sarfraz chouhdary,s most wanted

[sarfraz_qamar]

Re: sarfraz chouhdary,s most wanted

mujh se pahalii sii mohabbat merii mahabuub na maa.Ng

mai.n ne samajhaa thaa ki tuu hai to daraKhshaa.N hai hayaat
teraa Gam hai to Gam-e-dahar kaa jhaga.Daa kyaa hai
terii suurat se hai aalam me.n bahaaro.n ko sabaat
terii aa.Nkho.n ke sivaa duniyaa me.n rakkhaa kyaa hai (*)
tuu jo mil jaaye to taqadiir niguu.N ho jaaye
yuu.N na thaa mai.n ne faqat chaahaa thaa yuu.N ho jaaye
aur bhii dukh hai.n zamaane me.n mohabbat ke sivaa
raahate.n aur bhii hai.n vasl kii raahat ke sivaa

[sarfraz_qamar]

Re: sarfraz chouhdary,s most wanted

vo din bhii aane vaalaa hai
jab terii in kaalii aa.Nkho.n me.n
har jazbaa miT jaayegaa
tere baal ji.nhe.n dekhe.n to
saavaan kii ghanaghor ghaTaaye.n
aa.Nkho.n me.n laharaatii hai.n

ho.nTh rasiile
dhyaan me.n laakho.n phuulo.n kii
mahakaar jagaaye.n
vo din duur nahii.n jab in par
patajhar kii rut chhaa jaayegii

aur us patajhar ke mausam kii
kisii akelii shaam kii chup me.n
gaye dino.n kii yaad aayegii
jaise ko_ii kisii ja.ngal me.n
giit suhaane gaataa hai

[sarfraz_qamar]

Re: sarfraz chouhdary,s most wanted

patthar ke jigar vaalo Gam me.n vo ravaanii hai
Khud raah banaa legaa bahataa huaa paanii hai


phuulo.n me.n Gazal rakhanaa ye raat kii raanii hai
is me.n terii zulfo.n kii berabt kahaanii hai

ik zahan-e-parenshaa.N me.n vo phuul saa cheharaa hai
patthar kii hifaazat me.n shiishe kii kahaanii hai

kyo.n chaa.Ndanii raato.n me.n dariyaa pe nahaate ho
soye hue paanii me.n kyaa aag lagaanii hai

is hausalaa-e-dil par ham ne bhii kafan pahanaa
ha.Ns kar ko_ii puuchhegaa kyaa jaan gavaanii hai

[sarfraz_qamar]

Re: sarfraz chouhdary,s most wanted

phir aaj mujhe tum ko bas itanaa bataanaa hai
ha.Nsanaa hii jiivan hai ha.Nsate hii jaanaa hai

madhuban ho yaa gulashan ho patajha.D ho yaa saavan ho
har haal me.n insaa.N kaa ik phuul saa jiivan ho
kaa.NTo.n me.n ulajh ke bhii Khushbuu hii luTaanaa hai
ha.Nsanaa hii jiivan hai ha.Nsate hii jaanaa hai

har pal jo guzar jaaye daaman ko to bhar jaaye
ye soch ke jii le.n to taqadiir sa.Nvar jaaye
is umr kii raaho.n se Khushiyo.n ko churaanaa hai
ha.Nsanaa hii jiivan hai ha.Nsate hii jaanaa hai

[sarfraz_qamar]

Re: sarfraz chouhdary,s most wanted

phir daaman-e-ummiid vo phuulo.n se bhar gayaa
jaaduu bharii nigaah se jaaduu-saa kar gayaa

bas dekhate hii dekhate duniyaa badal ga_ii
kuchh sochate hii sochate cheharaa utar gayaa

betaab beqaraar thaa pahale hii dil bahut
phir aap kaa aanaa aur bhii betaab kar gayaa

ik beKhudii kaa naam muhabbat hai dosto
chaahat me.n kis ko hosh hai kyaa kyaa guzar gayaa


kuchh bhii pataa nahii.n hai muhabbat me.n ai dost
kab raat subah ban ga_ii kab din guzar gayaa

[sarfraz_qamar]

Re: sarfraz chouhdary,s most wanted

phir is a.ndaaz se bahaar aa_ii
ke huye mehar-o-maah tamaashaa_ii

dekho ai sakinaan-e-khittaa-e-Khaak
is ko kahate hai.n aalam-aaraa_ii

ke zamii.n ho ga_ii hai sar taa sar
ruukash-e-satahe charKhe minaa_ii

sabze ko jab kahii.n jagah na milii
ban gayaa ruu-e-aab par kaa_ii

[sarfraz_qamar]

Re: sarfraz chouhdary,s most wanted

phir saavan rut kii pavan chalii tum yaad aaye
phir patto.n kii paazeb bajii tum yaad aaye

phir ku.Nje.n bolii.n ghaas ke hare samandar me.n
rut aa_ii piile phuulo.n kii tum yaad aaye

phir kaagaa bolaa ghar ke suune aa.Ngan me.n
phir amrat ras kii buu.Nd pa.Dii tum yaad aaye

pahale to mai.n chiiKh ke royaa aur phir ha.Nsane lagaa
baadal garjaa bijalii chamakii tum yaad aaye

din bhar to mai.n duniyaa ke dhandho.n me.n khoyaa rahaa
jab diivaaro.n se dhuup Dhalii tum yaad aaye

[sarfraz_qamar]

Re: sarfraz chouhdary,s most wanted

phirate huye kisii kii nazar dekhate rahe
dil Khuun ho rahaa thaa magar dekhate rahe

kuchh din ye bhii rang rahaa intazaar me.n
aa.nkh uTh ga_ii jidhar bas udhar dekhate rahe

jab aashiyaa.N ki yaad asiirii me.n aa ga_ii
u.Date huye havaa me.n sharar dekhate rahe

sunate raho ki dekh liyaa jalvaa behijaab
apanaa hii sab fareb-e-nazar dekhate rahe

is vaaste ki aur ghaTe mol jins kaa
mataluub un ko dil thaa jigar dekhate rahe

[sarfraz_qamar]

Re: sarfraz chouhdary,s most wanted

phuul the baadal bhii thaa aur vo hasii.n suurat bhii thii
dil me.n lekin aur hii ek shaql kii hasarat bhii thii

jo havaa me.n ghar banaaye kaash ko_ii dekhataa
dasht me.n rahate the par taamiir kii aadat bhii thii

kah gayaa mai.n saamane us ke jo dil kaa mudd'a
kuchh to mausam bhii ajab thaa kuchh merii himmat bhii thii

ajanabii shaharo.n me.n rahate umr saarii kaT ga_ii
go zaraa se faasale par ghar kii har raahat bhii thii

kyaa qayaamat hai "Munir" ab yaad bhii aate nahii.n
vo puraane aashnaa jin se hame.n ulfat bhii thii

[sarfraz_qamar]

Re: sarfraz chouhdary,s most wanted

phuulo.n kii Tahaniyo.n pe nasheman banaa_iiye
bijalii gire to jashn-e-charaaGaa.N manaa_iiye

kaliyo.n ke ang ang me.n miThaa saa dard hai
biimaar nikahato.n ko zaraa gud-gudaa_iiye

kab se sulag rahii hai javaanii kii garm raat
zulfe.n bikher kar mere pahaluu me.n aa_iiye

bahakii hu_ii siyah ghaTaao.n ke saath saath
jii chaahataa hai shaam-e-abad tak to jaa_iiye

[sarfraz_qamar]

Re: sarfraz chouhdary,s most wanted

pukaaratii rahii kuchh der tak havaa mujh ko
samajh sakaa na zaraa bhii ki kyaa kahaa mujh ko

bahaar ho ki Khizaa.N mere dil ke gul_shan me.n
sunaayaa karatii hai ik dukh bharii sadaa mujh ko

nigaah me.n vahii manzar hai mausam-e-gul kaa
rulaa rahaa hai abhii ek haadasaa mujh ko

biga.D-biga.D ga_ii hai.n zehan me.n vo tasviire.n
faqat jo yaad rahii terii ik adaa mujh ko

mai.n muntazir huu.N ko_ii mujh ko bhii manaayegaa
na dii kisii ne abhii tak ko_ii sadaa mujh ko

[sarfraz_qamar]

Re: sarfraz chouhdary,s most wanted


purkho.n kii rivaayat hai ise tum bhii nibhaao
pyaaso.n ko samandar se bahut duur basaao

yuu.N fikr me.n har shaKhs kii Khud ko na ghulaao
jiinaa hai to phir dil ko bhii patthar kaa banaao

ye yaad rahe zulm kii had hotii hai yaaro
tum ham ko sataao magar itanaa na sataao

har Khvaab-e-kohan tishnaa-e-tasviir hai jab tak
tum ko_ii nayaa Khvaab na logo.n ko dikhaao

jaage huye sone pe razaamand nahii.n hai.n
soye huye logo.n ko na 'Parwez' jagaao

[sarfraz_qamar]

Re: sarfraz chouhdary,s most wanted

pursish-e-Gam kaa shukriyaa kyaa tujhe aagahii nahii.n
tere baGair zindagii dard hai zindagii nahii.n

daur thaa ek guzar gayaa nashaa thaa ek utar gayaa
ab vo muqaam hai jahaa.N shikvaa-e-beruKhii nahii.n

tere sivaa karuu.N pasand kyaa terii qaayanaat me.n
dono.n jahaa.N kii neamate.n, qiimat-e-bandagii nahii.n

laakh zamaanaa zulm Dhaaye vaqt na vo Khudaa dikhaaye
jab mujhe ho yaqii.n ki tuu haasil-e-zindagii nahii.n

dil kii shaguftagii ke saath raahat-e-maikadaa ga_ii
fursat-e-maikashi to hai hasarat-e-maikashii ga_ii

zaKhm pe zaKhm khaake jii apane lahuu ke ghuu.NT pii
aah na kar labo.n ko sii ishq hai dillagii nahii.n

[sarfraz_qamar]

Re: sarfraz chouhdary,s most wanted

pyaas vo dil kii bujhaane kabhii aayaa hii nahii.n
kaisaa baadal hai jisakaa ko_ii saayaa bhii nahii.n

beruKhii is se ba.Dii aur bhalaa kyaa hogii
ek muddat se hame.n us ne sataayaa bhii nahii.n

roz aataa hai dar-e-dil pe vo dastak dene
aaj tak hamane jise paas bulaayaa bhii nahii.n

sun liyaa kaise Khudaa jaane zamaane bhar ne
vo fasaanaa jo kabhii hamane sunaayaa bhii nahii.n

[tum to shaayar ho 'Qateel' aur vo ik aam saa shaKhs
us ne chaahaa bhii tujhe aur jataayaa bhii nahii.n

[sarfraz_qamar]

Re: sarfraz chouhdary,s most wanted

pukaaratii hai Khaamoshii merii fuGaa.N kii tarah
nigaahe.n kahataii hai.n sab raaz-e-dil zubaa.N kii tarah

jalaa ke daaG-e-muhabbat ne dil ko Khaak kiyaa
bahaar aa_ii mere baaG me.n Khizaa.N kii tarah

talaash-e-yaar me.n chho.Dii na sar-zamii.n ko_ii
hamaare paa.Nv me.n chakkar hai.n aasmaa.N kii tarah

adaa-e-matlab-e-dil hamase siikh jaaye ko_ii
u.nhe.n sunaa hii diyaa haal daastaa.N kii tarah