sarfraz chouhdary,s most wanted

[sarfraz_qamar]

Re: sarfraz chouhdary,s most wanted

qadam usii mo.D par jame hai.n
nazar sameTe hue kha.Daa huu.N
junuu.N ye majabuur kar rahaa hai palaT ke dekhuu.N
Khudii ye kahatii hai mo.D mu.D jaa
agarche ehasaas kah rahaa hai
khule dariiche ke piichhe do aa.Nkhe.n jhaa.Nkatii hai.n
abhii mere intazaar me.n vo bhii jaagatii hai
kahii.n to us ke goshaa-e-dil me.n dard hogaa
use ye zid hai ki mai.n pukaaruu.N
mujhe taqaazaa hai vo bulaa le
qadam usii mo.D par jame hai.n
nazar samete hue kha.Daa huu.N

[sarfraz_qamar]

Re: sarfraz chouhdary,s most wanted

gul teraa rang churaa laaye hai.n gul_zaaro.n me.n
jal rahaa huu.N bharii barasaat kii bauchhaaro.n me.n

mujh se kataraa ke nikal jaa magar ai jaan-e-hayaa
dil kii lau dekh rahaa huu.N tere ruKhasaaro.n me.n

husn-e-begaanaa-e-ehasaas-e-jamaal achchhaa hai
Gunche khilate hai.n to bik jaate hai.n baazaaro.n me.n

zikr karate hai.n teraa mujh se baa_unavaan-e-jafaa
chaaraagar phuul piro laaye hai.n talvaaro.n me.n

zaKhm chhup sakate hai.n lekin mujhe fan kii saugaundh
Gam kii daulat bhii hai shaamil mere shaahakaaro.n me.n

mujh ko nafarat se nahii.n pyaar se masluub karo
mai.n to shaamil huu.N mohabbat ke gunaah_gaaro.n me.n

[sarfraz_qamar]

Re: sarfraz chouhdary,s most wanted

ibtidaa-e-ishq hai rotaa hai kyaa
aage aage dekhiye hotaa hai kyaa

qaafile me.n subah ke ik shor hai
yaani Gaafil ham chale sotaa hai kyaa

sabz hotii hii nahii.n ye sar_zamii.n
tuKhm-e-Khvaahish dil me.n tuu botaa hai kyaa

ye nishaan-e-ishq hai.n jaate nahii.n
daaG chhaatii ke abas dhotaa hai kyaa

Gairat-e-yusuf hai ye vaqt-e-aziiz
'Meer' is ko raayegaa.N khotaa hai kyaa

[sarfraz_qamar]

Re: sarfraz chouhdary,s most wanted

ko_ii adaa_shanaas-e-muhabbat hame.n bataaye
jo ham ko bhuul jaaye vo kyo.n ham ko yaad aaye

kis kii majaal thii ki hijaab-e-nazar uThaaye
vo muskuraa ke aap hii dil ke qariib aaye

ik dil_nashii.n nigaah me.n allaah ye Khalish
nashtar kii nok jaise kaleje me.n TuuT jaaye

kuchh ham se beKhudii me.n hu_ii behijaabiyaa.N
chashm_kazanii sitaaro.n ne kii phuul muskuraaye

vo jaan-e-aarazuu ke hai saramaayaa-e-nishaat
kyo.n us kii yaad Gam kii ghaTaa ban ke dil pe chhaaye

tum to hamii.n ko kahate the ye tum ko kyaa huaa
dekho ka.Nval ke phuul se shabanam chhalak na jaaye

[sarfraz_qamar]

Re: sarfraz chouhdary,s most wanted

der lagii aane me.n tum ko shukr hai phir bhii aaye to
aas ne dil kaa saath na chho.Daa vaise ham ghabaraaye to

shafaq dhanak mah_taab ghaTaaye.n taare naGme.n bijalii phuul
us daaman me.n kyaa kyaa kuchh hai vo daaman haath me.n aaye to

chaahat ke badale me.n ham to bech de.n apanii marzii tak
ko_ii mile to dil kaa gaahak ko_ii hame.n apanaaye to

kyuu.N ye mihr_angez tabassum madd-e-nazar jab kuchh bhii nahii.n
haaye agar ko_ii anjaan agar is dhoke me.n aa jaaye to

sunii sunaa_ii baat nahii.n hai apane uupar biitii hai
phuul nikalate hai.n sholo.n se chaahat aag lagaaye to

jhuuTh hai sab taariiKh hameshaa apane ko dohoraatii hai
achchhaa meraa Khvaab-e-javaanii tho.Daa saa doharaaye to

naadaanii aur majabuurii me.n yaaro kuchh to farq karo
ek bebas insaan kare kyaa TuuT ke dil aa jaaye to

[sarfraz_qamar]

Re: sarfraz chouhdary,s most wanted

aa.Nkhe.n mujhe talvo.n se vo malane nahii.n dete
armaan mere dil kaa nikalane nahii.n dete

Khaatir se terii yaad ko Talane nahii.n dete
sach hai ki hamii.n dil ko sa.nbhalane nahii.n dete

kis naaz se kahate hai.n vo jhu.njhalaa ke shab-e-vasl
tum to hame.n karavaT bhii badalane nahii.n dete

paravaano.n ne faanuus ko dekhaa to ye bole
kyo.n ham ko jalaate ho ki jalane nahii.n dete

hairaan huu.N kis tarah karuu.N arz-e-tamannaa
dushman ko to pahaluu se vo Talane nahii.n dete

dil vo hai ki fariyaad se lab_rez hai har vaqt
ham vo hai.n ki kuchh muu.Nh se nikalane nahii.n dete

garmii-e-mohabbat me.n vo hai aah se maane'
pankhaa nafas-e-sard kaa jhalane nahii.n dete

[sarfraz_qamar]

Re: sarfraz chouhdary,s most wanted

aaye kuchh abr kuchh sharaab aaye
us ke baad aaye jo azaab aaye

baam-e-miinaa se maahataab utare
dast-e-saaqii me.n aaftaab aaye

har rag-e-Khuu.N me.n phir charaaGaa.N ho
saamane phir vo benaqaab aaye

umr ke har varaq pe dil ko nazar
terii mehr-o-vafaa ke baab aaye

kar rahaa thaa Gam-e-jahaa.N kaa hisaab
aaj tum yaad behisaab aaye

na ga_ii tere Gam kii sardaarii
dil me.n yuu.N roz inqalaab aaye

jal uThe bazm-e-Gair ke dar-o-baam
jab bhii ham Khaanamaa.N_Kharaab aaye

is tarah apanii Khamashii guu.Njii
goyaa har simt se javaab aaye

'Faiz' thii raah sar basar manzil
ham jahaa.N pahu.Nche kaamayaab aaye

[sarfraz_qamar]

Re: sarfraz chouhdary,s most wanted

vafaa ke bhes me.n ko_ii raqiib-e-shahar bhii hai
hazar! ke shahar ke qaatil tabiib-e-shahar bhii hai

vahii sipaah-e-sitam Khemaazan hai chaaro.n taraf
jo mere baKht me.n thaa ab nasiib-e-shahar bhii hai

udhar kii aag idhar bhii pahu.Nch na jaaye kahii.n
havaa bhii tez hai jangal qariib-e-shahar bhii hai

ab us ke hijr me.n rote hai.n us ke ghaayal bhii
Khabar na thii ke vo zaalim habiib-e-shahar bhii hai

ye raaz naaraa-e-mansuur hii se ham pe Khulaa
ke chuub-e-mimbar-e-masjid saliib-e-shahar bhii hai

ka.Dii hai jang ke ab ke muqaabile pe 'Faraz'
amiir-e-shahar bhii hai aur khatiib-e-shahar bhii hai

[sarfraz_qamar]

Re: sarfraz chouhdary,s most wanted

lab-o-dahan bhii milaa guftaguu kaa fan bhii milaa
magar jo dil pe guzaratii hai kah sakuu.N bhii nahii.n

merii zubaa.N kii luknat se bad_gumaa.N na ho
jo tuu kahe to tujhe umr bhar miluu.N bhii nahii.n

'Faraz' jaise ko_ii diyaa turbat-e-havaa chaahe hai
tuu paas aaye to mumkin hai mai.n rahuu.N bhii nahii.n

[sarfraz_qamar]

Re: sarfraz chouhdary,s most wanted

aa.Nkh jab band kiyaa karate hai.n
saamane aap huaa karate hai.n

aap jaisaa hii mujhe lagataa hai
Khvaab me.n jis se milaa karate hai.n

tuu agar chho.D ke jaataa hai to kyaa
haadase roz huaa karate hai.n

naam un kaa na ko_ii un kaa pataa
log jo dil me.n rahaa karate hai.n

ham ne 'Rahi' kaa chalan sikhaa hai
ham akele hii chalaa karate hai.n

[sarfraz_qamar]

Re: sarfraz chouhdary,s most wanted

royaa kare.nge aap bhii paharo.n isii tarah
aTakaa kahii.n jo aap kaa dil bhii merii tarah

naa taab hijr me.n hai naa aaraam vasl me.n
kam_baKht dil ko chain nahii.n hai kisii tarah

gar chup rahe.n to Gam-e-hijraa.N se chhuuT jaaye.N
kahate to hai.n bhale kii vo lekin burii tarah

na jaaye vaa.N bane hai na bin jaaye chain hai
kyaa kiijiye hame.n to hai mushkil sabhii tarah

lagatii hai.n gaaliyaa.N bhii terii mujhe kyaa bhalii
qurbaan tere phir mujhe kah le isii tarah

huu.N jaa.N_balab butaan-e-sitam_gar ke haath se
kyaa sab jahaa.N me.n jiite hai.n 'Momin' isii tarah

[sarfraz_qamar]

Re: sarfraz chouhdary,s most wanted

zaraa sii der ko aaye the Khvaab aa.Nkho.n me.n
phir us ke baad musal_sal azaab aa.Nkho.n me.n

vo jis ke naam kii nisbat se raushan thaa vujuud
khaTak rahaa hai vahii aaftaab aa.Nkho.n me.n

jinhe.n mataa-e-dil-o-jaa.N samajh rahe the ham
vo aa_iine bhii hue behijaab aa.Nkho.n me.n

ajab tarah kaa hai mausam ke Khaak u.Datii hai
vo din bhii the ke khile the gulaab aa.Nkho.n me.n

mere Gazaal terii vahashato.n kii Khair ki hai
bahut dino.n se bahut iztaraab aa.Nkho.n me.n

[sarfraz_qamar]

Re: sarfraz chouhdary,s most wanted

tuu mere saath chal na paayegii
jab merii raah terii raah se milatii hii nahii.n
phir meraa saath nibhaane kii zaruurat kyaa hai
apanii maasuum tamannaao.n ko rahabar na banaa
Khvaab phir Khvaab hai.n labo.n kii haqiiqat kyaa hai
ye na_ii raah tujhe raas nahii.n aayegii

mai.n ne maanaa ki tujhe mujh se muhabbat hai magar
merii Gurbat terii chaahat kaa silaa kyaa degii
apanii maharuumi-e-qismat se pareshaan huu.N mai.n
bebasii ashk-e-nadaamat ke sivaa kyaa degii
vaqt kii dhuup me.n har chiiz jhulas jaayegii

[sarfraz_qamar]

Re: sarfraz chouhdary,s most wanted

dil kaa ronaa Thiik nahii.n hai muu.Nh ko kalejaa aane do
thamate hii thamate ashk thame.nge naaseh ko samajhaane do

kahate hii kahate haal kahe.nge aisii tumhe.n kyaa jaldii hai
dil ko Thikaane hone do aur aap me.n ham ko aane do

bazm-e-tarab me.n dekh ko mujh ko pher lii aa.Nkhe.n saaqii ne
mere liye the zahar halaahal is ke bhare paimaane do

Khude se girebaa.N phaTate the aksar chaak havaa me.n u.Date the
ab ke junuu.N kaa josh nahii.n hai aa_ii bahaar to aane do

yadi dil gum_gushtaa me.n ThanDii aahe.n bharataa thaa
ha.Ns ke sitam_gar kahataa kyaa hai baat hii kyaa hai jaane do

dil ko 'Asar' ke luuT liyaa shoKh_nigaah ik kaafir ne
ko_ii na is ko rone se roko aag lagii hai bujhaane do

[sarfraz_qamar]

Re: sarfraz chouhdary,s most wanted

yaad itanii bhii saKht_jaa.N to nahii.n
ik gharau.ndaa rahaa hai Dahaane ko

sang_rezo.n me.n Dhal gaye aa.Nsuu
log ha.Nsate rahe dikhaane ko

jalane vaale to jal bujhe aaKhir
kaun detaa Khabar zamaane ko

kitane majabuur ho gaye ho.nge
ankahii baat muu.Nh pe laane ko

khul ke ha.Nsanaa to sab ko aataa hai
log tarasate rahe ik bahaane ko

rezaa rezaa bikhar gayaa insaa.N
dil kii viiraaniyaa.N jataane ko

hasarato.n kii panaah_gaaho.n me.n
kyaa Thikaane hai.n sar chhupaane ko

haath kaa.NTo.n se kar liye zaKhmii
phuul baalo me.n ik sajaane ko