر حکمِ حضوری پر ہم نے
آنکھوں کے دریچے بند کیے، اور سینے کا در باز کیا

[.]

Re: collection of Ghazals (غزل)

یوں سجا چاند کہ جھلکا ترے انداز کا رنگ
یوں فضا مہکی کہ بدلا مرے ہمراز کا رنگ
سایہء چشم میں*حیراں رُخِِ روشن کا جمال
سُرخیء لب میں*پریشاں تری آواز کا رنگ
بے پئے ہوں کہ اگر لطف کرو آخر شب
شیشہء مے میں* ڈھلے صبح کے آغاز کا رنگ
چنگ و نے رنگ پہ تھے اپنے لہو کے دم سے
دل نے لے بدلی تو مدھم ہوا ہر ساز کا رنگ
اک سخن اور کہ پھر رنگِ تکلم تیرا
حرفِ سادہ کو عنایت کرے اعجاز کا رنگ

[.]

Re: collection of Ghazals (غزل)

yeh jafa-e-ghum ka chara, voh najaat-e-dil ka aalam
tera husn dast-e-iisa, teri yaad rooh-e-mariyam
dil-o-jaan fidaayen raahen, kabhi aa key dekh humdum
Sar-e-kuu-e-dil figaaraN, shab-e-aarzuu ka aalam
teri deed se sivaa haiN, terey shauq mey baharaaN
voh chaman jahan_giri hai, tere gesuuoN ki shabnam
lo suuni gayi hamari, yoon phirey hain din ke phir se
vohi goshaa-e-qafas hai, vohi fasl-e-gul kaa maatam
yeh ajab qayamataiN haiN, teri rehguzar maiN guzraaN
na hua ke mar mitey hum, na hua ke ji uThey hum

[.]

Re: collection of Ghazals (غزل)

Kabhi kabhi yaad mein ubharate hain naqsh-e-mazi mite mite se
wo aazamaish dil-o-nazar ki, wo qurabaten si wo fasale se
kabhi khabhi aarzoo ke sehra mein aake rukate hain qafile se
wo sari baten lagav ke si wo sare unavan visal ke se
nigah-o-dil ko qarar kaisa nishat-o-gam mein kami kahan ke
wo jab mile hain to un se har bar ke hai ulfat naye sire se
bahut giran hai ye aish-e-tanha kaheen sabukatar kaheen gavara
wo dard-e-pinhan ki sari duniya rafiq thi jisake vaste se
tumhin kaho rind-o-muhtasib mein ho aj shab kon farq aisa
ye aake baithe hain maikade mein wo uth ke aaye hain maikade se

[.]

Re: collection of Ghazals (غزل)

Sahal yun rah-e-zindagi ki hai
her kadam hum ne ashiqi ki hai
hum ne saja dil mein liye gulshan
jab baharon ne berukhi ki hai
zehar se dhoo liye hain hont apne
lutf-e-saqi ne jab kami ki hai
tere koche mein badshahi ki
jab se nikle gadagari ki hai
bus wohi surkhro hoa jis ne
behr-e-khoon mein shanawari ki hai
"jo guzarte thy Daag per sadmein"
ab wohi kaifiat sabhi ki hai

[.]

Re: collection of Ghazals (غزل)

Jigar dareeda hoon, chaak-e-jigar ki baat suno
Umeed-e-sahar ki baat suno
Alam raseeda hoon, daman-e-tar ki baat suno
Umeed-e-sahar ki baat suno
Zubaan bureeda hoon, zakhm-e-guloo sey harf karo
Umeed-e-sahar ki baat suno
Shikasta pa hoon, malaal-e-safar ki baat suno
Umeed-e-sahar ki baat suno
Musafir-e-rah-e-sehra-e-zulmat-e-shab se
Ab iltafat-e-nigar-e-sahar ki baat suno
Umeed-e-sahar ki baat!